Базени и водени паркови

ИЗГРАДБАТА НА ЗИМСКИОТ БАЗЕН ВО ШТИП Е ВО ЗАСТОЈ ЕДНА ГОДИНА, А ЛОКАЦИЈАТА Е ОБРАСНАТА СО ТРЕВА



Изградбата на зимскиот базен во Штип веќе трета година тапка во место. На објектот цела година нема никакви работи, а локацијата се гуши во трева и е мета на крадци. На самиот влез и денес стои табла дека изведувач на работите е фирмата „Енергоинвест трејд“, а инвеститор е Агенција за млади и спорт (АМС).

Повеќе спортски асоцијации од Штип и други органи и тела реагираат на индиферентниот однос на државните агенции, кои дозволија целата инвестиција да падне во вода, иако базенот е дограден и нема капка вода во него.

Базенот со 25 метри должина и девет метри широчина почна да се гради во февруари 2020, кога градоначалник беше сегашниот министер за транспорт и врски Благој Бочварски, а на поставувањето на камен-темелникот, тогашниот директор на АМС, Дарко Каевски, рече дека базенот треба да биде даден во употреба до крајот на 2021.

На неговата фејсбук страница и денес стои објавата од 14 февруари 2020 дека се реализира едно од најголемите ветувања од владината програма и повеќегодишно барање и потреба на граѓаните на Штип. Спортските асоцијации од Штип, посебно оние за спортовите на вода, реагираат што сегашниот пратеник Каевски ниеднаш не дошол да провери како се одвиваат работите, а ниту неговиот наследник во АМС, Наумче Мојсоски.

Пливачкиот клуб „Челични“ веќе трета година го постира слоганот „Даваме поддршка за зимскиот базен во Штип“, ама досега овие апели не допреле до инвеститорот кој ја започна изградбата. Членовите на клубот во лето се снаоѓаат за тренирање, а во зима мора да одат во други градови.

Според развојната програма на АМС промовирана пред четири години, во поголемите градови во Македонија требаше да се изградат 14 зимски базени. Засега во функција е ставен само базенот во Тетово.

https://sdk.mk/index.php/dopisna-mrezha/izgradbata-na-zimskiot-bazen-vo-shtip-e-vo-zastoj-edna-godina-a-lokatsijata-e-obrasnata-so-treva/

5 години ветувања за базен во Чаир – Хисени: Ќе се изгради кога ќе се најде компромис помеѓу општината и сопственикот



https://mk.tv21.tv/5-godini-vetuvana-za-bazen-vo-chair-hiseni-ke-se-izgradi-koga-ke-se-najde-kompromis-pomegu-opshtinata-i-sopstvenikot/

Кичевскиот базен се уште незавршен – ветено за 18 месеци, поминаа 25 месеци



https://mk.tv21.tv

А базенот во Охрид уште ли не е готов? Ццццц...

Тотален хаос во македонското пливање: Базените во земјава не работат

На околу 500 пливачи од Скопје, кои тренираа во базенот „Борис Трајковски“, им е драстично нарушен тренажниот процес поради неработење на објектот. Големото корито на Олимписки не е во функција, а ни базенот во Куманово не работи. Сето тоа се случува кога пливачите се подготвуваат за настап на СП.

Во пливањето во Македонија во моментов владее потполн хаос поради неработењето на базените и неможноста да се извршува нормален тренажен процес. Ова е оцена на претседателот на Националната пливачка федерација Горан Стојановски, кој на Вонредното изборно собрание неодамна беше избран на таа функција со огромно мнозинство гласови од клубовите.

Од денеска не работи базенот „Борис Трајковски“ поради дефект, а од пред неколку денови не работи ни базенот во Куманово. Единствено во функција во земјава е малото корито на Олимпискиот базен во Скопје, кое ни оддалеку не може да одговори на потребите на пливачите што останаа на суво. Според Стојановски, пливачката федерација прави напори во контакти со Агенцијата за млади и спорт, Олимпискиот комитет, некои министерства, па дури и преку премиерот Димитар Ковачевски. Добра волја има, но решението е неизвесно.

Добивме информација од надлежните дека за да се реши проблемот со базенот „Борис Трајковски“, ќе треба 10-15 дена. Нашиот пливачки спорт не може тој период да го издржи без тренинзи. Познато е дека 15 дена пауза во пливањето, потоа не може да се надомести во една година. Имаме сериозен проблем. Остануваат без тренажен процес и репрезентативците што се подготвуваат за СП во Јапонија во мај. Штетата е огромна – вели Стојановски.

Сите клубови ми се јавија за да најдеме решение. Направив контакти со премиерот и со надлежните министерства. Станува збор за сериозен проблем, додава Стојановски.

Во Скопје 500 пливачи од триесетина клуба остануваат без тренажен процес. Надлежните ветија дека ќе помогнат, но како и кога ќе стигне помошта, останува на нив. Ги запознавме АМС и МОК, па дури и премиерот, кој во моменти кога има многу важни прашања, се јави и се заинтересира за проблемот. Има навестувања дека ќе се направат напори да се надмине проблемот – вели Стојановски.

Тој гледа спас во активирање на големото корито на Олимписки, чија употреба би го ублажило или би го решило проблемот.

– Но да не заборавиме дека Олимпискиот базен го стопанисува приватен субјект – вели Стојановски, кој во моментот не можеше да потврди дали со помош на евентуално субвенционирање од државата, концесионерот на базенот би се согласил да го пушти и големото корито во функција.

– Малото корито на Олимпски го користат околу стотина-двесте пливачи. Кога ќе дојдат и овие 400 од „Борис Трајковски“, ќе биде хаос. Не е решение малото корито. Големото корито би ја завршило работата, но останува да се види дали тоа ќе може да се изведе. Но, тоа сега е единственото решение да се „бајпасира“ проблемот – рече Стојановски потенцирајќи дека многу ќе зависи од концесионерот.

Според Стојановски, решение би било Владата да го субвенционира трошокот барем еден месец додека не се надмине проблемот со „Борис Трајковски“.

Проблем е и тоа што пред неколку денови се затвори базенот во Куманово и пет клуба со 300 пливачи остануваат без тренинзи. Од Куманово информираат дека сѐ додека не помине енергетската криза, базенот ќе биде вон функција. Тоа значи некоја неодредена иднина за 300 пливачи, кои се на улица.

https://www.slobodenpecat.mk/totalen-haos-vo-makedonskoto-plivanje-bazenite-vo-zemjava-ne-rabotat/

СЕ ЗАТВОРА ГРАДСКИОТ БАЗЕН ВО КУМАНОВО ОТИ ТРОШОКОТ ЗА СТРУЈА И ГАС СКОКНА ОД 15.000 НА 50.000 ЕВРА МЕСЕЧНО

Затворениот градски базен во Куманово од утре нема да работи, поради енергетска криза. Од ЈП „Чистота и зеленило“ велат дека се одлучиле на ваков чекор поради енормното зголемување на цените на електричната енергија и природниот гас, кои не може да ги поднесе буџетот на претпријатието.

Директорот Даниел Стојчевски вели дека лани во зимскиот период, работењето на базенот чинело околу 15 илјади евра месечно, а сега тоа ќе изнесува 50 илјади евра.

„Цената на гасот е зголемена за над 200 отсто. Операторот кој нè снабдуваше со електрична енергија ни го раскина договорот еднострано и сега се снабдуваме со електрична енергија од ЕВН, која ја утрдува цената според пазарната вредност во тековниот ден и таа е за 3-4 пати повисока. Практично, тоа значи дека ако јавното претпријатие во истиот период лани за работата на базенот плаќало за природен гас од 500 до 600 илјади денари, сега треба да плати од 1,2 до 1,4 милиони денари. Струја плаќавме по 300 илјади денари, а сега треба да плаќаме од 1,3 до 1,5 милиони денари. Или соберено заедно, безмалку 50 илјади евра излегуваат трошоците за струја и за гас за еден месец. Тоа е за нас прескапо и ќе го блокира работењето на претпријатието. Затоа, менаџерскиот тим одлучи додека трае економската криза базенот да не работи“, изјави Стојчевски.

Тој додава дека паузата ќе ја искористат за сервисирање на постоечката опрема и одредени градежни работи.

Цената на природниот гас во Куманово од нова година се зголеми за 200 отсто. ЈП „Куманово гас“ го продаваше гасот по 25 денари, а од јануари по 80 денари за метар кубен. Сметките на домаќинставата во просек се движеле околу 3.000 денари месечно, по ново ќе изнесуваат 8.000 денари. Тоа натера голем број установи, институции, приватни фирми и домаќинства да го откажат користењето на гас и да се вратат на греењето на нафта, мазут и дрва.

Во Куманово има 400 физички и правни лица потрошувачи на гас, а Општината и јавното претпријатие во изминатите години го субвенционираа приклучокот за граѓаните, заради финансиските и еколошките придобивки. На гасоводот се приклучени и повеќа јавни институции, училишта, градинките и други државни и општински установи.

https://sdk.mk/index.php/dopisna-mrezha/se-zatvora-gradskiot-bazen-vo-kumanovo-oti-troshokot-za-struja-i-gas-skokna-od-15-000-na-50-000-evra-mesechno/

Затворените базени најавувани, но не изградени



Сеуште ништо од долгонајавуваните затворени базени во Охрид и Струга.Објектот во градот на мостовите е руиниран запуштен обраснат со трње и опколен со градежен шут .Стружани ќе чекаат нов изведувач за негова реконструкција бидејќи договорот со избраната фирма од 2019 бил раскинат. Од Агенцијата за млади и спорт посочуваат дека базенот кој ќе им служи на пливачите, спортистите и рекреативците ќе биде готов следната година.

Директорот на агенцијата за млади и спорт Мојсоски вели дека се интензивира изградбата на затворениот базен во Охрид инсталацијата е пуштена се работи на уредување на внатрешниот простор и се очекува месеците март - април идната година да биде пуштен во употреба.

Објектот во Охрид започна да се гради во 2015 и требаше да биде готов за 30 месеци, но сѐ уште не е завршен ,додека пак во Струга години наназад се најавува реконструкција на базенот последно во 2019 година отогаш до сега поставена е само табла и заграден е просторот.

https://sitel.com.mk/zatvorenite-bazeni-najavuvani-no-ne-izgradeni

Construction of the Pool in Chair becomes a reality
The Agency for Youth and Sports of North Macedonia published the public procurement procedure for building a pool in the Municipality of Cair.
This pool is also planned to have photovoltaic energy efficiency panels that will reduce up to 80 % electricity costs for pool maintenance.





https://www.facebook.com/VisarGaniu.Cair

https://www.facebook.com/AleksandarNaumoskizaGorce

Карпош ќе добие затворен пливачки центар

Советниците од Карпош ја поддржаа Предлог – програмата за изградба на затворен базен за пливање, кој ќе биде лоциран во состав на спортскиот комплекс „Партизан“, во населбата Карпош 4. Проектот кој го изработија планерите од „Билд Урбан“ – Скопје предвидува базенот да зафаќа површина од 641 м2, кој пак ќе се наоѓа во непосредна близина на објектот за спорт и рекреација, со површина од 1.617 м2. Комплексот ќе содржи и игралиште од 461 м2, поплочени површини од 1.742 м2, а целиот простор ќе се протега на уредено зеленило од 4.151 м2. Теренот е прилагоден да овозможи и пристап за лица со попреченост, а проектот ќе го финансира Агенцијата за млади и спорт.

Во рамки на денешната 55. седница, советниците ја прифатија донацијата од „СЦМ Ретаил“ – Скопје во вредност од 31.535.000 денари, со која се планира изградба на Зелена зона – урбан јавен простор пред трговскиот центар „Скопје Сити Мол“. Јавниот парк кој ќе се простира на површина од околу 865 м2, подразбира хортикултурно уредување, засадување на тревни површини и разни насади, поставување клупи, елементи на детско игралиште и урбана опрема.

Поттикнати од стратегијата на општина Карпош за развој на своите периферни делови, советниците го изгласаа и Деталниот урбанистички план за Градска четврт ССИ 03, блок ССИ 03.02 (кај касарната „Илинден). Конкретниот ДУП опфаќа површина од 34,831 хектари, и е дефиниран на Север помеѓу магистралната улица „Словенија“, на Исток се движи по осовината на новопланираните сервисни улици „1804“ и „1811“. На Југ и Запад се протега низ транзитниот булевар „Никола Карев“.

Со планот, опфатот е конципиран во една целина со вкупно 34 парцели со намена за домување и трговски единици, хотелски комплекс, се предвидува изградба на основно и средно училиште, како и детска градинка, објект на МВР и станица за технички преглед на возила. Исто така, планот предвидува простор за парковско зеленило (Д1) и заштитно зеленило (Д2).

Советниците дадоа „зелено светло“ и на иницијативата на општина Карпош да објави јавен повик за избор на најдобро уреден ЕКО-училишен двор на основните училишта на своја територија. Локалната самоуправа ќе ги награди најкреативните училишни еко-катчиња со парична награда од 50.000 денари за прво место, односно со 30.000 денари за второ и 20.000 денари за трето место.

Членовите на советот, дадоа согласност за започнување на постапка за давање под закуп на дел од Адреналинскиot парк-Карпош (High rope). Локалната самоуправа се одлучи на овој чекор, од аспект на покривање на трошоците за одржување на адреналинскиот дел од паркот, (годишна цена на амортизација, материјали за одржување и опрема, меѓународна инспекција, осигурување на карти, лични приходи за вработените и сл.). Во овој случај, правните лица кои се заинтересирани да го закупат (High rope) делот, треба да бидат регистрирани за соодветната дејност, што подразбира дека тие се одговорни за примена на безбедносните протоколи, кои ќе ги спроведат стручни лица кои ја поседуваат лиценцата EN 15567-2.

Тоа значи дека, останатиот дел од паркот во чии рамки влегуваат двете игралишта на песок, скејт паркот, скверот и детското игралиште ќе бидат бесплатни за користење.

Во насока на стимулирање на просветните работници, општина Карпош ќе објави јавен повик, за избор на најдобар наставник и стручен соработник од основните училишта на своја територија. Постапката ќе ја спроведе комисија формирана од пет членови на Советот од општина Карпош. Потоа, комисијата за својата работа ќе изготви извештај кој ќе го достави до градоначалникот на општина Карпош. Врз основа на тој извештај, локалната самоуправа ќе исплати три парични награди во вредност од 10.000 денари, за најдобриот одделенски наставник, за најдобриот предметен наставник, како и за најдобриот стручен соработник.

Со истата динамика, советниците ја поддржаа и одлуката за воспоставување на меѓуопштинска соработка помеѓу Град Скопје и општините Карпош, Аеродром, Бутел, Гази Баба, Ѓорче Петров, Кисела Вода, Сарај, Центар, Чаир и Шуто Оризари. Станува збор за утврдување на начинот, условите, и финансиското учество при имплементирање на системот за паметно осветлување, со кое треба да се реализира проектот за дигитален град „Смарт-сити“. Платформата подразбира поставување на т.н „паметно осветлување“ на јавни површини, паркови, плоштади, основни и средни училишта, културни и јавни институции.



Со одлука на Советот на општина Карпош, локалната самоуправа ќе им отстапи на користење два мотоцикли на полициската станица од Карпош. Со цел, навремено и поефикасно извршување на работните задачи, полициската станица ќе ги користи превозните средства за своја потреба, по што се обврзува истите да ги врати по изминување на период од две години.

https://lokalno.mk/opshtina-karposh-ke-dobie-zatvoren-plivachki-tsentar/