Улица Орце Николов

ТРИ МЕСЕЦИ СЕ ПРАВИ ДЕЛОТ НА ОРЦЕ НИКОЛОВ КАЈ БОЕМСКА УЛИЦА ВО СКОПЈЕ, ЦЕЛО ДЕБАР МААЛО БЛОКИРАНО



Три месеци траат градежните работи за реконструкција на скопската улица Орце Николов во делот кај Боемската улица. Поради градежните работи, воведен е посебен режим на сообраќај на дел од околните улици, а делови се и затворени, па речиси цел ден Дебар Маало е блокирано. Дополнително, метеж се создава и поради паркирани коли на сите страни од гостите во кафеаните, кои го користат тоа што улиците се затворени и никаде го нема пајакот. На сите страни стојат и расфрлени градежни материјали, песок, павер елементи и механизација, па ниту пешаците немаат каде да се движат.

Општина Центар овој дел од Орце Николов почна да го реновира во јули, градоначалникот Саша Богдановиќ вели дека работите малку се одложиле бидејќи чекале БЕГ и ЕВН да постават нови инсталации.

„Доколку временските услови се добри, оваа недела ќе се заврши со оваа фаза од улицата и од понеделник делот од крстосницата со булевар Климент Охридски до Генералштаб ќе биде целосно прооден. Ќе остане уште последниот дел од Генералштаб до крстосницата со Рузвелтова“, вели Богдановиќ.

Реконструкцијата на Орце Николов почна во март годинава, а на стартот на градежните работи беше најавено дека ќе биде готова до јули.

Сo реновирањето, тротоарите се ослободени од коли и тераси од кафулиња, а изведени се пешачки и велосипедски патеки. На крстосницата со улицата Ленинова изведен е кружен тек, а на улицата е воведено паралелно паркирање со џебови за паркинг. Коловозната лента е намалена на 6 метри.

Реконструкцијата чини 1.2 милиони евра.

https://sdk.mk/index.php/dopisna-mrezha/tri-mesetsi-se-pravi-delot-na-ortse-nikolov-kaj-boemska-ulitsa-vo-skopje-tselo-debar-maalo-blokirano/

Велосипедските патеки кај се нерамни, па и имаат и рабници, кои на нова улица навистина не можам да ги разберам. Воедно, сега на дождовите поради тие рабници, целата вода останува на патеките. Едноставно, целосно промашено решение.

Кружните текови нормално дека некој би ги сечел кога тоа не е ни кружен тек, помазно е од велосипедската патека.

Треба зеленило во центар на кружните текови, дефинитивно.

Да бидам реален, улицата сега изгледа 100 пати подобро во однос на претходно. Само треба да се почитуваат местата за паркирање.

ОПШТИНА ЦЕНТАР ЗАСАДИ 15 ЈАВОРИ НА МЕСТОТО НА ИСЕЧЕНИТЕ ДРВЈА НА УЛИЦАТА ОРЦЕ НИКОЛОВ



Општина Центар на местото на исечените дрвја на улицата Орце Николов засади 15 јавори. Од Општината соопштија дека дрвјата се од контејнерско производство, високи над 4 метри и со обем на стебло од 22 до 26 сантиметри.

„Новите дрвја во годините што следат повторно ќе го вратат препознатливиот зелен лик на улицата Орце Николов. Покрај јаворите, во долниот дел ќе се засадат и ниски грмушкасти садници, кои освен декоративната улога, ќе го следат движењето на улицата, ќе придонесат кон заштитата на животната средина и прочистувањето на воздухот“, велат од Општина Центар.

Општина Центар на почетокот на јуни во рамките на градежните работи за реконструкција на улицата, исече дел од дрвјата со објаснување дека се стари и болни, а жителите се жалеле дека при секое поголемо невреме имало опасност од нивно паѓање и нанесување штета.

https://sdk.mk/index.php/dopisna-mrezha/opshtina-tsentar-zasadi-15-javori-na-mestoto-na-isechenite-drvja-na-ulitsata-ortse-nikolov/

Супер идеја, лоша реализација и без концепт типично за наши стандарди.
На паркинг не се мислело, на велосипедисти се мислело ама останале испакнати тротоари итн..
Оставени бандери со жици (мислев дека кога веќе прават инсталациите ќе ги направат под земја)

Originally posted by гитардемон Во ваков случај столбче пред гаражата нема ни потреба да има. Возило нема да влезе на тротоар ако го нема столбчево.

Ќе влезе ќе влезе и тоа како, има да му се паркира пред гаража. Него прашањево ми е кој му дозволил на типов да си напраи гаража пошто очигледно е дека не е на целата зграда.

глупости, се гледа дека на ова место доколку не би била гаражава ќе беа две столпчиња, и дека има доволно простор да помине било која кола за влез/излез од гаража
ај ако не па писти да правиме за секој да може да си влезе дома

Друг проблем:

Вчера поминав со точак по улицава. Џебовите за паралелно паркирање воопшто не се почитуваат, автомобилите си се паркирани како претходно, со тоа што сега заземаат дел од велосипедската патека. Не знам дали им е во план да стават столпчиња.

Фино испаднало...