„Леблебиџиска Улица“ - Струмица

ПОЧНА ПОПЛОЧУВАЊЕТО НА ЛЕБЛЕБИЏИСКАТА УЛИЦА ВО СТРУМИЦА


Струмица, 3 јуни 2010 (МИА) – Како дел од обемната реконструкција и изградба на новиот градски плоштад „Гоце Делчев“ во Струмица почна поплочувањето на улицата „Јосиф Јосифовски-Свештарот“ или попозната како Леблебиџиска улица.

Улицата претставува најомилено катче за собирање и дружење на младите, но и сведоштво за некогашната занаетчиска и трговска Струмица, за животот во минатото и остатоците од староградската архитектура. Од културно-историски аспект, според значењето за градот под Царевите кули, оваа улица многумина ја споредуваат со „Широк Сокак“ во Битола.

- Поплочувањето на Леблебиџиската улица претставува финализација на дел од реконструкцијата на новиот градски плоштад која е во тек. Плоштадот се гради според урнекот на плоштадот во Лион, Франција, и ќе биде еден од најубавите во државата. Неговата изградба, со комплетната подземна инфраструктура, ќе чини околу 3,1 милиони евра и треба да заврши до 11 декември, кога Струмица го одбележува денот на нејзините заштитници - Петнаесетте тивериополски свештеномаченици, изјави градоначалникот Зоран Заев.

Во рамките на овој проект ќе биде изградена и градска Саат кула со четири големи часовници и меморијален споменик посветен на Меѓународниот струмички карневал, а под нивото на плоштадот, кој ќе има три влезно-излезни отвори, е проектиран нов паркинг простор за 86 возила. Исто така, површинскиот дел од плоштадот и целото централно градско подрачје ќе бидат поплочени со квалитетен гранит, а покрај Леблибиџиската, комплетно ќе биде реконструиран и дел од улицата „Благој Мучето“ до зградата на општина Струмица, односно познатото струмичко корзо.

http://www.idividi.com.mk/vesti/makedonija/605325/index.html

Originally posted by leonid23 Предвидено е поплочување на улицата со гранит , а втората половина ќе биде со каскади , но што и да направат оваа улица го има изгубено сензибилитетот , како што аддверт рече освен името нема останато ништо ! Среќа што Нама не ја проголта заборавот на времето , така ќе биде сега и со пионирскиот дом кој е во очајна состојба . Законот за заштита на старата архитектура мора да се доведе и тоа веднаш !

Во која смисла го има изгубено сензибилитетот Леонид, поради пренамена на објектите или поради доградби/надградби/градби врз постојните објекти?

Струмичани, а што точно се работи на улицава, какви се зафати се прават и се предвидени?

Се чудев дали топиков да биде интегрален дел од оној за плоштадот „Гоце Делчев“,  поради близината во која се наоѓа, но бидејќи за реконструкцијата на оваа улица се зборуваше доста пред реконструкцијата на плоштадот, се решив да ги одвојам. Станува збор за уличката на која на времето имаше мали дуќанчиња во кои се печеше леблебија, наут, кафе(се уште имам спомен како дете)... имаше и други мали занаетчиски дуќани, но за жал денеска е останато само името, и тоа онака, меѓу народот (ова не е официјалното име на улицата). Ониe што не можат да се сетат за која улица станува збор, ќе го спомнам само СЕЛЕКТ . Визуелно ќе се ориентирате од фотографиите (широк план) сместени во топикот за плоштадот, веднаш над скалите до „Хотел“Есперанто. 

Edited by Addvert - 03-May-2010 at 12:18