Станбена населба Лисиче

Член сум на форумов од денес и не сакам да делувам агресивно и нападно и да ви кажувам правила, но пред било што да кажете, ќе ве замолам да размислите и да пишувате со факти, бидејќи прочитав многу глупости и негативности за населбата Лисиче. Ве поздравувам и за било каква информација и за текот на градежните активности во новата населба ви стојам на располагање.

Населбата се смета за Лисиче, не за Островска. Островска е стариот назив за главната улица која поминува низ Лисиче. Е сега, Рамсторот кој го направија во новиот трговски позади бензинската Макпетрол на почетокот беше нарекуван Рамстор - Горно Лисиче, исто така и рекламите кои беа поставувани на булеварот беа со назив Рамстор - Горно Лисиче. Прогнозирав дека за кратко време истите или ќе бидат со сменет назив или ќе бидат тргнати. Излезе дека називот се смени. Зградите при продажбата се именувани како објекти кои се наоѓаат во Ново Лисиче, па оттука се поставува прашањето: Дали населбата Ново Лисиче се проширува во рамките на Лисиче и притоа секој нов изграден објект во рамките на Лисиче ќе се нарекува објект во Ново Лисиче? Време е надлежните од Општина Аеродром да превземат мерки и да расчистат со називите во делот на Лисиче кој е широк поим и се состои од населба Лисиче, Горно и Долно Лисиче.

Некогашниот рурален дел исполнет со дивоградби кои патем во голем број се веќе легализирани и неплански изграден во поголемиот дел на потегот до улица Островска спаѓа во НАСЕЛБА Лисиче заедно со планскиот и најубавиот дел од Лисиче кај стариот Т.Ц Лисиче и Полициската станица Лисиче. По завршетокот на населбата започнува делот на Горно Лисиче во делот на школото Гоце Делчев и делот на Долно Лисиче популарно нарекуван како село Лисиче после индустриската зона Лисиче.

Originally posted by daci92

Просторот кој се наоѓа на овие две слики е целосно ограден и според ДУП тука стојат идентични згради како соседните ,односно една таква мала како правоаголник и една класична на Адора како останатите.

Инфраструктурата се припрема активно ,поставени се и доста столбови за осветлување ,а тротоарите се поплочуваат на одредени места.

Вака изгледа зградата на Нова Градба од задната страна:



а ова е теренот позади нејзе на кој незнам што би требало да биде:

Се припрема инфраструктурата пред новите згради:

Поглед од една од зградите кон населбата, која јас ја знам како Островска.

подобро фуш асфалт, отколку фушерајски бекатон 9ако ги споредуваме)... и мене ми е сон да ги видам сите улици во градов со уредно поплочени тротоари (со вистински плочки), ама за жал тоа кај нас е засега сон

Денес поминав одовдека и видов дека понискиот дел (за пристап на тротоарите) е доасфалтиран, а исто така и дупките кој погоре ги прикажав се асфалтирани ,освен само една за која и претходно не постирав слика и која се наоѓа пред влезот за објектот на Нова Градба (тој што е на последната слика).

Треба и асфалтот на улицата да се реновира, на ништо не личи со толку крпеници и дупки... Се надевам дека и тоа им е во план. А што се однесува до неасфалтираните места на тротоарот, можеби се оставени за ископи за приклучување кон топловодот на Топлификација за парното греење. Ова е само моја претпоставка. Или, можеби им снемало асфалт во моментот?