Спортски комплекс „Јане Сандански“

КОНДОР И ВО МАКЕДОНИЈА

Недела, 01 Декември 2013

Последниве месеци сме сведоци на интензивна изградба на спортскиот џин, спортскиот  храм и секако дом на ракометарите и ракометарките на ракометниот клуб Вардар, кои истовремено пишуваат нова историја.

Да ве потсетиме, спортскиот гигант се гради по стандардите на FIBA и EHF и ќе располага со 2 сали, една голема со капацитет од 5000 седишта и една помала со капацитет од 1000 седишта како и хотел со ресторани, спа центар, фитнес, базен, VIP зони, блок за медиуми, конгресна сала и други придружни содржини.

На објектот СЦ Јане Сандански во досегашниот период изведени се следните позиции:

- Кај малата сала, грубите градежни работи, подрумските простории, приземјето, па се до четвртиот кат се завршени. Од 17-те челични покривни носачи треба да се постават уште два за да може да се отпочне со бетонирање на покровната плоча и поставувањето на овие челични носачи треба да се заврши до 30.11.2013 година.

- Кај хотелот исто како и кај малата сала, градежните работи се завршени се до четвртиот кат и со голем интензитет е почнато да се работи одвнатре.

- Завршени се северната, источната и западната страна на големата сала, во иднина местото на сите најголеми спектакли и случувања . На објектот се донесени 6-те комплетни елементи од шеесет метарските главни челични носачи за големата сала и се прават услови да може да се отпочне со нивно монтирање на објектот. Финиширано е бетонирањето на носачите на првиот ред трибини и VIP ложите, а се прави припрема за вториот ред.

- Градежно завршен е и просторот во приземјето за сместување на машинската опрема, што претставува можност за припрема на просториите за фитнес и спа центарот.

- Почнати се работите за изведување на надворешната атмосферска и внатрешна фекална канализација, како и внатрешен и надворешен водовод.

Во овој контекст, ке го цитираме инвеститорот од светски ранг, господинот Сергеј Самсоненко, кој нагласи дека: „ Спортскиот центар Јане Сандански ќе има повеќе социјален одколку комерцијален карактер, бидејки ќе биде наследство за генерациите кои доагаат.“

Ниту лошото време и снегот не успеаа да ги запрат работниците во остварување на единствената цел, изградбата на мултифункционалниот  комлекс  Јане Сандански, кои неуморно и беспрекорно ги исполнуваат зададените обврски.

Целата македонска јавност со нетрпение ја очекува жешката есен и деновите на победи, место каде ќе се создаваат врвни спортисти, а врвните спортисти ќе постигнуваат светски резултати, а сите заедно ќе бидат дел од новата спортска лична карта, како на градот Скопје така и на државата.

http://rkvardar.com.mk/mk/news/vardar/502-2013-12-01-09-35-40