MAT Ервејс: Почеток со работа за неколку дена

Ne znam dali porano ne sum sledel no mislam deka godinava ima edna ubava tendencija na zgolemuvanje na carter letovite do Ohrid.

ДАРКО МИЛАЧИЌ, ЕДЕН ОД СОПСТВЕНИЦИТЕ НА КОН ТИКИ ТРАВЕЛ , МЕТРОПОЛИТАН ИНВЕСТМЕНТ ГРУП И МАТ ЕРВЕЈС

МАТ ервејс ќе ја поврзе Македонија со светот!

МАТ Еврејс и Македонски Ерлајнс се потполно два различни правни субјекти. Не постои никаква поврзаност ниту сопственичка, ниту управувачки помеѓу нив. Не постои ниту еден менаџер од МАТ Ерлајнс кој управуваше со оваа компанија, а сега да работи во МАТ Ервејс. Сите тие приказни се неточни и тоа се само некои гласини кои претпоставуваме се случија поради сличноста на имињата на компаниите. Нашите авиони ќе летаат со македонско знаме, а стартуваме веднаш штом деновиве ја добиеме дозволата за летање



Г. Милачиќ, неодамна Кон Тики Травел и Метрополитан инвестмент груп од Белград влегоа во македонскиот авиобизнис. Формиравте нова компанија МАТ Ервејс. Колку ве чинеше оваа инвестиција?

Значи Метрополитан инвестмент груп и Кон Тики Травел формираа нова, сосема нова компанија МАТ Ервејс на која со некогашниот МАТ Ерлајнс единствено заедничко им е предзнакот МАТ и ништо повеќе. МАТ Ервејс е со потполно нова сопственичка структура, со сосема нов капитал, со потполно нов менаџмент. Од септември лани кога ја формиравме компанијата, па досега, инвестиравме 5 милиони евра во Македонија. Еден дел од инвестицијата е искористен за купувањето на новиот авион 737-500, кој го излицитиравме и купивме на аукција во Лондон. Авионот се наоѓа во Белград, потполно е сервисиран и можам да кажам дека во регионот ова во моментов е најдобар авион. Тој ги има најновите ресурси за сигурност. Другиот дел од инвестицијата се средствата неопходни за тековно работење на компанијата МАТ Ервејс. Веќе имаме 60 вработени, а платите на месечно ниво се 60 до 65 илјади евра.

Колку е планираниот буџет за годинава?

Планираниот буџет за оваа година е скоро 10 милиони евра. Тоа подразбира купување на нови авиони и вработување на нови луѓе. Покрај тоа ние отворивме и агенција Кон Тики скај во Скопје и во Охрид преку која ги продаваме аранжманите кои одат од Белград. Штом ќе бидеме оспособени да летаме, македонските државјани ќе можат директно од Скопје да летаат на сите дестинации кон кои ќе ги води Кон Тики травел, а тоа се десетини илјади дестинации. Планираме да воведеме и лет Белград - Охрид за да го поврземе и туризмот помеѓу Македонија и Србија кој веќе живее.

Кој беше вашиот мотив, токму сега во време на економска и финансиска криза, да инвестирате во Македонија?

- И во време кога пазарите паѓаат и кога растат вие мора да изберете добар момент и да го оцените бенефитот за вложување на вашите пари.. Ние тоа го видовме во Македонија. Сметаме прво дека не постои чартер-компанија, авиокомпанија ни на српскиот ни на македонскиот пазар која е сериозна и која е дефинирана како чартер-компанија. Но, за нас побитен беше односот на државата кон инвеститорите, кон економската криза. Видовме дека ова е проактивна Влада со јасно дефинирани цели и дека оваа Влада во овој момент многу подобро ја носи кризата во однос на некои други влади во регионот. Слушајќи го и почитувајќи го првиот човек на македонската Влада и гледајќи што тој всушност се работи, тоа беше дефинитивно еден од мотивите за влез на овој пазар. Сметаме дека нашата инвестиција е сигурна, и дека не сме згрешиле.

Дали сопствениците на новиот МАТ Ервејс имаат каква било поврзаност со стариот менаџмент на МАТ?

- МАТ Еврејс и Македонски Ерлајнс се потполно два различни правни субјекти. Не постои никаква поврзаност ниту сопственичка, ниту управувачки помеѓу нив. Не постои ниту еден менаџер од МАТ Ерлајнс кој управуваше со оваа компанија, а сега да работи во МАТ Ервејс. Сите тие приказни се неточни и тоа се само некои гласини кои претпоставуваме се случија поради сличноста на имињата на компаниите. Јас морам да кажам дека ние го одбравме името МАТ, затоа што сметаме дека бизнисот е двонасочна улица и дека ние добиваме нешто од државата, а тоа е дозвола за летање, а од друга страна сакаме нешто и да и вратиме. Кон Тики преку оваа компанија ќе го поврзе македонскиот пазар со преку 50 аеродроми во регионот и со земјите пошироко. Значи, практично ќе има една македонска чартер-компанија која достојно ќе ја претставува Македонија. Тоа верувајте е основниот мотив поради кој ние го задржавме тоа МАТ.

Новата компанија ја опремивте со нов авион. Дали планирате да ја проширите флотата?

- Со еден авион кој го имаме е нереално да очекуваме да ги превеземе сите патници кои веќе практично ги имаме во резервација. Во бизнис-планот предвидовме земање на уште два авиона, што значи дека би ја дуплирале нашата инвестиција од 5 на 10 милиони евра до крајот на годинава. Покрај тоа успеавме да направиме одлична соработка со српската компанија Авиогенекс, потпишавме и договор со кој би направиле врска помеѓу македонскиот и српскиот пазар. Со три авиони ние веројатно за брзо време ќе бидеме еден од најголемите извозници во Македонија.

Под чие знаме ќе лета копанијата МАТ Ервејс?

- Ќе летаме под македонското знаме кое ќе биде на нашиот авион. бидејќи сакаме тоа да биде партнерски и двонасочен однос со македонската држава. МАТ Ервејс ќе биде еден од амбасадорите на оваа земја.

Дали презедовте дел од вработените од МАТ Ерлајнс?

- Донесовме сосема нов менаџмент, а што се однесува до останатиот персонал, направивме тим кој може сериозно да се носи со големите европски компании во чартер-делот. Зошто јас би вработувал стјуардеси од Белград кога сум сведок дека во Скопје има преубави девојки, кои можеби би можеле да ја работат оваа работа. Што се однесува до пилотите, имаме тројца кои се искусни пилоти од ЈАТ и кои поминаа специјална обука за овој тип авиони.

Кои се плановите за работа на новиот авиопревозник во Македонија?

- Наша идеја е чартер-сообраќај и како Кон Тики да станеме глобален играч. Не е исклучено по одредено време да се јавиме со барање за редовен авиосообраќај во Македонија. Сакаме прво да се докажеме дека сме добар чартер-превозник, а потоа да аплицираме за редовен авиосообраќај. Мислам дека ние во Македонија во наредните три до пет години веројатно ќе прераснеме во една сериозна авиокомпанија со чартер и редовен сообраќај.

Дали ја поднесовте потребната документација за добивање дозвола од Агенција за цивилно воздухопловство и кога очекувате дека ќе можете да се вивнете над македонското небо?

- Не можам да речам дека Агенција за цивилно воздухопловство не работи на нашето барање и тоа крајно професионално. Но, верувам дека работите можат малку да се забрзаат. Документацијата е одамна доставена, направен е чек на авионот и извештај дека тој е исправен да полета. Ние сега седиме во еден вакуум и бараме од АЦВ само да ја забрзаат работата. Гледајќи ја папирологијата на авионот кој го имаме во сопственост, финансиските средства што се тука на сметка, кои се гаранција на нашиот бизнис, Агенцијата практично дозволата може да ни ја издаде веднаш. Ова е многу сериозна инвестиција и ние не сме компанија која дојде да раскажува приказни.

Колкав приход очекувате од работата за годинава?

- Доколку ја добиеме дозволата во наредните пет до седум дена, бидејќи сезоната тргнува на 15 јуни, имаме сигурни 10 милиони евра промет за четири месеци. До крајот на годинава мислам дека вкупно 15 милиони евра приход е остварлив, а не би ме изненадило доколку тоа биде и повеќе.

Што доколку во предвидениот рок не ја добиете дозволата за летање?

- Доколку во наредните пет до седум дена не ја добиеме дозволата ние ќе се повлечеме од Македонија. Се надевам дека до тоа нема да дојде во интерес на двете страни.

http://www.vecer.com.mk/default.asp?ItemID=0D9AE60EBB3A9748879026836D117DFA

Новоформираната МАТ Ервејс очекува што поскоро дозвола за летање од АЦВ

Сопствениците на МАТ Ервејс денеска преку соопштение информираа дека авиокомпанијата располага со сопствен авион од типот Боинг 737 - 500 и оти вработува 60 лица.  

Очекуваат во што пократок рок од Агенцијата за цивилно воздухопловство да добијат дозвола за летање, за што, како што тврдат, ја доставиле целата неопходна документација. Во плановите за работење најавуваат директни летови за Охрид како и аранжамани за познатите туристички центри во Србија.

Според соопштението, единствена врска на МАТ Ервејс со македонскиот поранешен редовен авиопревозник МАТ, кој моментно е во стечај, е сличноста на името кое го здржале поради желбата компанијата под тоа име да биде добар амбасадор на Македонија под чие знаме и ќе сообраќа.  

Сопствениците на новата авиокомпанија очекуваат годинава да остварат приход од 10 до 15 милиони евра, врз основа на инвестиците кои ги вложиле.

http://sitel.com.mk/dnevnik/biznis/novoformiranata-mat-ervejs-ochekuva-shto-poskoro-dozvola-za-letanje-od-acv

ИНТЕРЕС ВО АВИОПРЕВОЗОТ
Три фирми со редовни летови?

Две авиокомпании со мешовит домашен и странски капитал, „Мат ервејс“ и „Монтер“ чекаат дозвола за редовен авиопревозник. Компанијата „Ерлифт сервис“ веќе доби дозвола за редовен авиопревозник кон шест дестинации кои ги опслужува, Рим, Виена, Истанбул, Цирих, Диселдорф и Брисел. Во Агенцијата за цивилно воздухопловство (АЦВ) велат дека за една компанија да добие дозвола за редовен авиопревозник треба да исполни одредени економски и безбедности услови, меѓу кои да има и воздухоплов запишан во регистарот на воздухоплови на Република Македонија. Таа за тоа мора да добие дозвола и од земјите кон кои ќе одржува редовни авиолинии. Разликата меѓу редовен авиопревозник и чартер-компанија е во обврските. Редовниот авиопревозник има обврска да направи зимски и летен ред на летање и има обврска да лета и кога нема доволен број патници. Редовен авиопревозник не е исто што и национален кој треба да биде во мнозинска сопственост на државата. 
- Воздухопловот може да биде во долгорочен закуп и без екипаж. Постапката со барањето на „МАТ ервејс“ е во втора фаза на проверка на воздухопловот во сервисот во Белград, додека чекаме одговори од „Монтер“ на забелешките на документацијата што беше поднесена. Очекуваме целата постапка по барањата да заврши за еден месец до месец и половина - вели Дејан Мојсовски од АЦВ. 
Во компанијата „Ерлифт сервис“ велат дека ги исполнуваат условите за редовен авиопревозник зашто поседуваат едно летало на лизинг, а кон крајот на месецот и почетокот на наредниот треба да добијат уште едно. 
- Како редовен авиопревозник ќе имаме поевтини тарифи на аеродромите. Тоа ќе ги поевтини и билетите – вели Хелена Роза, портпаролка на „Ерлифт“. 
Таа додава дека компанијата веќе побарала дозвола од земјите кон кои ќе одржува редовни авиолинии и очекува одговори за најмногу еден месец. 
http://vreme.com.mk/DesktopDefault.aspx?tabindex=0&tabid=1&EditionID=2022&ArticleID=140823

Па не е единствена. Кроција, Адриа, Луфтханса, Аустриан, Малев, Јат сите си имаат редовни линии. Првично се објави некаде дека се едиствен редоваен национален превозник, па после тоа управата демантирала и од компанијата се извиниле за грешката и објавија дека добиле дозвола за редовен превозник на линитите кои веќе ионака ги работеле како чартер. Ништо ново.

Демантиран е делот дека се работи за национален авиопревозник, но не и за редовен. Тие линии што доосега ги возеле чартер, сега компанијата ќе ги вози редовно. Ништо ново. Вероватно поради зголене број патници, па намлен е ризикот дека нема да наполнат авион.

Ерлифт сервис стана единствен редовен превозник Авиокомпанијата Ерлифт сервис соопшти денеска дека станала единствен редовен авиопревозник во Македонија. Во соопштението на компанијата се наведува дека Ерлифт сервис од Агенцијата за цивилно воздухопловство доби решение за одржување на редовен воздушен сообраќај на сите дестинации, кои ги опслужува. Ерлифт одржува линии од Скопје за Истанбул, Дизелдорф, Виена, Рим, Цирих, Брисел, Хамбург/Берлин и Копенхаген. http://makfax.com.mk/_tools/article/107151/view

Од каде па сега ова !?

Edited by Мартин - 10-May-2010 at 16:35

go postirav tekstov oti se spomnuva ohrid.i ne mi e jasno kade e registrirana aviokompanijata?

Српската туристичка агенција „Контики“ основа своја авиокомпанија

Најголемата српска туристичка агенција „Контики“ ќе отвори сопствена авиокомпанија за превоз на туристи под називот „ Контики скај“.

Сопственикот на агенцијата Слободан Миќиќ изјави дека еден авион е веќе набавен и во тек е негово регистрирање, а исто така во најбрз можен рок се очекува да биде извршена набавка на уште два авиони.

Во текот на сезоната голем број на чартер летовите тргнуваат од Црна Гора и Шпанија, при што агенцијата планира во најбрз можен рок да воведе нова линија за Охрид, која ќе претставува нива дестинација и понуда на самата компанија.

http://www.mkfondovi.com/mk_MK/news/15963-%D1%81%D1%80%D0%BF%D1%81%D0%BA%D0%B0%D1%82%D0%B0-%D1%82%D1%83%D1%80%D0%B8%D1%81%D1%82%D0%B8%D1%87%D0%BA%D0%B0-%D0%B0%D0%B3%D0%B5%D0%BD%D1%86%D0%B8%D1%98%D0%B0-%E2%80%9E%D0%BA%D0%BE%D0%BD%D1%82%D0%B8%D0%BA%D0%B8%E2%80%9C-%D0%BE%D1%81%D0%BD%D0%BE%D0%B2%D0%B0-%D1%81%D0%B2%D0%BE%D1%98%D0%B0-%D0%B0%D0%B2%D0%B8%D0%BE%D0%BA%D0%BE%D0%BC%D0%BF%D0%B0%D0%BD%D0%B8%D1%98%D0%B0.html