Споменици и скулптури (општо)

Јас воглавно се сложувам дека не треба да се трошат толку пари на скулптури (1000 пати сум го рекол тоа), меѓутоа тоа со уметничката вредност на скулптурите е најголема глупост! Ене ја и онаа пред старата железничка мајка ли се викаше, што личи како да има преживеано лепроза и гангрена заедно, можеби е уметничка но е апсолутно прегрда. Јас не го гледам уметничкото во скулптурите, веројатно колку е погрда и по-без-врска толку е поуметничка. Свирачите во Скопје се супер, и кој и да рече дека не чинат, има некој комплес на виша вредност (99% од времето уметниците). А Bitola, новинарите можеби грешно се изразуваат скулптури/споменици, многу знаат тие за вајарство и скулпторство, меѓутоа идејата и на тој што ги постави беше декор, не беше да застанат луѓето и да викаат што треба сега ова па да биде? Ај кажи ми една скулптура со уметничка вредност (ете во Битола), штом скопските немаат никаква. Баш ме интересира што е уметничка вредност, дали колку е посложена и позагадочна, толку е поуметничка?

во Жена Парк е поставена новата скулптура на украинскиот поет Тарас Шевченко - донација од Украина. Изгледа мошне културно. Исто така, пред објектот на Мак. Опера и Балет поставена е скулптура Балерини - деф. најубава за мој вкус од сите до сега поставени современи скулптури во СК. За жал немав апарат.

Originally posted by ArchiTechTone ... Стариот автор би требало да го ја има оргиналната скулптура и спрема неа може да се направи нов калап за да се излее релативно идентична копија....

Тој во никој случај нема, бидејќи оргиналот се прави од глина, која нема „голем век на траење“ од која се прават гипсани калари, кој пак се во слекој случај гломазни и „кршливи“ за чување, па потоа од нив се лијат во бронза, месинг ...
Така да поради вандализмот кај нас многу работи мораме да ги правиме повторно и повторно

Баш денес поминав покрај нив и ги видов во живо, и си реков како е можно јас да знам за овие, а форумашите уште да немаат кажано ништо, сигурно имам пропуштено нешто јас А за поголеми, се поголеми, и јас го приметив тоа. И сосем се согласувам со La Linea помали беа многу по-... како да ги опишам, ми ставаа насмевка на лицето. Инаку, ова како воопшто нема постамент кога го гледаш во живо. Мислам дека изгледаат променети поради тоа што уште нема бакарот фатено патина, не се позеленети. Како и да е, старите изгледаа понасмеани. Ама пак се интересни


Edited by гитардемон - 16-Apr-2009 at 00:05

Свирачите се вратија Но би сакал да ја видам во живо таа модификувана верзија. Од старт, постаментот на старата верзија повеќе ми се допаѓаше.

„Свирачите“ на Чушков се вратија, но во поголема димензија Пред Капитал банка во центарот во Скопје, по неколкугодишна пауза, повторно е поставена скулптурата „Штипски свирачи“ на академскиот скулптор Благој Чушков. За разлика од претходните, новите „свирачи“ се изработени во многу поголема димензија и „свират“ на истите инструменти. Да се надеваме дека во меѓувреме е променет (на подобро) односот на граѓаните кон нив, бидејќи претходната скулптура најпрвин беше уништувана, а „свирачите“ мистериозно исчезнаа.

http://www.utrinski.com.mk/?ItemID=0E37698C38A3E647BFEF7F198186C6D0

Еве ти ги врбите според актуелните рендери





Edited by pbanks - 15-Apr-2009 at 11:48

„На различни локации“ добра реченица 

12.04.2009, 16:51 НА РАЗЛИЧНИ ЛОКАЦИИ ВО ЦЕНТАРОТ НА ГРАДОТ МИНИСТЕРКАТА КАНЧЕСКА - МИЛЕВСКА ПРОМОВИРА 10 СКУЛПТУРИ ВО СКОПЈЕ Министерката за култура Елизабета Канческа - Милевска денеска промовира 10 скулптури на различни локации низ центарот на Скопје, како дел од Проектот за поставување 35 скулптури во центарот на градот. На улицата „Македонија“ кај продавницата „Пеко“, поставена е скулптурата „Бик“ на авторот Дарко Дуковски, пред кафулето „Рома“, „ЕЕЕЈ“ на Димитар Филиповски, додека „Чистач на чевли“ од Елена Дуковска и „Просјак“ од Наташа Бужарова се поставени пред продавницата „МЕХХ“. Скулптурата „Маски“ од Ристо Станковски, беше откриена пред Театарот за деца и младинци. Пред хотелот „Холидеј ин“, поточно кај Ирскиот паб лоцирана е скулптурата „Жена со гитара“ од авторот Синиша Новевски, а на кејот после паркингот на хотелот „Бесконечна циркулација“ од Сашо Саздовски. Пред зградата на Македонската опера и балет се наоѓаат скулптурите „Балерина“ од Зоран Тошевски и „Космо интеграла 2008“ од Антони Мазневски. Истите оние кои имаа забелешки за градење на црквата сега имаат забелешки и на тоа дека не ни требаат уметност и култура. На нивните шпекулации дека за овие инвестиции на уметноста во просторот се потрошени дури 8 милиони евра државни пари беа презентирани искази дека тоа не само што не е точно туку е и злонамерно. За сите овие уметнички творби МОН потрошило осум пати помалку пари од шпекулациите, а авторите не ни барале пари туку нивното авторство е подарок за Скопје. http://www.sitel.com.mk/?ItemID=89AFDA4F891EFB459F6121D6D3072E90

Edited by pbanks - 14-Apr-2009 at 21:00

Па толку волови има меѓу нас, треба да се испоштува , инспирација колку сакаш...

Промовирани нови 10 скулптури

Министерството за култура продолжи со Проектот Скулптури во центарот на Скопјее со промовирање на нови десет уметнички дела на различни автори. Скулптурите се заеднички труд на авторите, кои својата работа не ја наплатија и Министерството кое ја покрива организацијата и материјалните трошоци. За чудо (?!) истите оние опозициски активисти блиски до СДСМ, кои беа против црквата на Плоштад, сега се против уметноста на скулптурите

Вчера, на различни локации низ центарот на Скопје, министерката за култура Елизабета Канческа-Милевска промовираше нови десет скулптури од Проектот за поставување 35 скулптури во центарот на Скопје.

Скулптурите се распоредени на прометни пешачки локации, а станува збор за дела на различни автори, кои својата работа не ја наплатија, додека Министерството за култура ги покри организацијата и материјалните трошоци за самата изработка на уметничките дела.

Целта на овој проект е приближување на уметноста до конзументите, нејзино практично излегување од затворените музејски згради и по теркот на светските метрополи уредување на пешачките зони со интересни детали од секојдневието или моменти кои предизвикуваат асоцијации кај оние кои поминуваат покрај ваквите дела.

Скулптурата "Бик". со димензии 190х340х120 излиена во бронза од авторот Дарко Дуковски е сместена на локација кај продавницата "Пеко" на улицата "Македонија". Скулптурата насловена "ЕЕЕЈ" со висина од два метра, исто така во бронза од авторот Димитар Филиповски се наоѓа пред кафулето "Рома" на улицата "Македонија". Бронзената скулптура "Маски" со димензии 170х60х60 на авторот Ристо Станковски е лоцирана пред "Театарот за деца и младинци". Скулптура "Чистач на чевли" висока 1,30 метри во бронза на авторката Елена Дуковска е сместена на локација: пред продавницата "МЕХХ", а спроти неа е лоцирана скуптура "Просјак" со висина од 120 см, излиена во бронза и поставена на сив мермерен постамент на авторката Наташа Божарова. Мермерната скулптура "Жена со гитара" поставена на армирана бетонска основа, на авторот Синиша Новески, е поставена на локацијата кај "Ирскиот паб" на кејот, а на кејот по паркингот на хотелот "Холидеј ин" е поставена и скулптурата насловена "Бесконечна циркулација", исто така во мермер од авторот Сашо Саздовски. "Балерината" со димензии: 300х200х80, изработена во метал од авторот Зоран Тошевски, е лоцирана пред МОБ, а на истата локација се наоѓа и делото на Антони Мазневски насловено "Космо интеграла 2008".