Пуцко Петрол(поранешен G Mall Skopje)

Комплексот кај „Алумина“ чека маркичка

Израелските сопственици го оградија комплексот и го расчистуваат теренот, но за дозвола ќе мора да го чекаат детаљниот урбанистички план, кој со месеци е во изработка во Општина Карпош

Нема надеж дека до крајот на годинава ќе почне изградбата на луксузниот трговско-хотелски комплекс „Џи-мол“ на местото на поранешната фабрика „Алумина“, како што пред неколку месеци најавуваа сопствениците на комплексот - израелската фирма „Газит глоуб лтд“. Се' уште не е донесен детаљниот урбанистички план за тој дел од градот, иако беше на листата со приоритети на Владата, а неговото усвојување се најавуваше уште пред локалните избори, во времето на в.д. градоначалникот Сашо Димиќ.

Со проектот за „Џи-мол“, освен трговски центар, Израелците предвидуваат да изградат и две деловни кули со по 25 ката, но оваа нивна желба допрва ќе треба да се утврди со урбанистичкиот план.

- Тој се' уште е во фаза на изработка. Деталите за можностите за градба на градежната парцела ќе се дефинираат со планот - велат во Општина Карпош.

Останува нејасно дали овој план ќе биде „жртва“ на препукувањата меѓу советниците на ВМРО-ДПМНЕ со градоначалникот Стевчо Јакимовски за неколку урбанистички планови, кои беа повлечени од дневен ред пред еден месец. Објаснувањето на советниците беше дека им е потребно повеќе време за да ги разгледаат. Јакимовски ова го оквалификува како еден вид блокада, и не сакаше да одговори дали на Владата ќе и' врати со иста мера за плановите што се приоритет за неа и кои треба да се усвојат во брза постапка. Тоа се плановите за „Алумина“ и за касарната „Илинден“.

Процедурата пред усвојување на плановите, налага пред членовите на Советот прво да се најде нацрт-верзијата, да се распише јавна анкета, па потоа да се усвои планот. Имајќи ја предвид долгата процедура, ќе минат месеци додека Израелците да добијат градежна дозвола.

Тие, во меѓувреме ќе работат на отстранувањето на објектите од кругот на фабриката, за што, исто така, ќе биде потребна дозвола, но и елаборати, имајќи предвид дека се работи за голем комплекс.

- За добивање одобрение за отстранување на постојните објекти на теренот, инвеститорите имаат обврска да приложат проекти за уривање и за расчистување на теренот, како и планирано одвезување на градежниот отпад - објаснуваат од Општината.

Како што е познато, израелската фирма „Газит глоуб лтд“ имотот од 150.000 квадратни метри го купи на јавна лицитација во 2007 година за 19 милиони евра.

Неодамна, имотот на поранешната фабрика беше ограден со лимена ограда, па граѓаните помислија дека почнуваат градежните работи. Во внатрешноста на комплексот се гледаат машини, но со нив сега само се испитува почвата и се расчистува дел од теренот. Од Општината потврдуваат дека се работи на поситни интервенции и додаваат дека Израелците уредно си платиле и данок на имот.

Од Карпош не прецизираат кога планот ќе се најде на дневен ред на Советот. Велат дека тој е дел од Програма за приоритетни планови на Владата и дека во постапката ќе има приоритетен третман.

Оттаму потенцираат дека еден од главните услови за издавање дозвола за градба е паркирањето да биде решено во рамките на градежната парцела. Според проектот на компанијата, во рамките на парцелата се предвидени 2.500 паркинг-места.

Компанијата „Газит глоуб лтд“ ја купи „Алумина“ на јавно наддавање и за неа плати 20 отсто повеќе од почетната цена, односно 22 милиона евра со пресметан ДДВ. Планираната инвестиција е околу 100 милиони евра. Ова е еден од трите проекти кои „Газит глоуб“ планира да ги гради во Македонија со вкупна вредност од 200 милиони евра.

Јорданка Ивановска

http://dnevnik.com.mk/?ItemID=8CAC055BFFF3294AB8A16FE180546830

1 Поставена е целата ограда по должината на Иво Лола Рибар. Долга е околу 340м. Еве и еден од објектите кои наскоро ќе отидат во историјата

2

3 Еве ја и дирекцијата на Алумина која наскоро ќе ја снема. На времето овој објект делуваше навистина модерно

4 Поставена е оградата и на бул. 8 Септември. Долга околу 130м.

5 Тука веќе и се руши


Од задната страна на градилиштето сеуште нема заштитна ограда и веројатно сеуште трае ценкањето со фирмите од типот на К-15

Ич не ми е јасно како уопште успеа ваков проблем?! Вањда алумина си го имала прашањето апсолвирано прашањето за земјиштето на кое се наоѓа оддамна?! А за К-15 тоа мислам дека беше посебен проблем кој беше само на територијата на зградата на К-15 и не навлагаше во земјиштето на Алумина?! Освен ако проектов не излага од границите на Алумина.

100-120 милиони не мора ништо да значи. Кога ќе се стават на купче сите трошоци и само трговскиот може да излезе повеќе од 120 милиони. А ако па од друга страна рачунаме само изградаба со 100 милиони може два вакви центри да се направат, така да цената мислам дека ни од далеку не може да претстави што ќе се направи.

Во недостиг од материјали, не би ни помислил дека ќе се гради по овој прокет кој го знаеме, а не пак да расудувам дали ќе има/нема кули. Така да ниту нашиве ниту па рендерот на сител не би ги ставил така лесно како дефинитивна опција.

А што се однесува до општината, срамота е што вака се влечкаат. Зашто маркицава не ја зацртаа како посебен опфат, па да немаат воопшто проблеми и да можат експресно да одговорат на инвеститорот. А и незнам зашто министерството дреме кога има законска можност да одземе ингеренции на некоја општина во вакви случаеви и да среди работа по брза постапка.

my Macedonia, не се нервирај одма, далеку од тоа дека текстов може да го земеме како мерило дали и кога ќе има кули. Всушност спомнат е и деловен центар, не само трговски, ама како што кажав, тоа покрај што е непрецизно нема ни никаква тежина.
Од оваа вест не дознавме ништо што досега не знаевме.

го заградиле, браво, само да излезе како на рендерот

Edited by lslcrew - 27-Aug-2009 at 14:53

Супер, супер! И ако го изградат само трговскиот нема да биде лошо за сега, но барем да направат доволно силна конструкција на истиот, што за подобри времиња ке овозможи надградба на истиот, односно градење на деловната кула. Исто така се надевам на одлична 24 часовна динамика на градба.
Инаку со Веро што се случува?

Originally posted by Cloverstack @ Dave Gahan Не приметив информативна табла, но буквално само што имаа почнато да ги редат панелите.

Да објавата баш ти беше Breaking News Јас поминав претходниот ден и таму немаше ништо.

И јас се плашам од промени во идејниот проект. Скоро сум сигурен дека кулите нема да се градат и дека ќе искочи некоја "фазна заебанција". Сепак се надевам дека барем трговскиов ќе биде според материјаливе кои ги имаме на располагање.