Железници (општо)

Во вакви состојби за мене лично секако дека патување со воз е СОС опција. Штета, кога се знае дека има многу патници нека пуштат неколку вагони повеќе, колку ме нервира, никаква организација. Мade in Macedonia -.-

Originally posted by mon Во Шведска пак се продаваат онолку карти колку што вагоните на композицијата имаат седишта. Кога картите за сите тие седишта ќе се распродадат возот се означува како пополнет и неможете повеќе да купите карта за патување со него. Добивате „сугестија„ да доколку сакате да патувате на таа релација купите карта за следниот воз.

Замислете ја оваа ситуација по нашите станици.
Сугестија за следниот воз

А зошто мора пак да гледаме како е во Германија,Шведска или Италија?
Со ваков пад во железничкиот сообрајќај апсолутно нема потреба од вакви работи.Ама очигледно политиката им е да се прават профити наместо да се привлечат повеќе патници.

Во Германија во регионалните возови нема никаква нумерација а карти има милион видови. Значи од дневни карти за цела република, преку студентски семестарски, како и месечни за работници па се до најнормални карти во еден правец. И ниедна од овие карти не е нумерирана освен оние со специјална резервација и оние од прва класа се друго е кој прв тој ќари. Во возот се влегува кој каде и како сака се случува луѓе да стојат а често се случува и седење по скали или на подот. Нескам да навлегувам колку е тоа добро или лошо но факт е дека со толкав број на различни кари и со оглед на тоа дека за возовите важат истите карти како за градскиот превоз непостои друг начин на организирање. Но за воља на вистината треба да се знае дека во Германија а и Италија единствен лимит за влегување во возот е физички да не е возможно да се влезе.

Јас лично имам сретнато неколку пати во интер сити во Словачка што патува преку 400 км да издадат и за 150% повеќе карти отколку што има седишта (дури и за целата должина), а за седишта е задолжителна резервација , инаку ќе стоиш цел пат.
Поентата ми е дека и тоа како издаваат повеќе од 20% повеќе, памтам периоди во возови кога и игла да си фрлел немало да падне на под од што немало место.

Во многу европски и светски држави ова е нормална и секојдневна слика. На нас само ни е чудно затоа што возење со воз во Македонија повеќе е инцидент отколку правило.

Влегување сите одеднаш, како стока се буткаат

Сега, замислете ситуација: доаѓаат новите возови, се пуштаат на релација „Скопје-Кичево„, а кај Скопје Север и КондовА се појавуваат „каменковците„ од „другата„ ни националност и почнуваат да ги гаѓаат возовите...А?  

Edited by MIKI1 - 09-Aug-2014 at 16:44

За вакви каменковци полицијата мора да биде присутна на станицата Скопје-Север 24 часа и ништо помалку, ама пошто знаеме дека тоа нема да се случи (нема ни да прошетаат џандарите до таму) се дава уште една причина да се избегнува таа релација а со тоа и уште повеќе да тоне железничкиот сообраќај.

КАМЕРИТЕ НЕ СПРЕЧУВААТ ДА СЕ ПОМИНЕ ПРУГА СО СПУШТЕНА РАМПА

Се "шверцаат", но возот секогаш е побрз

Видеомониторингот не ги спречува возачите на автомобили, мотори и велосипеди, и покрај спуштената рампа и црвеното светло на сигналниот уред кој најавува доаѓање на воз, да се "прошверцуваат" и да ја преминат пругата, иако во многу случаи се потврдило дека "возот секогаш е побрз"



Пред еден и пол месец јавното претпријатие МЖ - Инфраструктура" започна со камери да ги надгледува најфреквентните вкрстувања на патиштата со железничка пруга и прекршителите јавно да ги објавува на својата интернет-страница. Но, видеомониторингот не ги спречува возачите на автомобили, мотори и велосипеди и покрај спуштената рампа и црвеното светло на сигналниот уред кој најавува доаѓање на воз да се прошверцуваат" и да ја преминат пругата, иако во многу случаи се потврдило дека возот секогаш е побрз".

МЖ - Инфраструктура" после немилите настани на патните премини на пругите почна да снима и да мониторира на најкритичните премини преку железничките пруги, меѓу кои и патниот премин на пругата Скопје - Белград кај Кванташки пазар, за кој ВЕЧЕР во неколку наврати предупредуваше.
- Непочитување на поставената сигнализација нашата камера забележа на 23 јуни, кога возачот на приватната градска линија број 23 поминува преку преминот кај Кванташки пазар, иако рампата е спуштена, а таа не му попречи и на возачот на белиот голф" кој го следеше автобусот во правењето на прекршокот. За неколку секунди потоа поминува товарниот воз - велат од МЖ - Инфраструктура".

После прво објавената снимка, на интернет-страницата на МЖ" се објавени уште три прекршувања, но овој пат се евидентирани на преминот кај скопско Драчево и истите можат да се погледнат на следниот линк: хттп://њњњ.мзи.мк/нењс-инфо.пхп?ид=261&&цат=7
- Снимките за установеното непочитување на поставената сигнализација се поставени како пример за опасностите што демнат од несовесноста на возачите на друмските возила, но и на мотоциклистите и велосипедистите - истакнуваат од МЖ".

Ова е само мал сегмент од секојдневното непочитување на сигналните знаци на патните премини на железницата. Избегнатите несреќи сведочат за големата недисциплина која владее кај возачите при преминувањето на железничките премини. Загрозувајќи ги сопствените животи, ги загрозуваат и животите на патниците на железницата. Последната немила случка беше кон средината на мај годинава кога возачот на автобусот на Струмица експрес" не ја испочитувал звучната и светлосната сигнализација, ниту, пак, спуштената рампа пред пругата кај село Лозово и се обидел да ја заобиколи рампата за да ја помине пругата, но наместо тоа, во него удрил воз кој го превртел автобусот полн со патници. Епилогот беше: повредени 80% од патниците, односно од 45 патници, повредени беа 36, од кој само еден или двајца со потешки повреди.
Од СВР-Скопје велат дека според Законот за безбедност во сообраќајот, учесниците во сообраќајот задолжително мора да застанат пред црвено светло.
- Казната за лицето што го возело автомобилот или автобусот, без разлика, е 300 евра. На преминот кај пругата за непочитување на сообраќајните знаци месечно во просек се казнуваат од 5 до 6 луѓе - велат од СВР-Скопје.

http://www.vecer.mk/default.asp?ItemID=2DE42C36C4186F47AFAEFBC9B1E9CA12

Edited by jyvation - 07-Aug-2014 at 14:23