Образовни институции (општо)

Студиото „Платформа“ победи на Бимас со објектот „Мебо“

Студиото за архитектура и дизајн „Платформа“ ја освои главната награда за најуспешно реализирано авторско архитектонско дело заадминистративно-деловниот објект „Мебо“ во Штип, на 14. биенале на македонската архитектура - Бимас 2008. Автори на објектот се Елена Павловска, Емил Јегени, Веле Богоевски и Јасна Милојковиќ. Тие победија во конкуренција на 160 трудови, а со наградата, студио „Платформа“ стана најмлад добитник на ова признание. „Платформа“ е млад тим на архитекти што работат архитектура и внатрешен дизајн. Добитници се на повеќе признанија и награди.Бимас 2008 се одржа од 14 до 31 март, а темата на годинашното издание беше „РЕ-Архитектура - повторно промислување за архитектурата“. Биеналето на македонската архитектура е врвна манифестација од државен ранг, што со години наназад го организира Асоцијацијата на архитектите на Македонија. Целта на Биеналето е на најрепрезентативен начин да се претстави двегодишната продукција на македонските архитекти. Бимас се одржува од 1981 година. Досегашни добитници на главната награда се: Георги Константиновски, Александар Никољски,Илија Пулејков,Марија Марковска,Здравко Рафајловски, Донка Петкова Костиќ, Василка Ладинска и други.

Ботаничка и билна градина во ОУ „Ѓорѓија Пулевски“

Изминатиот период во ОУ „Ѓорѓија Пулевски” како дел од проектот „Претприемничко учење во основното образование”, во внатрешниот простор на училиштето се подготвуваше ботаничка и билна градина. Училиштето доби патека од камен, цветна рундела од петунија во разни бои, како и цветна пеперутка од видот лобелиа. Исто така, на учениците им се одржа и предавање за билни и цветни растенија по што следеше практична вежба, поточно се насадија 100 различни цвеќиња од видот џунџуле, далија, имаптија и петунија, како и 20 билни и зачински растенија од видот мента, нане, лаванда, рузмарин, невен и сантолина. Целта на овој проект е да се доближи нашиот образовен систем кон европските стандарди за квалитетно образование преку развивање и поттикнување на претприемничкиот дух кај учениците. Покрај тоа, учениците ќе имаат можност да ги користат градините за едукативна настава.