Споменици и скулптури (општо)

Со тешка механизација и десетина работници екипите на градежната фирма "Бетон", контролирани од надлежните од Општината Центар вчера пред кафулето Тренд, ги отстранија постоечката чешма и минибилбордот, и за неполн час со лимена ограда ја затворија локацијата предвидена за сега петтиот постамент на споменикот на првиот македонски претседател, Методија Андонов-Ченто

Со тешка механизација и десетина работници екипите на градежната фирма Бетон", контролирани од надлежните од Општината Центар вчера пред кафулето Тренд, ги отстранија постоечката чешма и минибилбордот, и за неполн час со лимена ограда ја затворија локацијата предвидена за сега петтиот постамент на споменикот на првиот македонски претседател, Методија Андонов-Ченто. Екипипата од десетина членови усогласени со градежните активности прецизно го подготвува теренот. Најпрво беа извадени мермерните плочки и беше исчистен теренот од водоводната и електричната инсталација што се наоѓаше под нив за подоцна со багер да се ископа дупка длабока околу два метри и да се постават првиите челични арматури, подлогата за цементниот постамент. Неколкуте граѓани кои беа затекнати на утринското кафе во блиското кафуле рекоа дека не им пречат градежните активности што, воопшто, се изведуват на плоштадот, а и пред нив.
- Не ни пречи бучавата, може малку ни ги попречува сончевите зраци кои одвај ги дочекавме, но не ни пречат градежните активности за споменикот на Ченто, вели еден од затекнатите гости во кафулето.

Портпаролот на Општина Центар, Јовица Ацковски, ја потврди информацијата за започнатите активности околу поставувањето на споменикот на Методија Андонов-Ченто.
- Да од утрово екипи на градежната фирма Бетон" ги започнаа градежните активности за споменикот на Ченто, кој е петти по лавовите, Гоце Делчев и Даме Груев од низата на првите споменици кои ќе се постават пролетва. Скуплтурата е изработена од скулпторот Димитар Филиповски и истата е во завршна ваза во Италија. Тој како и останатите се изработува во леарницата "Фондерија артистика Фердинандо Маринели" во Фиренца. Разликата е во тоа што тој е првиот кој ќе биде поставен од оние кој се изработуваат во мермер. Времето за неговото поставување е до април годинава изјави Ацковски.

Со проектот Скопје 2014 просторот на централниот градски плоштад комплетно се пополнува, што е израз на конструкивната и сериозна урбанистичка милса. Скопје засега е единствениот главен град во Европа во кој централното градско подрачје не е комплетно заокружено и пополнето. Токму со овој проект се врши облагородување на централното градско подрачје, сметаат експертите.