Јавен автобуски превоз (општо)

Originally posted by FoSsiL И ќе речат после трамвај напраивме... Импровизација до импровизација... катастрофа...

Не е ова импровизација туку според мене најдобро решение. Трамвајската мрежа е непотребно голема инвестиција. Раскопување на улици, огромни трошкови за одржување, тотална нефлексибилност, нерамни коловози и уште многу недостатоци. Трамвајот во денешно време можам да го оправдам само во случај ако се работи за Метро. А вака имаме автобуси со сличен капацитет, се надевам дека за истите ќе се обезбедат посебни ленти за движење. Цената на набавка и на одржување е неспоредливо помала и поедноставна. Затоа и пред неколку години го предлагав оваа решение.

И ќе речат после трамвај напраивме... Импровизација до импровизација... катастрофа...

Originally posted by phenomenon Скопје со овие електронски картички не може да го достигне нивото на еден Улан Батор. Замислете, кај нив електронската картичка чини околу 1.5 €, може да се пополнува од 0.2 € па сè до околу 40 €, и нема рок на истекување. Со една картичка може да се плати и за повеќе патници. Сè што треба да направите е да ја провлечете картичката онолку пати за колку што патници плаќате. Електронската картичка може да ја купите на 190 места во Улан Батор, со тоа што се планира бројот на местата каде што може да се купи картичката да се искачи на 500. http://mongolia.gogo.mn/r/147423

Kako go najde Ulanbataar alal da ti e.

36 маалски продавнички???
абе нема леб да купувам туку ќе се возам во автобус... не знам што е толку тешко во 21-ви век, ако не автомати, балем некои билетари во форма на привремени бутки да има на секоја постојка

Подолго време нема информации за имплементацијата на електронските картички.
Може некој да сподели искуство, некои тековни проблеми кли се јавуваат со електронската карта?

Originally posted by daci92 И јас сум чекал претходно по 20-30 мин кога пишувало 5 минути ,ама сега гледам дека редовно си доаѓаат, најверојатно се пресметува некако со равенка преку GPS.

да ти кажам, се немам загледано одамна во таблите, ако ги ресетирале да функционираат како што треба со ГПС-от, супер... само уште да имаше табли на секоја постојка... ама на некои постојки сеуште немаме ни обележана табла или стреа

Originally posted by ehrlich Функционира и во двојка, а веројатно и во други автобуси, ама за жал се уште не во сите автобуси и не секогаш. Инаку, тоа е најголемата глупост од страна на ЈСП, многу помали градови имаат едноставни табели на секоја автобуска кога пристигнува автобусот на таа дадена автобуска, мислам дека не е некоја научна фантастика да се одреди кога е автобусот на секоја автобуска.

епа ова демек ќе го воведеа со електронските табли што ги поставија на неколку станици, ама аир не видовме...

еднаш така си се изначекав пола саат автобус затоа што на таблата пишуваше 5 минути

Originally posted by zabegan конечно профункционира системот за најава на постојќи на некои линии, барем 5-ка и 15-ка го имаат... претпоставувам нешто поврзано со веста погоре? инаку, ова што го спомнува phenomenon би било добро за корисниците кај нас, затоа што во возниот ред пишува време на тргнување од почетна станица, ама не и време на пристигање на конкретната постојка, па треба сам да пресметуваш дали автобусов доаѓа за 15 минути или пола саат, ако не си чест корисник на таа линија

 
Благодарам за потсетувањето забеган.
 
Мислам дека заборавив да го објавам ова во декември 2015, а можеби па за да не ги урочам овие од ЈСП Скопје намерно не сум го објавил.
 
Во декември 2015, иако не се возев со автобусот, сепак од надвор се слушна дека во единечен нископоден ЛАЗ кој сообраќаше на линија 16, кога застана на автобуската постојка, на звучниците беше спомнато името на автобуската постојка.
 
Инаку, името на постојката не го спомна возачот преку микрофонот, туку автоматски се пушташе аудио снимка. Немој да ме држиш за зборот, но мислам дека беше гласот на Бранка Станковска, но и да не беше таа, дефинитивно беше женски глас.


Edited by Dexter26 - 23-Jan-2016 at 16:55

конечно профункционира системот за најава на постојќи на некои линии, барем 5-ка и 15-ка го имаат... претпоставувам нешто поврзано со веста погоре?

инаку, ова што го спомнува phenomenon би било добро за корисниците кај нас, затоа што во возниот ред пишува време на тргнување од почетна станица, ама не и време на пристигање на конкретната постојка, па треба сам да пресметуваш дали автобусов доаѓа за 15 минути или пола саат, ако не си чест корисник на таа линија

Промовиран системот за автоматска локација на возила од јавниот градски превоз

Градоначалникот на Град Скопје, Коце Трајановски и директорот на Јавното сообраќајно претпријатие(ЈСП)-Скопје, Игор Јанушев, денеска го промовираа функционирањето на Систем за автоматска локација на возила од јавниот градски превоз.



„Со воведувањето на овој модерен Систем за автоматска локација на возилата и електронска наплата Градот Скопје и неговите граѓани ќе добијат побрз и поквалитетен градски превоз. Системот за електронска наплата веќе го промовиравме и тој успешнио функционира, а денеска со директорот Јанушев го промовираме работењето на контролниот центар во кој се следат автобусите во реално време, дали се запазуваат пропишаните возни редови, односно за секој автобус има една линија на која се следи неговото движење, дали има доцнење или потреба од негова замена доколку има дефект. За реализација на овој проект Градот Скопје и Јавното сообраќајно претпријатие -Скопје издвоија околу 3 милиони евра и очекуваме со него да се намали потрошувачката на гориво и да се зголеми квалитетот на превозот што ќе придонесе и за зголемување на бројот на патници во автобусите. Како што веќе најавивме со воведувањето на електронската картичка во автобусите на ЈСП ќе имаме и точна информација за бројот на патници на одредени линии и до колку има потреба ќе интервенираме за да им овозможиме на граѓани побрз и поквалитетен градски превоз, односно редовен, сигурен и точен превоз, а од месец мај очекуваме во овој систем да се вклучат и приватните превозници“, истакна градоначалникот Трајановски.



Директорот на Јавното сообраќајно претпријатие -Скопје, Игор Јанушев, потенцираше дека овој најмодерен систем ќе им овозможни точна информација на граѓаните и ќе ја оптимизира работата на ЈСП, односно ќе придонесе за се подобар превоз на граѓаните.

Системот за автоматска локација и електронска наплата треба да биде инсталитан во 500 автобуси од јавниот градски превоз, во 385 на ЈСП и во 115 автобуси на приватни превозници, соопштија од Град Скопје.



Овој систем претставува моќна алатка за следење на автобусите во реално време, запазување на пропишаните возни редови, како и овозможување на благовремени корекции и намалување на времето на чекање согласно со моменталните случувања во сообраќајот на градските улици, како и добивање реална слика за бројот на превезените патници по категории.

ЈСП СКОПЈЕ системот ќе може да го користи за димензионирање на превозните капацитети по линија, како и за автоматско генерирање на возните редови, а сево ова во голема мера ќе придонесе за подигање на квалитетот на превозните услуги, зголемување на бројот на патници, како и зголемена наплата.



Со воведувањето на овој систем патниците ќе имаат големи придобивки поради навремено добивање информации поврзани со патувањето, односно на автобуските стојалишта ќе има 50 троредни информациони дисплеи за пристигнување на автобусите, испраќање СМС порака преку која патникот ќе добива информација за неколку следни пристигнувања на автобус на бараната линија, преку веб апликација на која покрај времето на пристигнување на одреден автобус на одредена постојка, ќе биде на располагање и т.н. планер на патување со користење исклучиво на јавниот превоз, како и бесплатна телефонска линија 0 800 115 за сите информации поврзани со јавниот превоз.

Преку системот ќе се врши управување на возилата во мрежата на линии, контрола на работата на возачите и спроведувањето на планираниот возен ред, можност за навремено и ефективно реагирање од организаторот на превозот во непредвидени ситуации во сообраќајот и подигнување на нивото на безбедност на возачите и патниците.

http://www.mkd.mk/makedonija/skopje/promoviran-sistemot-za-avtomatska-lokacija-na-vozila-od-javniot-gradski-prevoz