build.mk Homepage
НАСЛОВНАВЕСТИ МАПАКОМПАНИИ БЛОГ ТАГОВИ ФОРУМ
Forum Home Forum Home > Главни теми > Инфраструктура > Енергетика
  Active Topics Active Topics
  FAQ FAQ  Forum Search   Register Register  Login Login

Гасификација

 Bookmark and Share
 Post Reply Post Reply Page  <1 2122232425 30>
Author
Message Reverse Sort Order
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #441 Posted: 04-Nov-2010 at 11:28

Почнува гасификацијата на Куманово

ГАМА вчера во Куманово ја постави мерната регулациона станица со капацитет од 6.000 кубни метри на час со што се создадоа услови за првите приклучувања на гасоводниот систем. Оваа грејна сезона корисници на гасот ке бидат десет поголеми потрошувачи, од кои Домот за стари лица „Зафир Сајто“ ќе биде приклучен прв. Директорот на Јавното претпријатие „Куманово гас“ ветува дека идната година на гасоводниот систем ќе бидат приклучени и домаќинствата, но и другите институции и стопански објекти.

Досега се реализирани 30 проценти од вкупната 150-километарска гасоводна мрежа, а се потрошени 4 милиони евра од буџетот на општината. Вкупниот проект ќе чини 10 милиони евра, кои локалната самоуправа планира да ги обезбеди преку стратегиски партнер или кредитирање. (С.А.Ј.)
http://dnevnik.com.mk/?ItemID=8693B9084F37B946AF2722C42B65867B
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332 		  Quote OKA Quote  Post ReplyReply #442 Posted: 13-Oct-2010 at 22:39

СЕ КРОИ СОПСТВЕНОСТА НА НАЈГОЛЕМИОТ ЕВРОПСКИ ЕНЕРГЕТСКИ ПРОЕКТ


И Македонија гас во трка за Јужниот тек


Во конкуренција е и германската компанија "Vintershal", подружница на хемискиот концерн BASF, за која се шпекулира дека треба да добие до 20 отсто од проектот


Голем интерес на европските компании за влез во проектот Јужен тек" преку кој ќе се реализира главното снабдување на Европа со природен гас од Русија. Овие информации деновиве ги потврдуваат странските агенции и наведуваат дека рускиот премиер, Владимир Путин, и неговиот италијански колега Силвио Берлускони се договориле за влез на германската компанија "Vintershal", подружница на хемискиот концерн BASF, во гасоводот Јужен тек".

Се шпекулира дека компанијата "Vintershal" се очекува да добие од 10 до 20 отсто учество во проектот, иако овие информации се уште не се потврдени од компанијата. Германскиот "Vintershal" веќе е дел од други гасни проекти и компанијата учествува со 20 проценти во гасоводот Северен тек", преку кој рускиот гас испорачан од Балтичкото Море треба да стаса на европските пазари до 2012 година.

И Македонија влегува во оваа трка, рамо до рамо со големите енергетски корпорации. Македонската влада веќе го има формирано претпријатието Македонија гас" кое ќе работи заедно со Газпром" на реализацијата на гасоводната мрежа на наша територија. Реално потпишувањето на договор меѓу Газпром" и Македонија гас" се очекува до крајот на годинава.
Началникот на Секторот за управување со проекти на Газпром", Леонид Чугунов, при неодамнешната посета на земјава истакна дека е неопходен период од најмалку една година за техничките подготовки за гасоводот, по што ќе се знае дали и во каков вид тој ќе поминува низ земјава..

Во остра конкуренција италијанската компанија "Eni" успеа да стане дел од овој проект, а до крајот на годинава се очекува и влез на францускиот енергетски гигант ЕDF. Енергетските власти велат дека уделот на ЕDF ќе достигне околу 10 проценти.

"Јужниот тек" ќе има годишен капацитет од 63 милијарди кубни метри руски гас којшто без проблеми ќе стасува во сите земји - кориснички во Европа. За подобро функционирање на енергетскиот пазар во Европа, деновиве претседателот на Европскиот парламент, Јежи Бусек предложи создавање на шенген-зона и за енергетиката, бидејќи според него, европската енргетска заедница може да биде машинита која ќе ги раководи енергетските политики, а со тоа и полесно ќе се пребродат предизвиците од оваа област.http://www.vecer.com.mk/default.asp?ItemID=4ACC34C7896D2D4EB01085B14BDCC5B0

Врзи два поста без СК2014 и освој трет гратис!!!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #443 Posted: 11-Oct-2010 at 22:22
Originally posted by Korsis

Претпоставувам дека всушност lslcrew во светлото на геополитичките тензии (вистински или лажни) во регионот не сака локални гасни и други врски на Струмица со... источниот сосед.
Корсис како прво јас не разгледував што јас сакам или не сакам, туку едноставно кажав дека владата е таа што ги регулира меѓу-државните гасоводни линии и поврзувања, а не Општина Струмица и Обштина Петрич. Не е тоа манифестација за меѓугранична соработка, сериозна работа е.

А за тоа дали јас сакам или не сакам врски на Струмица со источниот сосед, иако е офтопик ќе ти кажам за да ти покажам дека не сум со став како што тебе ти изгледа. Повеќе би рекол врски на Република Македонија со источниот сосед (не би ја формулирал така реченицата концентрирајќи се на еден град). Република Македонија со Република Бугарија имаат три природни коридори (Крива Паланка-Ќустендил, Делчево-Благоевград, Струмица-Петрич) кои историски не добивале шанса поради една или друга страна. Ќе бидам прв што ќе ги поддржи овие патни, железнички, енергетски и било какви поврзувања доколку тоа соодветствува со државните приоритети, а државните приоритети ги креираа државна власт, не општините. Немам јас што да имам против некој гасовод, ама во ситуација кога државата (владата) си има други гасоводни планови, нема што надвор од тие планови поедини општини да форсираат проекти, најмалку во ситуација кога тие планови не се поклопуваат со државните, ги нема никаде во скиците,а влијаат на надворешната државна политика. И те молам не толкувај по слободна проценка ставови, надвор од тоа што е напишано. Постот беше за Македонската позиција во големата геостратешка слика, а ти алудираш на добро познати други прашања што не оптоваруваат.


Edited by lslcrew - 11-Oct-2010 at 22:28
Back to Top
Korsis View Drop Down
Senior Member
Senior Member
Avatar
БАНИРАН

Joined: 09-Feb-2010
Location: Бугарија
Online Status: Offline
Posts: 102 		  Quote Korsis Quote  Post ReplyReply #444 Posted: 11-Oct-2010 at 21:59
Originally posted by Cloverstack

Разбирам сосема добро... Од милион реални проблеми во државава, ти успеа да најдеш проблем таму каде што го нема (и логично на тоа, се уште не објасни во што точно всушност бил проблемот). Прочитај си го повторно иницијалниот пост, каде што збориш како небаре проектов за Струмица да е работење против државните интереси, па и до геостратегија ја отера работата. А ете и Куманово било проблем по некој основ (кој остана уште помистериозен). Ако мислиш дека е суптилно, ептен се лажеш. Да ја поштедиме нишкава од такви финти...


Претпоставувам дека всушност lslcrew во светлото на геополитичките тензии (вистински или лажни) во регионот не сака локални гасни и други врски на Струмица со... источниот сосед.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #445 Posted: 11-Oct-2010 at 12:37
Ај батали, кој разбрал, разбрал....
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #446 Posted: 11-Oct-2010 at 05:53
Разбирам сосема добро... Од милион реални проблеми во државава, ти успеа да најдеш проблем таму каде што го нема (и логично на тоа, се уште не објасни во што точно всушност бил проблемот). Прочитај си го повторно иницијалниот пост, каде што збориш како небаре проектов за Струмица да е работење против државните интереси, па и до геостратегија ја отера работата. А ете и Куманово било проблем по некој основ (кој остана уште помистериозен). Ако мислиш дека е суптилно, ептен се лажеш. Да ја поштедиме нишкава од такви финти...
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #447 Posted: 11-Oct-2010 at 04:54
Ако ти текнува Струмица сакаше првично да пушти цевка до Петрич, па компресија и декомпресија се најдоа како алтернативно решение. Се обидувам тука да објаснам неколку пати која е големата слика и кои се Македонски пиксели во таа слика, ти упорно имам впечаток дека се трудиш да не ме разбереш. Не го почнав муабетов за да кажам дека Струмица не треба да се гасифицира, таман работа, напротив. Сакав само да објаснам зашто е оваа поскапа варијанта во оптег.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #448 Posted: 11-Oct-2010 at 03:54
Значи Струмица може да биде гасифицирана за една година, ама треба да чека пет, за да наводно (а не знам по кој критериум) не сме се брукале надвор... Од друга страна пак и сам претходно рече дека е оправдано е тоа што го прави Струмица, дај одлучи се. И што остана од твојот првичен пост?


Edited by Cloverstack - 11-Oct-2010 at 04:04
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #449 Posted: 11-Oct-2010 at 03:04
Па станицата за декомпресија им е токму поради тоа што неможе да изградат гасовод. Алтернатива е, не примарна замисла. Може и исто да чини цевка до Петрич, ама политика е во прашање.

Добри се сите иницијативи, јас ја поздравувам и Владината и Струмичката, само да не се преклопуваат во ингеренциите. Ако Македонија треба да импровизира на сите други внатрешни полиња и да се преклопуваат институциите во делување, ако може барем во надворешна енергетска политика да не се прави тоа. Да не се брукаме надвор, државна енергетска политика е во прашање, да ја оставиме владата да ја тера.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #450 Posted: 11-Oct-2010 at 02:20
lsl, очигледно си нешто збунет, бидејќи планот на Струмица е токму тој - да изгради станица за декомпресија и локална гасна мрежа, а не да гради меѓународен гасовод. Кога ќе им стигне гасоводна цевка од државата, ќе бидат спремни веднаш да се уштекаат, а ако во меѓувреме локалната економија си има сметка мрежата да ја снабдува со цистерни, не гледам зошто некој би имал нешто против.

Можам да кажам само дека е добро што и на централно и на локално ниво конечно почнуваат да се прават конкретни чекори за гасификација, досегашното спиење ми е несфатливо. Секоја сериозна иницијатива е добредојдена, вклучувајќи ја и струмичката.


Edited by Cloverstack - 11-Oct-2010 at 02:23
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #451 Posted: 11-Oct-2010 at 02:13
ОКА го имав на памет текстов од петокот навака да го постирам и се заборавам. Cheers
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332 		  Quote OKA Quote  Post ReplyReply #452 Posted: 11-Oct-2010 at 01:54
http://www.novamakedonija.com.mk/NewsDetal.asp?vest=10910956264&id=9&setIzdanie=22104
Врзи два поста без СК2014 и освој трет гратис!!!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #453 Posted: 11-Oct-2010 at 01:20
Најдов проблем што Струмица не е суверена под-држава за сама да тера енергетска политика. Се знае кој тера државна политика во меѓународно поврзување со гасоводи, владата, не општините. Ако ме прочита беспристрастно ќе видиш дека го поздравив тоа што одредени општини градат градска мрежа, но меѓународните енергетски линкови не се пивтијади за меѓугранична соработка, сериозни политики се тоа. Незнам зашто толку сакаш да се ограничиш од "големата" слика концентрирајќи се на овие двеста километри простор тука.

План има за сите градови и поголеми енергетски и индустриски капацитети и економски зони. Никаде не е Струмица во тоа изоставена. Ај да имаат сите градови гасовод, па Струмица да е намерно запоставена политички, па да речеме дека е така. Не е работа на општинска управа да решава "со сопствени сили" меѓународни енергетски поврзувања.

Тоа што треба Струмица да прави е да си ја доврши градската мрежа, да си доставува гас со цистерни и да не се меша во државна политика. Гас во цевка ќе им стигне кога ќе стигне и кај сите. Цистерните се оправдана и потребна импровизација.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #454 Posted: 11-Oct-2010 at 00:45
lsl не знам како успеа да видиш толку работи кои не постојат, па уште и геостратегија во тоа што до Струмица некое време гас ќе се транспортирал со цистерни.

Ако Струмица никаде ја нема во плановите на државата за гасификација во догледна иднина (чисто како факт, без никаква намера да имплицирам нешто околу причините), а „виртуелниот“ гасовод од Петрич е сепак повеќе од доволно исплатлива алтернатива во меѓувреме, тогаш каде најде закачка што Струмица се обидува ова прашање да си го реши со сопствени сили?

Дај боже да имавме повеќе единици на локална самоуправа кои покажуваат таква иницијативност и капацитет, но за жал во најголем дел имаме сосема спротивни примери - тотално зависни единици на локална самоуправа, практично во состојба на ступор!

Е сега ако Струмица „не чини“ ради некои други причини, тоа е друга работа , ама таквите закачки немаат место на форумов! Која всушност ти е поентата и што точно сугерираш дека треба да прави Струмица? Ај биди малку поконкретен каде најде проблем, и кажи какво решение застапуваш ти. А Куманово не ми е јасно ни по кој основ беше воопшто спомнато, освен што ги потврдува сомнежите дека во постот всушност не зборуваш за гасификацијата!


Edited by Cloverstack - 11-Oct-2010 at 00:50
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #455 Posted: 10-Oct-2010 at 23:53
Секоја држава мора бес-пристрасно да ја следи светската политика за кога ќе се заигра на нејзин терен да си пројде без џавељања внатрешно-политички. Едноставно треба да се игра по својот интерес, не по интересот на трети страни. Е сега да не ме разберете чудно мислам дека моментално се игра една минорна безначајна етапа светска политика на Струмички терен, меѓутоа многу значајна за Македонија. Од една страна во време кога од владата активно се спроведува идејата за рускиот гас во Македонија, во Струмица (+Куманово) друга политичка инстанца под друга капа по секоја цена се зафаќа за проект гасификација и покрај милијарда други грижи што ги има и се инсистира на поврзување по секоја цена со веќе постоечки гасоводни чворови блиски до граница, па макар и тоа е скапа и опасна метода со цистерни. Село се поврзува со цистерни, не град со четириестина илјади население. Не сакам да ме разберете дека сега нешто заземам страна, но едноставно сакам да кажам за да не си правиме да ни биде тешко и јадно во политиката домашна, да си знаеме која е играта и да не мислиме дека сега нешто интересите се тукашни локални, пошироки се. До сега мислам дека и двата проекти се компатибилни еден со друг. Владата по никоја цена не би дозволила Струмица да се врзе на Петрич со гасовод. Едноставно за Струмица може би е добро што ќе добие гас и привремено со виртуелен гасовод ќе се снабдува, додека да се донесе гасовод во Македонија, па да се уштека некаде кај Гевгелија потоа, што по пазарни природни механизми ги исфрла цистерните од употреба, макар и сеуште да сака некој да игра геостратегија со Струмица уштекана на гасовод, не му се исплати. Едноставно може би и ова да е некое компромисно (на Македонските внатрешни политички играчи) решение, за привремено снабдување со цистерни додека да дојде гасоводот. Супер е што градовите инвестираат во гасоводни градски мрежи, но преку-граничните линкови се исклучиво владина работа и секој што ќе се обиде да форсира линк за потреби на еден град ја става во заложништво државната политика, а работа на локална самоуправа не е да спроведува државна политика. Инсистирањето не придонесува никому, најмалку на државата, а и онака нема да донесе резултат, само тензична атмосфера.


Edited by lslcrew - 10-Oct-2010 at 23:57
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #456 Posted: 10-Oct-2010 at 18:12

Струмица ќе се гасифицира со свои пари

Десет месеци Министерството за финансии не дава согласност за кредит од Светска банка

СТРУМИЦА - Проектот за гасификација на Струмица и по десет месеци не е почнат, иако според најавите гасот требаше да стаса овој месец. Причината зошто проектот не се реализира градоначалникот, Зоран Заев ја адресира во Владата, односно во Министерството за финансии, кое не дава согласност за кредитно задолжување на Струмица кај Светска банка во висина од 2,8 милиони евра. Поради тоа, Заев најавува дека самиот, односно општината ќе ја гасифицира Струмица.

„Барањето за кредит го поднесовме на десетти јануари оваа година. Навистина е жално што наспроти финансискиот капацитет на општината немаме согласност за кредит од Светска банка, а со тоа не можеме да го реализираме планираниот проект. Министерството не дава ни позитивно, ни негативно мислење. Во еден од дописите наведоа дека државата имала намера да гради национален гасовод. Но не гледам ништо спорно ако Струмица сега гради, а потоа се приклучи на тој гасовод. Очигледно е дека тука се работи за нешто друго, односно за оспорување на проектот“, коментира струмичкиот градоначалник.

Бидејќи проектот е битен за Струмица и од него стопанството и граѓаните ќе имаат голема корист, Заев најави дека повеќе нема да ја чека Владата и дека општината сама ќе го реализира проектот за гасификација.

„Немам намера повеќе да ја чекам Владата. Доволни беа десет месеци за да се произнесе по барањето за задолжување. Откако тоа не го направи, решив општината со сопствени средства и со помош на бизнис заедницата да го заврши планираното. Кон крајот на овој месец ќе распишеме тендер за изградба на гасоводната мрежа во должина од 13 километри. По завршување на тендерската процедура, на почетокот на 2011 ќе почне изградбата. Се надевам дека во јули наредната година ќе бидат гасифицирани стопанството и јавните институции. Потоа ќе продолжиме со гасификација на домаќинствата и пластеничкото производство“, објасни градоначалникот Заев.

На овој начин наместо гасот да се компресира во Струмица, како компресиран ќе се увезува од градот Петрич, Бугарија. Проектот за гасификација на Струмица чини околу четири милиони евра. Од нив 2,8 милиони евра требаше да бидат кредит од Светската банка, а другите да се покријат од општинската каса. (Е.П.)

http://www.utrinski.com.mk/?ItemID=A1FFE828DC82C04F8DD7EFD05AF04E94


Турци би инвестирале во гасификација

Над 60 компании од Турција се подготвени да инвестираат во Македонија доколку се отворат портите за нив, порача од името на инвеститорите генералниот директор на турската компанија за дистрибуција на гас „Газбир“, Мехмет Казанчи, на вчерашниот симпозиум за природен гас на балканските земји ИНГАС 2010, што се одржува вчера и денес во Скопје. Целта на традиционалниот симпозиум, започнат во 2005, што секоја втора година се одржува во Истанбул, а за првпат во Македонија, е да се пренесат турските искуства во работата со природниот гас на земјите од Балканот. На симпозиумот присуствуваат претставници од енергетскиот сектор на Македонија, Србија, БиХ, Косово, Романија, Хрватска, Црна Гора, Албанија, Бугарија, Молдавија и Словенија.


http://www.utrinski.com.mk/?ItemID=EB83D73BDD6C3F4B95D2DDC487475C30
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #457 Posted: 06-Oct-2010 at 15:07

Ни дадоа гас, ни фалат цевки

Приклучок на идната мрежа за гас би ги чинел граѓаните околу 200 евра, додека годишната заштеда од користење на овој еколошки енергенс се проценува на близу 1.000 евра по семејство



Ископините на Паско Кузман се дреболија во споредба со копањето што допрва ни претстои. Влегувањето на „Јужен тек“ и гасификацијата на државата ќе ги извади багерите од депоата. Државата ќе се прекопува по должината и по ширината, а нема да бидат поштедени ниту урбаните средини.

Големи канали, цевки, мерни и контролни станици, потстаници, пумпи, котли интегрални кола...

Сето ова треба да се донесе до секоја населба, зграда, болница, трговски центар, за вистински да ги почувствуваме благодатите на синото гориво, како што поинаку се нарекува гасот.

Без развиена дистрибутивна мрежа бадијала ни е влегувањето во „Јужен тек“ и доаѓањето на „Газпром“, тврдат експертите. Тоа е како во дворот да имате река, а дома да немате вода за пиење. Она што сега ни претстои е лобирање и барање искусни партнери за изградба на дистрибутивна мрежа.

Процените се дека за изградба на ваква мрежа само во Скопје ќе бидат потребни околу 40 милиони евра, што не се големи пари со оглед на користа што ќе се добие. Гасификацијата на целата земја ќе чини 300 милиони евра.

- Изградбата на дистрибутивната мрежа секако ќе оди во неколку фази и ќе трае 5-6 години. Кога целата сума ќе се подели со временскиот период потребен за изградба, тоа е евтина инвестиција, која е неопходна и мора да се почне - ни изјави Константин Димитров од Македонски центар за енергетска ефикасност (МАЦЕФ).

Тој сепак предупредува дека мора да се внимава и да се најде партнер што има знаење и кој ќе гарантира безбедност, сервисирање, контрола на мерните уреди итн. Лошо би било доколку државата сама тргне во една ваква операција, бидејќи сето тоа не ќе може сама да го менаџира, а нестручната инсталација може да доведе до големи штети, нагласува Димитров. Според експертите, учеството на „Газпром“ во гасификацијата на Македонија е сосема од друга природа. Тие ќе го градат транспортниот систем. „Газпром“ не се толку искусни во градски мрежи, како други специјализирани компании како австриски ЕВН, турски „Игдаш“ или „Газ де франс“, тврдат експертите.


Ќе ќарат граѓаните, стопанството и природата


Сите се согласни дека предностите се многубројни од влегувањето на гасот. Заштедите на домаќинствата ќе бидат од 200 до 1.000 евра годишно, додека заработувачката за компаниите ќе биде многукратно повисока. Процените се дека трошоците за греење кај граѓаните ќе бидат за 30-50 отсто пониски, компаниите ќе имаат од 20 до 50 отсто помали издатоци за производство, а земјоделците ќе добијат и до два месеца порано раноградинарско производство од пластеници што ќе се загреваат на гас, со што и заработката ќе им биде за 30-70 отсто поголема. Во добивка ќе биде и животната средина поради користење чисто гориво, наместо фосилните што се загадувачи и емитери на јаглероддиоксид.

- Моментално купуваме најскап гас во споредба со другите земји од опкружувањето, поради таксите за пренос. Но и покрај тоа цената на гасот изразена во киловат-часови е еднаква со ноќната тарифа на електричната енергија и е пониска по цена од киловат-час за парното греење. Цената на гасот е пониска и од мазутот и од течниот гас и полесно е оперирањето со овој енергенс - сметаат од МАЦЕФ.
И од Македонската академија на науки и уметности нагласуваат дека земјата од година на година станува сé позависна од увоз на струја, количествата на јаглен се ограничени, резерви на нафта немаме, така што природниот гас ни останува единствената опција.

%20


- Крајно време е да се почне инвестициски циклус во енергетскиот сектор. Доколку не се направи тоа до 2020 година, Македонија ќе стане целосно зависна од увоз на струја, а ЕУ ќе нé принуди да ги затвориме РЕК „Битола“ и ТЕЦ „Осломеј“ - вели академикот Томе Бошевски.

За стручната јавност влегувањето на гасот е голема шанса не само за граѓаните туку и за државата.

- Ако Македонија стане дел од „Јужен тек“, што е веќе извесно, врската би била на потегот Куманово - Гевгелија, или на 30 километри од јужната граница кон Македонија. Низ тој мал крак за Македонија може да се снабдуваат и јужна Србија и Косово, што е значајно за Русите, но уште повеќе за нас, бидејќи освен што ќе донесеме гас, ќе наплатуваме и пари за транзит низ нашата територија - тврдат од Македонската енергетска асоцијација.

За стопанствениците гасот е многу поекономичен во споредба со струјата, бидејќи индустријата плаќа поскапа струја од граѓаните, но и високи давачки за ангажирана моќност. Адаптациите што треба да ги направат индустриските капацитети, за користење на гасот, се занемарливи во споредба со трошоците што ги имаат сега.

- Сите ќе имаат различни придобивки. Тие што ќе се приклучат на гас, освен за греење на просторот, ќе може да го користат и за санитарна топла вода, како и да приклучат апарати на домаќинство, фрижидер, шпорет итн.


За приклучок 200 евра


Дознаваме дека новиот трговски центар „ЕРА сити“, кој е во изградба, веќе предвидел искористување на гасот како енергенс. Домаќинствата што ќе сакаат да го користат гасот ќе треба дополнително да инвестираат. Според сегашните анализи, приклучокот на гас би ги чинел околу 200 евра по семејство, додека заедно со адаптацијата и набавката на уреди на гас, котел-потстаница, сумата не би надминала 1.000 евра. Димитар Хаџимишев, претседател на Македонската енергетска асоцијација, смета дека локалната самоуправа досега не била заинтересирана за гасификацијата.

- Странците не доаѓаат за мали потрошувачи. Општините се тие што треба да направат почетни анализи кој дел од нивната територија е интересен за користење на гасот, а тоа се местата каде што има индивидуална градба, и да распишат конкурс за гасифицирање. Тоа е добар бизнис, но Македонија 10 години не го почна. На пример за Скопје, како најголем потрошувач на енергија, досега немаше иницијатива од ниту еден приватен инвеститор да ја развие мрежата на гас - вели Хаџимишев. Тој не ја исклучива можноста „Топлификација“ во иднина да се вклучи во гасификацијата.

%20

Повеќе од експертите со кои се консултиравме се согласуваат дека изградбата на дистрибутивна мрежа за гас е долга и макотрпна работа најмногу поради регулирањето на имотноправните односи со сопствениците на земјиштето. Токму правото за сопственоста врз сегашниот гасовод е причина и за деценискиот судски спор помеѓу „Макпетрол“ и државата. Сепак Чедомир Теодосиевски, експерт што учествуваше во изработката на студијата за гасификација, е оптимист за роковите во кои би можела да се изгради целокупната гасоводна мрежа во земјата.

- Сé зависи од парите. Ако има пари, се прави брзо. Со затворањето на клириншкиот долг ќе се забрзаат работите - смета тој.

Од Министерството за транспорт и врски ни потврдија дека гасификацијата на земјата ќе почне во текот на идната година.

И додека работите околу гасификацијата полека, но сигурно се поместуваат од мртва точка на градоначалниците на неколку града не им се чека и веќе почнаа сопствени проекти за носење гас во нивните општини. Струмица тоа го прави преку модел на виртуелен гасовод, односно носење гас од Бугарија со камиони, кој ќе биде компресиран во транспортни модели и потоа декомпресиран и пуштен во системот.

- Струмица требаше уште многу време да чека гасоводот да стигне до неа и затоа се потрудивме природниот гас да го донесеме токму преку ваквиот модел на виртуелен гасовод, со што ќе станеме прв гасифициран град во Македонија и заштедите ќе изнесуваат над 30 отсто - вели градоначалникот Зоран Заев.

Вкупната инвестиција, која вклучува и изградба на мрежа од 13 километри и опрема, ќе го чини градот 4,5 милиони евра. Општинските власти на Куманово исто така најавија дека оваа зима ќе се греат на гас. Јавното претпријатие „Куманово-гас“ веќе извршило приклучок на гасоводната мрежа на 15 големи потрошувачи, меѓу кои се зградите на општината, полицијата, судот, поштата, основните и средните училишта, градинките, јавните претпријатија, домот за стари лица и други институции во градот.

- За приклучување и на домаќинствата треба да се доизгради секундарната мрежа - велат од локалната самоуправа. Со магистралните правци за гасификација покрај главниот град се опфатени и Куманово, Свети Николе, Битола, Тетово, Гостивар, Велес, Прилеп и други места.

%20


Цената ќе паѓа со количествата

Од Регулаторната комисија за енергетика тврдат дека цената на гасот ќе паѓа во зависност од пренесените количества. Така, за оваа година цената е утврдена на 1,34 денар за кубен метар гас и планирани годишни пренесени количества од 220 милиони кубни метри. За 2011 година цената е пониска и изнесува 0,81 денар по кубен метар, за годишно количество од 533 милиони кубни метри гас. Во 2012 година цената ќе биде уште пониска и ќе изнесува 0,49 денари по кубен метар гас за 558 милиони кубни метри, објаснуваат од регулаторната комисија за енергетика. Досегашната искористеност на постојниот гасоводен систем во државата е околу 15 проценти и со скорашното вклучување на новата централа на ТЕ-ТО таа ќе се зголеми на 50 проценти.

Гасоводот во пет пакети

Од Министерството за транспорт и врски велат дека се склучени договори со најповолните понудувачи за изработка на основен и изведбен проект за магистрална линија на гасоводен систем. Пакетот 1 опфаќа проект за магистрален гасовод од Клечовце до Неготино во должина од околу 100 км, за што е склучен договор со компанијата „Прима инженеринг“ ДОО.

Пакетите 2 и 3 го опфаќаат потегот од Неготино до Битола во должина од околу 100 км, како и од јазолот Штип до јазолот Хамзали во должина од околу 60 км, за што е склучен договор со ОАД „Укргазпроект“, од Киев.

За пакетот 4, од јазолот Хамзали до Стојаково во должина од околу 50 км е одговорен конзорциумот „ДИВИ Консалт интернешнал ГмбХ“ од Есен, Германија, и „ДИВИ Консалт интернешнал Македонија“, од Скопје.

За пакетот 5 за делницата Скопје – Тетово – Гостивар, со можност за поврзување со Кичево, избрани се компаниите „Чакар партнерс“, „Градежен институт“ и „Кат плус“.

Турците заинтересирани за нашиот пазар

Македонија в петок ќе биде домаќин на голема регионална конференција на која ќе се разговара за перспективите на примената на природниот гас во земјата и во регионот. Организаторот МАЦЕФ тврди дека присуството на големиот број домашни и странски експерти и стопанственици е одлична можност за директен контакт и договарање деловна соработка. На конференцијата свое излагање ќе има и Биљал Аслан, првиот човек на турскиот гасен гигант „Игдаш“, кој управува со гасот во Истанбул, што се толкува како сериозен сигнал за влегување на оваа компанија на нашиот пазар. „Игдаш“ и порано, за време на мандатот на Трифун Костовски, правеше анализи за гасификација на Скопје. Од „ЕВН-Македонија“ вчера не добивме одговор дали е контактирано со нив за развој на гасоводна мрежа и дали имаат интерес за такво нешто.

http://novamakedonija.com.mk/NewsDetal.asp?vest=106101016227&id=9&prilog=0&setIzdanie=22101
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #458 Posted: 04-Oct-2010 at 15:32
Ставревски за Сител...
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332 		  Quote OKA Quote  Post ReplyReply #459 Posted: 04-Oct-2010 at 10:03
Originally posted by Andrej_LJ

... Ако сме земја-транзит треба да се прашаме колку и каде би транзитирал тој гас (Албанија верувам е цврсто во преградките на Италија во енергетски смисол, а Косово во сечија друга, но не и во руска) и колку би имала нашата држава парична корист годишно од тоа? Ако сме земја краен потрошувач, би било редно да се направат анализи за перспективната домашна побарувачка од гас.
Албанија е во прегратките на Италија во секој смисол, но „Јужен тeк” е рускоиталијански проект (Gazprom&Enel), па ако ја копчаат Албанија на гас, логично е тоа да го направат преку МКД, а не преку Бари.
Истото важи и за Косово, ако неговите меѓународни мецени проценат дека на најновата европска држава воопшто и е потребен гас. Со оглед на неговите неверојатни резерви на јаглен, едни од најголемите во Светот.
Примарно прашање е колку се русите искрени сега во намерата за проектот „гас на МКД”, или тактички нè користат како оружје во преговорите за транзитната и трговската цена на гасот, со Земјите кои веќе се во проектот (Србија, Бугарија, Грција...).
Македонија домашната задача ја заврши. Претседателот излобира кај колегата му, премиерот си завршува проектна документација за гасификација, министерот за финансии го апсолвира рускиот клирингшки долг...
Сепак, гасот е опција дури за 2015. Дотогаш мора да се оптимизира политиката за енергија од нашиот хидропотенцијал. Да се отпочнат долгонајавуваните и завршат започнатите капацитети.


Edited by OKA - 04-Oct-2010 at 10:57
Врзи два поста без СК2014 и освој трет гратис!!!
Back to Top
Plugger View Drop Down
Senior Member
Senior Member


Joined: 15-Sep-2008
Online Status: Offline
Posts: 378 		  Quote Plugger Quote  Post ReplyReply #460 Posted: 04-Oct-2010 at 06:17

Eve intervju so Zoran Stavreski koj objasnuva detalno za sto se razgovaralo.

Kako sto razbrav naj dobrata opcija bi bilo da bideme tranzit za Albania i Kosovo a vo naj los slucaj da se napravi eden krak samo za nasata drzava.

http://sitel.com.mk/video/biznis/makedonija-so-seriozna-shansa-da-se-vkluchi-vo-%E2%80%9Ejuzen-potok%E2%80%9C
Back to Top
 Post Reply Post Reply Page  <1 2122232425 30>

Forum Jump Forum Permissions View Drop Down



This page was generated in 0.254 seconds.

Copyright ©2007 - 2025  build.mk

Коментарите на форумот претставуваат лично мислење на нивните автори и не претставуваат официјален став на build.mk.