Меѓуградски автобуски превоз

министерството не може да опдземе лиценца за вршење на превоз на патници на некој автобус доколку самиот превозник не ја врати таа лиценца
руле турс проба да го купи југ турист куманово ама мислам дека ништо од зделката, како и што слушнав се тужеле со државата за оваа зделка
на времето (пред 10-тина години) југ турист одржуваше линија скопје - куманово - штип - кочани, се уште ја имаат ама сега е само до штип оти за кочани немаше доволни патници
за тие автобуси што возат куманово - скопје - куманово со минимални вложувања може добро да се вози со нив мегутоа ситуацијата е таква каква што е

И затоа нека не се чудат зашто дивиот превоз со комбиња и со патнички моторни возила Скопје - Куманово ќе цвета, и никакви "пајтони" нема да можат да го сузбијат.

ако им ги забранат овие `превозни средства`,ќе треба да им најдат работа,а тоа е проблем ,и затоа не ги чепкаат.тоа се вика социјален вентил.а тоа дека некој може да настрада,нека се дума тој што е последен на низата за одобрување(обично тој оди прв со лисици)

  Еве, уживајте малку во богатата палета од луксузни возила на Југ-Турист и Штуз, што секојдневно сообраќаат на линијата Куманово -Скопје и обратно, а имаат добиено лиценца:

Edited by phenomenon - 30-Jun-2012 at 20:28

Originally posted by BOJAN Можеби навистина се времено одземени, ама можам да кажам дека никнуваат нови автомобили и комбиња како „печурки по дожд“. Ја поздравувам ваквата акција, но истовремено страшно е што има постојано и постојано вакви појави, едноставно нема барем некаков драстичен пад на дивиот превоз. Ова го говорам од согледувањето на работите надвор на терен, а не во вестите на медиумите.

Обично не се обраќам лично, но ова го сметам како провокација и омаловажување, па ќе направам исклучок.

Одвој од твоето драгоцено време 2-3 часа и набљудувај ги автобусите и комбињата што доаѓаат и одат од Скопје за Куманово и обратно.
Според тебе, затоа што автобусите и комбињата на Југ-Турист и Штуз имаат добиено лиценца од некој партиски апаратчик и полтрон, треба да се возам во нив и покрај тоа што:
1. Стари се и по 30 години
2. Клима-уред за нив е high-tech gadget.
3. Внатре по прашината слободно можеш да црташ
4. Пола од тие автобуси смрдат на нафта, особено задниот дел
5. Удобноста во нив е како да се возиш во трактор, т.е да го изблуеш и она што си го јадел вчера.

И немој да мислиш дека претерувам. Провери, влези и вози се и ќе видиш дека ситуацијата е многу полоша, отколку што ти опишувам.

И според тебе, ние кумановци, треба да се возиме во овие крнтии? Што сме ние, добиток? Или мислиш дека сме ние сомови кои ќе поверуваат на пропагандата на возвишената МТВ и нејзините сателити и ќе паднеме во екстатичен транс на рекламата од типот:" Со воз е поевтино, но и позабавно". Ние од Марс да не сме паднати или очекуваш дека ќе се фатиме како сомови на јадица.

Не се проблем дивите превозници. Никој нема да сака да се вози со нив. Но која е моменталната алтернатива? Да се возиме со легалните превозници кои имаат автобуси и комбиња со горенаведените карактеристики, нели?

Или да се возиме со диви превозници, но со нови и чисти комбиња, со клима уред, двд-плеер, тв, не смрдат на нафта, зиме имаат и греење.

Тие твои инспектори кога излегуваат на терен ги гледаат ли овие работи или ми гледаат во лингам?

Имаш ли прашања?

Одземени 23 возила кои вршеле нелегален превоз
    
Во рамки на акцијата „Сив пајтон“ која ја спроведува Државниот инспекторат за транспорт при Министерството за транспорт и врски во соработка со Министерството за внатрешни работи во текот на месец мај времено се одземени вкупно 23 возила со кои бил вршен нелегален превоз на патници.
- Од почнувањето на акцијата до сега, времено се одземени вкупно 105 возила на лица кои не ги почитувале законските обврски и вршеле превоз без соодветните дозволи и лиценци, информираат од министерството за транспорт и врски.

Акцијата се спроведува претежно на влезно-излезните места од градовите и во сите општини во Република Македонија.

Согласно Законот за превоз во патниот сообраќај предвидена е глоба во износ од 500 евра во денарска противвредност за лица кои вршат јавен превоз без соодветни дозволи и без лиценца. Освен предвидената глоба, предвидено е времено одземање на возилото што било користено за превоз на период од шест месеци до една година.

Акцијата „Сив пајтон“ континуирано продолжува да се спроведува во сите градови во Република Македонија со цел воведување на ред во превозот во патниот сообраќај, доследно почитување на законските прописи, намалување на нелојалната конкуренција и овозоможување сигурен и безбеден транспорт за патниците.

OhridNews


   11.06.2012 15:56 Прочитана е : 33 пати

© 2012 Ohridnews.com. Сите права се задржани.


Уште е малку, само меѓу Охрид и Струга возат над 20 возила, накај Ресен, Битола, Прилеп сличен број, а сега од средина на Јуни уште толку во двете насоки.

Ова ќе да е многу одамна, а штом веќе зборуваме за Гостивар, ме интересира зошто веќе не сообраќа ЖАС БУС Гостивар, таа култна автобуска компанија позната по своето име ?

Sanos_a
Со вакво возило возеа денеска Симекс - Кичево на линија Кичево - Охрид и обратно (2 х 65км

Исто и со оваа приградска Setra 315 UL, го сликав пред десетина дена.Со истото возеле и Кичево - Гостивар - Тетово - Скопје (121 км) и
Кичево - Демир Хисар - Битола (86 км)

    Одземени седум возила на патниот правец Струга - Охрид

Во рамките на акциската контрола на Државниот инспекторат, при Министерството за транспорт и врски во соработка со Министерството за внатрешни работи, согласно Законот за превоз во патниот сообраќај, се одземени седум комби-возила на превозници кои не ги почитувале законските обврски.

Инспекциската контрола била спроведена денес претпладне, долж патниот правец Струга – Охрид.

- Согласно Законот за превоз во патниот сообраќај предвидена е глоба во износ од 500 евра во денарска противвредност за лица кои вршат јавен превоз без соодветни дозволи и без лиценца. Освен предвидената глоба, предвидено е времено одземање на возилото што било користено за превоз на период од шест месеци до една година, потенцираат од министерството за транспорт и врски.

Акциската инспекциска контрола во патниот превоз континуирано се одвива во сите градови во Република Македонија со цел воведување на ред во превозот во патниот сообраќај и доследно почитување на законските прописи.

OhridNews

© 2012 Ohridnews.com

Се е ок, само малку ми е чудно на телевизија спомнаа за такси превозници...дека биле 7 возила на диви таксисти.

А првата верзија ми е доста веројатна дека се само возила, денес од Класик Компани видов и минибус и нормален автобус на линија Охрид-Струга, досега немало таков случај дури и во летен период.

Да не испаднам дека бранам некого, ако веќе удриле по комбињата нека удрат и по дивите таксисти, психички напор е поминување покрај нив.Особено ако е неколку пати дневно.

Edited by Тркало - 10-Apr-2012 at 17:14

Originally posted by BOJAN АКО Е ОВА БИЗНИС КЛАСА, КАКВИ ЛИ СЕ ДРУГИТЕ?! Со автобус од Гевгелија до Скопје на една нога! На бизнис-линијата од Гевгелија до Скопје сообраќа само еден автобус, којшто веднаш се полни со дозволениот број патници, а потоа и се преполнува со уште толку патници. Карта за седење и за три часа стоење има иста цена Ако си доволно брз и умешен, а имаш и среќа, ќе најдеш место во автобусот и како човек ќе се возиш до Скопје. Ако не, ќе си стоиш два-три часа иако имаш автобуска карта". Вака изреволтираните граѓани реагираат на секојдневните турканици со кои се соочуваат при патувањето од Гевгелија до Скопје. Всушност, на бизнис-линијата од Гевгелија до Скопје сообраќа само еден автобус, којшто веднаш се полни со дозволениот број патници, а потоа и се преполнува со уште толку патници. Карта за седење и за три часа стоење има иста цена. Бизнис-автобусот од Гевгелија до Скопје тргнува во шест часот наутро и вози директно до главниот град без запирање во Демир Капија, Неготино и Велес. Оваа линија обично ја користат најголемиот број гевгеличани, бидејќи им е битно навреме да стигнат до Скопје на работа, факултет или да завршат некоја деловна обврска. И никој од нив не сака цели два часа да стои на нозе. Еден од возачите за Вечер изјави дека иако знае дека превезувањето поголем број патници од дозволеното е строго забрането, немал друг избор, бидејќи секој што дошол дента да се качи во автобус, морал да стигне навреме во Скопје. А на прашањето зашто автобускиот превозник не пушти уште еден автобус кога заинтересираноста на граѓаните е голема, тој изјави дека тоа засега не е можно поради кризата во која се наоѓаат веќе подолг период, додавајќи дека се надева дека ситуацијата набрзо ќе се реши. Од Министерство за транспорт и врски велат дека се запознаени со овие случаи и дека преземаат мерки за нивно санкционирање. - Во согласност со Законот за безбедност на патиштата со моторно возило можат во сообраќај на пат да се превезуваат лица во оној број што е означен во сообраќајната дозвола, односно во потврдата за регистрација. За правното лице кое ќе нареди или дозволи да се превезуваат лица спротивно на овие одредби е предвидена глоба во износ од 480 евра во денарска противвредност, глоба во износ од 300 евра во денарска противвредност е предвидена за одговорното лице во правното лице и глоба во износ од 200 евра во денарска противвредност е предвидена за возачот кој постапува спротивно овие одредби, велат од Министерството за транспорт и врски. Освен со превозот граѓаните на Општина Гевгелија се соочуваат со уште еден сериозен проблем - немаат автобуска станица, па жителите буквално немаат каде да се информираат дали, кога и каде има автобус. Освен што не можат да дојдат до потребните информации жителите не можат да си купат ни билети, па тоа е решено така што билети се издаваат во автобус и без фискална сметка. Од Општината во Гевгелија велат дека се свесни за проблемот со којшто се соочува градот и жителите, меѓутоа засега се уште се бара соодветна локација. - Постојат две опции за новата автобуска станица. Едната локација е местото каде што беше старото училиште Владо Кантарџиев", а другата е транспортниот центар на железничката станица. Мора да напоменам дека Општината нема да ја гради и нема да инвестира во самата автобуска, туку инвеститорот кој ќе биде заинтересиран и ќе се јави на распишаниот јавен повик, вели Виктор Гавровски, советник во Советот на Општина Гевгелија. ( И.Р.) Билетот од Гевгелија до Скопје, што се добива во автобусот во еден правец чини 290 денари, а повратен е 480. Ваков проблем немаат само оние кои патуваат од Гевгелија до Скопје. За илустрација, некои од превозниците кои возат на релација Крушево - Скопје наместо 27, колку што има седишта во минибус, превезуваат и до 40 патници. Цените за повратен билет купен од автобуска станица на оваа релација чини 630 денари, за неколку километри помалку, купен билет во автобус, од Кривогаштани до Скопје чини 500 денари, но без место за седење. Прилепчани пак, стоечки да стигнат до Крушево плаќаат 100 денари. Izvor: Večer, http://www.vecer.com.mk/?ItemID=D54D7D1D9FE8F344BE698F64D79439E2

Е никогаш нема да ги разберам некои 'менаџери', претпоставувам дека се Млаз - Богданци, мислам дека се единствена компанија на линија Гевгелија - Скопје и обратно.Па ако 100 души му се полнат зошто да не пуштат второ возило?Т.е. ги разбирам, зошто ~ 500 евра со две возила кога можат со едно?Ама дел патници памтат за лошите постапки.
Од Министерството логично е да не очекуваме премногу, само кога некогаш (не дај боже) ќе видиме на тв сообраќајка,а возилото преполнето и со стоечки патници ќе почнат дури тогаш контроли и ќе си ја префрлаат топката со превозникот.
И друго нешто, немаме развиена свест за реакција.Како би било кога Гевгеличани 2-3 месеца би го бојкотирале превозникот и би оделе со воз, на пример...