ТИРЗ Скопје - Бунарџик

Десетте милиони евра што Орланди ќе ги инвестира во Македонија се и прва инвестиција во производствен погон на оваа компанија надвор од Италија. Македонија ја одбрале како дестинација поради добрата бизнис клима и ниските даночни стапки, како и условите што ги нуди за инвестирање на економската зона Бунарџик

Италијанскиот гигант за производство на приклучни уреди за камионската и индустријата за земјоделски машини, Орланди, ќе инвестира десет милиони евра, со тоа што ќе изгради фабрика со 120 вработени во скопската економска зона Бунарџик. Премиерот Никола Груевски, придружуван од министерот за финансии, Трајко Славевски и директорот на Агенција за инвестиции, Виктор Мизо, дојдоа во Бреша, за лично во просториите на компанијата да го потпишат меморандумот за разбирање.

Десетте милиони евра што Орланди ќе ги инвестира во Македонија, се и прва инвестиција во производствен погон на оваа компанија надвор од Италија. Македонија ја одбрале како дестинација поради добрата бизнис клима и ниските даночни стапки, како и условите што ги нуди за инвестирање на економската зона Бунарџик.

Стартот на изградбата на фабриката ќе почне на почетокот на 2009. Имаат веќе изготвен проект и очекуваат веќе во 2010 да го промовираат првиот производ од погоните во Македонија.
Орланди е една од трите компании со вакво производство во светот.
- Пред да ја изградиме фабриката сакаме да инвестираме во обука на македонските кадри во Италија. Ова е прва наша инвестиција надвор од Италија. Производството кое очекуваме да почне во 2010 ќе биде наменето целосно за извоз во Италија, а потоа и на пазарот во Европа и светот. Ние сме задоволни од условите во Македонија и очекуваме поддршка од Владата за реализација на овој проект, изјави сопственикот на компанијата, Жанпјетро Машелини.

Орланди е гигант во индустријата за возила, кој произведува суштински елементи за товарните возила и земјоделските машини. Од тој пазар покрива околу 70 проценти. Произведува за Ивеко, Мерцедес, Волво, Сканија. 65 проценти од производите се наменети за индустријата на камиони, а 35 за механзацијата во земјоделската индустрија.

Производството од македонските погони, во кои за почеток ќе работат 120 луѓе, ќе биде за европскиот пазар. Годишно се очекува извоз од 10 милиони евра.

Премиерот Николоа Груевски вели дека за Македонија е од исклучителна важност проектот Орланди, бидејќи станува збор за сериозна семејна компанија, која ќе биде одлична препорака за останатите инвеститори.
- Оваа компанија ќе биде успешна препорака за сите други инвеститори. Очекуваме уште италијански инвестиции. Очекуваме за околу една година да почнат со производство. До тогаш ќе вршат обука и тренинг на вработените, кои од Македонија ќе ги донесат во Италија. Ова е и првиот посериозен одговор кој го направија нашите економски промотори, вели Груевски.

Самак: Ќе има толку многу инвестиции што ќе ни здодеат

За влез во „Бунарџик“ биле заинтересирани уште две компании, подготвени да вложат 100 милиони евра

Маја Томиќ


„Во наредните две години во Македонија ќе има толку многу странски инвестиции што таквите настани ќе станат дури и здодевни“, вчера изјави оптимистички министерот за привлекување странски инвестиции Веле Самак на ставањето на темелите на новата трафостаница на ЕВН - ЕСМ во зоната „Бунарџик“. Тој додаде дека во изминатите две години „Бунарџик“ беше ливада на заборавени ветувања и на скршени соништа, а таа сега прераснува во модерен индустриски парк, какви што наскоро ќе никнат и во повеќе други градови во земјата. Новите технолошко индустриски зони треба да отворат неколку илјади работни места. Самак рече дека ако се реализираат сите заложби и проекти на Владата на кои се работи интензивно во последните месеци, „Бунарџик“ наскоро целосно ќе се пополни со странски компании и во него ќе работат една-две илјади лица во следните три-четири години.

„До крајот на годината, најверојатно, ќе се финализираат преговорите за влез на две нови компании, една данска и една американско-тајландска фирма, кои се подготвени да инвестираат околу 100 милиони евра. Станува збор за компании кои се занимаваат со производство на компјутери и на индустриски пумпи“, најави Самак, потсетувајќи дека во „Бунарџик“ веќе работи американската „Џонсон контролс“, за британската „Џонсон Мети“ работите се во завршна фаза за ставање на темелите и нема никакви пречки за реализација на инвестицијата, потпишан е меморандум за разбирање со француската „Монтипе“, а наскоро инвестиции во зоната ќе има и од словенечка „Искра“ и од италијанската „Технохоз“.

Инаку, вчера во „Бунарџик“ ЕВН - ЕСМ ја започна изградбата на високонапонската 110-киловолтна трафостаница. Инвестицијата е вредна 4 милиони евра, а опремата е од реномирани светски производители. Трафостаницата ќе биде автоматизирана и со неа ќе може да се управува далечински.

„Со реализација на овие инвестиции, ’ЕВН Македонија‘ ќе обезбеди сигурно и квалитетно снабдување со струја на сите постојани како и идни индустриски капацитети во ’Бунарџик‘. Со тоа компанијата придонесува за индустрискиот развој на земјата, како и за создавање предуслови за привлекување странски инвестиции и за отворање работни места“, изјави Карл Хајнц Грасман, заменик-претседател на УО на ЕВН - ЕСМ, при вчерашното ставање на камен темелникот на трафостаницата.

Тој додаде дека компанијата, како во изминатиот период, така и отсега, ќе се придржува до договорот за инвестиции во дистрибутивната мрежа.

„Досегашните инвестиции се најголемите во последните десет години. Ако не можеме да го докажеме тоа поинаку и ако не успееме да се договориме со Владата, тогаш ќе одлучува Арбитражниот суд во Лондон“, рече Грасман.

http://utrinski.com.mk/?ItemID=E97E7B41A3C2D04E882DCB8D9739C2A6

Доцнат ли големите ветени странски инвестиции?

Џонсон Мети“, „Монтипе“, „Искра“ се само дел од брендовите кои беа главни адути на премиерот Никола Груевски

ВЛАДАТА ДЕНЕСКА ЌЕ ПОТПИШЕ ДОГОВОР во париз

Во новата фабрика ќе се произведуваат алуминиумски глави за мотори за „Форд“, „Рено“, „Цитроен“, „Пежо“, „Ауди“ и за „Џенерал моторс“

Француската фирма „Монтипе“ ќе инвестира 100 милиони евра за изградба на фабрика за автомобилски делови во Слободната економска зона „Бунарџик“. Владина делегација, на чело со премиерот Никола Груевски, денеска во Париз ќе го потпише договорот со реномираната француска компанија.Во фабриката во „Бунарџик“, која ќе ја изградат Французите, со примена на современа технологија ќе се произведуваат алуминиумски глави за мотори на возила „форд“, „рено“, „цитроен“, „пежо“, „ауди“ и „џенерал моторс“. Француската фирма во првата фаза ќе инвестира 60 милиони евра и ќе вработи 500 луѓе. Се очекува приходот што ќе се оствари за пет години да достигне 200 милиони евра. Вкупната инвестиција за шест години треба да достигне вкупно 100 милиони евра, а ќе бидат вработени 1.000 луѓе.Во Владата посочуваат дека ова ќе биде прва француска гринфилд-инвестиција во „Бунарџик“. „Монтипе“ користи висока технологија со која од алуминиумски шипки со роботи и стручни кадри се изработуваат најсложените делови, главата на моторот за неколку светски познати производители. Според приходите од повеќе од 300 милиони евра што француската компанија ќе ги остави во Македонија во наредните 5-10 години, таа е пред „Џонсон контролс“ и „Џонсон мети“, кои веќе се присутни во слободната економска зона кај Скопје.Во владиниот тим што денеска ќе присуствува на потпишувањето во Париз, освен премиерот Груевски, се и заменик-претседателот на Владата за економски прашања Зоран Ставрески, министерот за финансии Трајко Славески и министерот за странски инвестиции Веле Самак.Компанијата „Монтипе“ е формирана во 1894 година и го следи развојот на автомобилската индустрија. Од 1966 година котира на Париската берза. „Монтипе“, освен во Франција, има фабрики во Шпанија, Канада, Ирска и во Мексико. Во 2004 година компанијата остварила промет од 440 милиони евра, а профитот бил 17 милиони евра.

Спасијка Јованова Наш известувач од Париз

Словенечка „Искра“ ќе гради во Бунарџик

	Коментари (0)

Душан Шешок

Најголемиот словенечки концерн за електро и електронска индустрија „Искра ДД“, планира да изгради фабрика во Бунарџик.

Денеска со Владата потпиша Меморандум за идните непосредни инвестиции.

Инвестицијата на „Искра“ ќе се одвива во две фази. Во првата ќе се вработат стотина луѓе, а во втората до крајот на инвестицијата бројката на вработени ќе достигнела до 500.

На прашањето зошто сега во екот на изборната кампања се потпишува Меморандумот, првиот човек на „Искра ДД“, Душан Шешок рече дека иако порано бил политичар, него не го интересира политиката, туку бизнисот.

„Производството ќе започне во септември следната година. Знаеме точно кои производи ќе ги имплементираме тука. Во овој момент не сакам да кажам кои производи ќе ги произведуваме, како и да е тоа ќе претставуваат електронски компоненти“, рече Душан Шешок, директор на „Искра ДД“.