Трамвај Скопје ( Лесна железница / LRT )

Единствен начин Скопје малку да се растерети е со градење на добра железничка и патна инфраструктура и добро поврзување на сите градови во Македонија. Исто така формирање на цврсти регионални центри. А не со закони или било што друго. 

Со соодветна инфраструктура и пократко време на патување, особено со возови, би се зголемила мобилноста на граѓаните, а со тоа и би се намалила потребата за привремен и постојан престој и живот во градот.

Ама... 

Па добра вест е тоа што нема никаква информација ниту најава за распишување на тендер за трамвајска мрежа во Скопје.
 
Колку повеќе се влечкаат нашинците, толку поголеми се шансите тој тендер да не биде објавен оваа година и да не биде избран концесионер, доколку воопшто некој се пријави на тој тендер за концесионер откако истиот би бил објавен.
 
А ако тендерот не биде објавен и ако концесионерот не биде избран оваа година, тогаш шансите тендерот да биде објавен и концесионерот да биде избран во 2013 ќе бидат уште помали бидејќи во 2013 треба да се одржат редовните локални избори 2013, а со Божја помош, ако дојде до смена на градската администрација на град Скопје, идејата за класичен трамвај во Скопје ќе падне во вода, дај Боже.
 
Па ќе останува да се надеваме дека идната градска администрација ќе има поголем слух за потребите на скопјани од денивелирана лесна железница, која би требала да биде само предвесник за подземна железница, односно метро, кое би требало да се изгради во иднина, освен ако се донесе закон со кој нема да им се издава жителство на сите останати граѓани на Република Македонија кои живеат надвор од Скопје, со цел да се спречи неприродниот раст на бројот на жители на град Скопје, само затоа што останатите граѓани на Република Македонија кои живеат надвор од Скопје одлучиле преку ноќ да станат скопјани.
 
Се разбира, останува опцијата идната градска администрација сепак да не направи ништо, ниту класичен трамвај, ниту денивелирана лесна железница, ниту подземна железница, а проучени од искуството кое го стекнавме и сеуште го стекнуваме од проектот Скопје 2014 и од двокатните автобуси во ретро стил, научивме дека понекогаш е подобро ништо да не се превзема околу јавниот градски превоз, отколку истиот да се упропастува со тотално непотребни глупости.


Edited by Cloverstack - 06-Jul-2012 at 14:23

Подготвивме од „Билд“ една тема за трамвајот, главното е што од Град Скопје молчат на оваа тематика. Не сакаат да изустат ниту еден збор.

Тоа е постоечката траса на метрото. Има големи поплаки дека таа реално ги покрива потребите на само 20-30% од населението, а во нови линии не се инвестирало долго заради познатата филозофија во Северна Америка дека автомобилот е се што ти треба. Конечно работите мрднаа од мртва точка...

Edited by Falcon - 17-Jun-2012 at 17:54

Falcon, дали знаеш што значат кафеавите тенки линии?

Еве еден интересен проект за изведба на лесна градска железница кој што е тек во Торонто, Канада. Имаше многу препирања во локалната самоуправа дали трасата да биде комплетно под земја или само онаму каде што тоа е неопходно, односно онаму кај што улицата е премногу тесна за да собере и воз. Аргументите на страната која застапуваше целосна подземна лесна железница беа дека така возот ќе се движи побрзо и нема да му смета на останатиот сообраќај. Другата страна која се залагаше за делумно под земја и која преовлада аргументираше дека делот кај што ќе оди над земја сообраќа низ многу широк булевар кој е многу поретко населен и со помалку сообраќај и дека нема смисла лесна железница да сообраќа целосно под земја. Истовремено со парите што се заштедија ќе се изгради уште една пократка траса. Повеќе информации за проектот овде:

http://www.thecrosstown.ca/

@  Ani  &  mrbombastic

Последна вест мислам дека беше оваа, каде се најавува распишување на тендер кон крајот на мај или почетокот на јуни, период кој еве веќе поминува...

http://www.build.mk/forum/forum_posts.asp?TID=50&PID=124156#124156

Колку и да сум голем подржувач на изградба на трам/ЛРТ во Скопје, проектот така како што е замислен е штетен и непожелен. Навивам проектот да продолжи да се одложува и да тапка во место, со надеж дека ќе дојде ден кога ќе созреат условите кон обмислувањето на трам/ЛРТ системот да се пристапи многу поодговорно.

Што стана со ова?

Па искрено, немам големо знаење за овој вид на превоз, ниту пак сум прочитал некои критики за истиот... 

Но се одлучив за него веројатно поради поголемиот капацитет... кој е потребен затоа што би бил колектор на цело источно Скопје и пошироко... Но да... во случај да не би бил овој... тогаш во секој случај би се одело со тролејбус...

Originally posted by FoSsiL Ок... Шинската мрежа е готова... Повелете: Јавен градски превоз Скопје (Шинска мрежа)

Можете на истиот линк да го видите тоа што го додадов... 

Се работи за RTT (Ruber-tyred tram) Линија 4... Што мислите?... Дали има потреба за оваа линија и други ваши размислувања, забелешки, сугестии, ставови... (?)

ПС: Станиците сеуште не сум ги обележал/именувал.... тука добро би ми дошла помош...

Edited by FoSsiL - 29-Apr-2012 at 15:29