Концесија на автопатишта

и од оваа работа нема ништо се додека не дојдат некои посериозни на власт(ако има такви во македонија)тогаш ке тргне работава со овие се гледа дека нема нисто да испадне

За две недели ќе се знае судбината на автопатиштата од Коридорот 8

За две недели владин економски тим ќе понуди нов предлог за динамиката и за начинот на финансирање на изградбата на автопатиштата во државата, откако пропадна тендерот за нивно концесионирање, најави министерот за транспорт и врски, Миле Јанакиески. Во Агенцијата за државни патишта се правеле анализи дали ќе се гради автопат или реконструкција со проширување.

На отчетот за 100 дена од работата на Владата, Јанакиевски најави повеќе капитални проекти, како што се обнова на железничката станица Скопје до 2013 година, електронска наплата на патарина за Коридорот 10 до 2013 година, влез на приватни железнички компании. Понудите за изградба на автопатот Демир Капија-Смоквица од Коридорот 10 ги очекува до 1 декември.

http://www.kapital.com.mk/mk/dneven_vesnik.aspx/75834/za_dve_nedeli_kje_se_znae_sudbinata_na_avtopatishtata_od_koridorot_8.aspx?iId=2439

eve isto taka zosto ni e neophoden k8! nie se soocuvame so eden vid embargo od strana na grcija tie sekoj den strajkuvaat a zatvoreni se preminite samo so makedonija.k8 itno ni e potreben inaku ovaka nema ekonomski razvoj

Милионски загуби од грчките блокади, Коридорот 8 неопходен

петок, 14 октомври 2011, 16:29

Милионски загуби трпи македонскиот бизнис од блокадите на грчката граница. Компаниите бараат алтернативни патишта за да може да одговорат на обврските и се соочени со сериозни проблеми за набавка на суровини кои главно одат преку Солунското пристаниште. Дел од стопанството веќе ги редуцира плановите за производство бидејќи е ризично да се планира во услови на континуирани протести кај јужниот сосед. Директорот на Макстил Александар Панов предупредува дека ваквата ситуација итно ја наметнува потребата од изградба на Коридорот 8. Ова според него е обврска на владите, а ќе ги зголеми алтернативните патишта за домашното стопанство. Вака, компаниите само бележат загуби и губат на конкурентност.

Владата официјлано не реагирала за грчките блокади. Според министерот за финансии Зоран Ставрески Европа треба да реагира и да најде ефикасно решение за презадолжената земја.

Инаку штрајкот на грчките царински службеници според најавите ќе трае во наредните десет дена. Целосно е прекинат товарниот патен и железнички сообраќај. Границата може да ја поминат единствено пешаците.

http://www.time.mk/read/1c605d37c9/50c69c098f/index.html

Затоа што може да се направи? - Треба да се сконцентрираме во овие 3-5 години на инвестиции во енергетиката, кои можеме да ги направиме на своја рака условно речено, со задолжување со "ефтини" кредити. Под такви инвестиции спаѓаат Бошков Мост, Луково Поле, изградба на ветерен парк, мали/средни соларани централи и инвестиции во РЕК Битола и РЕК Осломеј. Овие се многу реални инвестиции гледано од временски и финансиски аспект, треба да се очекуваат. Вакви инвестиции исто така идат во прилог на економијата, бидејќи секој потенцијален инвеститор гледа дали може да биде задоволена неговата потреба за потрошувачка на енергија пред да инвестира. Со тоа ќе се свртат и поголеми пари во буџетот кои ќе ни отворат нови можности во релативно краток период.
Значи мораме најпрво да се свртиме кон овие инвестирања, а потоа да се свртиме кон инфраструктурата бидејќи енергијата носи повеќе "директни" пари, а исто така и отвора можности за индиректни инвестиции кои исто така ќе си го дадат придонесот кон буџетот.
И не треба да се заборава на Вардарска Долина, проект кој треба сериозно да си го сфатат властиве, бидејќи 80% од финансирањето доаѓа од кинезите, меѓутоа ќе има страшно позитивен ефект врз економијава, со оглед на тоа што ќе партиципираат голем број на подизведувачи и разни производствени гранки, со што би дошло до голем економски раст.
Така да, прво енергетика, а после (за 5-7 години) некои посериозни сообраќајни инфраструктурни офанзиви. Мора прво да се слијат повеќе пари во касата.

Секој има право да го промени мислењето и еволуција на истото.
Јас сакам да го истакнам финасиско-економискиот момент кога се зборува за коридрите. Да ги оставиме настрана идеалистичко-романтичарските погледи и желби. Имено, патиштата и железницата се скапи работи.
После последнава криза (во која веројатно уште сме) во светот постепено се напушта Кејнзиското учење во кое зголемената потрошувачка влече поголем раст. Како последица на тоа се намалуваат и инвестирањата во инфраструктурата. New deal-от во ова време не ги дава истите резултати како порано. Се оди на така-наречени таргетирани инвестиции, значи оние за кои е извесно дека ќе овозможат развој, во најбрзо можно време, од една или можеби две децении.
Заради слаб ПГДС, нашите патишта не се во оваа група. Освен ПГДС банките ја гледаат и економската активност во која исто така не ги исполнуваме стандардите Еве набрзина како оди таа пресметка, ако Македонија има 5 милијарди трговска размена, да решеме за 10 години растот на БНП да е 5% во просек, тоа би дошло одприлика 7 - 8 милијарди годишно до 2020 год (овде ги земам најоптимистичките бројки, верувајте никој не ни дава тлкави шанси надвор). За тие пари они нема да ни ги отварат фондовите за К8.
Друг извор асе комерцијални кредити со државни гаранции, и тие би ги добиле полесно. НО тие се со многу повисока камати, над 5 %, водат во задолженост на државата, и со тоа се става јамка на вратот. Во последно време се вртат кинески пари, релативно се поволни, но кинезите бараат нивни фирми да ја извршуваат изградбата. Во белград се гради мост по таа шема. Значи државата го враќа кредитот-а кинезите градат. Дали би било ова поволно за нас? МОжеби, но треба кинезите да се заитересираат.
Уште една работа е што треба да се внимава на домашната оператива која вработува многу луѓе, а и потребни и се референци за потенцијално да се вмеша во некој проект надвор. За таа цел се одвојуваат ставки во буџетот на име капитални инвестиции, и им се дава некој делница со години да ја изведуваат. Ова е трет финансиски извор за К8, но негативно е што долго трае таа изградба а и е извор на корупција.
А тоа дали е К8 политички коридор, јас силно стојам, а и времето ќе докаже дека сум во право, како што бев во право за оној глупав АМБО нафтовод, што за среќа се откажа. Од К8 вреди само пругата до Бугарија, штета што Бранко не успеа да ја заврши.

И да заклучам со предвидувањето дека до 2020-2025 нема воопшто да се работи на К8. (Да се надеваме дека нема да бидам во право)

Ова промена на став, како прво е како една мала причина за иритирање така уфрлена во дискусијата во недостиг на аргументација. Не планирам да објаснувам зашто мене ставот ми еволуирал и сам кажам предходно. Да не идам со вака остра реторика, Андреј вака е повратник после некое време, не сакам така да звучам одбивно. Додека сум бил "дете" за овие работи и сам навивав за обиклницата, ама денеска знам дека е цела делница многу години пред времето да биде потребна. Таква доблест од ниеден друг тука подолго пристуен член не се сеќавам да сум прочитал, ако грешам поправете ме.

Македонија со една реченица кажано треба да си направи ПГДС мапа и приоритети во изградба на патната мрежа да биде онаму каде што ПГДС-от притиска во однос на постојниот профил, а следствено на тоа изградба на она што е тамо планирано, без реазлика од кој профил пат било тоа.



Edited by lslcrew - 14-Oct-2011 at 13:49

Не, туку кога веќе водиме сериозни дискусии сметам дека е нужно таквата промена да се обоснови со факти. Јас за жал не чув конкретни издржани мотиви за ваквата промена, а би сакал. Никој тука не говори или се застапива за изградба на автопати заради престиж, комплекс или севернокореиштина, туку потреба и нужност.

ISL, ја прифатив поканата од Кловер да ја прелистам целата нишка, еве прочитај ја и ти. Фрапантна е промената на мислење кај тебе за 180 степени! Слепо ги браниш сите одлуки и чекори на владата,  но по исклучително лоша цена за својот кредибилитет на форумов. Затоа незнам зошто мене и дел од другите софорумци ги нарекуваш Севернокореици (демек крајни во своите ставови) или пусти сонувачи за премостување.
Навистина е досадно цело време да вадиш економски теории и политики кои во светот се одамна напуштени. Веруваш во краен либерализам и тргнување на државата од сите сфери каде е тоа можно. Според актуелната економска политика (така се вика посегот на државата во економските активности вклучително и автопатите), државата воопшто не е исклучена од овие дејности, напротив се окуражува што поголемо нејзино вмешување и конторла кои овозможуваат огромни социални бенефити.
Јас пар се не сум против концесијата, но сметам дека К10 и К8 мора да се изградат и останат во државни раце бидејќи се рбетот на Македонија и државата без нив не би смеела да остане. Потоа, за на нпр. 10 години кога за тоа ќе се создадат поволни услови (под тоа мислам поволни критериуми за заинтересираност на концесионерите, без притоа да се направи штета на граѓаните, како според актуелниот план на владата, која дава во пакетите веќе изградени правци и субвенции), нека се дадат на концесија правците како Битола-Прилеп-Велес-Штип...



Edited by Andrej_LJ - 14-Oct-2011 at 08:07

Па не е ништо особено радикално, само што тогаш може и не сум се посветувал толку за проблематикава и бев оптимист како и за секоја нова опција, ете пробавме со концесионирање не се случи ништо, идеме понатаму не е крај на свет. Може и тогаш и јас да сум бил дел од тие што така романтично фантазирале за комплетирана автопатна мрежа коклку за да ја имаме, нешто што го приметувам кај многу од тие што дебатираат за оваа тематика, практично од исти мотиви од кои Северна Кореја има стотици километри права линија автопат, односно не дека стварно треба, или од престиж како сакаш кажи го. Една неколку пати моја кажана теза е дека бадијала ја градевме источната делница на Скопската обиколница и сеуште тврдам дека е така од кога сум сватил, инаку заедно сите тогаш навивавме за градењето. Тоа е тоа, ништо посебно.


Edited by lslcrew - 14-Oct-2011 at 02:18

Originally posted by tonikostov мене ми смрди како да ќе изгубиме доста време барајќи концесионери... на крај самите ние ќе се решиме да ги изградиме коридорите, ама веќе ќе бидеме слепо црево, бидејќи околните земји веќе не премостуваат...

Веќе е изгубено времето за наоѓање на концесионери. Постапката за доделување концесија започна во јули 2009 и првичниот рок за доставување на понуди беше октомври 2009. Следеше измена на патните правци (нивно редуцирање) кои се нудеа на концесија и многубројни одложувања на првичниот рок кој беше пролонгиран за 2 години. Идејата официјално пропадна.

Во Програмата за работа на владата за 2011-2015 стои дека „доколку не се добијат прифатливи услови за концесија, ќе се користат други начини за финансирање на постапна изградба со нова динамика.“ Тоа значи дека или ќе се гради од средства од буџетот, или ќе се бараат позајмици, или комбинирано. Подготовката на буџетот за 2012 е во тек. Наскоро ќе дознаеме колку средства ќе бидат одвоени за патишта.

Edited by OCB - 14-Oct-2011 at 00:16

мене ми смрди како да ќе изгубиме доста време барајќи концесионери... на крај самите ние ќе се решиме да ги изградиме коридорите, ама веќе ќе бидеме слепо црево, бидејќи околните земји веќе не премостуваат...