Железничка врска до аеродром Скопје

Originally posted by Staro Skopje Картава е од СХС

Картата да, ама со оглед на латиницата во легендата, каде има ` наместо Ж овој „Претпроект“ е од дигитално доба. Затоа прашав кој го постирал на ФБ, дали е ова обична или институционална глупост.



Edited by Cloverstack - 18-Feb-2021 at 21:10

Картава е од СХС

Железница работи на идејно решение за пругата што ќе се гради до Меѓународниот аеродром Скопје

Јавното претпријатие за железничка инфраструктура Железници на РСМ во моментов изработува идејно решение за изградба на нов железнички крак од постојната пруга Скопје-Куманово до Меѓународниот аеродром Скопје, информираше директорот на ова претпријатие Хари Локвенец во гостувањето во „Утрински брифинг“ на „Слободна ТВ“. Директорот на Железници-Инфраструктура очекува дека изградбата на овој железнички крак може да се заокружи во 2023 година.

Во меѓувреме, „Мета.мк“ од крајот на јануари до денес во три наврати постави прашања, но не доби одговор од Министерството за транспорт и врски до каде е постапката за добивање одговор од Делегацијата на Европската Унија во однос на поднесениот инвестиционен план за изработка на Студија за изградба на железничкиот крак до аеродромот, која е планирано да се финансира со средства од новата ИПА III програма на ЕУ.

Имено, изработката на консултантската и проектната документација треба да следи откако воведувањето на аеродромскиот воз влезе како проект во Програмата за работа на Владата за периодот 2020-2024 година, а претходно проектот беше вклучен и во Националната транспортна стратегија за периодот 2018-2030 година. Меѓу другото, со овие документи треба да се утврди финалната траса по која ќе се гради железничкиот крак и економската оправданост за неговата реализација.

Постојат две опции за изградба на железничкиот крак до Меѓународниот аеродром Скопје: првата почнува од железничката станица Илинден, а втората траса од железничка станица Миладиновци до идната станица на аеродромот. Првичната проценка изнесена во Националната транспортна стратегија на земјава е дека проектот ќе чини 30 милиони евра, којшто ќе ја опфати изградбата на железничкиот крак и идната станица на аеродромот.

„Мета.мк“ во неколку наврати во изминативе две години пишуваше за предностите од воведувањето на аеродромскиот воз. Од Транспортниот центар во центарот на Скопје до аеродромот би се стигнувало два пати побрзо, со билет што би бил четири пати поевтин, а со возот би можело да се превезат пет пати повеќе патници. Воедно, овој воз би можеле да го користат и жителите од општините Илинден, Миладиновци и Гази Баба во рамките на идејата за воспоставување на градско-приградска железница во Скопје.

Идниот железнички крак до Меѓународниот аеродром Скопје би можело да се користи и за застанување на патничките возови меѓу Скопје и Куманово, која е втора по големина општина во земјава.

https://meta.mk/zheleznicza-raboti-na-idejno-reshenie-za-prugata-shto-kje-se-gradi-do-megjunarodniot-aerodrom-skopje/

Министерството за транспорт бара средства од ЕУ за студија за изградба на железница до скопскиот аеродром

Министерството за транспорт и врски го достави на разгледување инвестициониот план за изработка на студија за изградба на железнички крак до Меѓународниот аеродром Скопје во рамките на новата ИПА III програма, кој треба да се разгледа од страна на Делегацијата на Европската Унија, информираат за „Мета.мк“ од ова министерство.

Ваквиот потег следува откако воведувањето на аеродромскиот воз влезе како проект во Програмата за работа на Владата за периодот 2020-2024 година, а претходно проектот беше вклучен и во Националната транспортна стратегија за периодот 2018-2030 година. Новиот железнички крак би се градел на потегот од железничката станица Миладиновци до терминалната зграда на аеродромот, со должина од околу 5 километри.

Реализацијата на овој инфраструктурен проект би овозможила воспоставување на директна врска со воз од Транспортниот центар во центарот на Скопје до аеродромот. „Мета.мк“ изминатава година објави серија на текстови, во кои укажа дека аеродромскиот воз би можел да биде најбрзиот, најевтиниот и најудобниот превоз за граѓаните кои патуваат до и од скопскиот аеродром. Воедно, ваквата железничка линија може да се користи како градско-приградска железница за населението од општините Петровец, Илинден и Гази Баба, но и од сè поголемиот број на граѓани вработени во индустриските зони околу аеродромот.

Во Националната транспортна стратегија за периодот 2018 – 2030 година е проценето дека изградбата на аеродромскиот воз би чинела околу 30 милиони евра. Овие средства би биле потребни за изградба на железничката пруга до аеродромот, како и за нова железничка станица кај терминалната зграда, без средствата што ќе бидат потребни за набавка на новите возови.

https://meta.mk/ministerstvoto-za-transport-bara-sredstva-od-eu-za-studija-za-izgradba-na-zheleznicza-do-skopskiot-aerodrom/

Луѓето си имале состанок и си кажувале што си мислеле

Ништо од ова.

Железници – инфраструктура подготвена да биде носител на проектот за воз до аеродромот

Јавното претпријатие за железничка инфраструктура – Железници на РСМ е подготвено да биде носител на проектот за поврзување со воз на Меѓународниот аеродром Скопје. Од таму за „Мета.мк“ велат дека идејата за воведување на воз до аеродромот е разгледана уште пред 20 – тина години.

Во консултација со владата и со ресорното министерство, најпрво треба да се обезбедат финансиски средства за изработка на физибилити студија, идеен проект и главен проект за железничкото поврзување на постојната пруга Скопје – Куманово со аеродромот. Заедно со подготвителните работи кои вклучуваат експропријација на земјиштето, целокупната постапка би можела да се направи за една година, сметаат од јавното претпријатие.

– Нашето стручно мислење е дека одвојувањето на железничкиот крак кон Аеродромот Скопје треба да биде од влезното свртничко грло на станица Илинден, заради поголема безбедност со оглед на фактот што со ставање во функција овој крак ќе има поголема фреквенција – велат од ЈП за железничка инфраструктура.

Должината на предложениот железнички крак од станица Илинден до самиот аеродром би изнесувала околу 6,5 километри. Сепак, за реализацијата на проектот најпрво треба да се обезбедат средства за изработка на документацијата, коишто владата допрва ќе ги бара од меѓународните финансиски институции.

Според Националната транспортна стратегија за периодот 2018 – 2030 година, земјава би требало да инвестира 30 милиони евра во железничкото поврзување на Меѓународниот аеродром Скопје. Со тоа би се обезбедила можност за воведување на аеродромски воз, со кој од центарот на Скопје би се стигнувало двојно побрзо и до четири пати поевтино во споредба со постојната автобуска линија.

https://meta.mk/zhelezniczi-infrastruktura-podgotvena-da-bide-nositel-na-proektot-za-voz-do-aerodromot/

Воведувањето воз до аеродромот не е прашање на исплатливост. Врска од Скопје до аеродром мора да има особено што не е премногу комплицирано да се изведе. Изненадувачки е што таа врска не започна да се прави истовремено со обновувањето на аеродромот. Техниката не е проблем , ако има воља за тоа ќе се најде начин.

Originally posted by lslcrew Со последниве случувања може да констатираме дека е на повидок да се скрши мразот и да се размислува за алтернатривен превоз до Скопскиот аеродром, така да и оваа идеја може да се актуелизира назад. Па би сакал некои технички карактеристики да ми разјасните. Како е можно да се пушти лрт на оваа линија ако знаеме дека напонската мрежа за возовите е 27KV, а за лрт е 720V. Како тоа се изведува низ свет каде се преплетуваат приградските и меќуградските со лрт мрежите.

Имав можност да живеам 4 години во Касел-Германија каде во даденото време успешно го воведоа регио-трамот кој врти едно добро крукче низ касел по трамвајските линии, и продолжуво да вози по регионалните железнички пруги во регионот кој е малтене голем колку пола македонија.
Така да дадениот технички проблем е одамна решен во други веќе постоечки системи. Еве има и напис на англиски на вики за каде се вакво решение е применто
http://en.wikipedia.org/wiki/Tram-train

Има и посебен напис ама само на германски за системот во касел каде регио-трамот преку главната железничка преоѓа од регионалната железничка мрежа во градската трамвајска.
http://de.wikipedia.org/wiki/RegioTram_Kassel


Edited by mirakuliks - 06-Sep-2011 at 21:42

Има вработени, оние што пречекуваат или испраќаат патници. Рентабилноста не етолку под прашање. А тоа што го предлагаш е само дополнително за аеродромот да биде достапен и до другите градови преку редовен превоз.

Originally posted by lslcrew Со последниве случувања може да констатираме дека е на повидок да се скрши мразот и да се размислува за алтернатривен превоз до Скопскиот аеродром, така да и оваа идеја може да се актуелизира назад. Па би сакал некои технички карактеристики да ми разјасните. Како е можно да се пушти лрт на оваа линија ако знаеме дека напонската мрежа за возовите е 27KV, а за лрт е 720V. Како тоа се изведува низ свет каде се преплетуваат приградските и меќуградските со лрт мрежите.И другиот дел зашто не би се одело на варијанта да се распише тендер за изградба на пругата која може да биде и приватен крак до аеродромот па да конкури и тав кој ќе има интерес и за каргото и за патници, а може и армијата да има интерес па после идниот сопственик на тој крак да си најде приватна фирма за патници која исто така може да биде тав или некоја друга која ќе стопанисува приградска линија. Едноствано да им се даде можност да организираат таков транспорт, а не де дакто државата да го спречува изградба на ваков проект. Со сегашната ситуалција либерализирана железница дури и полесно е, само да се има желба. Да не го заборавиме и Бунарџик кој треба да вработува незнам колку луќе кои имаат исто така интерес од ваква линија која би добила уште една станица. Се работи за бескрајно профитабилна линија само што како под прашање ја доведуваме реализацијата.

Доколку се јави некоја приватна компанија која сака да го догради кракот кон аеродромот и да оперира долж целата линија до таму, мене тоа воопшто нема да ми претставува проблем. Сепак, во моментов имаме аеродромот со околу 700.000 патници годишно или дневно во просек по околу 2.000 патници, ова е многу малку за воспоставување на автобуска линија, а камоли за железничка врска. За неколку години, можеби ова би било изводливо.


Друга работа за мене е изградба на градска железница во Скопје, доколку ја работи оваа линија градот Скопје, државата и некој од европските фондови. Во тој случај би можеле да се формираат 2 линии на оваа железница, а аеродромот во Скопје да биде само една од станиците каде што возовите би застанувале.