Расадник

Повторно ја кревам темава за евидентирање на фактичка состојба.

Денес измина точно еден месец од крајниот рок на по втор пат повторениот и на тоа уште дополнително продолжениот таканаречен , ветер и магла - конкурс за Расадник. Според барањата на домашната како и на меѓународната архитектонска заедница де ...

Во овие месец дена општината прво го тргна па повторно го врати банерот за конкурсот на нивната официјална веб-страна. Од телефонски директни јавувања во секторот за урбанистичко планирање на општината се прогласија за ненадлежни и упатија да чекаме информација од комисијата за конкурсот.

Во овој месец дена Градоначалникот на неколку гостувањата по медиуми самостојно не проговоре ниту збор за конкурсот. Се до неговото гостување во емисијата Стадион на Канал 77 од 21.10.2023 каде на констатацијата на водителот дека ниту претходниот градоначалник ниту тој намаат донесено ниту еден единствен урбанистички план ама затоа ршум прават со старите .....Градоначалников иако збореше многу скоро ништо не кажа ...во кратки црти закључоците по темата Расадник се :

- конкурсов бил невидено остварување какво немало уште од времето на Кензо Танге
- Првиот Конкурс беше неуспешен (со пријавени 4 труда ) , ама вториов е сега успешен бидејќи се пријавиле вкупно 5 труда.
- Телото кое одлучува сеуште не ги отворило пристигнатите трудови ( ама он веќе го прогласи за успешен на невидено )

За оние што имаат екстра нерви го оставам линкот . Разговорот почнува од 01:58:40 ...

https://www.youtube.com/watch?v=h6Sh50rgi2Y

...."Дополнителниот рок беше предвиден да трае четири месеци, односно до 03.07.2023. Сепак, до Општина Кисела Вода од архитектонската заедница и од Македонија, но и од повеќе земји од светот, пристигнаа повеќе забелешки во однос на кусиот рок и неможоста да се учествува на Меѓународниот конкурс
поради немање доволно време за подготовка на архитектонско-урбанистичко решение. Со оглед на желбата на Општина Кисела Вода, за обезбедување квалитетно, одржливо, хумано, здраво живеење и заштита на животната средина за жителите на Расадник, оваа локална самоуправа одлучи да излезе во пресрет
на барањата на стручната заедница и да понуди нов рок до кој се очекуваат идејните решенија за ДУП-от за Расадник.
Имено, Меѓународниот конкурс ќе биде отворен се до 29.09.2023 година."

https://www.kiselavoda.gov.mk/index.php/component/content/article/8-soodrzina/3559-33333

Originally posted by skopskodete А како може студенти (недипломирани/немагистрирани архитекти) да се пријавуваат на конкурс за идејно решение?

Веројатно ќе ги почекаме да дипломираат прво.

Исто така , студентите ќе го обработуваат Расадник еден цел семестар , а крајниот рок на повторениот конкурс завршува за три месеца ....

Добар си е Орце,за асфалтирање уличиња шо не биле асфалтирани 40-50години,онде позади кулата напрајл од камења голи убав паркинг,ама изгледат то му е домето,прегрди згради уште си никнуват на секој чекор,стандард за К.Вода.

Сепак како и што очекував за суштински проблеми,рушење на хоророт Фиком,стопирање на зградосување на општината и конкретно РАСАДНИК немат да имат сила. Премногу голема тегла мед е Расадник за се остајт туку така,премногу прсти имат внатре
Студенти од Италија ќе посветеле еден цел семестар на проучување на расаднико,ај мајката,затоа го поништија конкурсо од Кореа ? Да добие некој Џанфранко 5-6илјади евра ? Јака дупешка немат шо


А најсмешно од се е шо можит на брзина да се реши проблемо со 6-7 облакодери кои убо ќе дојдат паралелно со Џевахир,другото нека биди шума,основно,средно,градинка,црква,трговски шо и да планират,ама не треба 500 души да земат провизии,и на крај пак .!.

Архитекти од Италија заинтересирани за изработка на ДУП за Расадник

35 студенти од Италија заедно со свои професори од Факултетот за архитектура “Политехнико” од Торино, придружувани од зам. Амбасадорот на Италија во Македонија, Марио Де Роса, ја посетија Општина Кисела Вода. Заинтересирани за Меѓународниот конкурс за идејно решение за Расадник, дојдоа лично да ја разгледаат оваа градска четврт и да се информираат за некои поединости околу конкурсот. Како што информираше нивниот професор, Алесандро Армандо тие се студенти на четврта година, еден цел семестар ќе го обработуваат Расадник, па оваа посета има непроценливо значење за нив, како идни архитекти и можни апликанти на конкурсот. Секако, за конкурсот е заинтересирана и стручната јавност од Италија. На самиот почеток, гостите ги поздрави градоначалникот Орце Ѓорѓиевски, им се заблагодари за интересот и ја истакна важноста на овој меѓународен конкурс за жителите на општината и нивните очекувања, оваа урбана заедница да добие лик кој ќе ја идентификува како хуман кварт за живеење.


– Распишаниот Меѓународен кокурс за идејно решение за градската четврт Расадник е еден од еклатантните примери за нашиот начин на работа, како ново раководство на Општина Кисела Вода. Со доследно почитување на законската рамка, во целосно транспарентен процес, со вклученост на жителите, со меѓународна жири комисија, го бараме идејниот лик за оваа градска четврт, која е сместена во централното јадро на Кисела Вода. Верувајќи дека ќе добиеме стручно естетско решение кое ќе ги задоволи потребите на нашите жители во еколошка, урбанистичка и хумана смисла, за оваа постапка побаравме и добивме поддршка од целата стручна заедница во Македонија, а се надевам дека интересот да се учествува ќе биде голем и кај меѓународната јавност.


Впрочем, многу ни значи и вашата денешна посета на која ќе можете да се запознаете со деталите на конкурсот, ќе можат да бидат одговорени прашања околу евентуални нејаснотии, и сево ова не од мене, туку од стручните лица кои се дел од комисијата и се тука присутни. Јас како градоначалник, сакам овој процес да биде целосно ослободен од било какви можни влијанија, сосема транспарентен и чист, и затоа, од самиот почеток, до самиот крај, решив да се изоставам-истакна градоначалникот Ѓорѓиевски, кој потоа, седеше во публиката и ја следеше дикусијата водена од декан на Архитектонскиот факултет-Скопје, Огнен Марина, други претставници на жири комисијата и гостите од Италија и од италијанската Амбасада во Македонија.

Во текот на дискусијата, беа претставени потенцијалите на оваа градска четврт, програмските насоки кои треба да им бидат смерница на учесниците на Меѓународниот конкурс за изработка на идејното решение за Расадник, како што се постоење на детска градинка, основно училиште, верски објект, урбана парк – шума од минимум 100.000 м2, спортско-рекреативни содржини, високо образование со ботаничка градина…


На прашањата од италијанските гости, одговараше деканот на Архитектонскиот факултет-Скопје, Огнен Марина, како и други стручни лица кои се дел од жири комисијата.

Меѓународниот конкурс за идејно решение за ДУП за Расадник, е поддржан и од УНДП. Оваа организација ќе даде стручна поддршка, ќе го промовира преку своите меѓународни канцеларии и ќе обезбеди поголема транспарентност преку вклучување на набљудувачи во целиот процес. Сево ова во рамките на проектот со кој ќе се одбележи јубилејот од катастрофалниот земјотрес во Скопје.


Распишаниот Меѓународен конкурс за идејниот лик на Расадник e реобјавeн со неколку измени во насока на олеснување на процесот за конкурирање. Не е поставен лимит за пристигнати трудови, студентите можат да конкурираат без проектантско биро, а конкурсните документи може да се испратат до општината преку електронски медиум (CD или USB). Општина Кисела Вода ги поканува сите заинтересирани стручни лица и студенти и од Македонија, но и од светот, да дојдат, или да пишат доколку имаат некакво прашање, стручните служби се тука да им помогнат, да им објаснат, се со цел да нема никави администативни бариери кои би можеле да попречат ако некој сака да учествува на овој Меѓународен конкурс. Истиот е отворен до 03 јули 2023.

https://www.biznisvesti.mk/arhitekti-od-italija-zainteresirani-za-izrabotka-na-dup-za-rasadnik/

До 3-ти Јули Ај уште два 3 Јулиња па немат да се замарат веќе со амбициозниов зафат градоначалнко
Ете од Кореа пратиле конкурс,една од најнапредните земји во моментов шо појќе сакаш,или тие или Јапонците,Скопје си имат традиција со Јапонци шо му фали да си најмат друштво да напрајт асален проект за олкаво место кое реално е последно место кај шо можи нешто ко што требит да се направи,ако се сака..

Општина Кисела Вода го реобјавува Меѓународниот конкурс за идејниот лик на Расадник

Општина Кисела Вода го реобјавува меѓународниот конкурс за идејниот лик на градскиот кварт Ј14, попознат кај нашите граѓани како ДУП Расадник. Првиот конкурс беше поништен од конкурсната комисија поради недоволниот број пристигнати трудови. На новиот конкурс не е поставен лимит за пристигнати трудови и на него ќе можат да конкурираат и студентите без проектантско биро.

– Меѓународен конкурс за идејниот лик на градскиот кварт Ј14, попознат кај нашите граѓани како ДУП Расадник, е своевидна револуција во урбанистичко-архитектонското дејствување во Македонија, бидејќи овозможува одговорно, стручно и хумано планирање на ликот на оваа урбана заедница. Не ги добивме посакуваните решенија во првиот обид, кога и покрај големата заинтересираност, имаше недоволен број пријави, па мораше да се поништи конкурсот. Сепак, Општина Кисела Вода не се обесхрабри во намерата Расадник да биде пристојно и хумано место за живот – потенцираат од Општина Кисела Вода.

Оттаму објаснуваат дека комисијата, веднаш по завршувањето на конкурсот, направила опсежна анализа за причините за недоволниот број пријавени апликации. Во изминатиов период се одржаа состаноци со Архитектонскиот факултет, Комората на архитекти и со Асоцијацијата на архитекти на Македонија и се направија анкети на сите заинтересирани потенцијални апликанти, по што мешовитата работна група од трите институции и Општината ги вклучи насоките добиени од Факултетот и од професионалната заедница во конкурсната документација.

– Олеснет процес за конкурирање, со новиот дополнет текст, имаат и студентите, кои можат да конкурираат без проектантско биро, а дополнително сите конкурсни документи сега ќе може да се стават на електронски медиум (ЦД,УСБ, итн.) и во затворен коверт со другата документација, по брза пошта, да се достават до Општината. Ова значително финансиски им помага на странските учесници и беше дел од нивните барања – велат од Општината.

Новиот меѓународниот конкурс за Расадник во наредните четири месеци ќе биде предизвик за сите оние што ќе понудат иновативни решенија и ќе обезбедат квалитетно, одржливо, хумано, здраво живеење и заштита на животната средина за жителите на Кисела Вода. До 3 јули годинава, конкурсот ќе биде јавно достапен на веб-страницата на Бирото за јавни набавки.

https://www.vecer.press/општина-кисела-вода-го-реобјавува-меѓ/

НЕУСПЕШЕН Е КОНКУРСОТ ЗА РАСАДНИК ВО КИСЕЛА ВОДА ОТИ НЕМАЛО ДОВОЛНО ИДЕЈНИ РЕШЕНИЈА, ГЕОРГИЕВСКИ ВЕЛИ ЌЕ СЕ РАСПИШЕ НОВ

Неуспешен е конкурсот за избор на идејно решение за уредување на просторот Расадник во Општина Кисела Вода. На конкурсот стигнале само четири идејни решенија, а во условите се бараше да има најмалку седум труда. Поради тоа, 9-члената жири комисија одлучила да не се разгледувааат пристигнатите тудови бидејќи не се исполнети условите.

„Секако дека ќе има нов конкурст, не се откажуваме од идејната Расадник да се уреди по идеја на стручната фела. Комисијата во наредниот период ќе одлучи дали ќе се намали бројот на потребни трудови кои треба да пристигнат за да биде успешен конкурсот. Тоа би била единствената измена, другите услови ќе останат исти. Жално е што само еден од трудовите е домашен, од наши архитекти. Другите три се од странство“, вели градоначалникот на Општина Кисела Вода Орце Георгиевски.

Конкурсот за Расадник беше објавен лани во јули. Општината го подготви заедно со Асоцијацијата на архитекти, Архитектонскиот факултет и Комората на овластени архитекти и инженери.

Во Расадник со конкурсот ќе има згради, но не 99 висококатници кои целосно ќе го бетонизираат овој дел од градот. Се бара да биде предвидена и градинка, основно училиште, верски објект, урбана парк-шума од минимум 100.000 метри квадратни, спортско-рекреативни содржини, високо образование со ботаничка градина.

Сегашниот Детален урбанистички план (ДУП) предвидува изградба на околу 100 нови згради на последното големо зеленило во Скопје, на само 2 километри од центарот на градот, со што дополнително ќе се загрозат и онака лошите и нехумани услови за живеење во овој дел од општината. Граѓаните на Кисела Вода излегоа на протести против лошиот ДУП и побараа минимум 40% јавно зеленило на просторот, катни гаражи, градинки, спортски терени, детски игралишта, училишта, поликлиника, велосипедски патеки.

https://sdk.mk/index.php/dopisna-mrezha/neuspeshen-e-konkursot-za-rasadnik-vo-kisela-voda-oti-nemalo-dovolno-idejni-reshenija-georgievski-veli-ke-se-raspishe-nov/

Поништен конкурсот за локалитетот „Расадник“, доставени само четири труда а потребни биле најмалку седум

Меѓународниот архитектонско-урбанистички конкурс за избор на идејно решение за локалитетот „Расадник“ во скопската населба Кисела Вода е поништен, затоа што до истекот на крајниот рок биле доставени само четири конкурсни труда, информираат од Општина Кисела Вода.

„Со оглед дека согласно конкурсната документација минимален број на конкурсни трудови кои ги исполнуваат условите беше седум, жири комисијата констатира дека не се исполнети условите за евалуација на пристигнатите трудови и согласно Конкурсните правила му предложи на градоначалникот да го поништи Конкурсот и да објави нов Конкурс“, информираат за „Мета.мк“ од Општина Кисела Вода.

Општинските власти додаваат дека не се откажуваат од меѓународниот конкурс и по севкупна анализа за причините за малиот број на пријавени компании од Македонија, како и одржување на состаноци и координација со партнерите во овој проект, односно Архитектонскиот факултет од Скопје, Комората на Архитекти на Македонија и Асоцијацијата на Архитекти на Македонија, наскоро повторно ќе го објави Меѓународниот конкурс.

Според нивните информации, на меѓународниот конкурс бил доставен еден конкурсен труд од земјава и три конкурсни трудови на архитекти од земји од Европа и Азија. Рокот за пријавување на конкурсните трудови на поништениот конкурс беше 11 ноември 2022 година.

За спроведување на Конкурсот беше формирана жири комисија со претставници од Архитектонскиот факултет од Скопје, Факултетот за архитектура и дизајн од Торино- Италија, Комората на Архитекти на Македонија, Асоцијацијата на Архитекти, претставник на граѓанското Партиципативно тело во Кисела Вода и Комисијата за урбанизам во Кисела Вода.

Инаку, меѓународниот конкурс од Општина Кисела Вода беше објавен на 12 јули 2022 година.

Од Општина Кисела Вода посочуваат дека во локалниот буџет за 2023 година предвидени се средства за изработка на Детален урбанистички план за градската четврт Ј14, односно за локацијата „Расадник“ и веднаш по изборот на идејното решение на меѓународниот конкурс ќе се пристапи кон спроведување на тендерска постапка за избор на изведувач за изработка на ДУП-от за „Расадник“.

Општинските власти велат дека и во новиот меѓународен конкурс што треба допрва да биде објавен, јасно ќе бидат поставени условите за локацијата „Расадник“ – да има минимум 100.000 метри квадратни парк-шума, но и објекти од јавен карактер, како што се: високо образовна институција, основно училиште, градинки, верски објект и други инфраструктурни објекти од јавен интерес.

„Од конкурсните трудови не се очекува ниту ќе се дозволи изградба на 99 нови згради на оваа локација, како што се предвидуваше во минатото. Напротив, со Меѓународниот конкурс се очекува решение кое ќе овозможи предност на јавниот интерес наспроти приватниот и ќе овозмoжи „Расадник“ да биде место за хуман живот“, велат од Општина Кисела Вода.

Изборот на идејно решение за идниот урбан развој на локацијата „Расадник“ на меѓународен конкурс е едно од изборните ветувања на актуелниот градоначалник на општина Кисела Вода, Орце Ѓорѓиевски.

Темата за идна урбанизација на локацијата „Расадник“ беше актуелизирана пред одржувањето на локалните избори во 2021 година. Во летото 2021 година иницијативата „За Расадник на можности за хуман живот во Кисела Вода“ организираше протест против досегашниот ДУП за „Расадник“, којшто предвидуваше изградба на 100 станбени згради на оваа локација. На протестот во јуни 2021 година се појавија и сопствениците на земјиште на оваа локација, кои пак во расправија со членовите на иницијативата тврдеа дека немало никакви пречки за да бидат изградени 100-тина станбени објекти и дека тие се откажале од дел од нивното земјиште на име изведба на зеленило во рамки на нивните парцели.

https://meta.mk/ponishten-konkursot-za-lokalitetot-rasadnik-dostaveni-samo-chetiri-truda-a-potrebni-bile-najmalku-sedum/

Ја кревам темава за евидентирање на фактичка состојба.

Денес помина точно месец дена откако заврши крајниот рок за пристигнувањето на идејни решенија за УМЕТНИЧКАТА СЛИКА , наречена Меѓународен Конкурс за Расадник.Сегашната локална власт оваа идеја , како врвно и досега невидено постигнување ,ја промовираше редовно и постојано по медиумите почнувајќи од нивната кампања за локалните избори 2021 година па се до формалното објавување на истата , почеток на јули оваа година. Со оглед на тоа дека до сега не излезе ни најмала информација за исходот на меѓународниот конкурс, слободно може да се закључи дека овој проект доживеа тотално ФИЈАСКО !

Edited by Auric.Goldfinger - 11-Dec-2022 at 15:54