Фасади (општо)

Нова улица и нови фасади за жителите на „Илинденска“

Градоначалникот одлучил да ги обнови фасадите од Влада до фонтаната

Деспина Трајковска


Откако им ја прошири улицата, градоначалникот Коце Трајановски сега на жителите на „Илинденска“ ќе им ги обновува и фасадите. Планира да го освежи надворешниот изглед на зградите на потегот од раскрсницата пред Владата до фонтаната „Лотос“. Во Градот веќе прават анализи и пресметки кои и колку фасади ќе треба да се обноват за по проширувањето на улицата реонот да добие комплетно подновен лик.

Според досегашниот увид на теренот, надлежните констатирале десетина објекти на кои ќе треба да им се освежат фасадите. За неколку од нив, кои се водат како заштитени објекти, ќе треба се изработат идејни решенија. Врз основа на тоа, градските власти ќе извршат пресметка и за висината на средствата потребни за реализација на планираното.

„Иако обврската за одржување на фасадите е на куќните совети, односно на сопствениците на куќите, јас лично одлучив тоа да се направи на градска сметка, за целиот амбиент во реонот да биде комплетен. Начелно пресметавме дека за реализацијата на идејата нема да ни' бидат потребни многу пари, а ќе завршиме голема работа. Верувам дека сите се согласни оти не личи со ваква убава, проширена улица амбиентот да се нагрдува поради неодржувани фасади“, вели Трајановски.

Тој засега е сигурен дека фасадата на куќата на аголот кај фонтана, сигурно ќе биде обновена во автентичен стил, бидејќи се води како културно наследство. Останатите фасади, пак, како што тврди Трајановски, по обновата нема воопшто да отстапуваат од сегашниот препознатлив изглед, значи нема да им се менува стилот.

„Нема да употребуваме никакви бароци и слични стилови, едноставно, само ќе ги освежиме постојните бои и сето тоа во договор со сопствениците на објектите“, тврди Трајановски, кој вели дека е рано отсега да кажува дали евентуално ќе продолжи да обновува фасади на други објекти што се препознатливи во Скопје, а се наоѓаат на градски улици. Според неговите процени, фасадите на зградите на „Илинденска“ ќе добијат освежен лик до крајот на годинава.

Веднаш бе Jumbo, само изрази желба... друго ?

После Илинденска и околните згради ќе добијат нови фасади?!

До неофицијалниот првичен список и информација во кој први фасади на станбени згради би влегле во реконструкцијата, не можевме да дојдеме вчера бидејќи очигледно службите на општината се на колективен одмор и не креваат телефон. Скопјани што живеат на ова централно градско подрачје велат дека со задоволство би партиципирале во обнова на заедничката фасада.

Иако не е во нејзина законска надлежност, општина Центар се со цел зачувување на нејзиниот автентичн лик, на една од последните седници на советот, нејзините советници до градоначалникот поднесоа иницијатива за финансиска помош на дел од куќните совети за реконструкција на дотраените фасади со специфичен лик на нејзина територија. Советниците до градоначалникот Владимир Тодоровиќ, најпрво алудирале на станбените објекти и куќите сместени на булеварот Илинден, бидејќи со изградбата на комплетно новиот булевар, овие воочливи објекти би ја грделе новината која треба да го разубави градот. Градоначалникот Владимир Тодоровиќ ја поддржа иницијативата и додал дека би требало да се направи листа со предлози на објекти на кои општината би можела да им ги обнови фасадите во нивниот автентичен стил. Сите трошоци околу обновата на фасадите би ги сносела самата општина.

До неофицијалниот првичен список и информација во кој први фасади на станбени згради би влегле во реконструкцијата, не можевме да дојдеме вчера бидејќи очигледно службите на општината се на колективен одмор и не креваат телефон.

Скопјани што живеат на ова централно градско подрачје велат дека со задоволство би партиципирале во обнова на заедничката фасада.
- Со одговорните од куќниот совет неколку пати контактиравме со една фирма што ги бојадисува фасадите, но се откажавме од идејата оти ни побараа околу 600 евра од стан. Ретко кое семејство во градов денес може да си дозволи да издвои толку пари од скромниот домашен буџет. Сите сакаме градот да го украсуваат обновени фасади, но немаме пари за да го истуркаме месецот. Оваа оптимистичка иницијатива на советниците во општината можеме само со позитивно да ја поздравиме. Дали ќе се реализира останува да видиме вели еден од станарите на една од веќе излупените згради сместена токму до пионерскиот дом "Карпош".

Вакви објекти од времето на старо Скопје во општина Центар има повеќе. Граѓаните се надеваат дека надлежните од општината нема да ги заборават кога ќе ја прават листата на објекти, чии фасади општината ќе ги обновува на свој трошок.

Инаку единствени згради кои наскоро ќе добијат нов лик во централното подрачје, а се на товар на градскиот буџет, ќе бидат фасадите на оние објекти што се наоѓаат околу Плоштадот и се вклучени во проектот Скопје 2014.

(Д.С)

http://www.vecer.com.mk/default.asp?ItemID=4676062CAA88BB4996577B9A27143E45

- Се зафативме навистина со еден мошне обемен и долгорочен проект наречен „Струмичани за поубава Струмица“, кој го реализираме со целосна поддршка на бизнис секторот. Имено, за поубавиот изглед на градот, стопанствениците ги донираат потребните градежни материјали, а работите ги извршуваат градежни работници од Струмица и струмичкиот регион. Како што се договоривме, локалните бизнисмени, секој според своите материјални можности, и помогаат на општината и на овој начин најсоодветно и враќаат за поддршката што таа им ја давала и ќе им ја дава во развојот на наивните бизниси, вели градоначалникот Зоран Заев.