Хотел на Плоштад Македонија (5.1)

Јас не гледам ништо лошо во тоа да се изгради на тоа место деловна зграда седиште на некоја јака корпорација, или пак ако веќе гледаме по економска и бизнис логика може и седиште на некоја банка, или пак Македонската берза. Има доволоно музеи од другата страна на Вардар, па подобро и да остане овој дел поделовен.

Хотел ќе никне на плоштадот Македонија

	Коментари (0)

Од Владата распишаа конкурс само за Градска куќа, но не кажаа дека тоа ќе биде голем комплекс

Хотел со пет ѕвезди наскоро треба да биде изграден на плоштадот Македонија во Скопје, во паркот пред „Телеком“, како дел од комплексот Градска куќа.

Министерството за транспорт и врски деновиве во весниците објави оглас во кој повикува заинтересирани субјекти за подигање документација.

Весникот „Дневник“ пишува дека досега ниту еден државен орган не објавил јавно информација за каква било изградба на хотел на плоштадот.

Од Владата распишаа конкурс само за Градска куќа, но не кажаа дека тоа ќе биде голем комплекс, во кој се зацртани маркички за други комерцијални содржини, пишува весникот.

Според урбанистичкиот план „Мал ринг“, хотелот се наоѓа во паркот пред „Телеком“. Зафаќа и дел од паркингот, односно се наоѓа веднаш до локацијата за на која е предвидено да се гради Градската куќа, на местото на стариот Офицерски дом.

„Утрински весник“ во денешниот број пишува дека на скопскиот плоштад нема да има само еден хотел, туку ќе се граделе два хотела.

И двата објекта се предвидени со контроверзниот Детален урбанистички план „Мал ринг“, кој дозволува тие да бидат високи до 29 метри, односно да имаат по седум ката, пишува весникот.

Објектите е предвидено да се градат од левата страна на плоштадот, гледано кон Камениот мост, едниот во зеленилото спроти кафулето „Тренд“, а другиот пред зградата на „Пошта“ како дел од комплексот Градска куќа.

Додека јавноста е во исчекување до каде е постапката за изградба на хотелот спроти „Тренд“, за вториот објект неделава Министерството за транспорт и врски веќе распиша конкурс за идејно решение, пишува „Утрински весник“.