Возен парк (ЈСП - ЛАЗ)

Момци, тоа сепак не е предмет на дискусија на форумов. Да ја баталиме конечно таа тема.

Инаку на МТВ веќе почна да се врти реклама во сопствена продукција за купувањето на новите автобуси на ЛАЗ за ЈСП и новиот успех на македонската влада. Содржината на рекламата е со божествени димензии! 

Добро е гитардемон, сега сите знаеме кој уште се побунил против налепниците.

Originally posted by гитардемон Како ви се допаѓаат трооскените автобуси? Според мене тие се оптимални за Скопје!

Го делиме истото мислење, иако на некои места би им било потешко за вртење... Освена ако има некој систем кој ги врти и задните тркала, ама и за тоа ќе треба некоја обука на возачите.

Е па, бидејќи под Baujahr се подразбира година на производство, слободно можеме да направиме споредба на обновата на возниот парк на Берлин и обновата на возниот парк на Скопје.
 
Скопје: 1997 - 1998, 2010 - 2011, 2011 - 2013.
 
А за Берлин повеќе од доволно е да направиме преглед на првата страница на документот кој може да се симне со кликнување на линкот прикажан во пост #442.
 
Е сега, факт е тоа дека Скопје не е Берлин, ни по големина на територија, ни по број на население, а најмалку по буџет, но сепак останува фактот дека исто како што Берлин е главен град на Германија, така и Скопје е главен град на Македонија, а обновата на јавниот превоз наместо нешто најнормално што се одвива на секои 2 до 5 години, е еден вид луксуз во кој ние скопјани можеме да уживаме само еднаш на секои 13 или 14 години.


Edited by Dexter26 - 09-Mar-2011 at 17:56

 
Baujahr
Претпоставувам дека значи година на производство.
Или значи временски период кога автобусите биле употребувани, па потоа исфрлени од употреба ?
 
Не верувам дека е второво, но ајде чисто колку за да се осигурам(е).

Одличен фајнд  

Декстер паметен коментар. Стварно не е битно на чива партиска иницијатива било тргнувањето на налепниците, битно веста дека е тргната.

Повтроно ќе го кажам истиот став. Барем на форумов треба да се занимаваме со практични цели Скопје да добие автобуси, а сите попатни партиски налепници се нужно зло и треба да ни биде исто дали ги има или ги нема.

ЈСП ќе ги вади спорните етикети од новите автобуси Од советничката група на СДСМ побараа да се отстранат натписите „Донација од Владата на Македонија“, во спротивно, предложија на згради од „Скопје 2014“, ослободени од комуналии, да се изгравираат благодарници кон сите скопјани Налепниците од украинските автобуси на кои пишува „Донација од Владата на Македонија“, наскоро ќе се отстранат, изјави Мишо Николов, директорот на Јавното сообраќајно претпријатие „Скопје“. Од него такво нешто побара советничката група на СДСМ, со образложение дека е невкусно заслугите за набавката да си ги присвојува власта, имајќи предвид дека возилата се купени со пари од даночните обврзници. - Замолени сме да го пренесеме револтот од граѓаните за оваа невкусна самореклама на Владата на Никола Груевски. Доколку предлогот не ни биде прифатен, принципиелно е, на сите згради, дел од проектот „Скопје 2014“, кои Советот ги ослободи од комуналии, да бидат поставени плочи со изгравирани натписи - „Донација од граѓаните на Скопје“ - рече координаторот на советничката група, Софија Куновска. Директорот Николов, не сакаше временски да прецизира кога точно ќе ги отстрани етикетите. Но, затоа, пак, на прашањето чија била ваквата идеја, дали на Владата или на јавното претпријатие, одговори дека тоа било замисла на раководството на ЈСП. - Ги поставивме како благодарност до Владата затоа што ова е првпат некој нешто да ни подари како на претпријатие - изјави тој. Следната тура автобуси нема да имаат вакви налепници поради, како што кажа Николов, притисокот од јавноста. Градот, повторија од советничката група на СДСМ, од својата каса досега можеше да ги купи овие нови возила. Но, наместо тоа, од буџетот мораше да издвои пет милиони евра во вид на субвенции за ЈСП, за бесплатен превоз на средношколци, иако тоа било обврска на Министерството за образование. Нивниот предлог за поставување плочи со натпис „Донација од граѓаните на Скопје“ на зградите од „Скопје 2014“, го образложија со фактот дека досега Владата од Градот по основа на комуналии, била ослободена во висина од 12 милиони евра. - Ако овие пари се влееја во касата, тогаш Градот ќе имаше сила и средства сам да купува автобуси. Ќе можевме да зборуваме и за изградба на трамвај, подземни сообраќајници, кои се ветувања на Коце Трајановски, за решавање крупни сообраќајни проблеми, изградба на нова концертна сала, нови средни училишта. Вака, касата е празна бидејќи Трајановски за само една улица и две катни гаражи го задолжи Градот со кредити на 10 години, кои ќе ги враќаат двајца негови наследници - рече Куновска. (Ј.И.)

http://dnevnik.mk/default.asp?ItemID=1653484669F30045BC07518466E89F9A

Предизборни гомненици, но вреди да се забележи дека не сме единствените на кои не им е сфатлив тој дел со налепниците.

_______________________

НА БАРАЊЕ НА СОВЕТНИЦИТЕ ОД СДСМ Тргнете ги владините налепници од новите автобуси "Автобусите не се донација од Владата туку се купени со пари од граѓаните што плаќаат данок. Крајно е непристојно заслугите за набавката да си ги присвојува власта", рече Софија Куновска, советничка од СДСМ во Советот на Град Скопје Налепниците на новите украински автобуси, на кои пишува дека се донација од Владата на Република Македонија, веднаш да се отстранат, побараа вчера советниците од СДСМ во Совет на Град Скопје. "Мораме да го пренесеме револтот на граѓаните од невкусната самореклама на Владата на Никола Груевски. Автобусите не се донација од Владата туку се купени со пари од граѓаните што плаќаат даноци. Крајно е непристојно заслугите за набавката да си ги присвојува власта. Градот од својата каса можеше досега да ги купи овие возила, но наместо тоа, одвојуваше милиони евра за субвенции за бесплатен превоз за средношколците што, всушност, е обврска на Министерството за образование", рече координаторот на советничката група на СДСМ Софија Куновска, и побара ова точка да биде ставена на дневен ред. Таа изјави дека доколку овој предлог не биде прифатен, тогаш ќе бараат на сите објекти од проектот "Скопје 2014" кои Градот ги ослободи од плаќање комуналии, да се постават плочи со натпис - "Комуналиите за овој објект се донација од граѓаните на Скопје". Владејачкото мнозинство во Советот на Град Скопје, на чело со ВМРО-ДПМНЕ, не прифати ова точка да се стави на дневен ред, па за неа не беше дозволена дискусија ниту носење заклучок за отстранување на налепниците. Директорот на ЈСП "Скопје" Мишо Николов вели дека налепниците наскоро ќе бидат извадени од автобусите, а ги поставиле во знак на благодарност кон Владата оти првпат некој на ЈСП "Скопје" му подарил возила. Пензионерите бесплатно ќе се возат и во вторник Пензионерите бесплатно во автобусите на ЈСП Скопје ќе се возат и во вторник. Покрај во петок градоначалникот Коце Трајановски предложи без пари превозот да се користи уште ден ден во неделата. Ваквата одлука ја донеле поради големиот интерес кај пензионерите и намалувањето на трошоците на сообраќајното претпријатие со набавката на новите автобуси.

http://vest.com.mk/?ItemID=931845B6CFFECA468366EAA155A4902A

малку претерувате понекогаш со дивјаштвото во нашите автобуси
како прво, тоа се случува само на неколку линии и само на тие е потребна поголема заштита
како второ, голем дел од приватните автобуси во моментов се нови (т.е. старонови), со слични особини како тие на ЛАЗ, а не гледам никој досега да направил проблем во нив, а и чеканчињата си се таму кај што треба