Инфраструктурни забелешки (поопшто)

прво одма би навел постаро писание апропо странски консултант кое убавo ја опишува поговорката дека не се јаде се што лета, односно дека незначи ако некоја фирма доаѓа од европа дека истата и професионално се однесува или во најлош случај е извикана или преценета

Originally posted by mladen_s Но првата слика покажува еден многу поголем план: го нема Источниот булевар (според мене, храбро и одлучно решение). Во секој случај, ИДОМ е сериозна компанија и сигурно не го направиле ова случајно.

Originally posted by Jas Licno Здраво на сите. Имам "мало" искуство со IDOM ENGINEERING. Моментално тие проектираат "во од" еден енергетски објект во Македонија, каде што една странска фирма е изведувач на работите (читај: наша фирма е подизведувач за градежните работи). Бидејќи да работам за странската фирма на едно од раководните работни места, ја вршам "во од" и ревизијата на проектите кои пристигаат од IDOM. Воглавно, цртежите се со толку многу грешки, да вообичаено им треба 5-6 пеглања (читај 5-6 пати корекции и дописи) како би заличиле на "нешто по кое би можело да се гради". Дури на три пати ми се случи да добијам цртежи со ознака на ревизија "B" или "C" а да не е искорегирано ништо освен насловот на цртежот (а десетината суштествени забелешки од ревизијата "A" не се отстранети). Мене ми изгледа дека се многу заглавени со работа и дека едноставно не се во состојба да одговорат на обемот на работа; пред се на кратките рокови. Но воопшто не ги жалам, бидејќи да јас не ги терав да го потпишат договорот со толку кратки рокови и да ги прифатат пеналите кои произлегуваат од нив. Со тек на време работата драстично се подобри, откако проектантите дирекно ги нападнав со неколкукратна преписка со нивната дирекција, а на тема: Вие сте несериозни, ќе ги применам пеналите итн. Сега цртежите стигаат со многу подобар квалитет, многу се подобро обмислени и имаат помалку грешки и недоречености. Но, сепак имаат грешки и покрај нивната внатрешна ревизија. Сега, замисли на што ќе личи проектот за трамвајот, бидејќи да од повеќегодишната пракса знам дека во градот нема никој ни да ги погледне. Ќе ги разгледаат само ревидентите (го знам капацитетот на луѓето кои ја вршат ревизијата за градот) и ќе дадат мислење дека "проектот е мошне добро, квалитетно и уредно изработен и дека немаат никакви суштествени забелешки". По приемот на проектот, а бидејќи да нема доволно пари, трасата нема веднаш да се гради. Е, ај' после, ако си мангуп, земи да jа изведуваш трасата. Проектантот си ја завршил работата и си ги наплатил парите. Чао. Ти си потпишал договор за изведба, а не можеш да изведуваш бидејќи да: 1. Некој од тоа проектантите заборавил дека тука имало подземна траса (канализација, енергетски кабел ... не е битно што), па треба прво линијата да ја дислоцираш (читај: водовод се изместува за максимум два дена, па не знам каков да е, ама канализација за 8 дена). 2. Во проектот ти е наведено дека типот на капаците за сливниците ќе ги избере добавувачот (божеее, пазиии, во Шпанија се купуваат по стандард, а кај нас ги бира добавувачот), 3, Мајсторе, а бе онде на ќошено од куќата координатите не одговараат, шините ќе му отидат на газдата во дневна соба, 4. Итн. Оди па гради. Па знаат ли луѓево колку коштаат 60 часа чекање на машина? Таа работа се зема со обмислена намалена вкупна пресметка и намалена крајна сума (најевтин понудувач), ама со вииисоки саатнини на чекање на механизацијата и луѓето, а кои нашиве комисии не ги есапат многу (уосталом ако Светска Банка и EBRD работат по таму некои нивни правила во кои голема тежина имаат додатните единечни цени и саатнини, па мораме ли и ние да работиме така?). Ајде бе, ќе се мачиме да ги пресметуваме табелите за единечни цени на чекање и за употреба на машини, кога чо'екот е најефтин!!! И, после, трамвајот бил скап. Ајде де. Поздрав.

Edited by +Protagorist - 01-Apr-2014 at 11:40