Објект на Мајка Тереза на плоштад „Македонија“

Моите аргументи ако се споредуват двете предложени локации местото пред лумикс и локацијата помеѓу Куќата на Мајка Тереза и Феудалната Кула. 

За Втората локација говори следното:

-се формира убаво плоштадче и место за секојдневно собирање и организирање културно уметнички пред се алтернативни настани

-се формира една логична целина заедно со околните објекти. Ќе повторам тука се објекти кои би можеле едни со други да се надополнуват и не се противречиви.

-објектот ако се изработи креативно не попречува никаков коридор

-објектот не ја гуши околината и околу него нема уште дваесет споменици кои можат да се видат од една иста местоположба. Со самото тоа се проширува можноста за туристички тури и ќе овозможи луѓето подолго време да уживат на тоа место

-незнам што се случува со локалите кои ги имаше во приземјето на зградата на фондот за здравствено осигурување, на времето таму имаше кладилница и беше средена како пивница, ете тоа би било одлична можност за отварање на кафулиња на кои би им се овозможило во летно време да извадат маси од тој дел на плоштадот а со тоа уште повеќе да го збогатат просторот со содржини.

-самиот плоштад би бил доволна причина да се реновират фасадите на фондот за здравство , секако складно со стилот по кој би се направил централниот објект. 

-исто така овој плоштад би можел да повлече и реновирање на домот на Арм каде што би се одржувале манифестации од хуман карактер во духот на Мајка Тереза. 

-Со реновирање на Домот на Арм и изградбата на новата Црква целиот тој комплекс би се простирал и до Кината Култура, Вардар 1 и 2. Јас би ги опфатил и нив со тоа што едно или две кина би имале специјална програма со Македонски и Европски филмови. 

Сигурно има уште работи кои можат да се кажат а кои одат во прилог на оваа локација. Искрено не гледам што би можело да говори против оваа идеја. Особено ако се знае дека Индиецот сака да го донира евентуалнито објект. А сигурен сум ако му се пристапи на човекот со добра идеа дека не би имал ништо против за формирање на предложената целина. 

Што се однедува за локацијата кај Лумиксот

- освен тоа што таму е родната куќа на Мајка Тереза негледам друго логична причина објектот да ја заземе таа локација (освен тао спомен плочата која е поставена на тоа место е сосема доволна), не треба да се има 30 метарски објект за да се потенцира големината на локацијата). 

Против оваа локација навистина има многу да се напише

-како прво плоштадот е преоптоварен со споменици со уште еден таков објект уште повеќе ќе се угуши просторот а со самото тоа се намалува вредноста на спомениците кои веќе се на плоштадот.

-за погледот на Александар од портата Македонија веќе се дискутирано , само што овој пат ќе имаме есклузивитет да и гледаме на Мајка Тереза во грбот. 

-според мене навистина би било смешно на раздалечина од 200 метри да има два објекти посветени на иста личнот а притоа истите да не прават некоја целина или комплекст (за ова се консултирав со некој пријатели и пријателки архитекти и првото што ми го кажаа беше оваа забелешка без притоа да го познават Скопје) 

Мислам дека најважните точки ги опфатив па мислам дека е добро секој што сака да зема учество во дискусијата со свои предлози или подршка на некој предлог да излезе со конкретни за и против аргументи  за да може да се избере соодветна локација, па потоа истата да ја ставиме на вага со сегашната локација  и официјално да се обидеме да ја пласираме пред се во министерството за култура затоа што Премиерот ги овласти нив по оваа прашање.

Во меѓувреме треба да се мисли како да се најде пат до министерката Канчева Милева, убеден сум дека оваа идеја може да помине. 

Ма не овој... тој што ти е... каков што ти е... остај овој будалест правоаголник...