Локалитет Велешко езеро

Словенци купија атрактивно земјиште во Велешко

Словенечки фирми за трипати повисока цена од почетната ги купија најатрактивните парцели во велешката населба Езеро Младост.

Претставниците на фирмите по 1.200 денари за квадратен метар купија три парцели што се наоѓаат спроти Регионалната академија на Прокредит банка. На јавното наддавање во Министерството за транспорт беа понудени 32 парцели, а се продадоа осум. Пет беа купени од велешки и скопски бизнисмени по цена малку поголема од почетните 400 денари.

Од продажбата на ова државно градежно земјиште, наменето за изградба на објекти за домување, во државниот буџет ќе се соберат 5,6 милиони денари. Новите сопственици се обврзани предвидениот објект да го изградат во рок од две години, а во спротивно договорот ќе се раскине.

(П.П.)