Нафтовод АМБО

Проектот АМБО потклекна под ударот на кризата

	Коментари (0)

Фергусон: Проблемот сега го отежна финансиската криза

Инвеститорите не даваат пари, кризата дополнително ја блокира изградбата на нафтоводот АМБО.

Во изјава за А1, Тед Фергусон, првиот човек на Американскиот конзорциум надлежен за изградбата, зборува за иднината на мегапроектот што треба преку Бугарија, Македонија и Албанија со нафта да ја снабдува Америка и дел од Европа.

А1 го праша дали и кога АМБО ќе види бел ден?

„Би сакал да имам информација, но немам во моментов, се уште се обидуваме да ги убедиме инвеститорите да излезат со пари, но со оглед на сегашната политичка клима никој не е заинтересиран да го стори тоа многу брзо, проблемот сега го отежна финансиската криза“, рече Тед Фергусон, претседател на конзорциумот АМБО.

На домашен терен се е подготвено за да се гради АМБО.

Мегапроектот АМБО е идеја стара 15 години. Досега трите држави низ кои ќе се протега нафтоводот го одобрија планот за изградба, недостасуваат уште нафта и пари.

Надлежните веруваат дека конзорциумот ќе обезбеди пари.

Владо Бучковски, поранешен премиер на РМ

„Дополнително имаме потпишување на билатералните протоколи за влезно-излезни точки, со Албанија е завршено 2006 година, со Бугарија 2007 година на крајот. Значи тука правната рамка е комплетирана“, изјави Методиј Хаџи Васков, заменик министер за економија.

Песимисти се луѓето кои од поранешната владина гарнитура го туркаа проектот АМБО.

„За да фантазијата стане реалност, пред четири години тројцата тогашни премиери на Албанија, Бугарија и Македонија потпишаа дополнителен Меморандум како гаранција дека сите три влади стојат зад проектот за да може Тед Фергусон полесно да ги добие бараните средства. За жал сведоци сме дека во меѓувреме проектот е само во најава“, вели Владо Бучковски, поранешен премиер на РМ.

Низ нафтоводот АМБО треба да се пренесува нафта од Бургас до Валона. Само од транзитна такса Македонија годишно ќе добива по околу 20 милиони долари.

Изградбата на АМБО чини околу милијарда и двесте милиони долари, но како што стојат работите, се помали се шансите во скоро време да почне изградбата.