Универзална сала

МАКЕДОНИЈА | 15. MARCH 2013 - 13:29

Ќе се гради нов објект на Универзална сала



Кандидатите за градоначалници на Град Скопје и Општина Центар, Коце Трајановски и Владимир Тодоровиќ, како и министрите за финансии и култура, Зоран Ставрески и Елизабета Канческа-Милевска денеска /15.03.2013, петок/ го промовираа проектот за изградба на нов објект на Универзалната сала во Скопје.

Министерот за култура Канческа-Милевска објасни дека бројните анализи и испитувања од страна на Градежниот факултет укажале дека стариот објект не е погоден за реконструкција. Дополнително, реконструкцијата би подразбирало задржување на истиот капацитет од околу 1500 седишта, а не би се решил ни проблемот со паркинг просторот и администацијата на ЈУ "Универзална сала". Од тие причини, Владата на Република Македонија донела одлука на истото место да се гради целосно нов објект, каде во него би биле сместени и сала со капацитет од 2500 до 3000 седишта, паркинг простор и простор за администрацијата на ЈУ "Универзална сала".

Според Канческа-Милевска, Владата на Република Македонија за реконструкцијата на стариот објект предвидела средства во висина од околу 11 милиони евра, додека за изградбата на новиот објект се проценува дека ќе бидат потребни 25 до 30 проценти повеќе средства.

Кандидатот за градоначалник на Град Скопје, Коце Трајановски изрази задоволство и благодарност до Владата на Република Македонија и министерството за култура за помошта при изградбата на овој нов објект, бидејќи истиот е еден од најзначајните културни центри во Скопје.

- Овој објект веќе не може да ги задоволи потребите на Градот Скопје за манифестациите коишто се планираат во него, така да со изградбата на новиот објект ќе добиеме Универзална сала која ќе може да одговори на потребите на граѓаните - изјави Трајановски.



Извор: http://sitel.mk/kje-se-gradi-nov-objekt-na-univerzalna-sala

Edited by HugoGoulding - 15-Mar-2013 at 14:38

Ранко бил секогаш од тие што знаат што се дешава,верувам дека има некои инсајдерски информации

Околу прашањето дали со реконструкцијата ќе се зголеми и капацитетот на салата, досега информациите беа контрадикторни, во едни изјави се најавуваше дека ќе се додадел уште некој ред, во други дека зголемување на капацитетот било невозможно, што ако има подготвен проект веќе би требало да биде сосема јасно и многу прецизно колкав ќе биде капацитетот, ама господ ги знае што прават...

А за решавање на паркирањето најпрвин нели беше планирано тоа да биде со катна гаража:
http://www.build.mk/forum/forum_posts.asp?TID=589

...ама откако и оваа катна гаража магично се трансформираше во деловен објект, сега се труби дека паркирањето ќе се решело со подземна гаража под платото околу салата.




Edited by Cloverstack - 24-Feb-2013 at 20:46

Тоа сакам и да го посочам дека џабе ние како јавност да се обидуваме да го најдеме оправданието за одлуката која ја донеле ,дури и да го добиеме оправданието сепак тоа ќе биде истиот аргумент кој ние го кажуваме погоре ,а зашто 70-80% наместо 100% одговорот би бил затоа што нема доволно пари или премногу би чинело сето тоа.

Сето ова ми делува како предизборен маркетинг затоа и погоре така се изразив.

Декстер а не ти текнува дека се ближат избори ?
Јас лично овој проект го забележав дека се спомнува на сите избори ,на ништо друго. 2011 на парламентарните избори овој проект го имаше во планот на ВМРО за 2012-2013 година, а јас негледам дека ни едно каменче извадиле или ставиле досега.
Еј пази истото се случува и со реновирањето на Железничката станица така да мислам дека знаеме за што се работи и од каде таа одлука.

Dexter26 па друже мислам дека сам си го одговори прашањето што го имаш.

Се работи за времен објект кој одамна требало да биде срушен до темел и изграден со нови материјали ,мислам дека поголема причина нема потреба да се бара, а од друга страна верувам дека поголемиот дел од народот го знае ова и нема потреба од оправдување. Од трета страна гледаме како се прават огромни глупости низ градов без никакво објаснување па ти сега за ова се фати објаснување да даделе. Ќе треба со клешта да им го влечеме јазикот за да кажат јавно што е поентата.

 
Не сум загрижен, напротив, токму бидејќи станува збор за монтажен објект, го охрабрувам размонтирањето до темелите.
 
На крајот на краиштата, лондонскиот Вембли стадион изграден во 1923 година, бил урнат до темел во 2003 година, додека истовремено се правеле подготовки за изградба на новиот Вембли стадион кој бил пуштен во употреба во 2007 година, а зборуваме за траен објект кој постоел 80 години, а не за монтажен објект како Универзална сала, која е пуштена во употреба во 1966 година, односно постои веќе 47 години.
 
Тоа што мене ме интересира е причината зошто овие таканаречени "Претставници од Универзална сала и од Секторот за јавни дејности на Град Скопје" донеле ваква одлука, причина која сеуште јавно не ја изнеле.

Originally posted by zabegan универзална сала е далеку од тоа да биде било каков симбол на градот, а да не збориме па што воопшто нема никаква архитектонска вредност

 
Точно, но пред изградбата на СРЦ Борис Трајковски и на Метрополис Арена, најголемиот дел од концертите, посебните претстави и изведби, како и светските премиери на некои филмови, како што беше Војна на световите, беа изведени/прикажани во Универзалната сала, што не ја прави историски симбол, но ја прави објект со посебно значење за Скопје.
 
Тоа што мене конкретно ме интересира, е оправданието за одлуката на таканаречените "Претставници од Универзална сала и од Секторот за јавни дејности на Град Скопје", со која се планира 70% до 80% од веќе постоечкиот објект да бидат урнати.
 
Не станува збор за цела флота на авиони од еден ист модел која е приземјена поради дефект или техничка маана кој/а допрва треба да се открие и да се санира, но сепак станува збор за објект кој им припаѓа на жителите на град Скопје и е финансиран со народни пари, па од тука верувам дека не само скопјани, туку и сите останати граѓани на Република Македонија, бидејќи ова планирано рушење и оваа планирана реконструкција ќе бидат финансирани од страна на Владата на Република Македонија, која сноси одговорност не само пред скопјани, туку и пред сите граѓани на Република Македонија, заслужуваат да знаат зошто со нивни пари ќе се финансира уривање на 70% до 80% од веќе постоечки објект со цел негова реконструкција.
 
Донесување на било каква одлука без изјаснување на конкретна причина зошто истата е донесена, е неприфатливо како за приватните инвеститори во некоја приватна фирма и корпорација, така и за граѓаните на една држава.
 
Барем нека кажат дека прозорците или седиштата не дихтуваат, колку да кажат дека имаат некакво оправдание.


Edited by Dexter26 - 16-Feb-2013 at 13:08

Originally posted by stratus турнување до темел на универзалана, изградба на мини плоштад со подземна гаража на просторот сепак се работи за мошне прометна локација и изградба на нова концертна сала на друга поширока парцела со поубав помодерен изглед и поголем капацитет. Земете ја пример новата концертна сала во Баку.

Ова би бил и мојот избор. Само место плоштад може да биде парк. Премногу се изгради (и допрва ќе се гради) тоа маало и се угуши во бетон. Малку зеленило и простор за рекреација и релаксација би бил прав потег овде.

Кога веќе се руши, и се прави подземен паркинг, јас би ја поместил салата малку поцентрално, вака е преблиску до западните згради. Еве на што мислам...



Исто, потполно би поддржал комплетно нова градба, под услов да не е "согласна на принципите на СК2014", но свесен сум дека тоа веќе навлага во категорија на утопија.