Паркирање и паркинзи (општо)

Првиот ден од платен паркинг во Штип помина со заработка од 18.000 денари
Вторник, 02 Септември 2014 12:26

Првиот ден од воведувањето на платениот паркинг во Штип поминал без проблеми. И вработените на ЈП „Стипион 2011" со рачните фискални апарати и луѓето од општината имале успешна соработка со граѓаните кои паркираат во централното градско подрачје. На некои им ја објаснувале новата процедура, на други им дообјаснувале, а трети веќе знаеле и купувале тикети во продажниот пункт кај општината, пренесува порталот „1.мк". Ефектот од воведувањето на платениот паркинг се околу 18.000 денари.
500stip01

Оваа сума не е за потценување, изјави Тони Јовев, директор на ЈП „Стипион 2011“.

- Мислам дека целата операција помина во најголем ред. Граѓаните покажаа кооперативност, и воедно ја разбираат процедурата за воведениот платен паркинг. Од овие 18.000 денари, 10.000 се од мобилните наплаќачи со фискални апарати а 8000 денари се остварени од продажниот пункт низ центарот на Штип.

Според Јовев, интересот за платен паркинг е голем, и во поглед на склучување на месечни или годишни договори.

- Имаме склучено околу 70-80 договори од кои најголем дел со граѓани кои имаат место на живеење на една од улиците во центарот на градот, „Васил Главинов", „Маршал Тито" и „Ванчо Прке". Со нив се склучени договори до нова година, значи за следните 4 месеци. Имаме интерес и кај правните лица, но и кај физички лица кои работата во правни лица со седиште на овие улици.

5000jovev

Јовев очекува и зголемување на наплатата, бидејќи ова е само почеток. Но, секако како што кажа, најголем ефект е растоварувањето на градскиот сообраќај, пред се во центарот на Штип.

Со платениот паркинг, дел од возилата нема да се паркираат во центарот на градот, што значи дека намалувањето на возилата ќе овозможи подобар сообраќај и безбедност како и диференцирање на оние правни и физички лица кои имаат суштинска потреба за паркинг.
http://www.kurir.mk/republika/opstini/170387-Prviot-den-od-platen-parking-vo-Stip-pomina-so-zarabotka-od-18000-denari?utm_source=feedburner&utm_medium=feed&utm_campaign=Feed%3A+kurir%2Frepublika+%28%D0%9A%D1%83%D1%80%D0%B8%D1%80+-+%D0%A0%D0%B5%D0%BF%D1%83%D0%B1%D0%BB%D0%B8%D0%BA%D0%B0%29

Браво ако е така , само да озтане така. Треба да се научиме уредно да плаќаме паркинзи. Во Струмица откога се отвори плоштадот под него има паркинг кој според мене е феноменален и многу практичен плус нечини многу. Не ги знам цените во детали ама знам дека ние секогаш плаќавме од 30 до 50 денари и тоа колата ти е на сенка, веднаш си во центар, не бараш паркинг, не те псујат пешаците и плус мене лично ми прави убаво чуство кога знам дека почитувам одредени правила. Е сега проблемот е што тој паркинг скоро никогаш не е полн а паркирањето повторно е прашање на инпровизација.
Поентата е ќе помине многу години за да се научиме дека возењето автомобил е луксуз и паркирањето е само дел од трошоците кои треба да бидет земени во предвит кога ќе решите од дома да излезете со автомобил.

Edited by kultuzin - 02-Sep-2014 at 14:58

малку основата е политиканство,но ипак да ја забележиме информацијава


http://vecer.mk/skopska/zhernovski-otplakja-kredit-za-garazha-a-od-nea-ima-samo-dupka

Интензивно се гради првиот модуларен паркинг во Кавадарци

Пред започнувањето на Тиквешкиот Гроздобер Кавадарци ќе има нов современ паркинг за 80 возила.

Според планираното модуларниот паркинг ќе профункционира многу порано, што е според планирањето на изведувачот на монтажните работи, компанијата „Масон Инжинеринг“ од Скопје. Оваа македонска компанија деновиве забрзано работи на склопувањето на елементите на реномираниот производител од Болоња, Италија.

- Кавадаречкиот модуларен паркинг е втор од ваков тип во Македонија, по оној во Општина Центар во Скопје. Се работи за површина од 1.100 м2 во строгото градско подрачје, над паркот кај полицијата и е на две нивоа каде ќе можат да се паркираат 80-сетина возила. Инвестицијата е наша, кавадаречка, сите средства се од Буџетот на Општина Кавадарци, и чини 30 милиони денари, вели градоначалникот Александар Панов.



Ѓуро Чубриновски од „Масон Инжинеринг“ потврдува дека ова е најнов брзо изведлив паркинг, од модуларен тип, опремата и елементите се од врвен светски кавлитет, применлив во многу западни земји.



Со ова Кавадарци всушност го започнува процесот на решавање на дивото паркирање. Ќе стартува зонското платено паркирање, ќе се воведе јавно-приватно партнерство во оваа важна сфера од градското урбано живеење, и граѓаните ќе мора да се навикнуваат и да плаќаат паркирање ако сакаат да престојуваат во град со својот љубимец на четири тркала.

http://kavadar4e.com/index.php?option=com_content&view=article&id=11928:2014-07-23-12-48-19&catid=37:tikvesijavesti1&Itemid=80

Originally posted by N23 Абе Жерновски, Жерновски... 1.2.

Спонзори им се Општина Центар ништо чудно не гледам тука.Како што има логоа во БТ кога игра МЗТ така и на паркомативе има за Работнички.До пред некое време Град Скопје беа спонзори на ФК Вардар.

Edited by jyvation - 21-Jul-2014 at 16:18

posle mostot: civilizaciite na makedonija ova e uste eden debilitet na davanje istoriski iminja na katni karazi

Originally posted by mirakuliks Ова е паркинг или булевар?

Паркинг на двете ленти од булеварот

Edited by jyvation - 05-Jun-2014 at 21:53

Ова е паркинг или булевар?

Еве го новиот паркинг во Велес во близина на Автобуската станица.








извор:Општина Велес

ПАРКИНЗИТЕ ЗА „СКОПЈЕ 2014“ ЌЕ БИДАТ ГОТОВИ ВО 2015

Дислокацијата на инсталации ја одолжи изградбата на подземните паркиралишта на левиот брег на Вардар наменети за новите институции

Паркиралиштата за администрацијата и за посетителите на новите згради од „Скопје 2014“ на левиот брег на Вардар ќе бидат готови дури в година. Иако досега требаше веќе да бидат функционални стотина подземни паркинг-места, нивната изградба се' уште е во тек. Оправдани и непредвидени причини на терен „заглавиле“ дел од подземните паркинзи. Дислокација на инсталациите се причина зошто вработените во новите административни објекти преку Вардар мака мачат со паркирање. Ги остават возилата кој каде ќе стигне и ќе се снајде. Во делови Кејот е блокиран од паркирани возила, а како паркинзи се користат пристапни патеки до некои од објектите, околните зелени јавни површини... А, потреба за паркирање имаат стотици вработени во Уставен суд, МНР, Јавно обвинителство...

Повеќе на линкот... http://www.utrinski.mk/?ItemID=14EBFA8B9A07B946A32BABFD84EDABEE

Делчево ќе добие нов паркинг простор во централното градско подрачје



Денеска во Делчево започна изградбата на нов паркинг простор. Станува збор за паркинг простор кој ќе се простира помеѓу улиците „Кеј на ослободувањето“ и реката Брегалница, односно зад новиот соборниот храм „Св.Кирил и Методиј“ во централното градско подрачје во Делчево.





Изградбата на новиот паркинг простор е од особено значење за жителите од овој дел од градот, но и воопшто за сите граѓани кои поминуваат и се движат низ централното градско подрачје. Се работи за проект за изградба на паркинг простор со површина од 910 м2 , а истиот ќе опфаќа 39 паркинг места.

http://delcevodenes.mk/%D0%B4%D0%B5%D0%BB%D1%87%D0%B5%D0%B2%D0%BE-%D1%9C%D0%B5-%D0%B4%D0%BE%D0%B1%D0%B8%D0%B5-%D0%BD%D0%BE%D0%B2-%D0%BF%D0%B0%D1%80%D0%BA%D0%B8%D0%BD%D0%B3-%D0%BF%D1%80%D0%BE%D1%81%D1%82%D0%BE%D1%80-%D0%B2/