Зеленило

Originally posted by Svarog Добро бре каде се сите еколошки друштва????

Партијата на зелените, односно ДОМ, е во коалиција со владејачката партија, па нив нигде ги нема овие неколку години додека се врши зелен геноцид во градов. А ти прашуваш каде се еколошките друштва. Да не се зафркаваме, само фотелји ги интересираат. Ништо друго. Затоа сме таму каде што сме во однос на зеленило.

Добро бре каде се сите еколошки друштва????

Костенот што го исекоа за преместување на споменикот на Самуил:



фото: radiomof.mk

ДРВЈАТА ИСЕЧЕНИ, ГРАДОТ СОГОЛЕН



Официјално сечата се прави поради болест и деградација на стеблата, а понекогаш и за потреба од реализација на ДУП, но исклучиво по стручно направена процена

Не запира сечењето стари разгранети дрвја низ центарот на Скопје. Официјално, сечата се прави поради болест и деградација на стеблата, а понекогаш и заради потреба од реализација на ДУП, односно заради изградба на некој објект. Како, на пример, дел од паркот на улицата „Јордан Мијалков“, кој е деградиран на сметка на проширување на сообраќајницата. Последната сеча е направена деновиве на две локации во централното подрачје. На плоштадот, поточно на ул.„Македонија“ се исечени последните два костена кои беа единствените разгранети дрвја, чии широки крошни правеа убава сенка на шеталиштето спроти „Пелистер“. Завчера на ред беа боровите пред новата зграда на Владата. И во двата случаја, одговорните тврдат дека се работело за стари и болни стебла.

Дрвјата низ Скопје ги сечат екипи на ЈП „Паркови и зеленило“, по налог, односно решение издадено од Секторот за комунални работи на Градот. Директорот на ова градско претпријатие, Душан Авировиќ, вели дека сопственик на дрвјата е Град Скопје, а не општините. Од Градот појаснуваат дека пред да се донесе одлука за сечење, се прави проценка за состојбата на стеблото. Процената ја прават службите, односно ЈП „Паркови и зеленило“ и Секторот за комунални работи во Градот каде што има стручни луѓе, шумарски инженери кои вршат контрола на дрвниот фонд и прават проценка, а потоа носат решение за сечење кое, пак, го спроведува „Паркови и зеленило“. Од службата за информирање на Град Скопје велат дека никогаш не се сечат дрвја заради нечии лични желби, туку исклучиво по стручно направена проценка за состојбата.

Таков е случајот и со последната сеча. Двата костена на улицата „Македонија“ биле стари и деградирани и морало да бидат исечени. Што се однесува до боровите пред Владата, да се сечат побарала владината Служба за општи и заеднички работи, иако и тие биле делумно стари.

„Дрвјата се сечат кога се стари, деградирани и болни за на нивно место да се засадат нови и квалитетни. Во Скопје долг период воопшто не се работеше на сечење и на обновување на расадничкиот фонд, па многу дрвја имаа голема старосна структура, беа деградирани и оштетени. На наша иницијатива во подготовка е закон за зеленило кој ќе се вклопи во Законот за градба и со кој строго ќе се регулира сечењето. Тоа мора да се стори, бидејќи има стари дрвја кои се потенцијална опасност. Се случува дрвја да паднат врз коли, а ние за тоа плаќаме големи отштети. На, пример, лани за обесштетување имаме исплатено преку 900.000 денари“, вели Авировиќ.

Директорот на „Паркови“ вели дека секогаш работат по налог на Градот, освен кога се работи за тополите, кои се изземени од издавањето решенија за нивно сечење, па се сечат секогаш кога претпријатието ќе има време за тоа.

„Тополите се латентна опасност за граѓаните, како поради алергиите што ги предизвикуваат, така и поради нивната старост. Во последните шест години во Скопје се исечени над 900 тополи и тоа е најпозитивната работа што се случила за 30 години. Добро е што беа исечени и липите на бул ’Св. Климент Охридски‘, бидејќи доколку останеа, од ланското невреме сигурно ќе паднеа, па можеше да дојде до некои несакани последици. А, дали индиските јорговани што се засадени на нивно место се најсоодветни, не можам да кажам, нас не не' консултираат. Сепак, нашата тенденција е да се садат автохтони садници, а за Скопје тоа се јавор, јасен, див костен и липа. Тие најмногу одговараат на микроклимата тука“, вели Авировиќ.

Практиката покажува дека на местото на исечените стари дрвја се садат наменски садници кои имаат пред се' декоративна улога. Згора на тоа се садат млади садници, а не повозрасни дрвја со оформени крошни. Авировиќ појаснува дека колку се помали садниците толку е поголем процентот на зафатеност. Исто така, според директорот на „Паркови“ се садат листопадни, а не зимзелени дрвја, бидејќи тие имаат 10 пати поголема апсорпциска моќ. (Б.А.)

За 10 години половина зеленило заменето со згради

Во последната деценија дури 50 проценти од постојното зеленило во строгиот центар е „заменето“ со градби. Според некои анализи, во делот на Малиот ринг во 2002 година имало 75.649 квадрати зелени површини, а во 2013 само 34.994 квадрати. Површината на крошните, пак, е намалена за 20 отсто, како резултат на континуираното сечење разгранети дрвја.

Екологистите изброиле дека во април 2013 година се исечени 33 дрвја кај седиштето на ВМРО-ДПМНЕ, дека е избетониран дел од парк во Тафталиџе, а извршена е масовна сеча и на зеленилото околу хотелот „Бристол“. Лани во јули, чаирчани протестираа против 17 маркички наменети за објекти во паркот во Чаир. Во меѓувреме продолжи да се намалува зеленилото за сметка на проширени улици, нови градби и реконструкции, како што неодамна беа отстранети и сите дрвја од плоштадот „Македонија“ поради негова нова реконструкција.

Врз која основа сечат здрави дрвја?

Здружението за заштита на животните и животната околина „Еден“ реагира на континуираното сечење дрвја низ Скопје. Повод за нивната реакција е последната сеча на двата, според нив сосема здрави бора пред Владата, како и дивите костени пред „Пелистер“, откако претходно на плоштадот беа исечени 32 јавора.

„Се прашуваме, дали носителите на одлуки се свесни што значи ова за градот? Свесни ли се дека Скопје е прв град по загаденост во Европа? Свесни ли се дека во зима загаденоста во градов е еднаква на степенот на радиоактивност во Хирошима и Нагасаки? Свесни ли се дека наши сограѓани умираат од астма и разни други респираторни болести поврзани со лошиот квалитет на воздухот и недостигот од воздух? Ги повикуваме институциите кои работат со државни пари и им должат отчетност и транспарентност на граѓаните да одговорат врз која основа сечат здрави дрвја за кои потоа како одговор пласираат лажни информации дека биле болни и гнили? На фотографиите од трупците јасно се гледа дека се работи за здрави дрвја поради тоа што нема никакви знаци на болест или старост. Кој ги одобрува овие одлуки и кој ги контролира процедурите? Кое сценарио треба да му се случи на Скопје за да стане јасно дека скопјани сакаат да живеат, а не да бидат живи погребани во бетон?“, се вели во реакцијата на „Еден“.

http://utrinski.mk/default.asp?ItemID=1536EB7A9AD4AF4B8256BF5DCDF9FFAC

Originally posted by Џоле Мислам дека пред Влада ги сечат дрвјата за самата зграда да дојде до израз. Моја претпоставка.

ова е и моја прептпоставка... каква неверојатна случајност... се сечат дрва на плоштад и пред објектот на владата... болен е некој друг, а не дрвава...

Edited by zabegan - 01-Apr-2015 at 21:42

Originally posted by Џоле Мислам дека пред Влада ги сечат дрвјата за самата зграда да дојде до израз. Моја претпоставка.

Moja pretpostavka e deka e poradi bezbednost. A moze i da e kombinacija od dvete.

mislam deka glavna karta na koja sto igraat site ovie godini e: izivuvaj se vrz poslabiot.

Ќе засади... фиданки, да ги чекаме 20 години да пораснат.

Или, палми можеби? Читав некој во Козле засадил банана во двор... па што да не и на плоштад.


Edited by fichot - 01-Apr-2015 at 02:05

Ако не посади во каква-таква компензација по 1ХА шума, за овие дрва, повеќе не го сметам за човек, не па градоначалник да биде.

Имам чувство дека на градскиве власти дрвава и зелениве површини се непријател број 1.