СЕ ИНТЕНЗИВИРААТ АKТИВНОСТИТЕ ЗА ПРОДОЛЖУВАЊЕ НА ГАСОВОДОТ

Со доделување на лиценцата за управување со гасоводниот систем на „Македонски енергетски ресурси“ (МЕР), во надлежност на државната фирма ќе биде развојот на системот. Преносот, од што во суштина се остварува профит, и натаму треба да го врши ГАМА, која ќе остане да ја управува веќе изградената мрежа, со единствена разлика што управувањето со вентилите со кои се регулира дотокот на гас до одделни корисници ќе биде во надлежност на МЕР. Со ова ќе ~ се одземе можноста на ГАМА да го повтори она што го направи во јануари кога поради неплатени сметки, им ја запре испораката на гас и на компании што се редовни плаќачи, што е спротивно на законот. Во надлежност на МЕР во иднина ќе биде и издавањето на дозволите за приклучок на мрежата, па и со ова ќе се надминат поплаките што досега доаѓаа од компании кои тврдат дека аплицирале за добивање приклучок, но ГАМА никогаш не им издала дозвола. Тука се посочува и примерот на гасоводниот систем во Kуманово, кој три години чекал одобрение за приклучок.

Во законот е предвидено да постојат повеќе гасоводни мрежи. Онаа што допрва ќе се гради ќе ја управува сосема друга компанија. Се планира продолжувањето на гасоводот да почне да се реализира годинава. Според Kрсте Миладинов, директор на МЕР, првиот крак што ќе почне да се гради ќе биде на линијата Kлечовце - Штип - Неготино - ТЕЦ „Неготино“, со што гасот ќе се донесе до термоцентралата, која потоа ќе се трансформира да користи гас како гориво за производство на струја. Оваа делница ќе се гради со средства кои ни припаднаа од клириншкиот долг од Русија. Притоа Русите ќе издвојат 60 милиони долари, додека државата ќе учествува со 15 милиони долари. Градител на мрежата ќе биде руската фирма „Стројтранс гас“, а завршувањето на работите би било за околу две години.

- До „Стројтранс гас“ ја испративме целокупната проектна документација и оттаму очекуваме веќе овој месец да добиеме понуда. По нејзино разгледување ќе следува регулирањето на потребните договори, така што очекувам изградбата на гасоводот да почне годинава - вели Миладинов.

Остатокот од мрежата се планира да се гради во две фази. Во првата би биле линиите Штип-Струмица, потоа Kавадарци-Прилеп-Битола и Скопје -Тетово-Гостивар. Изградбата на оваа фаза ќе чини околу 86 милиони евра. Втората фаза, пак, би биле линиите Гостивар-Kичево-Охрид-Струга-Ќафасан, потоа Битола-Охрид, како и Хамзали-Ново Село - граница со Бугарија и други помали секции. Цената на оваа фаза е 145 милиони евра.

- За потребните средства за овие две фази веќе се водат преговори со ЕБРД и ЕИБ, кои даваат поволни кредити, особено за изградба на гасоводни мрежи, со долг рок на отплата, со оглед дека се работи за инвестиции што се скапи и потребен е подолг период за да станат исплатливи - вели директорот на МЕР.

Со изградба на мрежата ќе се релаксира и македонскиот електроенергетски систем бидејќи освен што некои од постојните електрани, кои стојат неискористени поради скапата цена на мазутот, ќе можат да произведуваат струја на гас, туку се отвора можност и за изградба на нови комбинирани централи на гас, каква што е скопската ТЕ-ТО.

http://www.dnevnik.com.mk/?ItemID=0C660BE7EBAC9F47AB5E3050A1C51E80

Kрива Паланка се подготвува за гасификација

Вторник, 20 Март 2012

- За потребите на проектот се вршат мерења на теренот и тој треба да биде целосно завршен за околу еден месец. Со изведбената документација се опфаќа централното градско подрачје и индустриската зона. Точно ќе бидат определени локалитетите каде што ќе поминува главниот цевковод и водовите за градската гасификациона мрежа, а ќе има и две мерно-регулациски станици за левиот и за десниот брег од градот - вели градоначалникот Арсенчо Алексовски.

Со проектот се создаваат услови за воведување на гасот како енергент за користење и од страна на домаќинствата и од индустриските капацитети.

- Една од опциите е гасифицирањето да се изврши преку јавно-приватно партнерство, а се разгледуваат и можностите дали општината има капацитет сама тоа да го спроведе. Во секој случај, веќе има заинтересирани странски и домашни инвеститори и ќе видиме која форма ќе биде најдобра - вели Алексовски.

Засега во Kрива Паланка, каде што минува главната гасоводна магистрала, гасот го користи само погонот за производство на наполитанки, кој има сопствен приклучок и сопствена мерно-регулациска станица.

- Моја заложба е за наредната грејна сезона да имаме приклучено на гас барем неколку индустриски капацитети, а доколку успееме да ја гасифицираме и болницата, тоа ќе биде огромен успех. Има повеќе заинтересирани потрошувачи и од индивидуалните домаќинства, кои веќе имаат сопствени инсталации и само треба да се изврши пренамена на горилниците. Според првичните процени, греењето на гас е поевтино за 50 отсто од затоплувањето со електрична енергија и нафта, а со оглед и на другите придобивки на овој енергент, очекуваме дека Kрива Паланка наскоро ќе биде гасифициран град - подвлекува Алексовски.

http://www.krivapalanka.gov.mk

Denis Ignatjev je predstavnik Gazproma. On je ovih dana izjavio za ruske medije da je Srbija centralna regionalna tačka trase Južnog potoka i dodao je da se trenutno radi na tehničkoj dokumentaciji i na posebnoj studiji za Makedoniju i Crnu Goru.

Домаќинства ќе се приклучат на гас

  ЈП „Куманово-гас„ за два месеци ќе започне со приклучок на домаќинствата на гасоводната мрежа. Претставници на месни заедници, куќни совети и поединци секојдневно бараат информации за условите под кои ќе се врши приклучокот. Од претпројатието велат дека центата предвидена за приклучок ќе биде 800 евра.

"Голема заинтересираност има меѓу градежните фирми кои бараат приклучок на гасоводната инсталација пред почеоткот на изградбата на колективните стамбемни единици"-вели Момчило Мирчевски, директор на претпријатието.

 Во Куманово е поставена 12.700 метри гасоводна мрежа, а досега си приклучени неколку образовни интитуции, градинки, старскиот дом како административните згради на општината и јавни претпријатија.

http://www.kumanovonews.com/vesti/ekonomija/domacinstva-ce-se-priklucat-na-gas.html