Државава се вика Северна Македонија и се обврзала самата, а и светот ја обврзал преку резолуција на Обединети Нации преку ратификацијата на преспанскиот договор, да го користи формално правно целосното име "Република Северна Македонија". Доста му е веќе на ова општество проблематизирање на затворено прашање! Што, демек сега устав сменивме ама ќе "спасиме" од "штетата" ако покажеме инает на некој сообраќаен знак?? Такви селски жмроњски глупости не ни требаат!

Можеле да остават само Археолошки музеј, ако толку им пречи (само) Македонија



Edited by Џоле - 16-Aug-2021 at 13:42

Како да се забошотија анкетите...

На овој објект, според критериумите предложени во темата за анкети, би му дал 3 од 10.

- естетски изглед на објектот: 3/10
     Архитектонското решение е лошо. Комбинира стакло својствено за просечен деловен објект од крајот на 20 век, малтер кој личи на меремер, а не е мермер, цевки кои личат на столбови, а не се столбови и бронзени куполи; а усогласеноста помеѓу нив е незадоволителна. Обичен кич.
- вклопеност во околината: 3/10
     АМАУС, очекувано, е во хармонија со останатите згради од „Скопје 2014“. Масивноста не е проблем, имајќи предвид дека се наоѓа спроти голем, а на средно голем плоштад, но многу лошо функционира со постарите градби околу него и со кејот.
- употребени материјали: 4/10
     Не знам доволно за употребените материјали, но имајќи ги предвид останатите карактеристики, како и самата природа на оваа зграда и проектот од кој произлегува, не верувам дека се многу квалитетни.
- квалитет на изведбата: 3/10
     Овој објект, каде што е сместено едно од најголемите богатства на Македонија - Државниот архив - не е стар ниту десет години, а веќе има видливи проблеми. Протекување на кровот на олку скапа и важна конструкција е апсолутно неприфатливо.
- функционалност: 4/10
     Според разни кажуванки, како и коментарот за употребените материјали кој е апсолутно соодветен и тука, сигурен сум дека функционалноста не е одлична, иако мислам дека е можно оценката да оди нагоре.
- хортикултурно и партерно уредување на околината на објектот: 3/10
     Што е тоа?
- паркинг решение: 6/10
     Има подземен паркинг, а во близина има катна гаража и уште еден подземен паркинг (освен доколку не е истиот?), така што решението е онолку добро колку што се навиките на луѓето кои го користат објектов.
- запазување на урбанистичките норми, планови како и на контекстот: 1/10
     Без коментар.

Бидејќи Кривичниот суд се пресели во нова зграда, зарем не би било попаметно Обвинителството за организиран криминал и корупција, кое сега е сместено во старата зграда на Архивот, да се смести во старата зграда на Кривичен, а Архивот да се врати во таа зграда?

Originally posted by mirakuliks Декс не е само проблемот со изолацијата и прокиснувањето од дожд туку како што е наведено и од претходно тој што планирал и проектирал направил секаков вид на водоводни и одводни инсталации отворено да поминуваат низ складишните простории на архивот. Ова не е нешто што може да се смени бидејќи згрешено од корен. само еден дефект на тие инсталации и ќе бидат уништени тие документи кои се од огромно државно значење. Само за разјаснување за сочувување на документи треба воглавно да се во простории со строго контролирана температура и влажност на воздухот со цел за да се сочуваат подолго.

 
Знам дека е потребна контролирана температура и влажност на воздухот за да се сочуваат документите подолго, и повеќе од очигледно е дека објектите од проектот Скопје 2014 имаат маани кои бараат не темелно изменување на тие водоводни и одводни инсталации, туку несомнено бараат комплетно нови водоводни и одводни инсталации.
 
Поентата ми беше дека преселбата на државниот архив треба да биде привремена, а не трајна, додека да се направат тие комплетно нови водоводни и одводни инсталации за да не се повторат ваквите патешествија низ кои поминуваат овие објекти.
 

Originally posted by Staro Skopje Тоа што твоите соседи се однесуваат несовесно, не значи дека сите треба да се однесуваат несовесно. Објектите од Скопје 2014 се со огромни грешки и најголем дел се со лоша функционалност и сомнителен квалитет. Порпаролот на Владата вели дека 90% од Скопје 2014 прокиснува. Предавничката власт на Груевски фрлила стотици милиони евра на полураспаднати објекти.

 
Што велат портпаролите и било кои други државни/јавни функциониери воопшто не го земам во предвид, бидејќи самата позиција државен/јавен функционер во превод значи лажливец и лицемер платен со народни пари.
 
Но се согласувам дека ако не сите, тогаш речиси сите објекти од проектот Скопје 2014 се со безброј маани и со сомнителен квалитет.
 
Но сепак мислам дека изводливо е отстранување на таквите маани и на сомнителниот квалитет со темелни интервенции, па макар и по цена на менување или оштетување на фасадите кои и онака не се ништо оригинално, ниту квалитетно.
 
Така на пример, ако водата од покривот ја носат внатрешни олуци, на мене лично воопшто не би ми пречело да се постават надворешни олуци кои би ја нагрдиле фасадата, но барем би го направиле објектот побезбеден од надворешни влијанија.
 
Но тоа е само мое лично мислење, јас ниту сум експерт, ниту сум учествувал во изградбата на овие објекти за да ги знам нивните маани, единствено ги препознав истите проблеми кои ги имам и јас по дома, во проблемите на објектите од проектот Скопје 2014.
 
И да, се согласувам, тоа што моите соседи кои живеат над мене чекаат и нивните покриви да им паднат над глава за да се опаметат, не е никакво оправдание за други објекти да го следат ваквиот пример.
 
А чисто за потсетување, мојата зграда е стара повеќе од 40 години, додека објектите од проектот Скопје 2014 се стари помалку од 10 години, споредбата е речиси неиздржана, но сепак ја направив бидејќи и јас го имам истиот проблем.


Edited by Dexter26 - 07-Feb-2018 at 13:45

Декс не е само проблемот со изолацијата и прокиснувањето од дожд туку како што е наведено и од претходно тој што планирал и проектирал направил секаков вид на водоводни и одводни инсталации отворено да поминуваат низ складишните простории на архивот. Ова не е нешто што може да се смени бидејќи згрешено од корен. само еден дефект на тие инсталации и ќе бидат уништени тие документи кои се од огромно државно значење. Само за разјаснување за сочувување на документи треба воглавно да се во простории со строго контролирана температура и влажност на воздухот со цел за да се сочуваат подолго.

Решение е изведувачиве да си ги средат комплетно. И плус оштета да платат за непродуктивни денови на институциите.

Дали работната група предводена од проф. д-р Грчев го испитува и квалитетот на градба на овие згради?

42 милиони евра за 13 илјади метри квадратни.

Резултат:

АРХИВОТ ЌЕ СЕ СЕЛИ ОТИ ЗГРАДАТА ОД СКОПЈЕ 2014 СЕ ПОПЛАВУВА ОД СЕКОЈ ДОЖД  3.944 5 февруари 2018 Скопје, (САКАМДАКАЖАМ.МК) Државниот архив беше преселен во зградата на Археолошкиот музеј пред две години. Оттогаш при секој дожд вода прокиснува од сите страни, па низ канцелариите и ходниците стојат кофи, а за да се заштити архивската документација се преместува од една просторија во друга.(Фото: Фејсбук/СДК.МК) Државниот архив кој се наоѓа во зградата на Археолошкиот музеј ќе се сели на нова локација оти објектот од Скопје 2014 се поплавува при секој дожд. Министерот за култура, Роберт Алаѓозовски денеска најави дека се бара нова локација откако и викендов Архивот повторно беше поплавен и загрозена архивската документација. Така е при секој дожд откако пред две година оваа институција се пресели во новата барокна зграда на кејот на реката Вардар. „За жал ова е уште еден доказ за нестручно изведен објект. Заедно со Владата размислуваме за нова локација за Државниот архив. Бараме нова зграда оти во овој објект на Археолошкиот музеј при секој дожд се соочуваме со прокиснување и се загрозува архивската граѓа. Комплетно ќе се преселат и вработените кои сега работат во несоодветни услови и целокупната документација која ја поседува Архивот. Се уште немаме одлука каде ќе се сели Архивот оти убаво треба да ги разгледаме сите опции не би сакале да имаме домино ефект, да решиме еден проблем, а да создадеме нов“, рече Алаѓозовски. Државниот архив беше преселен во зградата на Археолошкиот музеј која чини 42 милиони евра, пред две години. Оттогаш при секој дожд просториите на Архивот кои се наоѓаат на шестиот и седмиот спрат во зградата се поплавуваат. Вода прокиснува од сите страни, па низ канцелариите и ходниците стојат кофи, а за да се заштити архивската документација се преместува од една просторија во друга. Пред да биде преселен во новата зграда Државниот архив беше сместен во зградата кај комплексот судови, која беше дадена на Обвинителството за организиран криминал. А. АНТЕВСКА

https://sdk.mk/index.php/makedonija/arhivot-ke-se-seli-oti-zgradata-od-skopje-2014-se-poplavuva-od-sekoj-dozhd/

Нема причина да не верувам. И директорот на МНТ објави дека театарот од 38 милиони евра прокиснал на неколку места.