Образовни институции (општо)

Студенти ќе се будат во „Вила Зора“

Некогашниот хотел „Вила Зора“ наесен ќе стане дом за студентите кои студираат на четирите факултети во Велес. Објектот е запуштен и сега е место кое зависниците од дрога го користат за наркосеанси, а велешани го избегнуваат како темна зона во градот. Веќе се направени првите чекори просторот да добие нова намена. Владата неодамна ги префрлила 40-те отсто сопственост на зградата од Фондот на ПИОМ на Министерството за образование. Потврда за тоа има и од градоначалникот Горан Петров.

- Нашата идеја е празниот хотел, некогашен пензионерски дом, да биде студентски кампус. Тука би требало да се сместат студентите кои не се од Велес. Ова ќе биде добредојдено бидејќи имавме забелешки за условите во кои се одвива наставата, особено од Правниот факултет - изјави Петров.

За реализација на оваа идеја има правна пречка, односно судски процес. Со делбениот биланс од 1999 година, зградата е префрлена во сопственост на Општина Велес. За ова се води судски спор бидејќи Здружението на борците бара сопственост на дел од објектот. Тој е изграден во 1985 година, а 60 отсто од вложените средства биле на ова здружение, а 40 отсто на Фондот за здравство. Борците се расположени да се прекине судската постапка.

- Доколку ни отстапат две простории, во кои и сега сме сместени и работиме, ќе го прекинеме судскиот спор. Ние не сакаме објектот да пропаѓа и добро решение е тој да стане студентски дом, само да не биде пуст и цел на неканети гости - вели Саздо Кицевски, претседател на Здружението.

Локалната власт ваквата иницијатива ја прифаќа и предлага тоа да се стави на хартија и да се официјализира. Зградата располага со 160 легла во 60-ина соби и има три ресторан-сали за 500 гости. Салите може да се преуредат во предавални, а кујната би служела за студентски ресторан. Деновиве дел од мебелот, фотелји, маси и столови, беше преземен од Фондот за здравство и однесени за користење во бањските лекувалишта, кои се во државна сопственост.

Во Велес студираат околу 1.500 студенти на четири факултети. Тие често се жалат на условите во кои посетуваат настава. Во зградата на некогашното ОУ „Јордан Хаџи Константинов-Џинот“ дел од инвентарот е наменет за деца со ниски столови и клупи. Студентите од дисперзираните студии на Правниот факултет „Јустинијан Први“, пак, настава посетуваат во зградата на општината и се случува да губат настава ако има прес-конференција, бидејќи во истата просторија тие имаат предавања.

Петар Печков

http://dnevnik.com.mk/?ItemID=2E9FEF1F127BFA49AA39F5C3086603A9

Руинираните бараки на студентската населба „Стив Наумов“ќе бидат реконструирани Бараките во студентската населба „Стив Наумов“ во општина Гази Баба, ќе бидат од темел реконструирани во осум приземни објекти од цврста градба. Сместувачкиот простор на новите објекти ќе биде 1.700 метри квадратни со легла за 204 студенти. Собите ќе бидат трикреветни со тоалет, а првпат ќе има и шест еднокреветни соби за лица со посебни потреби. Градбите ќе бидат поврзани со патеки, а целата средина хортикултурно уредена. Тендерот на Министерството за образование и наука е во тек и завршува на 29-ти месецов, кога ќе бидат отворени понудите и ќе биде избрана најповолната за изведба на проектот. Министерот Тодоров изјави дека реконструирањето на бараките ќе чини повеќе од 50 милиони денари, колку што изнесуваше интервенцијата на првата и втората машка зграда. Се очекува да бидат готови до крајот на октомври и таму да се префрлат студентите кои сега живеат во домот Медицинар, кој сега е во најлоша состојба. Според ДУП за Општина Центар, на местото на Медицинар е предвидена изградба на зграда за друга намена, но според Тодоров МОН нема да се откаже од локацијата каде што најчесто се сместуваат студенти по медицина. Рече дека ќе иницираат промена на ДУП-от на Центар и на истото место да се изгради студентски дом. Додека не се смени планот, МОН нема да ги реконструира бараките во Медицинар, а студентите од таму ќе ги пресели во новите објекти во „Стив Наумов“./www.kanal5.com.mk

http://vesti.alfa.mk/default.aspx?mId=36&eventId=35154

Eve do kade e rabotata kaj novoto uciliste vo cair bitolskiot kongres sto e vredna 2 milioni evra i treba da bide najmodernata niz celata drzava!
Renderi imame registrirano vo build.mk
Imav malku problem so sonceto pa zatoa edvaj napraviv nekolku sliki

Drzaven universitet na tetovo naskoro i vo kicevo

Ново 21 училиште во македонските села

http://kanal5.com.mk/default.aspx?mId=37&egId=13&eventId=72514

Поставен камен темелник на училиште во Мачево - Берово

Образованието како еден доста важен сегмент од развојот на децата во општеството, е дејност во која постојано треба да се вложува и унапредува.

Сепак овој проблем градоначалникот на Општина Берово Драги Наџински не дозволи да биде оставен во заборав и со средства во висина од 2 466 200 денари обезбедени од буџетот на Општина Берово со огромна подршка од Министерството за образование и Владата на РМ, на 24.01.2011 година е поставен камен темелник на нова училишна зграда во село Мачево која ќе има функционална површина од 195м2.

Камен темелникот го поставија Министерот за Образование и Наука г-дин Никола Тодоров, Градоначалникот на Општина Берово г-дин Драги Наџински и Директорот на ООУ „Дедо Иљо Малешевски“ од Берово г-дин Кирил Стоиловски, кои го истакнаа значењето од изградбата на ова училиште за ова населено место.

Инаку, новата училишна зграда ќе се гради на место каде што до 1977 година постоело училиште во кое поради дотраеноста на објектот наставата е прекината по што децата морале да продолжат во училиштето во соседното село Будинарци. Сепак поради малата возраст на дечињата во 1991-92 година биле преадаптирани просториите на Месната заедница во с. Мачево и наставата продолжила да се одржува во просториите каде што и денес се одржува, меѓутоа поради руинираноста и на овој  објект кој е склон на паѓање а со цел да се обезбеди безбедност  на децата за непречено  одржување на наставата е одлучено да се изгради новата училишна зграда која ќе ги задоволи стандардите кои што се бараат во образовниот процес.

Се разбира ова е уште еден доказ за позитивното работење на градоначалникот на Општина Берово и неговите постојаните заложби за подигнување на нивото на образование во општината.

http://berovo.gov.mk

дај точна локација плз

Интересно, конечно ќе се добие барем еден студентски град во права смисла.

Не се спомнува конкретна локација, иако вака гледано се ми се чини дека ќе направат некоја зграда при раскрсницата кај судска. Не верувам дека ќе одат на другата страна.

Отсекогаш сум бил зачуден зошто УКИМ е расфрлен низ цел град. Дали бидејќи немале идеја дека кампус е паметна работа, на времето... незнам. Меѓутоа би сакал целиот тој блок (горе накај битпазар, и десно накај крњево) да биде преуреден во комплетен студентски град, каде освен еден голем студентски дом (заменувајќи ги и Гоце и Стив и Кузман), би се префрлиле и техничките факултети, т.е. сите од УКИМ освен можеби медицински и нему сличните.

СТАРТУВАШЕ РЕКОНСТРУКЦИЈАТА НА ОСНОВНИТЕ УЧИЛИШТА СО ПОДДРШКА НА ЕУ

Денес 4 јануари, градоначалникот Стевчо Јакимовски и официјално го најави почетокот на реконструкцијата на двете Основни училишта од територијата на Општина Карпош: ОУ„ Петар Поп Арсов“ и ОУ „Лазо Трповски“.

Во соработка со Европската комисија која ни одобри 780 илјади евра за реконструкција на овие две училишта , Општината Карпош дополнително, од својот Буџет ќе издвои 400 илјади евра за целосно да се реконструираат ови две училишта. Се планира, во наредните 60 дена да се изврши замена на покривната конструкција, да се постави громобранска инсталација, да се направат изолациски промени во училишниот простор, да се сменат врати и прозорци и да се постави сопствено парно греење како и хортикултурно уредување прво во ОУ „Петар Поп Арсов“ а потоа и во ОУ „Лазо Трповски“.

Реконструкцијата на останатите училишта од територијата на Општината Карпош меѓу кои и ОУ „Димо Хаџи Димов“ ќе започне во месец јуни.

Што се однесува до простроното сместување на учениците од ОУ „Петар Поп Арсов“ тие во второто полугодие ќе учат во ОУ„Лазо Трповски„ , а ќе бидат пренесувани со автобуси специјално ангажирани за таа намена, изјави градоначалникот Јакимовски.

http://karpos.gov.mk/index.php?option=com_content&view=article&id=955:press&catid=3:vesti

Имам впечаток дека главницата од проектите на Општина Карпош се сконцентрирани во К3 и К4, не во првиот и втор микрорегион на населбата. Ако некое училиште навистина плаче за булдожер и целосно нова зграда, тоа е Х.Т. Капрош, кое се наоѓа веднаш позади центарот за странски јазици. Училиштето се состои од веќе одамна распаднати бараки и монтажни објекти на 2 ката, а има огромен и прекрасен двор, кој нуди голем број на содржини. Ново училиште навистина може да блесне со таков огромен зелен двор, кој го опкружува сегашното училиште. Незнам каква е состојбата во Петар Поп Арсов и Лазо Трповски, но Х.Т. Капрош, па дури и Вера Ц. Трена се одамна зрели за нови згради.