Originally posted by zdravozivo Па ајде Dexter,ти си врвен критичар на форумов.Кажи ни нешто околу урбанизмот кој го поседува овој објект и ентузијазмот околу неговата изградба Или ти се свиѓа можеби...нестрпливо чекаш стан да купиш

 
Ти благодарам за коментарот околу тоа дека сум врвен критичар на форумов доколку искрено и сериозно го мислиш тоа, а доколку беше сарказам, тогаш еве и јас ќе се насмеам.
 
Но Фосил ме престигна со неговиот коментар кој речиси во целост го покрива мојот личен став околу проектот Космос.
 
Керамидница е населба запоставена од урбанистички гледна точка, поминував таму во 2006 година во 2 или 3 наврати бидејќи додека земав часови за возење, инструкторот бараше да поминувам низ тоа населено место кое многу тешко ми е да го наречам населба, бидејќи од булевар Војводина, па се до Блу Маркет каде што се наоѓа клучката која ја поврзува Керамидница со Автокоманда, ми личи на се и сешто, освен на населба, односно освен на населено место оддалечено на само неколку километри од главната железничка станица во главниот град на една држава, иако е од другата страна на Вардар.
 
Космос е предвиден како луксузен станбен комплекс кој само богаташите ќе можат да си го дозволат, па не знам како ќе се вклопи во околината, во близина на станбениот комплекс се наоѓа приватен универзитет, а ако добро помнам, и приватна гимназија, од другата страна е авто-салонот на МакАутоСтар, кои увезуваат возила на Мерцедес-Бенз и Мицубиши, па мислам дека на богаташите би им било удобно во таква околина, но не знам колку жителите на Керамидница без длабоки џебови ќе го поднесат тоа.
 
Засега не ми се допаѓа базенот на отворено, ми делува доста несериозно, ќе им го одвлекува вниманието на студентите и на средношколците во близина , освен ако не е базен, туку некаков пандан на паркот на езерата во Аеродром, од другата страна на Вардар, тогаш во ред, во спротивно, базенот треба да биде во самиот станбен комплекс, по можност на најгорниот кат, во летни услови би бил супер, на мене така ми делува поприфатливо.
 
Но лично се надевам дека Космос е само почетокот на урбанизирање на Керамидница, нешто што дефинитивно му е потребно на главниот град на Република Македонија, бидејќи бесмислено и срамно е кога воз пристигнува на / заминува од главната железничка станица во Скопје, првото нешто што патниците ќе го видат при пристигнување или при заминување, да бидат оние колиби од дрва и картон покрај Вардар.
 
Инаку, јас сеуште собирам пари за да склопам нов компјутер догодина, а камо ли па да имам пари за нов стан.


Edited by Dexter26 - 07-Dec-2012 at 01:10

Инаку забележувам мали промени во дизајнот...  позитивни...

Па ајде Dexter,ти си врвен критичар на форумов.Кажи ни нешто околу урбанизмот кој го поседува овој објект и ентузијазмот околу неговата изградба
Или ти се свиѓа можеби...нестрпливо чекаш стан да купиш

 
Па форумов се фокусира на претежно на урбанизмот, а не на урбанистите.
 
Па така и оваа тема претежно се занимава со урбанистичкиот карактер на проектот Космос, а не со неговите инвеститори.
 
Патем, на форумов има тема и за проектот Скопје 2014, ако почнеме на таа тема да правиме муабет за инвеститорот во тој проект... ехехеее, форумов ќе ја изгуби во целост својата корисност и смисла.

Moze nekoj da mi objasni vrz osnova na sto se bazira entuzijaznot da se izgradi ova cudo? Zaradi arhitektonskata vrednost? Ili za inaet na del od kicerajot sto se izgradi, pa eve, merak vi e sto megalomansko ruglo kje se izgradi?

Иако е очигледно дека сајтот е пуштен денес, може и само за кратко како нешто пробно, ова е премногу несериозно, и нека седи тука чисто да си биде евидентирано. Жал ми е што ќе му наштетам на веб-мастерот, дизајнерот, кој и да е, но тоа е тоа.

P.S. Веќе е недостапен сајтот

Станбено – деловниот комплекс „Космос“ на пратеникот од Партијата за европска иднина (ПЕИ), Фијат Цаноски, по втор пат започнува со изградба откако денеска беше поставен камен темелник, објави порталот Плусинфо.

„Одобрението за градба го имаме, комуналиите се целосно платени и нашите планови се до крајот на идната година објектот да биде изграден. Постапивме по сите решенија и наредби од Општина Гази Баба и објектот го сведовме до бараното ниво. Останува неправдата која што ја претпе компанијата ФИНЕ од страна на градоначалникот и неовластената инспекторка, за што судските органи ќе го кажат својот збор. Штетата што ја утврдија еминентни домашни и странски вештаци преку своите експертизи изнесува повеќе од 35 милиони евра“, изјави Фијат Цаноски.

Со продолжување на изградбата на „Космос“ на работа се враќаат 300 луѓе.

http://www.time.mk/read/40a12d28f9/ba119904e9/index.html

+1 

ФИЈАТ ЦАНОСKИ ОДНОВО ЌЕ ГО ПРАВИ KОМПЛЕKС0Т

Новиот „Kосмос“ ќе се гради во мај



За 10 дена ќе заврши целосното уривање на зградата „Kосмос“, кое го реализира самиот инвеститор, а во мај годинава ќе почне неговата повторна изградба, најавува сопственикот на „Фине“, Фијат Цановски. Новиот „Kосмос“, кој е планиран како комплекс во кој ќе живеат 4.000 лица, ќе се гради според нов проект кој го одобриле од Општина Гази Баба.

Отстранувањето на карабината од седум ката, која според надлежните од Гази Баба е дива градба, почна во август 2011 година. Најпрво од локалните власти, со образложение дека објектот отстапува 1,43 метар во висина од урбанистичкиот план, а потоа со уривањето продолжи сопственикот за да не мора да плаќа дополнителни трошоци.

- Засега се урнати 70 до 80 проценти од објектот, остануваат уште 30. Сакавме комплетно да ја завршиме работата за да може теренот повторно да го подготвиме за градба - изјави Цановски.

Тој останува на ставот дека уривањето било незаконско. Поднел тужба против решението на Општината Гази Баба, а исто така и кривични пријави против градежниот инспектор и против градоначалникот Тони Трајковски. Очекува Управниот суд да донесе пресуда во негова корист во наредните два месеца. Ако не добие позитивен резултат, правдата ќе ја бара пред меѓународните институции.

Според општинарите од Гази Баба, „Фине“ должеше и за комуналии - и тоа околу 3 милиони евра. Наплатата беше извршена со активирање хипотека - имот на Водно, во Маџари и во Струга. Сопственикот ги негираше тврдењата за неплатени комуналии велејќи дека во објектот вложил околу 17 милиони евра, сосе платени комуналии, кои изнесуваат 5,2 милиони евра.

За оние што веќе купија станови во овој комплекс, од фирмата-инвеститор изјавија дека во 90 отсто од случаите парите им се вратени. Останатите прифатиле да добијат стан во новиот „Kосмос“ со задоцнување од една година.

Шутот ќе се ситни за тампонирање улици

Градежниот шут од уривањето на објектот „Kосмос“ не се носи во депонија, туку ќе се ситни и ќе послужи за тампонирање на пристапни сообраќајници околу станбениот комплекс, чија повторна изградба ќе почне во мај годинава. Старото железо ќе се однесе на отпад. Адријан Амзовски, управител на фирмата-инвеститор „Фине“, објасни дека за ова ќе се погрижи бугарската фирма што работи на уривањето.

Aнела Петрова

http://www.dnevnik.com.mk/default.asp?ItemID=DF0012D0BFB5D24C99458D0267F6A1AE

Originally posted by pbanks Штета што се немаше детерминираност истово да се направи со Кинескиот ѕид во парк.

се согласувам, изгледа таму врските се посилни од логиката