Трговски објекти (општо)

Експанзија на трговската дејност

Не е криза и за отворање шопинг-центри

Соња Јованова

Изградбата на трговски центри во Македонија стана вистински тренд во последните неколку години. Рамстор, Соравија, Сити галери, Веро, Зебра, Лумикс на плоштадот во Скопје никнуваа година за година, а веќе во фаза на изградба се уште неколку нови грандиозни трговски центри. Последното отворање на стоковната куќа Мост го наметна прашањето дали во време на криза е помалку ризично и поисплатливо да се инвестира во трговски центри? Практиката во Македонија, а и во земјите во регионот покажува дека кризата не беше пречка да се отворат неколку шопинг-центри и да започне изградбата на други. Познавачите дури коментираат дека има уште поголем интерес за инвестиции во оваа област во Македонија, особено од турски компании. И супермаркетите ја прошируваат својата дејност. Тинекс, Веро, Туш, Скопски пазар отвораат нови објекти.Има ли потреба од толку шопинг-центри во земјава во услови кога куповната моќ на граѓаните е на ниско ниво, а и генералната оценка е дека постоечките трговски центри не работат со полн капацитет. На што се темели исплатливоста на овој бизнис?

Во Стопанската комора на Македонија велат дека и покрај големиот број во земјава се уште има простор за нови трговски центри и супермаркети. Јадранка Аризанковска, виш соработник во Комората, вели дека нови центри се отвораат бидејќи секој бренд кога влегува на некој пазар сака да има сопствен простор.
“Според анализите, очекувањата се дека идната година во Европа ќе се подобри економската состојба, а ќе се зголеми и куповната моќ на граѓаните. Ова ќе влијае и во Македонија да се нормализира ситуацијата, па ќе се јави потреба и за нови брендови“. Освен постоечките трговски центри, за две до три години само во Скопје треба да се изградат и огромните објекти, како Скопје сити мол меѓу булеварот Партизански одреди и Илинденска, каде што инвеститори се Фешн груп и Балфин груп од Албанија, со вкупна инвестиција од 80 милиони евра. Истата сума се споменува и за деловно-трговскиот центар на инвеститорите Газит глоуб, кои за две години треба да ја завршат изградбата на локацијата кај поранешна Алумина.

Со продажба на државното земјиште по почетна цена од едно евро за метар квадратен допрва треба да се очекува изградба на трговски центри и во другите градови во Македонија, како во Битола, Гевгелија, Тетово, Струмица.

“Капитал“ дознава дека и на Евроазискиот самит што неодамна се одржа во Истанбул турските инвеститори се интересирале за отворање шопинг-молови во Македонија. А, Турците се познати по тоа што веќе препознаа атрактивен бизнис со трговија на македонскиот пазар. Токму групацијата ЕСХ од Турција ја отвори стоковната куќа Мост во Старата скопска чаршија, која ќе функционира како *department store, односно ќе биде поделена на реони со женска, машка, детска, долна и спортска облека, парфимерија, играчки и кафе-ресторан.Експертите истакнуваат дека отворањето трговски центри во земјава е инвестиција која отвора работни места, но не придонесува за долгорочен економски развој на земјата, за што е потребно изградба на повеќе производствени капацитети. Аналитичарите велат дека во време на криза помалку ризично е да се инвестира во трговски капацитети затоа што е исплатливо, повратот на капитал е брз, а ризикот мал.

Иако во Македонија во последниве години се отворија многу трговски центри во кои доминираат продавници за облека, трговците кои работат со франшизи велат дека овој бизнис изумра, а како причина ги посочуваат неквалитетните брендови кои се продаваат во земјава.
Искра Ивановска, генерален менаџер на Итали нова, застапници на брендовите Калиопе и Теранова, вели дека пример за ова е Градскиот трговски центар на кој не му предвидува светла иднина. 
“Хрватска има многу трговски центри кои се сериозни затоа што таму се продаваат брендови на франшиза, а кај нас сите продавници се преплавени со турска и кинеска роба. Не потценувам никој, но зборувам од аспект на економската ситуација, која не дозволува толку шопинг-центри кои не нудат ништо ново и атрактивно“, вели Ивановска. Други трговци велат дека во Македонија наместо да се носат нови и атрактивни брендови, се продава евтина стока која лесно поминува кај граѓаните.“Се соочуваме со нелојална конкуренција затоа што голем број набавувачи на облека од Турција ја носат на кило. И така, парче облека кое го купиле за пет евра го продаваат овде за 50 и тоа нормално функционира. Затоа, никој не носи нови брендови бидејќи вака е поисплатливо“, вели соговорникот за “Капитал“.

http://www.kapital.com.mk/mk/makedonija/65610/ne_e_kriza_i_za_otvoranje_shoping-centri.aspx

Ова е објект со продавници, стилот е сличен на оние мали "фри-шопови" пред бугарско-турска граница у кои има све и свашта. За овој објект ми беше кажано дека не се отворил поради конкуренцијата од Глобал. Епа не знам после каков таков мол што доби Струмица, кој би сакал во овој објект да откупи дуќан, особено што во Глобал работат само 2 спрата, третиот е празен. Очигледно таа е побарувачката.

Турски бизнисмени влегоа во стоковната „Мост“

На три ката ќе се продаваат познати брендови облека, козметика, галантерија, покуќнина и мебел

Снежана Калабакова



Од средината на април повторно ќе профункционира стоковната куќа „Мост“ под своето автентично име. Во неа веќе влегоа двајца турски инвеститори Алкан Доган и Левент Аксу, кои со објектот ќе менаџираат во наредниве десет години ќе менаџираат. Овие бизнисмени веќе пет години се во Скопје како сопственици на ресторанот „Ла луна“ во „Рамстор“.

Три ката од стоковната ќе бидат резервирани за продажба на познати брендови на модерна и спортска облека, козметика, галантерија, производи за покуќнина и мебел. Деновиве интензивно се уредува внатрешноста на првиот и вториот кат кои имаат површина од 865 и 1.100 квадратни метри. Во подрумскиот простор со 650 квадрати ќе се продава мебел од домашни и од странски производители. На најгорниот кат, пак, на простор од 150 квадратни метри се подготвува елитен ресторан „Мезалуна“, а во него ќе се послужуваат најпознатите италијански и француски мезалаци и пијалаци. Планирано е ресторанот да има тераса со површина од 350 квадратни метри, а управителите планираат да изградат и надворешен панорамски лифт со кој ќе се стасува до ресторанот.

Инвеститорите велат дека стоковната ќе го задржи автентичниот надворешен изглед, но и првичното име во знак на добрата македонско-турска соработка. Тие веруваат дека ќе најдат економски интерес во својот бизнис, како и стотината лица што ќе се вработат во неа. Сметаат дека е најважно тоа што со производите што ќе ги нудат од брендови како што се „Келвин Клајн“, „Лореал“, „Диор“, „Аксесорис“, „Пенти“, „Сара фешн“, „Најк“ и многу други ќе ги заинтересираат купувачите. Покрај облека, накит, козметика, постелнини на продажниот климатизиран простор на стоковната куќа ќе се најдат и многу грчки сувенири и декоративни предмети од италијанското „мурано“ стакло. На рафтовите на двата ката ќе бидат сместени најразлични производи на дваесетина фирми.

„’Не некогаш, туку секогаш овде ќе го најдете најдоброто и по цена и по квалитет‘. Ова ќе биде нашиот слоган според кој ќе се раководиме во нашата работа“, вели Левент Аксу, еден од управителите.

Алкан Доган вели дека стоковната куќа „Мост“ ќе стане централната точка на модата и модерната технологија на влезот во чаршијата. На купувачите ќе им го понудат последното достигнување на технологијата во најразлични марки на ДВД-плеери, плазма-телевизори, сателитски антени, кујнски апарати и многу други производи.

Двајцата бизнисмени најавуваат секој месец купони и флаери со попусти, специјални „мост - картички“ за привилегирани редовни купувачи, награди и други изненадувања. Стоковната куќа ќе биде отворена 365 дена во годината од 9 до 22 часот, а ако добијат дозвола, во лето во неделите ќе бидат отворени до 24 часот.

http://www.utrinski.com.mk/?ItemID=2543145E92E84F48BA4AF221F86DE00D

Голем маркет за сечиј џеб ќе никне во Велес

За велешки „Жито“, кризата не е кочница, туку предизвик да се остварат поголеми резултати

Маја Томиќ

Ниски, конкурентни и постојано промотивни цени, примамливи за џебот на обичниот граѓанин, чести и специјални попусти на одредени производи што гарантираат лојални и, пред се', задоволни купувачи. Тоа е главното мото на велешки „Жито“, денес препознатлив трговски бренд во Велес и пошироко. Компанијата се роди во далечната 1989 година, од една мала продавничка во центарот - „Жито плус“. Веќе денес фирмата брои 305 вработени и има синџир од 21 трговски маркет во неколку градови во земјава, од кои девет се во Велес, а шест се лоцирани во Скопје. Сите се онлајн поврзани и се контролираат со видеонадзор.

Изгледа дека кризата не е кочница за „Жито“, туку, напротив, потстрек за остварување поголеми резултати. Бидејќи во 2010 година „Жито“ забележа раст од дури 25 отсто, во споредба со претходната година, поради што ја доби и наградата за најдобар трговски објект во категоријата на супермаркети.

Традицијата на „Жито“ започна со Ване Ѓошевски, а денес малопродажбата ја води неговиот амбициозен син Далибор, банкарски менаџер по струка.

„Во борбата за место на пазарот, ако сакате да успее токму вашиот концепт, треба да бидете различен од сите други, препознатлив, бидејќи, во спротивно, ќе станете спореден играч. Со многу верба во себе макотрпно работевме на тоа да изградиме една успешна компанија и да станеме она што сме денес - дом на задоволни купувачи. ’Жито‘ веќе стана препознатлив по нашата добра услуга и по пониските цени од другите маркети. Нашата политика е да ги градиме цените според економската состојба на граѓаните. Што би можело да се сфати дека во Скопје сме најскапи, но, сепак, најевтини во споредба со другите“, вели Ѓошевски.

Тој додава дека и во „Жито“, како и секаде, поскапија лебот, шеќерот и маслото, но така морало, како што е познато, поради берзанскиот карактер на овие производи. Сепак, свесни за стандардот на граѓаните, немало драстичен скок на нивната цена, затоа што во магацините на „Жито“ имало одредена залиха од овие производи.

Можеби затоа поскапувањето на речиси сите прехранбени стоки на пазарот од почетокот на годинава, што го намали прометот во маркетите во земјава, не се одрази врз прометот во „Жито“. Напротив, Ѓошевски вели дека кај нив во јануари, во споредба со истиот месец лани, имало зголемување на продажбата за 5 проценти.

Од 2007 година трговскиот бизнис се прошири и со земјоделска дејност, односно купени се земјиште и лозови насади на кои се одгледува овошјето по најсовремени методи. Дел е за домашниот пазар, а дел се извезува. Се планира наскоро да се изгради и погон за преработки на овошјето. Притоа, производите ќе се пакуваат во сопствена амбалажа, што е уште еден нов проект на „Жито“ што ќе се реализира оваа година.

„Извезуваме и соработуваме со фирми од Србија, Хрватска и од Словенија, како и со повеќе домашни компании, но исклучиво станува збор за квалитетни играчи, кои работат со ХАЦЦП-сертификат. Притоа, морам да спомнам дека голем проблем во работењето ни се оние трговци што работат без документи и создаваат хаос и нелојална конкуренција“, нагласува Ѓошевски.

Покрај конкуренцијата од „дивите“, тој вели дека проблем е и нередовната наплата, најмногу од домашните компании. Со тоа се соочува целото македонско стопанство и затоа, според Ѓошевски, институциите треба да издејствуваат подобри механизми за заштита на фирмите и за обезбедување ефикасна наплата. „Жито“ како бонитетна фирма, добро соработува со банките, кои секогаш му излегувале во пресрет. Немало ниту посебни проблеми со локалните власти во другите општини каде што имаат маркети.

„Тековно ги решаваме проблемите и не може да се каже дека некој од власта ни правел или ни прави сопки. Флексибилни сме во соработка со сите и се трудиме многу-многу да не ја мешаме политиката во работењето, да се држиме до чисто економските мотиви“, изјави Ѓошевски.

Посебна гордост за него е новата инвестиција во трговскиот центар од 1.500 квадратни метри продажен простор, вредна околу 1 милион евра. Модерниот објект интензивно се гради и се очекува да биде пуштен во употреба оваа пролет. Ќе биде на два ката, во него ќе ги има голем асортиман на стоки за широка потрошувачка, плус кафуле, пекарница, фурна за месо, месарница, рефус овошје, цвеќара... „Овој проект се подготвуваше околу 3 години и сите вработени со нетрпение го очекуваат финишот. И во новиот продажен маркет нема да има многу брендови и повторно ќе се оди на варијантата со ниски цени, пристапни за сечиј џеб. Освен во Велес, ваков трговски маркет ќе градиме и во Гевгелија, за што веќе купивме деловен простор кај автобуската станица“, вели Ѓошевски, и најавува дека годинава ќе се воведат уште многу примамливи новини за потрошувачите.

http://www.utrinski.com.mk/?ItemID=8A287397424E8E45924FD7FB1DC0FA2E

Edited by Cloverstack - 12-Feb-2011 at 18:57

“Скопски пазар“ се задолжува за да гради на “Перо Наков“ Компанијата “Скопски пазар“ на интернет страницата на Македонската берза денеска објави ценовно чувствителни информации во врска со изградба на деловен објект на улицата “Перо Наков“ во скопската општина Гази Баба.   Според информациите од компанијата, проектот ќе чини 2,5 милиони евра. Вкупната површина на објектот се наведува дека ќе изнесува околу 4.500 метри квадратни, а истата ќе се финансира делумно од сопствени средства, а дел со кредити “Охридска банка“.   На интернет страницата на Македонска берза објавено е дека “Скопски пазар“ во декември 2010 година, заложил недвижности вредни четири милиони евра, што претставува речиси 30 отсто од вредноста на претпријатието и е основа за задолжување на фирмата со кредити. Компанијата информира дека дел од кредитот во износ од 1 милион евра ќе се обезбеди од “Охридска банка“.   Директорот на “Скопски пазар“, Сашо Давитковски, во телефонски разговор ни рече дека е презафатен денеска за да даде изјава за оваа информација.   Во објавените информации се наведува дека според планираното проектот треба да заврши до крајот на годинава.   “Во објектот ќе се обавува деловно трговска дејност од однапред познати закупувачи“, наведено е во информацијата. http://www.netpress.com.mk/vest.asp?id=82165&kategorija=2

Наместо во Солун, на шопинг во Гевгелија? Пред граничниот премин Богородица треба да се гради трговски центар со 135.000 квадрати корисна површина Билјана Ангеловска Граѓаните од Македонија нема да треба веќе да одат на шопинг до Солун. Наскоро ќе имаат можност ваквото задоволство да си го дозволат дома, во Гевгелија, бидејќи непосредно пред самата граница со Грција е планирано да се гради огромен трговски центар, нешто слично, па дури и пограндиозно од солунскиот „Космос“! Изградбата на големиот шопинг мол во близина на граничниот премин „Богородица“ е предвидена со Урбанистичкиот план, кој Општина Гевгелија го донесе годинава по нарачка на Владата, и тоа во брза постапка. Земјиштето со површина од над 30.000 квадратни метри наменето за трговски комплекс „Граничен премин Богородица“ се наоѓа од десната страна на автопатот во правец кон границата со Грција, во соседство на казиното „Фламинго“, во непосредна близина на мотокрос-патеката и на само 50-ина метри од реката Вардар. Министерството за транспорт и врски деновиве распиша јавен оглас за продажба на градежно земјиште во сопственост на државата во општина Гевгелија. Почетната цена на јавното наддавање изнесува 1.000 денари за квадрат. Парцелата е со големина од 32.286 квадратни метри, од кои површината за градба изнесува 22.600 квадрати, а вкупната корисна површина достигнува до 135.000 квадратни метри. Со урбанистичкиот план е дозволена изградба на објект на приземје и пет ката, со висина на венец од 21 метар. Од општината Гевгелија велат дека ова е втор обид на државата да го продаде земјиштето. Првиот пат било понудено со почетна цена од 2.000 денари квадратен метар. Дали скапиот квадрат бил причината зошто не се јавил ниеден купувач, никој не знае да каже. Сепак, од Општината велат дека за конкретната локација постои голем интерес и тоа, пред се', од странски инвеститори. Досега за земјиштето се интересирале Израелци, инвеститори од Дубаи, Руси, Кинези, но и Грци. Кој од нив колку сериозно е заинтересиран да стане газда на ова, како што велат гевгеличани, исклучително атрактивно земјиште, ќе се знае набрзо по завршување на оваа лицитација. А, дека земјиштето се наоѓа на многу добра локација, доказ е новиот урбанистички план што го изготвува Општина Гевгелија. Овој план се однесува на урбанизација на нови 12 хектари, кои опфаќаат земјиште од двете страни на автопатот, а на кои се предвидува изградба на туристичко-угостителски комплекс од хотели, ноќни клубови, спа-центри. Планот треба да биде донесен веќе до крајот на годинава, а со него се брза бидејќи, како што дознаваме, имало најави дека некоја индиска групација е заинтересирана да гради хотели од синџирот „Ројал таунус“. Изградбата на големите молови и хотелски комплекси во Гевгелиско, несомнено ќе придонесе за брз развој на општината Гевгелија која само од комуналиите што ќе ги наплати за сите овие објекти, а изнесуваат по 25 евра од квадрат, прилично ќе ја наполни својата каса. Но, граѓаните ќе можат да шопингуваат и во другите градови низ државава. Ако не им се патува до граница, скопјани, покрај веќе многубројните трговски центри, за некоја година ќе можат да трошат пари и во двата нови кои допрва ќе се градат на територијата на општина Гази Баба. Државата понуди на продажба две парцели во оваа општина и тоа една во Маџари, веднаш зад истоименотото кино, со големина од 4.058 квадратни метри на која е дозволено на површина од 1.949 квадрати да се изградат вкупно 5.130 квадратни метри. Трговскиот центар може да биде висок најмногу 13,20 метри и да има две приземја и два ката. Во Хиподром, пак, се продава парцела од 2.328 квадратни метри, од кои под градба можат да бидат само 960 квадрати на кои може да никне објект на приземје и еден кат со максимална висина од 10,2 метра. И двата плаца се продаваат со почетна цена на земјиштето од 5.400 денари за квадратен метар. Голем трговски центар ќе се гради и во општина Свети Николе, каде за почетна цена од 2.400 денари квадрат се продава земјиште со вкупна површина од 4.400 квадратни метри. Трговски комплекси ќе се градат и во Струга на површина од 2.000 квадратни метри, на левата страна од патот Струга - Ќафасан, но ова земјиште се' уште не е понудено на продажба. http://www.utrinski.com.mk/default.asp?ItemID=E44F046823028645B764351B82CA08B7

Трговскиот стана зона на самракот Преку ден објектот со дуќани изгледа како секоја просечна автобуска станица, но кога и последниот автобус ќе замине од Гостивар за Скопје, просторот станува зона на самракот Бездомници и зависници од дрога се „муштерии и трговци“ во триесетината дуќани што се наоѓаат во рамките на гостиварската автобуска станица, поради нерешен сопственички статус на објектот. Катот од едното крило на овој објект е целосно запуштен. Заплетканите сопственички односи, покрај штетите од неработењето, придонеле дел од објектот да стане дувло на натрапниците. - Во овој дел од градот, по 22 часот граѓаните не се чувствуваат безбедно бидејќи не знаат на кого се' може да налетаат. А тука е и недоволно осветлено. Често се забележуваат сомнителни лица што се движат тука - се жалат жители од неколкуте згради на улицата Мара Угринова. Прошетавме низ објектот, кој би требало да претставува трговски центар. Под скалилата затекнавме бездомник, кој покриен со јоргани спиеше врз поплочениот под. Не го разбуди ни нашето зборување. На катот глетката згрозува. Купишта ѓубре, измет, стари алишта и постелнина, а смрдеата ги пара ноздрите. Некои излози од дуќаните се искршени, вратите разбиени. Во внатрешноста може да се забележи дека некој тука е чест посетител. На подовите остатоци од алуминиумска фолија, игли и друг прибор што зависниците го користат за уживање наркотици. Нашите соговорници сметаат дека токму запуштеноста е причина што трговскиот навечер се претвора во собиралиште на сомнителни лица. Се жалат и сопствениците на бизнисите на ова локација. Тие на приземјето почнале некаков бизнис, па проблем им се нехигиената и кражбите. - Од западната страна на автобуската, можеби поради близината на зградите, а можеби и поради тоа што има повеќе дуќани, тие луѓе не свраќаат. На катот имам магацин, во кој неколку пати беше провалено, но откако ставив аларм, просторот не е атрактивен за крадците. Сами се заштитуваме кој како знае - вели Игор Пандилоски, сопственик на минимаркет. И нему му пречи што објектот е запуштен. Жителите во неколку наврати побарале помош од полицијата. Оттаму велат дека трговскиот центар на автобуската неколкупати бил опфатен со нивни акции. Потврдија и дека затекнувале зависници и бездомници што доаѓаат од други градови. Се' завршувало со предупредување. - Со оглед на тоа дека станува збор за специфична категорија граѓани, ние не можеме да направиме ништо повеќе освен протерување. За кратко време тие повторно се собираат - вели портпаролот на СВР Тетово, Марјан Јосифоски. Тој нагласи дека поради поплаките на граѓаните, во наредниот период зајакнато ќе го надгледува местото. Гостиварци со години чекаа на модерна автобуска станица, а архитектите овој простор го осмислиле како урбана целина. Таквиот објект требаше да носи профит. Сепак, трговскиот центар никогаш не заживеа во целост. На почетокот од деведесеттите години со профункционирањето на станицата дел од дуќаните се разработија. Десетина локали во приземјето што се сопственост на приватни бизнисмени работат. Од вработените во автобуската станица и од околните жители разбравме дека поголемиот број дуќани практично немаат сопственик. Според нив, објектот го градела градежната фирма „Маврово“, но подоцна поради долгови, му бил отстапен на ФАС „11 Октомври“. Откако фирмата отишла под стечај, престанала и грижата за објектите. Иако со сигурност никој не можеше да потврди, нашите соговорници рекоа дека се под хипотека во неколку банки. За дел од дуќаните имаше оглас дека е на продажба. Преку ден овој објект наликува на секоја просечна автобуска станица, но откако и последниот автобус ќе замине за Скопје, овој простор станува зона на самракот. http://www.dnevnik.com.mk/default.asp?ItemID=088D9A9398C1E54EA4379298EB4EEFB1

Колкав е маркетот Линеа... Дали е нешто како Веро Тафталиџе? Слушнав дека имало и продавници во него. 

Во Ново Лисиче, т.е. Реонски центар Аеродром е отворен Рамстор супермаркет. Солидно е изведено, со подземен паркинг како и паркинг над земја. Од јасни причини нема слики од внатре. Маркетот е некоја средна накај голема површина, не би вадел бројки од ракав, солидно снабден и полн погодок од аспект на локација, и пристап.

1.


2.


3.


4. Оваа тесна уличка треба да ги опслужува возилата кои влегуваат и излегуваат од паркингот, така да конфликти се неизбежни. Не знам што мислеле архитектите кога ја проектирале гаражава



5.


6.


7.


8.

se raboti za rem centar