Споменици и скулптури (општо)

nema odredeno vreme za postavuvanje na spomenici,a za aleksandar e drug muabet i kako sto rece za nego na drugo mesto.moze ne se slagame so spomenicive,za mene malce se prerano postaveni,ima milion drugi prasanja nereseni,a niv im doslo do spomenici,aj spored tebe kukame za ulicite ama koga ke dojde turist sto poveke ke mu ostavi vpecatok,kakov spomenik sme imale t.e kolku spomenici ili kolku pplatil za popravka na negovata kola zasto zaglavil vo nekoja dupka kaj nas i propadnal vo kal do kolena?normalno deka i spomenicite ama poveke mislam deka ke bide ulicata i nesredenoto mesto.zashto za da stigne do toj spomenik ke treba da pomine milion rupi..
aj da postavat nekolku spomenici,ama na sekoj cekor e preterano i prenatrupano,jas za toa se bunam...

Edited by Б.Ѓ.Т - 20-Jan-2009 at 15:26

На секои сто метри - скулптура  Тоа е премногу - коментира еден скулптор. И историчарите на уметност, уште при првите најави за серијата скулптури планирани за поставување во централното градско подрачје, искоментираа дека со тоа само ќе се зачини урбаниот хаос.

ne da e premnogu da ima na sekoj cekor skulptura,pa vaka ako gi postavuvaat nie ke bideme grad so najmnogu skulpturi.

краток рекапитулар на се што ќе биде сместено на, и околу плоштадот.

ПОСТАВЕНИ ПРВИТЕ ОД СЕРИЈАТА СКОПСКИ ОБЕЛЕЖЈА
На секои сто метри - скулптура

„Мачка“, „Шмизла“, „Девојче“ и „Заљубени“ се четирите скулптури со чие поставување во центарот на Скопје во неделата почна обемната акција за скулптурирање на главниот град. Во проектот покренат од Министерството за култура се планира до крајот на годинава на повеќе локации во Скопје да бидат поставени 36 скулптури - дело на 26 автори. Во рамки на пообемната акција, пак, која ја спроведуваат скопските општини, покрај масивниот споменик на Александар Македонски на плоштадот Македонија, во план се и четирите скулптури на лавови кои ќе се најдат од двете страни на мостот Гоце Делчев. Пред републичкото Собрание ќе биде подигнат споменик на Никола Карев, а пред Камениот мост од страната на плоштадот се предвидени скулптури на Даме Груев и Гоце Делчев, кои ќе бидат претставени како коњаници. Пред кафулето „Тренд“, пак, ќе се издигне спомен-обележје на цар Самуил, а педесетина метри подалеку, пред ресторанот „Дал Мет Фу“, на Методија Андонов-Ченто, на Гемиџиите, итн. Уметниците се среќни што конечно една државна акција им оди во прилог и што тие добиваат можност да се изразат креативно. Но, велат, иако се задоволни од ангажманот, не очекуваат дека градот со тоа ќе го добие очекуваниот светски изглед. - Кога ќе се постават сите планирани скулптури, на секои сто метри во центарот на Скопје ќе има по една. Тоа е премногу - коментира еден скулптор. И историчарите на уметност, уште при првите најави за серијата скулптури планирани за поставување во централното градско подрачје, искоментираа дека со тоа само ќе се зачини урбаниот хаос. При промоцијата на скулптурите на Томе Аџиевски, Димитар Филиповски и Грозданка Каникова изминатиов викенд, министерката за култура Елизабета Канческа-Милевска, пак, нагласи дека токму овие дела ќе му дадат белег на главниот град. - Скулптурата како едно решение препознатливо во сите светски метрополи претставува белег на препознатливост. Така што од ликовен и естетски аспект мислам дека сите овие скулптурни решенија имаат значаен сегмент и однос кон граѓанинот - изјави Канческа-Милевска.

Н.Б.

Originally posted by Vladimir P Дај некој пример каде парите за уметноста не доагаат од „политиката“, оние што биле вон тиа завршиле под „камени мост“.

И дали мислиш дека ова е во ред? Уметноста да биде инструмент на политиката? Страшно е креативната мисла да биде контролирана од власта... Знам бар дека мене не ми е сеедно кога бараат да се праат Старо-нови театри и цркви на плоштад. Си има во светот нормални независни галерии кои си тргуваат со уметност и промовираат уметници, сосема независно од државата, кои дури потоа стануваа релевантни за креирање на имиџ на еден град.... Бенкси не е ни уметник во класична смисла на зборот, дури ни идентитетот не му се знае, но неговите дела се продаваат на аукции, и Лондон веќе ги има заштитено неговите графити како нови културни обележја на градот....

Сосема ми е јасно дека не треба да ја запоставиме културната сфера, и се слагам со тоа, но не треба тоа да се користи како изговор за неосновано трошење на средства. Јасно е дека не треба да се оставаат дупки, но не треба да се пополнуваа со свашта само за да се рече дека има нешто. Има тука премногу недоречености, матни работи и политика, за оваа акција да биде искрен гест за подигнување на културата во градот.

П.С. Се слагам за Мисирков. Недостојно, во најмала рака... Тоа место уште долго ќе се нарекува “Фреш“

Една дигресија,

Ама баш никој во Македонија не реагираше за поставување на скулптурата на великанот Мисирков на плоштадот Пела.

Дали е местото соодветно, дали има маркица, дале е естетски добра, дали ни треба, дали ....

А моето скромно мислење,
Тој ГИГАНТ е претставен ко некое МАЛО ЧОВЕЧЕ од некаде со потполно непропорционално ретардирано тело, на еден мал постамент.
Секое дете знае дека великаните се за нианса поголеми од нормалниот човек, нели затоа се гиганти

Arhitechtone најпрво добредојде и од мене! И јас ќе ви се вклучам малку у дискусијата! Прво вака од назад ќе ти реплицирам.

Еве гледам и ти и бѓт поставивте иста дилема. зговорите "Сега ли е време?!" "Дајте прво улиците" не се потполно издржани. Дури и кога ќе се направат улиците пак ќе има вакви коментари и секогаш ќе може подорбо у инфраструктурата така да овие аргументи, фактички не се ни аргументи. Инфраструктурата е функционалноста и телото на градот, а склуптуриве се душата на градот. Но од друга страна факт е дека целава работа е чиста политика, факт е дека премногу скулптури и премногу пари се фрлаат во еден наврат, што пак е голем аргумент минус. Друга работа... Што го засега жителот на центар што некој во село нема канализација на пример?! Ништо! И колективитетот има некои виртуелни внатрешни граници што треба да се запазат исто како што треба да се запазат и со скопје во однос на другите градови. Значи треба рамномерно да се гради и инфраструктура и уметност. Со еден збор, рамномерен развој во секој домен! А овдека во овој проект нема ништо рамномерно!

Уште една работа што онака ми фати делумно око како позитивно е што после незнам колку време се прави проект во упетноста којшто не е со предзнакот "зачувување на идентитетот". До сега голем број проекти од културата (скоро сите) беа со овој предзнак и комплетно уметноста ја ангажиравме у надворешно-политички цели. Овој проект е малку поразличен. Јес да пак е политички, само сега внатрешно-политички. Ипак има некоја разлика од досегашните културни проекти и е на некој начин нова вода низ јавноста.

Originally posted by Vladimir P Не го заборавај Пикасо Се и за сешто е во пропаганда, Пикасо е во музеј, скулптурите се на улица. Обичниот човек гледајќи ги делата на улица еден ден ќе отиде и ќе го види и Вазарели И не заборавајте дека мора да се симнеме да размислуваме на ниво на еден обичен човек, за да се согледа целокупната ситуација во културата.

Колку што се сеќавам до сега кај нас немало изложба на Пикасо, ти веројатно мислиш за сликата во депото на МСУ. Јас мислев за изложбите кои се организираат во градов, а се непосетени. (за вазарели дури имаше и билборди)

Кога уметноста бива пропагирана од власта, тогаш таа станува отворена за испитување на искреноста на уметноста... Дали може некој ангажиран уметност да се појави со свое дело во овој проект? Дали може да се појави  карикатура на Канчевска Милевска на улиците на скопје?! Еве не мора канчевска милевска.... МОже ли гоце делчев да се појави како мала фигура со предимензионирани бркови? Кој ги бира скулптурите? Уметници или политичари? Ако е второто тогаш не станува збор за уметност...

Убаво си кажа pbanks овде станува збор за популистичко мачкање на очи.

А и јас колку што приметив од анкетираниве граѓани, сите сакаат да им биде чист градот, да бидат направени улиците да има паркинг итн инт. отколку да имаат скулптури. Тоа не е ингеренција на министерство за култура, но поентата е таа- има други, многу покрупни проблеми отколку скулптурите.

Originally posted by Vladimir P Како се учи граѓанство, со пропаганда, бар тоа од запад веќе треба да ни е јасно. Да но во нишката нема испишано година (кој полека треба да се соберат) така ќе заклучиме дека во задниве 40-50 години скоро ништо не се стварало, и сега како тоа граганство да го заинтересираш и подигнеш на повисоко естетско ниво, да може да има еден друг пристап.

Хммм... Па дури и да ги испишеме годините мислам дека не сме толку за никаде. Нормално дека би изгледало така ако се споредуваме со Фиренца или Виена... Но мислам дека треба да се споредуваме со еден просечен европски град.

Дури и да ги изземеме сите оние бисти со идеолошки предзнак кои ги евидентираше ти остануваат еден куп споменици за кои Скопјани не се ни свесни дека постојат.

Зарем немаше да биде подобро да се почне со ревитализација на некои од тие споменици? На пример некои од нив се толку запустени да не се приметува дека се споменици би било навистина позитивно Министерството за култура да превземе мерки да ги доведе во ред и да ги промовира на јавноста.

Зарем нема на некој начин да се добие сличен ефект како овој за кој зборуваш (свртување на внимение и потенцијално градење на критична маса)?

Далеку од тоа дека сум против вакви акции и поставување на нови скулптури.

Она што мене не ми се допаѓа во целата работа

1. На прво место конспиративноста
2. На второ место исполитизираноста
3. На трето место мегаломанијата и отсуството на чувство за просторот во кој се поставуваат сите овие статуи. Не заборавај дека не очекуваат уште 36 статуи не сум сигурен дали во нив спаѓаат и коњаниците или тие се башка.

Сето ова се случува на еден исклучиво мал и сензитивен простор. Мислам дека во нормални земји промена на тип на клупи на еден таков битен простор мора да помине преку еден широк консензус и еден транспарентен процес а да не збоурвам за едно вакво коренито видоизменување на целиот строг центар на градот. Уште повеќе во нормални земји такви радикални интервенции не се дозволени ниту во сопствениот двор доколку тие ја нарушуваат урбаната логика а каму ли ова.

Повторно зарем не може ваква акција да се направи во некои нормални пропорции и на некој посоодветен простор за експерименти а да се добие истиот ефект на дигање критична маса?

За крај да не заборавиме на еден правен момент кој е исто така многу битен. Ако не се лажам скулптуриве се поставуваат на непостоечки маркици бидејќи последната ревизија на ДУП Мал Ринг е предмет на разгледување на уставниот суд. Уште еднашка самата држава ни даде до знаење дека ДУПовите, ГУПовите и воопшто законите не се нешто за што особено треба да се грижиме или да не засега.

Originally posted by pbanks Би сакал да си во право Владимир но мислам дека граѓанството е пред се мобилизирано поради популистичкиот пристап на промоција и реализација на овој проект. Твојата нишка за Споменици и скулптури во Фото/Видео секцијата покажа дека Скопје не е до толку сиромашно со вакви содржини колку што сите мислиме дека е. Дел од тие содржини се издигнати и во последните две децении но никогаш не генерирале толку интерес. Зошто? Мислам дека се е до маркетингот ништо повеќе.

Како се учи граѓанство, со пропаганда, бар тоа од запад веќе треба да ни е јасно.
Да но во нишката нема испишано година (кој полека треба да се соберат) така ќе заклучиме дека во задниве 40-50 години скоро ништо не се стварало, и сега како тоа граганство да го заинтересираш и подигнеш на повисоко естетско ниво, да може да има еден друг пристап.

Originally posted by ArchiTechTone Целосно се слагам! И би додал дека не се само скулптурите прашање... Скопје ги имаше Вазарели и Маљевич, ама исто ко да ги немаше... Култура не е само тоа што ќе биде помпезно најавено во медиумите...

Не го заборавај Пикасо

Се и за сешто е во пропаганда, Пикасо е во музеј, скулптурите се на улица.
Обичниот човек гледајќи ги делата на улица еден ден ќе отиде и ќе го види и Вазарели

И не заборавајте дека мора да се симнеме да размислуваме на ниво на еден обичен човек, за да се согледа целокупната ситуација во културата.

Би сакал да си во право Владимир но мислам дека граѓанството е пред се мобилизирано поради популистичкиот пристап на промоција и реализација на овој проект.

Твојата нишка за Споменици и скулптури во Фото/Видео секцијата покажа дека Скопје не е до толку сиромашно со вакви содржини колку што сите мислиме дека е. Дел од тие содржини се издигнати и во последните две децении но никогаш не генерирале толку интерес. Зошто? Мислам дека се е до маркетингот ништо повеќе.