ПАЛМИ ЌЕ НИКНАТ ВО ПАРКОТ „ЖЕНА-БОРЕЦ“



Градот Скопје ќе сади палми во паркот „Жена-борец“. Градските власти деновиве распишаа тендер за уредување на патеките и осветлувањето на паркот во кој од изведувачот се бара посебно внимание околу осветлувањето и затоплувањето на палмите.

Градоначалникот Коце Трајановски на последната седница, пред градските советници, најави дека Градот има обврска да го уреди Жена-парк и дека за тоа се подготвуваат проекти за хортикултурно и за партерно уредување. Трајановски не посочи детали од проектите, ниту, пак, спомена дека во план е садење палми. Од Градот Скопје не даваат одговор ниту колку палми ќе се садат, ниту дали се веќе набавени и за колку пари. Информираат само дека проектите се подготвуваат, а деталите ќе ги соопштат пред да почнат градежните работи.

Според барањата на Градот изнесени во тендерската документација, се бара „да се предвиди поставување систем за загревање на палмите во зимски услови, и тоа кабловски развод, приклучници, систем за негово вклучување на температура под минус 5 степени Целзиусови. За загревање на една палма, треба да се предвиди едновремена јачина од 3 киловати. Да се предвиди поставување рефлектори под палмите за нивно декоративно осветлување во ноќните часови. Командувањето со режимот на работа на рефлекторите да биде истовремено со осветлувањето на патеките“.

Во Скопје првпат 15 палми беа засадени на кејот на Вардар, а практиката се прошири и во другите градови. Првата година палмите беа засадени во саксии и се исушија, бидејќи не беа соодветно заштитени, но подоцна се заштитуваа со најлонски фолии и успеаја да ги преживеат зимите.

Во текот на акцијата „Ден на дрвото“, директорот на „Македонски шуми“, Жарко Караџоски, најави дека ќе се садат и палми, и тоа покрај брегот на езерата, но и во паркови.

„Палмите што ќе ги садиме се таканаречени влакнести палми кои се отпорни на промена на временските услови. Откако ќе ги посадиме, за нив ќе се грижат локалните самоуправи кои ќе имаат обврска да ја следат временската прогноза и кога ќе има најави за пониски температури и студови, да ги завиткуваат во најлони. Палмите ќе бидат посадени покрај езерата и во парковите“, рече Жарко Караџоски.

Во тендерот за реконструкција на паркот „Жена-борец“, покрај палми, Градот побарал изведувачот да изработи декоративни столбови како канделабри, веројатно во барокен стил, кои ќе треба да се вклопат во новопоставените споменици во рамките на паркот.

Новите патеки во Жена-парк, пак, треба да бидат направени од плочки и оградени од парковската површина. Во условите за изведувачот, градските власти бараат да не се менуваат позициите на постојните патеки, како и да се внимава да не се рушат скалите кон ГТЦ.

http://www.utrinski.mk/?ItemID=61CBAF13E0930D4BB2E085C1AFE8A912

16 илјади евра не е реконструкција туку ОСВЕЖУВАЊЕ.

ако не се чепка тоа што досега е реконструирано,е ок, а ако севадат некои елементи и на нивно место се ставаат понови,само ќе се повтори плоштадот

А нели беше реконструиран пред неколку години?!

Се крчка реконструкција на паркот Жена борец

Откако се поставија серија на споменици и скулптури од владиниот проект „Скопје 2014“, паркот Жена борец во центарот на Скопје ќе биде подложен и на реконструкција. Ќе се менува постоечкото осветлување со ново, а предвидено е и да се санира партерното уредување. Градот Скопје денеска го распиша огласот за избор на компанија што ќе го изготви основниот проект со вклучена ревизија за претстојниот реконструктивен зафат. Од градската каса за оваа намена е проценето дека ќе се одвојат 1 милион денари, без вклучен ДДВ. Заинтересираните фирми треба да ги достават своите понуди најдоцна до 23 март.



Откако ќе се изработи проектната документација, Градот Скопје ќе пристапи и кон избор на најповолен понудувач за изведба на градежните активности. Паркот Жена борец е една од локациите во централното градско подрачје што беше преплавена со нови споменици и скулптури. Со средствата на граѓаните во изминативе неколку години на овој простор свое место најдоа Прометеј, спомен – обележјето од првото заседание на АСНОМ, спомениците на македонските бранители, на основачите на ВМРО и на Кузман Јосифовски Питу, како и споменикот на „Паднатите херои на Македонија“.

Од Градот Скопје засега нема информација за временскиот период во кој би се извршила најавената реконструкција на паркот Жена борец, ниту пак има информации колкави финансиски средства од градскиот буџет би се потрошиле за оваа намена.

http://www.build.mk/?p=43526

Originally posted by kultuzin Во општина Аеродром ќе се гради нов парк Новиот парк спроти „Мајчин дом“ ќе се гради на површина од 2.319 квадратни метри и ќе содржи пешачки патеки, водени површини, езеро со фонтани и со водопади, река и детско игралиште. Постојните дрвја на таа локација ќе се задржат и ќе се збогати паркот со ново зеленило составено од нискостеблести растенија и од цвеќе.

vecer.mk

Зошто прават паркови до булевари? Добро е да се средат тие зелени површини но паркови и дестки игралишта подобро е да се прават на малку потивки локации, на кои нема до толку смрдеш од издувни гасови. Намената на паркот најчесто е одмарање а како да се одмориш до булевар. Пример локацијата позади каде што има некое тениско игралиште многу повеќе би одговарала. А можеби и се мисли на таа локација?


Edited by kultuzin - 03-Jan-2015 at 21:04

Каде е ова отприлика може координати?

Во општина Аеродром ќе се гради нов парк
Детали Создадено На Петок, 02 Јануари 2015 13:49      Датум на објавување      Категорија: Локално

Градоначалникот на Општина Аеродром, Ивица Коневски, денеска одржа прес-конференција на која најави изградба на нов парк.





Градоначалникот Коневски изјави дека Општината планира да гради нов парк спроти „Мајчин дом“. Тој најави и изградба на улици, асфалтирање, изградба на канализации.

Новиот парк спроти „Мајчин дом“ ќе се гради на површина од 2.319 квадратни метри и ќе содржи пешачки патеки, водени површини, езеро со фонтани и со водопади, река и детско игралиште. Постојните дрвја на таа локација ќе се задржат и ќе се збогати паркот со ново зеленило составено од нискостеблести растенија и од цвеќе.

Мета
http://sky.mk/republika/427583-vo-opshtina-aerodrom-kje-se-gradi-nov-park

воопшто не мислам да го кажам ова политички, ама прославите за нова година на градот Скопје, во последниве 10 години се fail невиден... контра на тоа, општина Центар успешно ги организира, па сега се нечкаат повторно околу тоа

Ако паркот не е под ингеренција на градоначалник од моја партија, најкомотно ќе му го одземам паркот и ќе му го доделам на некој друг градоначалник од моја партија.
 
Знам дека форумов не е место за политика, но ајде нека каже некој каде нема политика во денешните градежни и урбанистички потфати во Центар и пошироко во Скопје ?
 
Значи вистина е тоа што го велат:
 
Ако ти не се занимаваш со политика, тогаш политиката ќе се позанимава со тебе.
 
Се разбира, тоа не е никакво оправдание за ваквите идиотизми.
 
Ајмо нови споменици.
 
http://www.24vesti.com.mk/trajanovski-go-prevzema-zhena-park-pod-ingerencija-na-grad-skopje
 

Трајановски го превзема Жена парк под ингеренција на Град Скопје

 

24.12.2014 | 16:50   Паркот „Жена борец“ официјално под закрила на Град Скопје. Ваквата одлука била донесена на последната седница на Градското собрание, со образложение дека оваа зелена површина има исклучително значење за градот и граѓаните.     Градоначалникот Коце Трајановски тврди дека единствената цел е да се направи целосно уредување на самиот парк.   Градоначалникот на опшина Центар не се огласи на барањето на 24 Вести за став околу превземањето на паркот.   Деновиве во паркот „Жена борец“ беа поставени тезги, кои според градските власти се дел од Новогодишниот маркет организиран од Град Скопје.   Според нив, тезгите ќе бидат наменети за промоција и продажба на храна и пијалоци.     Ивана Рамаданова