МАТ лета во стечај

На скопскиот аеродром за 200 отсто зголемен бројот на патниците

Цирих, Рим, Истанбул и Виена беа најбараните дестинации на граѓаните од аеродромот „Александар Велики“, кои во саботата, на првиот ден од визната либерализација, одлучија да патуваат надвор од земјава

http://novamakedonija.com.mk/NewsDetal.asp?vest=122191041486&id=9&prilog=0&setIzdanie=21867

Евтино авионски во Европа само виа Солун и Софија

Кога ќе има голема фреквенција на патници кон Европа и оттаму во Македонија ќе има и карти со пониски цени

Миркица Поповиќ


Македонија е затворена за поевтини летови, затоа што нема доволен број патници што користат авионски услуги. Визната либерализација кај нас не отвори инстант врати за поекономичен авиопревоз. Промотивните летови со пониска цена, кои неделава се бум кај нашиот северен сосед по повод визната либерализација, не се случија и кај нас, освен бесплатниот лет до Париз планиран за 19 декември, во организација на Секретаријатот за европски прашања за 100 граѓани.

Покрај најавените летови на ЈАТ за 19 евра од Белград кон сите европски градови без пресметани авионски такси, од 26 декември италјанската нискобуџетна компанија „Винд џет“ воведува редовна авионска линија на релација Ниш - Форли. Билетите за овој лет ќе се движат од 16 евра за првите десет патници, до 59 евра за сите останати, плус 30 евра аеродромски такси.

Билетите од Скопје до европските дестинации ретко се под 100 евра во еден правец, без пресметани аеродромски такси. Високите такси и скапото гориво на македонскиот аеродром „Александар Велики“ се едни од главните причини зошто авионските летови од Скопје се' уште држат висока цена.

„Горивото на скопскиот аеродром е 260 евра по тон поскапо од цената на европските аеродроми“, вели Игор Анастасовски, директор на земната оператива на единствената македонска авиокомпанија „Ерлифт сервис“, додавајќи дека тоа не е мал трошок ако се земе предвид дека за два часа лет се трошат по 5 тони керозин. Анастасовски укажува дека од „Ерлифт“, кои единствено имаат директен лет од Скопје до Брисел, утврдиле дека нивните директни летови не се рентабилни како што очекувале. „Нема разбирање од државата и од аеродромот. Мора да дојде до намалување на цените и да се инвестира во кампања за да се зголеми фреквенцијата на патници. Само со еден лет дневно не може да се задоволи пазарот. Од Словенија, на пример, има лет двапати во денот кон Брисел и назад, што би требало да се практикува и кај нас, како држава-кандидат за ЕУ“, нагласува тој. Кнедла во грлото на превозниците е и фактот дека аеродромот е во државна сопственост. Кога би имало повеќе компании кои вршат анализа, обработка на летовите или, пак, би имале концесија над аеродромот, би постоела поголема конкуренција која може да доведе до намалување на аеродромските такси.

Дека малиот број корисници на авионски услуги е голем проблем, се согласува и Зоран Крстевски, директор на Агенцијата за цивилно воздухопловство. „Се преговара со голем број авиокомпании и сите тие прават свои истражувања на нашиот пазар. Но, постојниот собраќај не е интересен за компаниите. Доколку во годината имате од 5.000 до 10.000 патници за Лондон, тоа не е предизвик за компаниите да дојдат и да понудат евтини летови. Нема економски потенцијал“, вели Крстевски, кој смета дека реално поекономичните авиопревозници се' уште се претпазливи и не преземаат ризик за да дојдат во Македонија поради малиот пазар. Крстевски нагласува дека се оптимисти дека визната либерализација од јануари ќе создаде поголема маса луѓе кои поактивно би ги користеле услугите на авиопревозниците, со што Македонија би можела да почне да „трепка“ на агендата на повеќе странски авиопревозници.

Тој смета дека е неопходно да постои богата туристичка понуда, хотелски резорти, клубови, места за спортски и забавни активности каде што ќе се анимираат туристи, со цел да се привлечат поголем број туристи во државата, што потоа ќе влијае врз зголемувањето на бројот на авиопатници.

Крстевски смета дека беспотребно е подигната еуфорија за евтини летови во Србија, бидејќи сите изоставуваат да споменат дека во понудата не се пресметани аеродромските такси. Значаен фактор е и големината на пазарот, бидејќи српскиот пазар од 8 милиони е неспоредливо поголем од македонскиот. Она што ни го објаснија и Крстевски од АЦВ и Анастасовски од „Ерлифт“ е дека евтините билети на нискобуџетните авиопревозници се ограничени на 10-15 седишта во авион со 100 седишта. Овие цени може да се најдат доколку се резервира лет неколку месеци однапред. Цените се зголемуваат додатно со аеродромски такси, како и доколку багажот е поголем од 5 килограми.

Сепак, голем број од домашните патници практикуваат онлајн резервирање на евтини летови од овие компании преку Солун или Софија. Патувањето од овие соседни градови со визната либерализација сега е дополнително олеснето, па се' додека поевтините летови не дојдат во Скопје, ЕУ ќе ни биде достапно само преку Солун и Софија

Како до поевтини авиобилети?

Александар Момировски	Коментари (0)

Николас Кимерле, есперт за авиосообраќај

Ако стане македонски национален авиопревозник, „Туркиш Ерланјс“ ќе ја поврзе земјава со светот, но на патниците нема да им донесе поевтини авиобилети, сметаат експертите.

„Туркиш Ерланјс е светска компанија што леат до сите континенти секаде во Европа и во светот, што подразбира дека има многу летови мислам дека тоа е добар концепт“, рече Николас Кимерле, есперт за авиосообраќај.

„Не би донело поевтини авиобилети бидејќи цената на билетите зависи од цената на аеродромските услуги, цената на горивото и така натаму, ако една авикомпанија пресмета колку овде ќе плаќа за сместување, исхрана, плати ќе се види дека не можат да се достигнат евтини цени“, вели Ѓорѓи Чачкиров, експерт за авиосообраќај.

За разлика од експертите кои имаат различни ставови, бизнисмените велат дека идејата на Владата да го назначи „Туркиш Ерлајнс“ за матична компанија е добар потег.

„Ова нас многу не радува, една ваква иницијатива од македонската страна од нашата братска земја ќе биде добар подем за развој на меѓусебните односи“, рече Хуисеин Узулмез, член на Стопанската комора на Труција.

„Туркиш Ерлјанс е многу сериозна компанија, доколку и се дозволи од нашето небо да лета, ние имаме свое видување дека веднаш ќе ги постигнеме сите дестинаци, ние во Македонија немаме ниту еден директен лет да летаме за Виена, и секое преместување е поскапо“, истакна Горан Рафајловски, Стопанска комора на Македонија.

А1 вчера објави дека уште во мај годинава Министерството за транспорт доставило информација до Владата каде го предлага „Туркиш Ерлајнс“ за национален авиопревозник.

До каде се преговорите денеска, не се открива. Познавачите велат дека на турската авикомпанија не и се исплати влез во Македонија како редовен авиопревозник, бидејќи на ист начин со сопствена компанија веќе работи во Босна.

Македонија работи според европската регулатива кога станува збор за назначување национален авиопревозник.

„Регулативата во поглед на лиценцата предвидува авиопревознбик да основа правен субјект кој треба да е 51 процент на македонска фирма и да има ефект во континуитетот во таа компанија треба да се впишат воздухополви од кој еден на компанијата на самата компанија“, изјави Дејан Мојсовски, Агенција за цивилна воздушна пловидба.

Македонија остана без редовен авиопревозник откако пред неколку месеци државата му го приземји единствениот авион на МАТ.

Туркиш Ерлајнс“ национален превозник?

Наташа Стојановска	Коментари (4)

Турската авиокомпанија „Туркиш Ерлајнс“ да биде национален, односно дезигниран авиопревозник во Македонија.

А1 дознава дека Владата веќе расправала за ваквата можност на седница. За ваквата опција уште пред неколку месеци ресорното Министерство за транспорт ја информирало Владата дека од авиокомпанијата се побарани дополнителни информации, а кога ќе се комплетираат повторно ќе бидат доставени до Владата.

Засега никој официјално не коментира до каде е целата работа. Од централата на „Туркиш Ерлајнс“ во Истанбул одговор на прашањето на А1 најавија за идната недела.

Македонија пред извесно време остана без национален авиопревозник. МАТ повеќе не лета.

Во неколку наврати компанијата се соочи со проблем со носната нога на авионот, а потоа ситуацијата се искомплицира поради финансиските долговите, по што МАТ беше приземјен.

Владата веќе три месеци е во релација со „Туркиш Ерлајнс“ да биде национален авиопревозник.

Во исто време освен турската авиокомпанија, концесијата за модернизација на македонските аеродроми ја доби турски ТАВ.

Инвестицијата ја одложува неколкупати, последната најава е дека модернизацијата на авио-пристаништата ќе се започне во март идната година.

http://www.a1.com.mk/vesti/default.aspx?VestID=114480#komentari