Споменици и скулптури (општо)

Originally posted by Vladimir P Ме одушеви репортажата од сношти, А1 првпат „прави личности “ избра за соговорници

Грчев, без разлика на било што, даде доста добри аргументи според мене, и беше многу по подготвен од Вангел кој изгледа само слушнал дека се прават споменици и толку.

Интересна ми беше и информацијата дека скулптурите на кралевите Петар и Александар се правени од „еден од најдобрите светски скулптори во тоа време - Антон Августинчиќ“.


Edited by La Linea - 21-Feb-2009 at 16:04

Цитати од вангел:

„Дали во минатото некој поставувал коњаници на освојувачи, на поробувачи, се сомневам“

„Прашањето да се направи поширока дебата јас не знам што значи. Ако постои конкурс... сега јас точно не знам дали ова е конкурс, тоа морам да признаам. Но верувам дека законски не може поинаку освен ако не поминало на конкурс. Според тоа, конкурсот е за мене една дебата која апсолутно ја сметам за демократска и широка“


Првиот и така и така, очигледно се работи за лошо изразување, иако е тешко да се свати што сака да каже вангел и во што точно се сомнева (јасно дека не се сомнева во тој историски факт за претходните коњаници кај камени мост) бидејќи по обичај прибегнува кон поезија каде што аргументацијата му е слаба (значи пречесто).


Но вториот цитат е многу јасен. Кога вангел е надвор од политичка милост и не може да си ги спроведува лудите идеи со политички декрети, тогаш добро сваќа што значи поширока дебата, секогаш и секаде е присутен и гласен, а и во интервјуво и самиот се пофали дека тој веќе долго време „агитирал“ за некои прашања.
Но кога ќе дувнат за него поволни политички ветришта, на вангел престанува да му биде јасно што е тоа поширока дебата и тогаш тој станува најпаметен и сезнаен. Кучињата нека си лајат, а краванот ќе си врви. Пред јавноста ќе се крие зад наместени конкурси кои се спроведуваат чисто формално, но според него тие сепак биле доволно широки и демократски.

Не господине, такви нашминкани тоталитарни механизми не се широка и демократска дебата. Всушност не се никаква дебата.

Самата изјава дека тој всушност не знаел дали имало конкурси за скулптуриве, мада е сигурен дека тоа било така затоа што законски не можело поинаку, доволно кажува колку се тие „транспарентни“, каква е нивната вредност и меродавност како конкурси и конечно колку се регуларни. Па ако човек со негови позиции и негови интереси не ги знае тие работи, тогаш кој може да дознае било што за тие конкурси, а камо ли некакви детали?

Преку глава веќе од такви чисто формални, наместени конкурси каде политичари ќе ги реализираат своите нездрави идеи преку разноразни ликови како вангел, а за возврат ќе им дозволат и тие да ги реализираат своите нездрави идеи. Од оваа пеколна симбиоза градов неповратно ќе отиде во бестрага.


Edited by Cloverstack - 21-Feb-2009 at 15:12

а зашто гоце е качен на коњ? тој колку што знам немал коњ

Го облагородуваат ли просторот или ја инструментализираат културата? Автор:  Весна Дамчевска Премногу споменици во единица време - вака стручната јавност ја третира акцијата на Министерството за култура и општината Центар за поставување повеќе од педесет скулптури, меѓу кои дваесетина споменици на историски личности од Александар, преку царот Самуил до Киро Глигоров (кој меѓу другото сè уште е жив) и триесетина модерни скулпторски дела. Ова е јавна акција на создавање „уметност“, а кога нешто се одвива како акција се добива квантитативен производ, предупредуваат познавачите. Дали од квантитетот може да произлезе уметнички квалитет, дали споменикот треба да има приказна зад себе, дали е потребно време граѓанинот да се навикне на новата интервенција во јавниот простор - ова се некои од дилемите што ги предизвика интензивната акција за облагородување на јавниот простор. - Уметноста не се мери со квантитет. Без оглед на нашите желби, квантитетот не носи уметничка вредност. Затоа сум скептик за можноста од таа масовност да произлезат навистина уметнички дела – вели Минас Бакалчев, професор на Архитектонскиот факултет. Според Бакалчев, многу е важна временската димензија, зашто скулптурата е одраз на едно време. - Елементарно е да се постапува искуствено, да се види како ќе функционира еден пример, а потоа да се оди на друг. Проектите од ваков тип, исто така, мора да имаат апсолутна транспарентност. Секој граѓанин да знае што се планира, а не да дознава посредно. Треба да постои макета, па сите да можеме да ја видиме. Не е во ред вакво водење на политиката на јавниот простор - тоа важи за архитектурата, но и за секоја друга интервенција во јавниот простор. Неопходна е демократска поставка што ќе отвори професионални дебати. Тоа би го препорачал – вели Бакалчев. Според него, позитивни се желбите да се донесе уметност во градот, да се гради градот, но не на ваков нетранспарентен начин и масовно, по секоја цена. И скулпторот Илија Аџиевски има сличен став. - Вакви сериозни проекти за осмислување на јавниот простор, особено за додавање уметност во него, се прават во подолг временски период. Неопходно е опстојно разгледување на пристапот – кусо одговара Аџиевски, не сакајќи многу да коментира, иако, како што вели, има свој став за тоа. Од помладата генерација скулптори, со две свои дела во проектот на Министерството за култура учествува Сашо Саздовски. И тој смета дека проектите од ваков тип треба да се реализираат постепено. - Треба да се работи поплански, вака се чини дека работата е малку избрзана. И во Фиренца не се ставиле наеднаш сите скулптури. Скулптурите и спомениците се одраз на времето во кое се правеле, затоа мислам дека денес да се прави реална скулптура е апсурдно. Да се враќаме назад во историјата изгледа како правење мртвородени дела. Треба да се внимава скулптурите да бидат одраз на времето – вели Саздовски. Досега се поставени петте скулптури: „Мачка“, „Шмизла“, „Девојче“, „Вљубени“ и „Дрво“. Општината Центар, пак, подготвува изработка на 20 споменици на историски личности и настани. Професорката Билјана Ванковска за овој проект на својот блог пишува: „Спомениците се обично одраз на едно време, на една култура и уметнички дострел на една нација, а најчесто биле градени заради овековечување на великаните на тоа време или биле израз на прогресот на државата. Во случајот на забрзано градење на споменици, не само во Скопје, туку и низ Републиката, се случува нешто многу апсурдно: во време на најсериозна социјална, економска, политичка и морална криза, кај нас никнуваат споменици како печурки по дожд. Овде културата се инструментализира, а спомениците се супститут за една инстант-голема историја на еден мал народ“. Професорот Бакалчев се согласува со ваквата позиција. - Проектите за јавниот простор треба да претставуваат визија, некоја цел што некогаш ќе биде постигната, не мора сега и веднаш. Некогаш може да се направи прекин поради економските услови. Секоја финансиска конструкција не мора да се реализира. Ќе се чека подобро време. Тоа е жива политика – вели Бакалчев. Проектот на Тони Мазневски ќе се постави следната недела Проектот на Тони Мазневски „Космо интеграла 2008“, кој идната недела ќе биде поставен во рамките на акцијата на Министерството за култура, е просторно најголем и бара површина од стоттина квадратни метри. - Се работи за истата идеја на вкрстувања од последната изложба во „Мала станица“. Искористени се истите модуси, но во поголеми димензии и со друг материјал - вели авторот Мазневски. Делото нема да биде поставено на постамент, туку во пешачка линија, а се состои од 3 елементи. - „Космо интеграла“ е композиција од три елементи, со дијаметар од 3 метри и со висина од 80 см, 1,60 м и 3 м, поставени на меѓусебно растојание од 3 метри - вели Мазневски. За „Космо интеграла 2008“ авторот користи етернит - австриски материјал за покривни површини, кој, како што кажува и неговиот назив, е особено издржлив (етернити - вечност) и им се спротивставува на сите влијанија. Општината Центар планира споменици на: Александар Македонски, св. Кирил и Методиј, св. Климент и Наум, цар Самуил, Ченто, Гоце Делчев, Даме Груев, Никола Карев, президиумот на АСНОМ, Михајло Апостолски, основачите на ВМРО, Јустинијан, гемиџиите, бранителите од 2001 година. Досега се избрани авторите на четири труда: - светите Кирил и Методиј ќе ги прави Жарко Башевски - Првото заседание на АСНОМ - Слободан Милошевски - св. Климент и Наум Охридски - Перо Кованчилиев - споменикот на основачите на ВМРО - Ангел Корунов Конкурсот за споменикот на македонските бранители е поништен и ќе се повтори. http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=322&ArticleID=18580

abe dobro da potpisis ne bese zabranet ama ne da si go pises imeto so golemi bukvi kako sto gledam od slikata: tasi, arian, aliu, agim, tuta itn.

Abe, sto pravat ovie? Si raseuvat skulpturi kako trevka, malku vam, malku tam. ?? Smetam deka bi bilo podobro da se pogrizat starite ruinirani iscrtani so grafiti ITN. da gi odrzavaat. Mislam, ne e poentata da se stave sekoja godina novi skulpturi, tuku da se odrzuvat i starite skulpuri. Naprimer, srcata vo centar kaj Palata Makedonija celi se grafiti, kako '' Newborn '' vo Kosovo

градов е препуштен на милост и немилост на идиоти
не верувам дека поголема глупост можат да направат

Мора и Вангел да е вмешан во смислувањето на оваа „брилијантна“ идеја, микс на стилови и компромис на идеи.

дедо мраз, на плоштад, среде овој град итн