Повеќе најавени чартер летови од лани

Драстично е зголемен бројот на чартер летовите во земјава оваа летна сезона, и тоа за 44 насто повеќе во однос на лани, при што, од главното авиопристаниште, скопскиот аеродром, се пријавени 137 летови, наспроти минатогодишните 95 чартер авиооперации.

Притоа, според информациите од тур-операторите, најчесто овие летови ги реализираат авиопревозници од државите каде што патуваат и летуваат патниците. Но, во последно време, се чини, се разлетаа и домашните авиокомпании, на тој начин обидувајќи се да ја пополнат празнината што настана по приземјувањето и згаснувањето на Македонски авиотранспорт - МАТ, кој последните години го имаше 80 отсто од авиобизнисот со чартер летови во државата.

Имено, во почетокот на неделава, својот прв официјален лет, и тоа на линијата Белград – Крф, го имаше новоформираната македонска авиокомпанија “Мат ервејз“, која е во сопственост на фирми од Србија. Компанијата ја формираа Метрополитен инвестмент група, а како стратешки партнер се јавува туристичката агенција “Контики травел“. Првиот чартер лет на оваа  авиокомпанијата, која пред еден месец доби дозвола за летање од македонските воздухопловни власти, бил со авионот “боинг 737 500“, со капацитет од 120 седишта, кој ќе лета под кодот АГХ на српски Авиогенекс.

Авионот е означен со новото лого на МАТ ервејс и препознатливиот знак на “Контики“, а авионскиот екипаж го сочинуваат искусни капетани и стјуардеси со долгогодишно искуство. А, како што истакнуваат од компанијата, таа ќе врши чартер-летови за “Контики" од Белград, која отвори и претставништво во центарот на Скопје, а во фаза на подготовка се и програми за македонските патници со поаѓања од нашиот главен град, што би требало да почнат од август.

Од почетокот на месецов и авиокомпанијата “Ерлифт“ воведе една интересна новина со понудата на авиобилет за релацијата Скопје-Виена, по цена од 29 евра, кој со аеродромските такси чини вкупно 79 евра. Истовремено, во оваа компанија, која е под водство на домашниот туроператор “Скај вингс“, а кој, пак, во своето работење досега користеше значајна партнерска помош на германската компанија “Герман вингс“, најавија и поевтинување на билетите на речиси сите дестинации на кои „Ерлифт“ има редовни линии.

Притоа, од „Скајвингс“ очекуваат нивната авиокомпанија да стане прв авиопревозник од Македонија, што ќе може реално да им конкурира на low-cost авиокомпаниите во Европа, кои нудат летови по промотивни цени. Познато е, домашната авиокомпанија “Ерлифт сервис“, која користи летечки и друг кадар од веќе згаснатиот МАТ, е нов македонски редовен авиопревозник, бидејќи пред два месеци доби решение од државата, поточно од воздухопловните власти, дека може да одржува редовен авиосообраќај на шест авиолинии, и тоа: Дизелдорф, Цирих, Виена, Брисел, Рим и Истанбул.

Со тоа, оваа компанија, која до пролетоска беше чартер компанија, сега добива подобри услови, повеќе привилегии и поголеми бенефиции при оперирањето во странство, кои можат да донесат и поевтини авиобилети. Но, исто така, со новиот статус таа  доби и поголеми обврски, што треба да ги исполни и во релација со надлежните, но секако и кон клиентите, односно кон агенциите и своите патници (на пример, да мора да лета на одредена дестинација и со еден патник), а за што е потребно првенствено зголемување на авиофлотата.

Па, во пресрет на летната авиосезона, (со летниот ред на летање компанијата има најавено 54 летови наделно од нашите аеродроми), од овој авиопревозник најавија долетување на уште еден „Боинг 737“, при што, за летниот авиошпиц  како потреба беше истакнато докомплетирање на авифлотата со уште два авиони.
Инаку, од поафирмираните туристички оператори во земјава истакнуваат дека најчесто соработуваат со авиопревозници од државите каде што летуваат патниците, со што, велат, гаранцијата за патувањето, односно за летовите е поголема.

Оттаму, исто така, во неколку наврати апелираа патниците да внимаваат какви чартер летови избираат, зашто и во минатото, но и сега, кај домашните авиопревозници имало повеќе случаи на откажани чартер летови, поради наводни технички проблеми. А, тоа, како што посочуваат, не смее да се случи и не смее да има откажан лет, зашто во таков случај, ако авионот на еден авиопревозник има технички проблем, тогаш мора да се оди на втората помошна варијанта, а тоа е самата авиокомпанија, која требала да го реализира тој лет, да изнајми  авион од друг авиопревозник.

http://www.biznis24.com.mk/node/9148


Edited by Cloverstack - 08-Jul-2010 at 14:28

Јас на другариве лопови само би им кажал дека имаат огромна среќа што нема брза пруга Скопје - Софија (2 саати патување), иначе во таков случај Аеродромот во Скопје ќе можеше комотно да се затвори! Аман од ваквите Лидери во регионот!

МАТ Ервејс ќе лета од Охрид за Тел Авив

За почеток, "МАТ Ервејс" планира да обавува летови на релација Белград-Охрид-Тел Авив, рута за која е заинтересира и еден израелски туроператор, изјави Дарко Милаќиќ, еден од основачите на авиокомпанијата

Најновата чартер авиокомпанија во Македонија, "Мат ервејз" ќе обавува летови под името на "Авиогенекс" (АГХ). Марко Милаќиќ еден од основачите на "Мат ервејс" ја соопшти веста во интервју за агенцијата "Киело".
Свеченоста за почетокот на авиоуслугите е поместена за август кога авиокомпанијата планира да стартува со летови од Скопје, иако во меѓувреме авионите на МАТ ќе обавуваат чартер летови од Белград до други дестинации. Милаќиќ откри дека авиокомпанијата моментално не е заинтересирана да стане национален авопревозник на Македонија, туку планира да изведува редовни чартер летови. Сепак, Милаќиќ не ја исклучува можноста авиокомпанијата некогаш да стане национален авиопревозник.
"Во тек е постапката да добиеме ИАТА сертификат и очекуваме тоа да биде завршено во следните 5 месеци. Ќе летаме под името на српската чартер авиокомпанија 'Авиогенекс'. Понатаму, компанијата планира да купи еден авион 'боинг 737-300' до крајот на годината, но сепак купувањето ќе зависи од тоа каков ќе биде исходот од преземањето на 'Авиогенекс'".
За почеток, "МАТ" планира да лета на релација Белград-Охрид-Тел Авив. Дарко Милаќиќ смета дека рутата ќе биде популарна и изјави дека израелски тур оператор, исто така, е заинтересиран да соработува во рутата.

http://www.vest.com.mk/?ItemID=757CADAE2A493D4F9F034FC90FB34476

Добро де, и за радување е. Ипак до сега немало такви цени. Ај да се надеваме ќе се најдат и други и ова ќе повлече чекор.

Скајвингс: До Виена за само 29 евра

Авиокомпанијата “Скајвингс“ само за 29 евра ќе ги превезува патниците на редовната авиолинија за Виена со авионите на “Ерлифт“.

http://www.netpress.com.mk/vest.asp?id=73789&kategorija=2

Внимавајте со која чартер компанија летате на одмор!

НОВ ВИЗУЕЛЕН ИДЕНТИТЕТ

МАТ ервејс со ново лого, слоган и интернетска страница

Компанијата МАТ ервејс има нов визуелен идентитет - лого, слоган и интернетска страница. На www.matairways.mk посетителите можат да се запознаат со новата компанија, а наскоро, како што соопштуваат од МАТ ервејс, ќе можат да се информираат и за редот на летање, цените и плановите.
- Функционалната, содржински богатата и прегледната интернетска страница на заинтересираните им нуди можност да дознаат се за авиокомпанијата, за авионот боинг 737-500", што ќе ги превезува патниците на бројните европски дестинации, како и за туристичките услуги што ги нудиме во рамките на агенцијата Кон Тики Скај. Кампањата што го следи развојот на оваа чартер-компанија наскоро ќе биде видлива во Македонија, а нашиот авион веќе е брендиран во боите и идентитетот на новиот МАТ - велат од МАТ ервејс.

Новото лого на МАТ ервејс симболизира туризам, патувања и сигурност. Во слоганот "Touch the sky" - Допрете го небото, свртени се пораките кои симболизираат доверба, препознатливост меѓу туроператорите и авиопревозниците.
- Новиот корпоративен идентитет и гарантира на нашата компанија подобра препознатливост на пазарот, но и ќе ги увери македонските граѓани дека сме тим на врвни професионалци кои ќе ја пренесат пораката за стручност и професионалност. Целта кон која се стремиме е со професионален однос да стекнеме углед кај конкурентите во воздушниот сообраќај. Во тек е обука на летачкиот персонал што на најдобар начин ќе ги презентира целите на МАТ ервејс - вели Дарко Милачиќ, еден од инвеститорите на Метрополитен инвестмент груп.

МАТ ервејс минатата недела доби работна дозвола од Агенцијата за цивилно воздухопловство.

http://www.vecer.com.mk/default.asp?ItemID=0AFD174E5C265D4D843D492A32BD6894

На времето требаше да се инсталираат триста софтвери за ваква работа, добро е што сега е вака лесно достапно  

widete ja svajcarija.....

Авионот на МАТ ервејс слета на Александар Велики четврток, 10 јуни 2010

Од „МАТ ервејс“ велат дека по првиот пробен лет кој е најдобар доказ за доверливоста и сигурноста на компанијата, очекуваат македонската Агенција за цивилно воздухопловство да им ја одобри дозволата со која и официјално ќе можат да почнат со работа

Авионот Боинг (737-500) на новата чартер авиокомпанија „МАТ ервејс“ денес слета на скопскиот аеродром. Се работи за долгоочекуваниот пробен лет на релацијата Белград-Скопје. Од „МАТ ервејс“ велат дека по првиот пробен лет кој е најдобар доказ за доверливоста и сигурноста на компанијата, очекуваат македонската Агенција за цивилно воздухопловство да им ја одобри дозволата со која и официјално ќе можат да почнат со работа. - Оваа дозвола ќе ни овозможи да ги исполниме сите активности што ги ветивме со цел да се унапредат стопанските, економските и туристичките интеграции на Македонија и Србија на Балканот - рече Дарко Милачиќ, сопственик на компанијата Метрополитан инвестмент груп. Тој очекува во наредните два дена да добијат сертификат и со тоа да ја започнат сезоната на летови на светските дестинации. Најавува дека во наредниот период ќе бидат набавени други авиони, и ќе се вработи нов летачки персонал - нагласи Милачиќ. „МАТ ервејс“ е во сопственост на српскиот туроператор „Кон Тики“, а во Македонија и во регионот ќе оперира како чартер компанија за превоз за аранжманите на матичната агенција.

http://kirilica.com.mk/vest.asp?id=50192