build.mk » Forum: Спортски објекти (општо)

Па и не е важно дали е популизам или не, туку во прашање е дали може да се свати ова нешто сериозно? Мали се шансите до крајот на 2009-та да се изгради нешто репрезентативно, како што новинарите ни пренесуваат. Колку време требаше да се изгради еден Лумикс, а не спортска сала што ќе вклучи
-затворен базен
- голема сала
-сала за зимски спортови
Добро, рокот не може да се земе здраво за готово, секогаш се поместува и по неколку години. Да се надеваме дека ќе испадне нешто и дека спорот со земјиштето ќе се реши брзо, ако постои.

Помогнете во Македонската Википедија - Слободна енциклопедија!

Во нормали услови ова би била убава вест, но со горчливиот вкус на популизам неможам соодветно да реагирам на ова (ако воопшто се работи за нешто сериозно).

Еден сомнителен момент во текстот. Се зборува за локацијата пред Базен Младост накај Илинденска. Зошто сомнително.

1. Скоро се зборуваше дека Кондоминас сеуште поседува дел од таа земја и бара обесштетување за остатокот заради пропаднатиот проект City Plaza
2. Често има тврдења дека дел од таа земја е предмет на денационализација или е денационализирана
3. Едно време постоеше информација дека Меркатор е во игра за таа земја Roll%20eyes

4. Еден голем дел таму е веќе околчен што е веќе евидентирано на форумов. Како веќе да се спрема нешто да се гради.

Скопје ќе добие ледена палата на спортовите

Агенцијата за млади и спорт со помош на Владата се подготвува за изградба на сала за зимски спортови

Миодраг Мицковиќ

Покрај новата голема спортска сала во близина на хотелот „Александар палас“, која наскоро ќе биде предадена во употреба, и изградбата на Градскиот стадион, Скопје ќе добие уште еден репрезентативен спортски објект, единствен во нашата држава. Во план е изградба на сала за зимски спортови, за хокеј на мраз и уметничко лизгање и се' што е потребно за еден ваков зимски спортски објект.

Како што дознаваме, претседателот на Хокеарската федерација на Македонија, Никола Тасев, вчера разговарал со директорот на Агенцијата за млади и спорт, Ивица Георгиевски, при што била истакната потребата за изградба на еден ваков објект за зимски спортови кој недостига во нашата држава и кој ќе биде голем поттик за развојот на хокеарскиот спорт во Македонија и за првите почетоци на уметничко лизгање.

Средствата за изградба на салата ќе бидат обезбедени од Буџетот на Република Македонија, а веќе е одобрено Светската хокеарска федерација да помогне со некои идејни решенија за изградба, со оглед на тоа што таа има повеќе проекти на вакви сали. Ќе биде распишан и меѓународен тендер за изградба на ледената палата, која сигурно, со својата функција ќе ги привлече љубителите на овие заборавени зимски спортови во Скопје и во Македонија. Се предвидува да биде градена со забрзано темпо и да биде предаден во употреба при крајот на 2009 година.

Дознаваме дека има неколку предлози за локацијата на која ќе се гради објектот, но најверојатно, ќе биде лоцирана во непосредна близина на новата спортска сала „Борис Трајковски“, на просторот спроти Воената болница. Со оглед дека тука се наоѓа и зимскиот базен „Младост“, целта е овој дел на градот да добие модерен спортски комплекс, со затворен базен, голема сала за сите мали спортови и сала за зимски спортови, која ќе може да биде пренаменета и за други спортови, кога ќе биде потребно.

Како што веќе пишувавме, наскоро во Скопје словенечката фирма „Леопард“ ќе спонзорира еден хокеарски клуб и ќе отвори школа за хокеј на мраз, така што при крајот на годината Македонија ќе формира јуниорска репрезентација која, до изградба на салата ќе тренира на отвореното лизгалиште на Кале. Покрај тоа, Агенцијата за млади и спорт ќе направи напори да заживеат и другите зимски спортови во нашата држава. Предвидено е во блиска иднина да се изгради и една ски-скокалница, прва од ваков вид не само во Македонија туку и на јужниот дел на Балканот. Скокалницата би била изградена на терените на Зимскиот центар „Кожуф“, или на Попова Шапка, каде што има подобри услови за тоа.

Извор: Утрински весник