ТИРЗ Скопје - Бунарџик

„Џонсон Мети“ потпиша договор со Владата

Инвестицијата е тешка 50 милиони евра

Во март наредната година се очекува фабриката на „Џонсон Мети“ во Бунарџик. Плакатите ги покажа Владата, откако утринава го потпиша договорот за закуп со менаџерите на британската компанија.

„Џонсон Мети“ официјално стана концесионер во слободната економска зона.

„Според сегашниот план, некаде во март треба да се заврши со самата изградба на капацитетите, односно погонот на фабриката. Би требало да се почне со вистинското производство, односно со работа, средината на 2009. година“, изјави Лари Пентс, извршен директор на „Џонсон Мети“.

Ставревски: Врвна, светска технологија за производство на катализатори

На терен интензивно се работи. Металната конструкција е поставена, багерите копаат. Британците забрзано градат за да го стасаат новиот рок кога фабриката треба да почне со работа.

Инвестицијата е тешка 50 милиони евра. Во фабриката „Џонсон Мети“ ќе произведува катализатори. Договорот за закуп важи 50 години.

„Позначајно од извозот на средства е што ќе има нови вработувања, но уште позначајно е што „Џонсон Мети“ во Македонија ќе донесе најнова врвна, светска технологија за производство на катализатори, што е услов за подобрување на конкурентноста на земјата и за зголемување на извозот“, рече Зоран Ставрески, вицепремиер на Влада.

Инвестицијата на „Џонсон Мети“ во Бунарџик се најавуваше скоро две години.

	Коментари (0)

Зоран Ставревски

Реализацијата на инвестицијата на „Џонсон Мети“ во Македонија оди според утврдената динамика и се очекува изградбата на фабриката за катализатори во технолошко-индустриската зона Скопје да заврши во март наредната година.

Ова го соопштија вицепремиерот за економски прашања Зоран Ставрески и извршниот директор на „Џонсон Мети“ Лари Пентс по денешната средба во Владата на Република Македонија на која е потпишан договорот за закуп на простор во технолошко-индустриската зона Скопје за период од 50 години со можност за продолжување на уште 20 години. Цената на закупнината, информира вицепремиерот Ставрески е законски утврдена, и таа е на ниво да може да се одржува зоната, а целта на Владата е да се донесат инвеститори.

Фабриката ќе се изгради на површина од 13 хектари, а работите ќе ги изведува турска компанија регистрирана во Македонија. Изградбата треба да заврши во март 2009 година, а производството наменето за пазарот ќе стартува јули 2009 година. Од март, како што истакна Пентс, ќе се врши тестирање на производите дали одговараат на квалитетот што го бара „Џонсон Мети“.

Вицепремиерот Ставрески истакна дека е важно тоа што и покрај финансиската криза во светот „Џонсон Мети“ и Владата остануваат посветени на реализацијата на оваа инвестиција согласно утврдената динамика.

Тој смета дека позитивното искуство од спроведувањето на овој проект ќе биде поттик „Џонсон Мети“ да размисли за проширување на својот бизнис.

„Се надеваме дека врз основа на позитивното искуство од првата фаза „Џонсон Мети“ ќе размисли евентуално за проширување на капацитетот во Македонија, но за тоа е прерано да се зборува. Важно е да почне со производство во првата фаза и искуството од оваа прва инвестиција во Македонија да биде позитивно“, истакна вицепремиерот Ставрески.

За Македонија, како што рече Ставрески, од оваа инвестиција не е толку значаен износот, туку отворањето на нови работни места и новата технологија што е услов за подобрување на конкурентноста и извозот, како и тоа што ваквите инвестиции даваат придонес кон она што се стремиме трансформација на македонската економија.

http://a1.com.mk/vesti/default.aspx?VestID=99797