Ски центар Кожуф

КОЖУФ ЌЕ СТАНЕ ЕЛИТЕН ЗИМСКИ ЦЕНТАР

Седумнаесет километри модерна инфраструктура треба да придонесат Македонија силно да конкурира во туризмот преку Ски центарот Кожуф, но и да ја поттиикне економијата на околните општини, како Кавадарци, Неготино, Демир Капија и на осумдесетина села.

Екипите кои низ планинската шума ја пробиваат трасата за регионалниот пат Гевгелија - Кожув велат, градежните работи стартуваа интезивно и веќе пет километри пат се исчистени.

Првите луѓе на ски ресорот велат дека економските придобвки од државната инвестиција вредна седум милиони евра ќе има за целиот регион и за имиџот на Македонија, но и дека дел од нив се видливи само со најавата дека се гради регионален пат.

Возејќи се кон туристичкиот комплекс, впрчем по првиот приватно изграден пат во земјава, од компанијата ни ја објаснија потребата од регионално поврзување на Кожуф и колку добртата инфраструктура значи за привлекување на туристите.

- Ова е технички пат кој ние го користиме примарно за наши потреби и тоа не е баш пат за туристи. Успонот е 18 степени и тоа не одговара на лесните возила кои ги возат туристите, ни кажа раководителот на градежните работи на Ски Кожуф, Љубинко.

Кога ќе финишира изградбата на Ски Кожуф, една од најголемите приватни инвестиции во Македонија во тек, очекувањата се само во него да се отворат 1.000 работни места, а уште над 3.000 да се ангажираат од придружните индустрии. Оттука, и изградбата на регионалниот пат Р112 во буџетот се води како капитална инфраструтурна инвестиција.