НОВ KОМПЛЕKС НА МЕСТОТО ОД ДОМОТ „СТИВ НАУМОВ“

Осум студентски згради наместо старите бараки

Објектите во кои ќе бидат сместени студенти, постдипломци и докторанди, според урбанистичкиот план, ќе бидат високи пет ката плус потпокрив, а ќе се градат на дел од локацијата на сегашниот дом

Некои од старите бараки од студентскиот дом „Стив Наумов“ ќе се уриваат и на нивно место ќе се градат осум нови згради. Kомплексот ќе има намена за студентски центар за студенти, постдипломци и докторанди, може да се прочита во описот од изводот на урбанистичкиот план од Секторот за урбанизам на Гази Баба. Висината на објектите, според планот, е утврдена на пет ката плус потпокрив, а инвеститор на овој проект е Министерството за образование и наука.

На следната седница на Советот на Град Скопје на дневен ред, на барање на Министерството, ќе се најде точка за ослободување од комуналии, односно уредување градежно земјиште на сопствен трошок.

-Имајќи предвид дека студентски центар претставуваат објекти од јавен интерес, Градот Скопје за да придонесе во реализацијата на проектот и изградба на истиот, оценува дека инвеститорот треба да биде ослободен од надоместокот за уредување на градежното земјиште спрема Градот Скопје - се вели во предлогот на градоначалникот Kоце Трајановски.

Висината на надоместокот изнесува 8.085.767 денари, односно околу 133.000 евра. Тоа е делот од комуналиите, во висина од 60 отсто, кои секој градител, доколку поинаку не е одлучено, има обврска да ги уплати на сметка на Градот. Во случајов, трошоците за уредување на градежно земјиште, инфраструктура, паѓа на товар на инвеститорот.



Инвеститор е Министерството за образование

Во однос на сумата која Министерството ќе ја одвои за изградба на овој студентски центар, портпаролот на Министерството, Горан Галевски, изјави дека ќе ја соопштат по изборот на изведувач.



Опозицијата критикува за загуби

Ослободувањето од комунални давачки за објекти од јавен интерес е практика веќе неколку години, уште од мандатот на градоначалникот Трифун Kостовски. Опозицијата постојано упатува жестоки критики на сметка на градоначалникот Kоце Трајановски дека со тоа што ја ослободува државата од вакви финансиски обврски, ја слабее градската каса. А и дека тоа значат големи загуби.

Објаснувањето на Трајановски е дека напротив, ослободувањето всушност е заштеда, имајќи предвид дека трошоците паѓаат на грбот на инвеститорот. Се работи за неколку објекти од проектот „Скопје 2014“, потоа спортска сала во училиштето „11 Октомври“, средно школо во Шуто Оризари, трибини исток и запад за Градски стадион, зграда на МНР, фудбалски и тениски игралишта, но и градинка во Аеродром, објект на Министерството за шумарство и водостопанство и други.

Имајќи предвид дека вкупната цифра никогаш на јавноста не ~ е презентирана официјално, за четири години, според паушалните пресметки, се работи за сума од 7 милиони евра, кои требало да се слеат само во градскиот буџет. Освен Градот, во исто време, од ваква обврска за истите објекти, ослободуваше и Општината Центар, па се стасува и до 13 милиони евра.

И Јакимовски бара да не плаќа комуналии

И покрај постојаните и неброени критики од градската опозиција до градоначалникот Kоце Трајановски дека со тоа што ја ослободува власта од комуналии им прави лошо на Градот и на буџетот, на следната седница ќе се „пее“ друга песна. За прв пат, неделава, на седница на Советот на Град Скопје на дневен ред ќе се најде исто вакво барање, но на опозицискиот градоначалник на Kарпош, Стевчо Јакимовски. Се работи за комуналии во висина од 225.000 евра за изградба на новата општинска зграда на местото на бараките на „Партизански одреди“. Доколку мнозинството во Советот не даде зелено светло за изградба на овој објект од јавен интерес, тогаш Јакимовски ќе мора сумата да му ја плати на Градот.

-Изградбата на административната зграда беше потребна бидејќи вработените беа сместени во дотраени бараки и тешко можеа да ги извршуваат своите работни обврски. Молиме да бидеме ослободени од надоместокот - се вели меѓу другото во дописот на Јакимовски до претседателот на Советот, Ирена Мишева.

http://www.dnevnik.com.mk/?ItemID=F9A542799E99F34FAF3D990214303453

Мислам дека неправедно го критикувате Стевчо. Имав прилика изминатиов месец да сум секој ден на потегот Аеродром-Влае и бев во најмала рака позитивно изненаден од целокупниот градежен бум во Карпош. Се гледа дека властите сакаат од Карпош да ја направат најубавата спална соба во Скопје. Улици, тротоари, нови урбани елементи и слично. За школово, да сумљиво е што се даваат 600к евра, но мора човекот и да испере пари, бар по тоа е познат во јавноста. Исто така зошто ако Општината има пари да не ги вложи во нови училишта. И така со законот за децентрализација основните се под општините, а средните се под град скопје. Значи ако Стевче има одвишок пари, а ми изгледа дека Карпош стварно има вишок пари, нека прави нови школи. И во Аеродром сите школи добија нови прозори од општината, која ги уредува и школските дворови. И Карпош не е најбројна ниту во Скопје.

Originally posted by Cloverstack Ако поминуваш често таму, гледај спукај некоја фотка

Искрено под прозор ми е па не беше тешко да направам фотки :-)

Originally posted by Dave Gahan па и сумата за реновирање што е одвоена не е баш наивна...

Тоа и мене ми упадна во очи. Дали е оправдано да се вложи толкава сума (600 илјади евра) во пропаднат привремен објект? Колку би чинела изградбата на ново училиште и ова прашање да се реши на навистина квалитетен начин за следните 50+ години? Навистина сиромавиот обично два пати плаќа.


Edited by Cloverstack - 28-Jul-2011 at 10:19

Pardon ama ti ne mozes da cekas opstina  karpos da gradi Uciliste! Za toa treba da se angazira ministerstvo za obrazovanije. Bidi srekjen sto voopsto opstinata se angazira za renoviranje na ucilisteto! ej da, ova se narekuva opstina!

Ако поминуваш често таму, гледај спукај некоја фотка

Се реконструира најголемото училиште во Карпош

Во состав на проектот за реконструкција на сите училишта во Карпош, по целосната обнова на две до сега, општината денеска стартуваше со градежните активности за реконструкција на Основното Училиште „Димо Хаџи Димов“ во населбата Влае, со што неговите ученици се очекува од септември да ја почнат учебната година во нови училници.
Реконструкцијата на „Димо Хаџи Димов“ ќе опфати санација на покривот, замена на вратите и прозорите, реконструкција на фасадата, како и оградата и осветлувањето во дворот. Меѓу другото, комплетно ќе се обнови подот на училиштето и тоа со поставување на изолација за студените зимски денови
-Во училниците ќе се постават полутопли подови, а во ходниците гранитни плочи. Целиот двор, исто така, хортикултурно ќе се уреди- изјави градоначалникот на Карпош, Стевче Јакимоски.
За комплетната рекнструкција, која ќе ја изведе фирмата „Аполо инженеринг“, општината од сопствениот буџет ќе издвои 600.000 евра.
Со оглед на тоа што ова е најголемото училиште на територијата на општина Карпош, градоначалникот упати апел до сите жители на Влае, како и до бившите и сегашни ученици од „Димо Хаџи Димов“ да дадат каква било помош за негова реконструкција, без разлика дали е тоа материјална или финансиска.
Меѓу другото, потсети и дека досегашната практика ученици од други општини да се запишуваат во училишта во Карпош е укината.
-Во ОУ „Димо Хаџи Димов“, покрај деца од Влае порано учеа и деца од населбата Хром, но, со спроведувањето на реонизација таа практика се прекина бидејќи не е во ред со парите на жителите на Карпош да се финансираат жители од други општини- додаде Јакимоски.

http://www.plusinfo.mk/vest/9596/Se-rekonstruira-najgolemoto-uchilishte-vo-Karposh

Во реонски овака предизборно се појави таблатата за новото основно училиште






Edited by lslcrew - 30-May-2011 at 00:44

Струшката гимназија гради нови шест училници

Во Струга почна изградбата на нови училници во Гимназијата „Ибраим Темо“, со што треба да се реши просторниот проблем со кој со години се соочуваше ова средно училиште. Тука учат 1.700 ученици. Вредноста на проектот, чиј финансиер е Министерството за образование, изнесува 9,5 милиони денари, а рокот на завршување на градежните активности е три месеци.

http://www.dnevnik.com.mk/?ItemID=1DB3F56D61DBD1499DB40F4C0C9B65E9

Бесплатно државно земјиште за нови студентски домови

Во Скопје, Тетово и во Штип ќе никнат домови на земјиште што ќе го даде Владата на користење во рок од 35 години

Жаклина Ѓорѓевиќ

Три нови студентски домови ќе никнат во Скопје, Тетово и во Штип на државно земјиште, кое Владата бесплатно ќе го даде на користење на фирми што ќе бидат заинтересирани да ги изградат овие објекти, најавуваат од Министерството за образование и наука. Во јавниот повик што го објави Владата деновиве, се предвидува земјиштето да се даде на користење во рок од 35 години, а потоа објектите да ги преземе државата. Во Министерството велат дека проектот за трите студентски дома нема ништо да ја чини државата, освен што ќе се намируваат трошоците за студентите што ќе се сместат во домовите. Првичните процени на министерот Никола Тодоров беа дека изградбата на само еден дом ќе чини 60 милиони евра, но вчера тој не беше достапен да потврди дали останува на овие процени.

Новите домови ќе останат во наследство на идната Влада, бидејќи понудите за нив, како што е објавено во повикот, ќе се отвораат на 8 јуни, три дена по изборите. Она што веројатно најмногу ќе ги интересира студентите е што цената за студирање во домовите ќе биде иста како и во другите домови, па затоа во Министерството очекуваат најмногу турканици за новите објекти. „Студентите ќе плаќаат исто како што плаќаат и сега“, вели Горан Галевски од Министерството. Оттаму појаснуваат дека домовите ќе се градат по принципот на јавно-приватно партнерство, што значи дека идните инвеститори ќе имаат можност да добијат бесплатно земјиште. „Со тоа што даваме бесплатно земјиште, ја олеснуваме процедурата за добивање градежна дозвола. Инвеститорот ќе може 35 години да го користи објектот, а потоа тој и' се враќа на државата“, го објаснуваат во Министерството принципот на кој ќе функционираат домовите.

Во домовите ќе бидат згрижени вкупно 2.500 студенти, а за секој од нив, месечно, државата ќе издвојува најмногу до 119 евра. Министерот пред извесно време најави дека не се работи за обични студентски домови, туку за ултрамодерни, каков што е предвидено да никне во Скопје.

Студентскиот дом во Скопје, според Министерството, ќе се гради во кругот на универзитетскиот кампус, на локацијата веднаш пред седиштето на Ректоратот на Скопскиот универзитет. Министерот првично најави дека овој дом според изгледот ќе се разликува од сите досегашни, а ќе биде на седум ката. Во него ќе им се нудат на студентите најсовремени услови за престој. За секој студент е предвидено да има соба од 18 квадратни метри, а во собите ќе можат да се сместат најмногу по двајца студенти. „Домот во Скопје ќе биде нешто посебно, а ќе има современ изглед по што ќе се разликува од другите студентски домови. Со тоа ќе се решат проблемите на 1.500 студенти“, изјави пред извесно време за нашиот весник, министерот Тодоров. Тој најави дека е предвидено Министерството годишно да одвојува по милион евра за сместување на студентите, а за одржувањето на домовите да се грижи фирмата што ќе ги гради.

Со нивната изградба, според министерот, ќе се реши проблемот за сместување на студентите во целата држава. Во Министерството велат дека годишно околу 1.000 студенти остануваат без студентско легло, бројка што е драстично намалена од порано. Според Крешимир Павиќ од Студентскиот центар „Скопје“, пред четири години за 4.500 места во студентските домови аплицирале дури 9.000 кандидати. Моменталната цена за сместување во домовите се движи од 6.700 до 7.200 денари, а половина од оваа сума или поточно 3.400 денари ги покрива државата, додека останатите ги покрива студентот. Според Павиќ, цената за сместување треба да биде коригирана поради покачувањето на цените.

http://www.utrinski.com.mk/?ItemID=0438FC8F1554B14280E87485ADD48990