Возен парк (ЈСП - двокатни автобуси)

СЕ ЗАПАЛИ ДВОКАТЕН АВТОБУС НА ЈСП „СКОПЈЕ“, НЕМА ПОВРЕДЕНИ



Попладнево околу 18.30 часот се запали двокатен автобус на ЈСП „Скопје“. Автобусот бил со 40-тина патници, но нема повредени поради навремената и брза интервенција на возачот.

Како што велат од јавното претпријатие автобусот сообраќал на линијата 7 и се движел од Лисиче кон Центар. Во близина на фарбиката „Раде Кончар“ на булеварот Трета македонска бригада, возачот на ретровизот забележал чад од задниот дел на автобусот. Веднаш застанал, ги евакуирал сите патници од автобусот и била повикана Пожарната бригада на Град Скопје.

„Пожарот избувнал кај моторот и ја зафатил инсталацијата. За многу кратко време е изгаснат од пожарникарите и освен материјална штата, нема повредени патници“, велат од ЈСП „Скопје“.

Екипи на Министерството за внатрешни работи направиле записник, а се чека увид и од Јавен обвинител и крим техника.

Ова не е прв пат да се запали кинески двокатен автобус. Пред две години се запали автобус на линијата 5 во населбата Ѓорче Петров.

https://sdk.mk/index.php/dopisna-mrezha/se-zapali-dvokaten-avtobus-na-jsp-skopje-nema-povredeni/

А можда и е само намерно да се запустат заради тоа што вмро ги купи, и тоа кинески. А и па не е некоја голема штета имајќи во предвид дека коефициент на ефикасност патници/литри/часови им е 4 пати поголем од нромален автобус. Оперативните трошоци за стариве надминуваат потенцијална капитална инвестиција во нови, така да нема голема штета.

За жал ова е состојбата со поголем дел од кинеските автобуси,дел се тотално демонтирани веројатно да се закрпи некој дел за оние што се во функција







https://www.facebook.com/burevesnik.net

Originally posted by stef4o Да не знаеш на која линија возеше?

Не знам

Кинески ѓубриња загадувачи

Се запали автобус на ЈСП (ВИДЕО)
17/06/2021



Автобус на ЈСП од двоспратните кинески, се запали во близина на железничката станица во Скопје.

Причината на позарот не е позната, а повредени лица нема. Се запалил моторот, и пожарот е локализиран од страна на противпожарната бригада, инфомираат од МВР за ТВ21.

https://mk.tv21.tv/se-zapali-avtobus-na-jsp-video/

Се запали автобус на ЈСП во Ѓорче Петров-нема повредени патници



Двокатен автобус на ЈСП Скопје што сообраќал на линијата со број 5 утрово се запали на улицата Ѓорче Петров, во близина на општинската зграда. Меѓу патниците во автобусот нема повредени.

Како што соопштија од Град Скопје, шест пожарникари од Противпожарната бригада на Град Скопје веднаш пристигнаа кај запалениот автобус, со две возила, а нивната брза интервенција овозможи огнот да биде изгаснат и да не се предизвикува дополнителна штета.

Според сведоштвото на возачот, еден од патниците што се возел на горниот кат, алармирал дека се појавил чад. Возачот веднаш го застанал автобусот, ги симнал патниците и се обидел сам да го изгасне пожарот со противпожарен апарат, но не успеал, па ги повикал пожарникарите кои веднаш дошле на местото на настанот и проширениот пожар го ставиле под контрола и го изгаснале. Екипите на Министерството за внатрешни работи вршат увид на местото на настанот и ќе утврдуваат причините за пожарот.

https://novatv.mk/se-zapali-avtobus-na-jsp-vo-gorche-petrov-nema-povredeni-patnitsi/?fbclid=IwAR3_ja2SKfAzEXHJDrL2qOHmO1gvfsPOPUVsFXfHtGWle1qMXwyrQ1bsRCQ

ВАДАТ ДЕЛОВИ ОД ПАНОРАМСКИТЕ АВТОБУСИ ЗА ДА ГИ ПОПРАВАТ ДВОКАТНИТЕ ВО СКОПЈЕ



Од едни автобуси се вадат делови за да се стават на други на двокатните кинески автобуси и нископодните украински, кои ги набави Владата на експремиерот Никола Груевски пред 6 години.

Секој ден се расипуваат по неколку автобуси, а ЈСП„Скопје“ нема на лагер резервни делови. Додека се распише тендер да се набавaт нови, потребно е најмалку еден месец, па за да има доволно автобуси на улиците се вадат делови од други.

Во ваква состојба го наследи ЈСП„Скопје“ новиот директор Кристијан Чушков, кого во петокот градоначалникот Петре Шилегов го назначи на оваа функција на местото на Игор Јанушев.

Панорамските двокатни атвобуси не се пуштаат во сообраќај. Тие се размонтирани и се користат да се поправат други автобуси. Од нив се извадени речиси сите делови и тргнати се настрана во гаражата на ЈСП„Скопје“ во Автокоманда. Извадени се мотори, менувачи, прозорци, шофершајбни, делови од командната табла, кочници, па дури и електрика и столчиња. За повторно да се вратат во функција панорамските автобуси, потребно е да се набават сите извадени и заменети делови.

„За волку скапи возила, квалитетот им е многу слаб. Секој ден ни се расипуваат по неколку автобуси, се одлепуваат стакла на украинските, а нашите мајстори мака мачат да најдат што е проблемот. Кај нас во базата во Автокоманда имаме 7 панорамски автобуси од кои 5 целосно не е се во функција, извадивме сè да оспособиме двокатни автобуси. Мораме да ги пуштаме старите автобуси оти немаме доволно исправни кинески и украински“, велат вработените во базата во Автокоманда.

Од вкупно 200 автобуси, 148 секое утро излегуваат на улиците. Во базата остануваат 52 автобуси како замена ако некој се расипе во текот на денот, од кои 40 се веќе расипани и се чекаат да се поправат.

„Не можеме да имаме резервни делови на легер оти се скапи. Луѓето се чудат зошто ги пуштаме во сообраќај старите автобуси, но мораме оти двокатните се расипани. Старите помалку се расипуваат од новите. Поправката оди тешко бидејќи немаме софтвер за да го откриеме дефектот“, раскажуваат вработените во сервисот на ЈСП„Скопје“.

Во 2011 година беа купени 202 кинески двокатни и 80 украинските нископодни автобуси кои чинеа 57 милиони евра. Беа набавени во времето на премирот Никола Груевски преку Министерството за транспорт и врски кога министер беше Миле Јанакиевски. Груевски тогаш ги рекламираше како подарок за граѓаните на Скопје од Владата. Првите двокатни автобуси од кинеската Компанија „Јутонг“ стигнаа во Скопје во 2011 година, втората тура во 2012 година а набавката беше комплетирана во 2013 година.

https://sdk.mk/index.php/magazin/vadat-delovi-od-panoramskite-avtobusi-za-da-gi-popravat-dvokatnite-vo-skopje/

Кога Мишко импровизира со користење на делови од постари автобуси како резервни делови за сегашните автобуси, ни Дизниленд не му е рамен.
 



Edited by Dexter26 - 26-Dec-2015 at 18:03

Сигурно не станува за тркање бидејќи сударот е на коловозот во насока кон Аеродром, кога 3-ката, а и општо сите автобуси што возат натаму се празнат а не полнат.