Владата не гради гасовод - монополот на Макпетрол продолжува!

Катерина Попоска

Ексклузивитетот да купува гас од руски Газпром го има Макпетрол, иако лиценца за да увезуваат гас и да го продаваат на македонските компании имаат уште четири други компании. Сè додека Владата не го изгради гасоводот, со што ќе порасне потрошувачката на гас и ќе се намали цената на овој енергенс, Макпетрол ќе царува на пазарот!

Владата веќе шест години по ред на голема врата најавува дека ќе почне да го гради гасоводот со клириншките 60 милиони долари, но сето тоа сè уште е само ветување. Под изговор дека ги чекаат руските пари, Владата сè уште не почнала да го гради гасоводот од Клечовце, Куманово до Струмица. И додека гасот да потече до сите индустриски гиганти и до секое домаќинство, со што ќе се зголеми побарувачката за природен гас и ќе се намали цената на овој енергенс - Макпетрол ќе царува на пазарот и ќе може да си ја утврдува цената како што сака.

Министерот за финансии, Зоран Ставрески, не одговори за „Капитал“ до каде е изградбата на гасификацијата и што уште чека за да го реализира проектот.

Енергетски експерти коментираат дека сè уште се чека на понудата на руската фирма која со клириншките 60 милиони долари треба да почне да го гради гасоводот од Клечовце до Струмица, што е само еден крак од целосна гасификација на Македонија.

Зошто тешко се влегува во бизнисот со дистрибуција на гас?!

Регистрираните трговци со природен гас во земјава тешко влегуваат во бизнисот со овој, за македонските компании сè уште скап, енергенс. Покрај најголемиот трговец со гас, Макпетрол, лиценца за да увезуваат гас и да го продаваат на квалификуваните компании имаат уште четири други компании, Алфагас, Макгас Консулт, Гас Траде и Рој и Рифајнд комодитис, сите од Скопје. Но, ексклузивитетот да купува гас од руски Газпром, кој го продава на македонските компании, го има Макпетрол. Фирмата-ќерка на Макпетрол, пак, Макпетрол Промгас го презема гасот од македонска граница и го дистрибуира до корисниците, дејност што самоволно престана да ја извршува на 1 јануари годинава.

Од Регулаторната комисија за енергетика објаснуваат дека иако во земјава фигурираат уште четири трговци со природен гас, тие не се многу активни.Македонскиот пазар, од позиција на конзумент на овој енергенс е мал, велат познавачите. Количествата гас кој Македонија ги купува од Газпром се многу мали во споредба со други земји од Европа, поради што не може да се раздвижи пазарот со гас во земјава.

„Снабдувачот со природен гас во земјава може да добие лиценца за трговија со природен гас врз основа на претходно склучен договор со увоз на гас, односно договор за веќе купени количини од овој енергенс, како и потпишани договори со потрошувачите. Исто така снабдувачот треба да има склучено и договор со преносниот оператор Га-Ма, како доказ дека најавените количини од увоз ќе се пренесат до потрошувачите. Во Македонија четири компании ја имаат лиценцата за трговија со природен гас, но сите немаат склучено договори за увоз. Ексклузивитетот го има Макпетрол, бидејќи тој има годишни закупени големи количини од руски Газпром. Овие количини се толку незначителни за еден гигант како Газпром, така што дури и некоја друга фирма од земјава да сака да снабдува со природен гас, веројатно нема да успее да стигне да преговара со овој нафтен гигант. Нема конзум, нема и развој на пазарот”, вели Димитар Петров, претседател на Регулаторна комисија за енергетика.

Познавачите велат дека трговците со природен гас во земјава, со исклучок на Mакпетрол, досега најавиле можен увоз на гас од Азербејџан, но трговијата и дистрибуцијата со овој енергенс доминантно е во рацете на Макпетрол. Една од компаниите која има лиценца да тргува со природен гас во земјава, за „Капитал“ вели дека дури и да успеат да се договорат за увоз на гас, повторно наидуваат на конкурентот Макпетрол.

„Да се донесе гас до Македонија се сведува на голема умешност. Пазарот е целосно покриен од најголемиот дистрибутер. Истата компанија има 50% сопственост и во инфраструктурата, односно во претпријатието Га-Ма. Така што да се биде сериозен играч на пазарот на гас во Македонија во вака поставени односи, е прилично тешко“, велат од една од компаниите, лиценцирани трговци со природен гас во Македонија.

Согласно со вака поставените позиции на пазарот со гас во земјава, Макпетрол е неприкосновен играч кој ја диктира пазарната цена на гасот, кој донесен до македонска граница во декември минатата година им го наплаќаше на компаниите дури 420 евра за 1.000 метри кубни гас. Истата оваа количина гас до бугарската граница чинеше 380 евра, додека во Германија 330 евра. Комбинираната термоелектрана и топлана Те-То, која лани стана квалификуван потрошувач на пазарот, може сама да си ги набави потребните количини гас за производство на топлинска и електрична енергија. Но, поради неуспехот сами да увезат гас од странство, Те-То минатата година купуваше гас токму од Макпетрол.

Во моментот, во земјава само 30-ина компании ја имаат „привилегијата“ да користат не толку евтин гас, како енергенс. Откако Промгас самоволно запре да им испорачува гас на тарифните потрошувачи, трговецот Макпетрол, спротивно на Законот за енергетика, сè уште им продава гас на дел од компаниите, но поскапо, по пазрни цени. Од компаниите постојано алармираат дека растот на цената на гасот и немањето на гасовод, ги поскапува нивните производи, со што ги прави неконкурентни на странските пазари.

http://www.kapital.com.mk/mk/dneven_vesnik.aspx/78766/vladata_ne_gradi_gasovod_-_monopolot_na_makpetrol_prodolzhuva!.aspx?iId=2546

Ќе се гради гасоводна делница до скопскиот аеродром

Годинава почнува гасификацијата

Ќе се финансира со парите од клириншкиот долг од Русија, тоа се 60 милиони долари за кои веќе има потпишан договор и кои годинава ќе почнат да се користат. Според договорите, Македонија ќе биде дел од Јужен поток, но се уште утврудва на кој начин гасот ќе потече низ земјава.

Дополнителни 15 милиони долари ќе бидат обезбедени преку буџетот за Министерствто за траснпорт. А за остатокот се водат преговори со Европската банка за обнова и развој. Од таму бараат гаранции од Гаспром за количините гас со кои ќе располага земјава. Надлежните очекуваат дека спорните прашања ќе бидат надминати во текот на оваа година и земјава ќе постигне договор со ЕБОР за кредитирање на проектот.

Бизнис секторот се погласно бара гасификација на земјава како единсвтен начин да добијат поевтин енергенс. Струјата од Нова година повторно поскапе, производствто станува се поскапо, едиствено гасот може позитивно да влијае на индустријата.

http://www.sitel.com.mk/dnevnik/biznis/godinava-pochnuva-gasifikacijata

Јужниот тек ќе поминува низ Македонија
Среда, 23 Ноември 2011 15:21
Сподели
Споделете ја веста со Вашите пријатели
Република Македонија за еден месец ќе добие нацрт спогодба за Јужен тек со кој еден крак ќе поминува низ територијата на државата.


Ова денеска во Москва го најави заменик министерот за регионален развој и копретседател на меѓувладината комисија за трговско-економска и научно-техничка соработка Максим Травников на средбата со министерот за транспорт и врски Миле Јанакиески.

Со текстот на договорот се предвидува приклучување на Република Македонија кон регионалниот проект Јужен тек преку зголемување на обемот на достава на гас, односно зголемување на техничките можности на постоечкиот гасовод, како и изградба на нови, согласно договорите кои ќе бидат склучени меѓу руската компанија Стројтранс гас и Владата на Република Македонија.

- Главната идеја на Спогодбата е да се задоволат комплетните потреби на Република Македонија за гас, вклучително и идните енергетски проекти што ќе се градат во Македонија, изјави Травников.

Од македонска страна беше побарано на почетокот на декември да се затворат техничките прашања за да може потоа да се разменат официјалните документи и да се отпочне со изградба на националната гасоводна мрежа во Македонија.

- Согласно динамиката на договори што ги води меѓувладината комисија очекуваме наредната година реално да отпочне изградата на националната гасификациска мрежа во Република Македонија. Нашата молба беше технички екипи од страна на Руската Федерација да дојдат во Македонија за да се разговара за проектите и понудите што би било основа за натамошно усогласување и склучување договор меѓу двете држави што пак е основа за отпочнување реализација на изградбата на националната гасификациска мрежа, нагласи министерот Јанакиески.

На средбата беше отворено и прашањето за отворање директни авионски линии меѓу Македонија и Руската Федерација при што од руска страна беше оценето дека тоа би одело во прилог на развој на туризмот. Травников се заложи дека ќе разговара со некои руски компании кои би ги разгледале можностите за отворање директна линија со Македонија.

Во однос на туризмот Травников најави дека веќе е разговарано со руски агенции кои во соработка со македонската амбасада во Москва ќе ја промовирааат Македонија како атрактивна туристичка дестинација.
http://kurir.mk/makedonija/vesti/50869-Juzniot-tek-ke-pominuva-niz-Makedonija

Originally posted by pbanks Дечки, знае ли некој на какви зафати се работи во моментов во ценарот на Скопје, налетав на два големи прекопи, едниот преку Првомајска (веднаш кај Рампа) а другиот на Јужен Булевар кои беа облепени со лента, „Опасно Гасовод“. Внатре колку што видов се поставуваа нови гасоводни цевки. Има ли некој инфо што точно се прави, дали се прави некоја спојка, или е некаков почеток на секундарна мрежа во тој дел?

Јас знам дека почнаа со поставување и ја поставуваа подземна инсталација за гасовод оваа година во Кисела Вода до објектот на Сивус од страна на Гама, е сега можеби треба да се спои гасоводната цевка. На страниците на ГАМА и Макпетрол нема објавено ништо за овој зафат, па и не знам од каде би добиле информација, евентуално од Улици и патишта ако се затворени овие булевари.

Гасификацијата на Струмица влегува во завршна фаза Примарната гасоводна мрежа во Струмица е во завршна фаза на изградба, роковите за завршување на првата етапа се почитуваат, а во моментов се поставуваат последните стотина метри гасоводни цевки од вкупно предвидените 12.150 метри. Според информациите од општината, до крајот на месецов се очекува во Струмица да пристигне целосната опрема за компресирање, декомпресирање и транспорт на природниот гас од познатата меѓународна компанија „Галилео“ од Аргентина, која го доби тендерот за набавка на оваа опрема. По поставувањето на опремата, во наредниот период ќе се изврши испитување на целиот систем на гасоводна мрежа од страна на Машинскиот факултет во Скопје, а Ј.П. „Струмица – Гас“ ќе треба да ги обезбеди трајните документи за вршење на оваа дејност.   Во согласност со предвидениот план, гасот најпрвин ќе се спроведе до градинките, основните и средните училишта и објектите на локалната самоуправа, за  кои во моментов тече тендерот за преадаптација на котларите. Втората фаза предвидува приклучување на домаќинствата и приватните компании на гасоводната мрежа, а предвидениот рок за завршување на оваа етапа е почетокот на наредната грејна сезона во 2012 година. Со последната трета фаза е планирано затоплување на оранжериите и пластениците за производство на зеленчук и на други земјоделски производи. Првата фаза од проектот започна во април годинава, за што се одвоени 57 милиони денари од буџетот на општина Струмица, а вкупната вредност на целокупниот проект изнесува 230 милиони денари. Поради неизградениот гасовод до Струмица, гасот е предвидено да се транспортира со специјални цистерни од бугарскиот град Петрич до локалната станица за декомпресија во Струмица.     Бојан Блажевски

http://www.build.mk/?p=10128

Originally posted by Djole88 Не сум следел многу дискусии на оваа тематика. само ме интересира нешто...веќе подолго време по должина на теодосиј гологанов се вкопуваше гасоводна мрежа и денес видов дека е скоро стигната до влезот на топлификација во Тафталиџе. Дали може некој на кратко да ми објасни што точно е овој крак? Дали Топлификација(или како и да се вика по ново) ќе почне да користи гас за греење од оваа грејна сезона? И дали се очекува со тоа цената на парно греењето драстично да опадне?

Не верувам дека ќе има корекции на цената, веќе има топлани во Скопје кои користат гас за греење но тоа секако не го чувствуваат крајните потрошувачи. Генерално, секогаш има ревносност кога треба да се покачи цената поради некакви оперативни трошоци, но кога истата треба да се намали работите не одат така глатко.

Не сум следел многу дискусии на оваа тематика. само ме интересира нешто...веќе подолго време по должина на теодосиј гологанов се вкопуваше гасоводна мрежа и денес видов дека е скоро стигната до влезот на топлификација во Тафталиџе. Дали може некој на кратко да ми објасни што точно е овој крак? Дали Топлификација(или како и да се вика по ново) ќе почне да користи гас за греење од оваа грејна сезона? И дали се очекува со тоа цената на парно греењето драстично да опадне?

Гасификацијата ќе стартува според договореното

Охрид, 7. октомври 2011 (ИНПРЕС)
извор: ИНПРЕС фото: архива

Гасификацијата на Република Македонија ќе започне да се реализира од 2012 година потврди денеска во Охрид министерот за финансии Зоран Ставрески.

- Процесот на гасификација е веќе договорен и започнат со Русија. Веќе се воспоставени контакти на експерти од двете страни. Тој процес подразбира обезбедување на стабилен извор на гас и во таа насока ние разговаравме со Гаспром при што ги презентиравме плановите и развојните капацитети на Република Македонија до 2030 година во однос на постојните стопански капацитети, потребите на граѓаните и планираните нови енергетски капацитети. Исто така и искористувањето на можностите што ги нуди Клириншкиот долг со затварање на тој долг преку реализација на дел од гасоводната мрежа во Р. Македонија, рече Ставрески. (Крај)

http://www.time.mk/read/NONE/4686ac654a/index.html

Ненад, не сум стручњак, но барем за индустријата претпоставувам дека е круцијално да ја има на располагање опцијата природен гас, поради конкурентност. Извесно е дека гасот сепак ќе биде најисплатлива опција во многу индустриски процеси уште долго време.

Инаку нашето доцнење како и во многу други сфери е легендарно. Речиси две децении откако изградивме влезен гасовод, сега допрва ќе сме граделе мрежа за гасот да го донесеме до корисниците. Многу нормално дека во толкав период ќе се сменат и околностите. Штетата е направена, но дали сме ја научиле лекцијата?