Првите парчиња кашкавал „Гауда“ по холандски рецепт од малешевско млеко произведени во млекарницата „Фрисмак-Рудине“ од понеделник ќе се најдат по трговските центри и елитните ресторани во Скопје. Ова е уникатниот производ во Македонија од новата млекарница во Делчево. Македонскиот„Рудине“ и холандската Влада инвестираа 1 милион и петстотини илјади евра во најсовремена опрема со единствена технологија во Македонија и капацитет за преработка на 30 тони млеко дневно.

- Наша цел е да произведуваме гауда сирење, тоа е традиционално холандско сирење, за кое треба млеко од висок квалитет. Овој крај има потенцијал да се добие квалитетно млеко поради еколошки чистата средина, но да се постигне квалитетен производ потребно е да се одржи млекото во добра кондиција, вели Џон Бониер, холандски консултант.

- Ќе се произведуваа повеќе видови на производи. Во почетокот започнуваме со Гауда, бело сирење, со јогурт, кисело млеко и пресно млеко, вели Зоран Стоименовски, управител на млекарница „Фрисмак-Рудине“.

Млекарницата стартува со дневен откуп на 2, 5 тони млеко и воведува и нови стандарди при откупот. Со современа опрема располагаат и 8-те откупни пунктови. Млекопроизводителите од регионов задоволни, конечно ќе им се откупува млекото.

-100 литри млеко не можеш дома да го чуваш. Досега, 5-6 месеци се мачевме така еве сега Рудине инвестира, вели Дарко Димитровски, сточар.

Производите од Делчевската млекарница ќе бидат наменети и за извоз. Традиционалното бело сирење ќе се извезува во Канада и Америка.

Одбележувајќи ја годината што измина со коктел,шампањ и јагоди, и презентирајќи ги сите свои успеси постигнати во истата, денеска првите луѓе на словенечката фирма Метеорит ги поздравија присутните гости од Владата,парламентот и партнерите со кои соработуваат.

„Во оваа година навостина макотрпно и напорно работевме да го рестартираме работењето во металската струка во Битола се надеваме дека тоа успеавме да го направиме по тој повод денес сакавме да се пофалиме со она што го имаме направено во оваа 1 година од нашето работење."-изјава:Томе Тромбев-директор на Метеорит

Првобитната инвестиција од еден милион и 800 илјади евра ја дополниле со уште 800 илјади евра средства наменети за набавка на опрема и машини.Од севкупното производство на метални конструкции 23% биле извозно ориентирани.Во моментов Метеорит брои 114 вработени.

„Како што гледате сакаме во Битола и во Регионот да направиме една респектабилна компанија и фабрика за производство на челични конструкции која ветуваме во иднина ќе стане една од најдобрите и најголемите во овој регион со производство од 20 илјади тони челични конструкции годишно.Така што сакаме да станеме на некој начон водечки партнер во таа свера не само во Македонија туку и во поширокиот регион."-вели изјава Кристијан Гајшек-сопстевник на групација Метеорит

Се надеваат дека во иднина секоја година кога ќе се среќаваат на вакви годишнини ќе слават по некој новитет со што ќе го потикнуваат развојот на оваа дејност.

Локалните власти и покрај економската криза ќе ги завршат почнатите инфраструктурни проекти кои и влечат најмногу пари од општинскиот буџет. Градоначалникот Владимир Талески вели дека она што е во завршна фаза ќе го довршат, а доправа ќе се договорат за кои проекти договорени со Агенцијата за млади и спорт ќе се одложи реализацијата.

-Дел од спортските сали во средните училишта веќе почнавме да ги реализираме, но уште пред месец дена. Значи дека спортските сали во основните училишта ќе се реализираат во следните години - вели Талески.

Според него иако во услови на економска криза ќе се продолжи со изградбата на индустриската зона „Жабени", затоа што токму таа е услов за економско заживување на регионот.

-Поради изборите имавме ограничувања во нашето работење. Оттаму не се пристапи кон електрификација на зоната. Но убеден сум дека идниот период штом се ќе заврши околу изборите ќе го потпишиме договорот за трафостаница и мислам дека условите се за 90 дена од денот на потпишувањето тоа да се заврши. Почнавме да се подготвуваме за давање на тендер на првите парцели во зоната „Жабени" и очекувам интерес иако е економска криза сакам да ве убедам и ќе видите дека така барем најавија луѓето со кои контактираме ќе има домашни инвеститори кои се заинтересирани за неколку парцели во зоната - додава Талески.

И покрај светската рецесија и владините препораки за ублажување на кризата и понатаму интензивно ќе се работи на комплексот на плоштадот Магнолија каде што се вклопува и споменикот на Филип втори. Деновиве се составувале сите елементи, па дополнително ќе се знаело колкава е финансиската конструкција за овој проект.

Запрашан дали по барање на меѓународната заедница биле изведени осум од 16-те краци на штитот, градоначалникот вели дека ова што сега се гради тоа било и договорено од самиот почеток.

-Република Македонија има потпишано договор пред години каде ваквите симболи не би смеела да ги користи за ваква намена. Оттаму во проектот знаевме дека е така, всушност не се работи за 16 крако сонце туку за штит кој предлагачите , архитектите го извадија од енциклопедија. Ова што го гледам сега тоа е договорено, што било претходно не знам тоа е техничка работа - вели Талески.

Според идејното решение, на едната страна од споменикот ќе биде изложен мечот на Филип, на друга кралскиот венец, а на третата страна заштитниот шлем и штитот. Градежните работи според Талески се очекува да завршат овој месец.

Наташа Чавдаровска
< ="" ="text/"> \n aktuel@tera.com.mk