Образовни институции (општо)

ОУ „БЛАЖЕ КОНЕСКИ“ КОНЕЧНО ДОБИВА НОВА ФАСАДА

Основното училиште „Блаже Конески“ во населбата Мичурин наскоро ќе добие целосно нова фасада, со што ќе почне реализацијата на едно од главните ветувања на градоначалникот Тимчо Муцунски за обнова на сите основни училишта на територијата на Општина Аеродром.

Фасадата на зградата на ова основно училиште ќе биде реконструирана со средства донирани од компанијата ТИТАН Цементарница „Усје“ АД Скопје која за таа цел ќе обезбеди 4.446.548 денари или околу 72 илјади евра. Ваквиот проект произлегува од конструктивната соработка на Општината и раководниот тим на оваа општествено-одговорна компанија.





https://www.facebook.com/OpstinaAerodrom/

Порталб.мк: Тетово, студентскиот дом кој се ветува од 2016 година, повторно се ветува за следната академска година



Се ветува од 2016 година, сепак студентскиот дом во Тетово се уште не е завршен, надлежните досега само ги продолжуваа роковите и ветувањата за негово завршување, последен беше поранешниот заменик министер за образование Арафат Шабани кој рече дека работите ќе завршат пред нова година, а новиот министер за образование Јетон Шаќири не прецизираше нов рок, но рече дека за наредната академска година се очекува да биде готов, пишува Порталб.мк

Иако студентскиот дом во Тетово е многу потребен за студенти од странство и од другите градови, тоа досега не беше доволен мотив за надлежните да го реализираат проектот за каков дом. што се ветува од 2016 година. Притоа ги пречекоруваа роковите за реализација и постојано ветуваа нови рокови за завршување на проектот, но без конечен резултат до денес.

Ректорот на тетовскиот универзитет Решат Ќахили пред три дена во изјава за новинарите рече дека зградата од формален аспект е веќе завршена, но дека се потребни дополнителни средства за внатрешниот инвентар.

„Разговаравме со министерот, тој изрази подготвеност во ребалансот на буџетот, што ќе биде некаде во мај или најдоцна јуни, да се предвиди одвојување на средства за инвентарот на домот за наредната академска година да има можност да се најде место за нови студенти“, рече Ќахили.

Од друга страна, министерот за образование Јетон Шаќири на прашањето дали ќе има одговорност за пречекорувањето на роковите за реализација на проектот, рече дека првично треба да се бара одговорност од негова страна како министер доколку студентскиот дом не почне да се подготвува наскоро.

„Владата во овој двегодишен период се справува со предизвикот на Ковид, што има и финансиска природа. Мора да преземеме одговорност домот што поскоро да биде достапен за идните студенти“, рече Шаќири.

А пак, за тоа дали има точен датум кога ова ќе заврши, министерот одговори вака:

„Не можам да дадам точен датум, но моја голема желба, како и на сите други е на почетокот на новата академска година да имаме студенти кои ќе бидат сместени во студентските домови. За да се оствари оваа желба мора да се обезбедат средства, да се видат сите финансиски можности. Ќе се заложам за оваа проблематика со сиот мој капацитет и сите финансиски можности за да се осигури студентскиот дом да стане реалност“.

За да видиме до каде се стигнати работите внатре, го посетивме студентскиот дом, но истиот беше затворен, а во продолжение погледнете ги фотографиите, направени од Порталб.мк, за тоа како изгледал домот внатре во октомври 2021 година:

Изградбата на студентскиот дом во Тетово е инвестиција вредна 166,5 милиони денари, зградата ќе има 305 легла. Покрај собите за спиење, во истиот е предвидено да има и технолошка соба, читална, сала за вежбање на студентите, простор за ужина итн.

Се ветува од 2016 година

Истиот ден кога Владата на Северна Македонија го усвои законот за основање на Универзитетот „Мајка Тереза“ беше објавена изградбата на студентски дом во Тетово. Беше 2016 година, а истата година беше објавен и тендерот за изградба на овој студентски дом.

Потсетуваме дека министер за образование и наука во тоа време беше Абдилаќим Адеми.

Но, и покрај тоа што тендерот за изградба беше објавен во септември 2016 година, одлука за почеток на работите немаше, при што одлуката официјално беше донесена на крајот на март 2018 година и беше предвидено објектот да биде финализиран во април/мај истата година. Но, тоа не беше направено и во овој временски рок. Неодамна поранешниот заменик министер за образование Арафат Шабани изјави дека студентскиот дом требало да биде готов пред нова година, но и тоа не е направено.

Инаку, немањето студентски дом е проблем за многу странски студенти бидејќи според нив цените на приватните станови се скапи, а покривањето на трошоците се неиздржливи за еден студент. А пак наоѓањето на еден или повеќе цимери за живеење и споделување на трошоците не е секогаш лесно. Има студенти кои поради немање студентски дом се принудени да патуваат.

https://meta.mk/portalb-tetovo-studentskiot-dom-koj-se-vetuva-od-2016-godina-povtorno-se-vetuva-za-slednata-akademska-godina/

Originally posted by <Fresno> Нормално дека треба подобро школо. Ама па кога си го гласаат ДУИ 20 години, не заслужуваат ни ваква шупа.

Тоа е. Истото беше и со Арифи во Тетово, сега Касами барем до сега прави добра работа.

Originally posted by гитардемон Каков данок точно плаќате вие со двојно државјанство?

Редовни комуналии (сопственици на куќи) и данок при купување на продукти во големи суми. Истотака подржување на локалните бизниси, кога дише Македонија, во сезона или сега?
Пак велам, иако е село сепак штом се одлучило за школо треба да е фер и да си го добијат истото право за квалитетно образованије, се друго е дискриминација без оглед на тоа што се од религија, националност итн.

Каков данок точно плаќате вие со двојно државјанство?

Да сме нормална држава едно и единствено прашање ќе се постави, колку данок на доход е наплатен во село Блаце? Да не звучам безобразно и стереотипно, ама арно и толку што се успеало да се изгради тука. Ако задоволува стандарди, нема што "граќаните" да бистрат дали сакале цигли.

Почнаа работите за изградба на училиште во скопско Визбегово



И покрај почетокот на работите за изградба на толку потребното основно училиште во Визбегово, жителите на оваа населба се скептични дека тоа ќе биде завршено во предвидениот рок, односно 18 месеци. Како што велат, речиси секоја активност на власта се прави за политичка корист.

Една народна поговорка вели – без да видиме покрив, не веруваме. Се надеваме дека и овој пат нема да биде политички маркетинг.

Веруваме дека ќе биде направено, но без да го видиме крајот не веруваме бидејќи ова барање е од одамна, од 2014 година или порано. Нешто се гледа, но крајот ќе се покаже сè.

Жителите на Визбегово и учениците се мачат 20 години од овде до Шутка за да одат на училиште, на дожд, снег и ветер. Секој почеток е тежок, но се надеваме дека крајот е успешен.

Училишната зграда се очекува да биде пуштена во употреба за учебната 2023-24 година. Се планира во неа да учат 500 ученици во 17 паралелки.

Поради немањето основно училиште во Визбегово, над 1.400 ученици од одеа до Бутел, Чаир и Шуто Оризари.

https://alsat.mk/mk/pochnaa-rabotite-za-izgradba-na-uchilishte-vo-skopsko-vizbegovo/

Почна изградбата на училиштето во Визбегово – се предвидува да заврши за една и пол година



Долго време жителите на Визбегово сонувале да го гледаат ова.

Почна изградбата на училиштето во Визбегово.
Се оградува парцелата каде ќе се изгради објектот од страна на компанијата која го добила тендерот. Жителите велат дека не можат да ја опишат среќата кога ги виделе машинериите на местото каде ќе се изгради училиштето.

„Кога се разбудивме наутро и ги видовме камионите дека доаѓаат за изградба на училиштето, не знам како да ја опишам среќата, чекавме 10-15години. Фала Богу работите почнаа и многу сме задоволни, не само јас туку цело село е на нозе“, вели Неби Ибрахими.

Неби Ибрахими додава дека секогаш се надевале дека еден ден ќе се изгради училиштето и дека патот до тука бил многу тежок.

„Никогаш не губевме надеж и нема да губиме и се надеваме дека нема да се прекинат работните активности. Со среќа и радост чекаме, нема да се прекинат работите“, додава Неби Ибрахими.

Контактиравме и со градоначалникот на Бутел, Дарко Костовски, за да го прашаме кога ќе завршат работните активности.

„Според договорот меѓу МОН и изведувачот, рокот за изградба на училиштето е 18 месеци или 1,5 години“.

Жителите на Визбегово веќе 20 години чекаат да се изгради училиште во нивната населба. Изградбата на училиштето ја отежнуваа бирократските проблеми меѓу општината и министерствата. А од тоа најмногу настрадаа учениците кои поминуваа по неколку километри за да одат во околните села, а често имаа проблем и со организираниот транспорт.

https://mk.tv21.tv/pochna-izgradbata-na-uchilishteto-vo-vizbegovo-se-predviduva-da-zavrshi-za-edna-i-pol-godina/

Се гради ново основно училиште во општината Илинден



Новото основно училиште што се гради во општината Илинден треба да биде завршено до крајот на оваа година, а првите ученици, според предвиденото, треба да ги прими на почетокот на второто полугодие од оваа учебна година.
– Новото основно училиште ќе биде со површина од 2.400 квадратни метри, со оптимален капацитет од 450 ученици во една смена, ќе располага со 15 училници, осум кабинети за наставници и сала за состаноци, опремени со ИТ-технологија и дидактички материјали, кои ќе придонесат за имплементирање модерен образовен систем на учење и нов квалитет на основното образование. Дополнително, со изградбата на училиштето ќе се овозможи и воведување целодневна настава за учениците – информираат од Општина Илинден.
Оттаму додаваат дека училиштето ќе биде високоенергетски ефикасен објект, со иновативен пристап и воведени нови технологии и еколошки материјали, со греење и ладење со алтернативни извори на енергија.
Изградбата на новото основно училиште ќе чини 1,5 милион евра. Реализацијата на овој проект има цел да се подобрат условите во образованието, како и да се обезбеди квалитетна образовна инфраструктура, со просторни услови за одвивање современа наставна програма.

https://www.novamakedonija.com.mk/makedonija/skopje/се-гради-ново-основно-училиште-во-општ/

ООУ „СТРАШО ПИНЏУР“ - НЕГОТИНО ЌЕ ДОБИЕ НОВ ДЕЛ







Објектот ќе биде изграден на местото каде моментално се наоѓа стара барака, а истата е во лоши услови.

Во овој објект ќе бидат изградени 6 кабинети за следење на настава и една помошна повеќенаменска сала.

линк до презентацијата од објектот

https://www.facebook.com/delkovtoni/videos/1044813192589453