Патна мрежа (општо)

Потполно се слагам со тебе за Прохор , на неколку пати сум и јас имам прашувано зошто на никој не му текнува за тој пат и премин и не се реконструираат , сум бил пред некоа година таму поминав , беше ужасно баш како што кажуваш и ти , жива срамота едноставно кажано брука , жив страм е па туристи да поминуват таму и кој ќе им биде впечатокот , коа граничен премин треба да биде пример кога влегуваш во една држава ,самото лице на таа држава се гледа уште на самиот премин, без разлика што е алтернативен , треба да биде фунционален и како што доликува на секоја нормална држава да биде во нормална состојба ,ни ту на претходната власт им текна за ова а не верувам дека ќе им текне и на новите , дај боже да сум грешка ама не сум ни малце оптимист дека некој ќе го среди патот а и граничниот премин да се дотера барем на едно завидно ниво.

Поточно и искрено немам до сега видено , браво , чист одговор на место , кратко и јасно

Не знам дали по тој редослед почнало перењето, но во право си дека се переле пари. За последната реченица, ќе видиме како ќе биде во иднина.

Возевме до Ресен пред неколку месеци и асфалтот навистина одличен освен на некој места каде што не беше чепнат ,се надевам дека и таму го обновиле.

Битола-Ресен-Буково

Регионалниот пат Битола-Ресен-Буково е во завршна фаза, а асфалтирана е целата делница од 27 километри.

Инвестицијата е вредна 5,9 милиони евра и до пуштање на патот останува само поставувањето на сигнализацијата.



фото: миа.мк, текст: вечер.мк

Уште неколку фотки од фб профилот на Владо Мисајловски:

Вчера ја возев трасата од Прдејци спрема Смоквица и можам да кажам дека сум разочаран од изведбата, се прашувам толку ли не не бива ? Само што заврши тој дел од патот и се уклучивме на изведбата на Актор во делот на Смоквица, разлика небо и земја.

Започна реконструкцијата на стариот пат Прилеп-Битола





Деновиве интензивно се одвива втората фаза од реконструкцијата на стариот пат Прилеп-Битола, Р106, поточно од н.м. Тополчани кон Прилеп во должина од 5 км. Инвестицијата изнесува 15 милиони денари, а парите се обезбедени од Владата и Јавното претпријатие за државни патишта.



http://setaliste.com.mk/vesti/pinfo/%D0%B7%D0%B0%D0%BF%D0%BE%D1%87%D0%BD%D0%B0-%D1%80%D0%B5%D0%BA%D0%BE%D0%BD%D1%81%D1%82%D1%80%D1%83%D0%BA%D1%86%D0%B8%D1%98%D0%B0%D1%82%D0%B0-%D0%BD%D0%B0-%D1%81%D1%82%D0%B0%D1%80%D0%B8%D0%BE%D1%82/

ММФ: ПАТНАТА МРЕЖА ВО МАКЕДОНИЈА ПОЛОША ОД ЗЕМЈИ СО СЛИЧНИ ПРИХОДИ

Патната мрежа во Македонија е полоша од повеќе земји кои имаат слично ниво на приходи, укажува Меѓународниот монетарен фонд во својот најнов извештај за Македонија, во посебен дел наменет за инвестициите во инфраструктурата. Монетарците и' сугерираат на земјава дека треба да работи на подобрување на транспортната патна и железничка мрежа. Забележуваат дека во Македонија големите јавни проекти доведоа до брзо зголемување на јавниот долг, и иако неговото ниво не е премногу високо за вознемиреност, може да предизвика фискални ризици.

„Македонија се соочува со силна потреба за сообраќајна инфраструктура. Признавајќи го тоа, Владата значително ги зголеми инвестициите во инфраструктурата во последните неколку години. Четирите тековни инвестиции во патната и железничката инфраструктура од 2 до 3 отсто од БДП на годишно ниво за 2014-2018 година, веројатно ќе ја зголемат реалната стапка на раст на БДП за 0,5 процентни поени во просек за секоја година во периодот од 2014-2020. Зголемувањето на ефикасноста на јавните инвестиции може да ги зголеми ефектите на раст до 0,8 процентни поени“, се вели во пресметките.

Од Фондот се децидни дека добрата поврзаност со остатокот од светот, а и внатре во рамките на земјата, е од суштинско значење за мала, отворена и континентална економија, каде што се очекува извозот да има важна улога во придвижување на долгорочниот раст. Пресметале дека од 2010 до 2015 година, нето-извозот придонесе во просек 0,04 отсто во годишното ниво на раст на БДП, што укажува на значителен простор за зголемување на тој удел.

„Индексот на Светска банка покажува дека резултатите од логистиката и инфраструктурата во Македонија се рангираат меѓу најниските во регионот. Квалитетот на патиштата е под просекот во регионот, покажува Извештајот за глобална конкурентност на Светскиот економски форум. Густината на патиштата во Македонија не е ниска според регионалните стандарди, но уделот на асфалтирани патишта е меѓу најниските, според Индикаторите за светски развој на СБ“, велат од ММФ. Додаваат и дека нивниот неодамнешен извештај за Западен Балкан исто така го идентификува подобрувањето на инфраструктурата како еден од петте приоритети во Македонија.

Тие велат дека во овој извештај нивната анализа е ограничена на големи проекти, односно тековните три автопатишта и еден железнички проект, кои се во суштината на планот за подобрување на инфраструктурата.

Монетарците наведуваат дека тие инвестиции се главно финансирани од Европската банка за обнова и развој, Европската инвестициска банка, како и кинеската ЕКСИМ банка, преку јавно гарантиран долг деноминиран во девизи, и се остваруваат од страна на претпријатија во државна сопственост, како што е Јавното претпријатие за државни патишта, надвор од централниот владин буџет.

Од Фондот објаснуваат дека инвестициите во јавната инфраструктура можат да го стимулираат растот преку ефектите на побарувачката и на понудата. Но, додаваат дека ефектот на раст од овие инвестиции е минлив.

„Во принцип, јавните инвестиции можат, исто така, да имаат негативно влијание на растот, како што јавното задолжување го истиснува кредитирањето на приватниот сектор. Сепак, овој ефект веројатно ќе биде придушен за Македонија, бидејќи јавниот сектор првенствено се задолжува од странските кредитори до кои приватниот сектор нема пристап“, објаснуваат од Фондот.

http://utrinski.mk/?ItemID=875521FA3CCEFA4B9034916F32AC6B60

Реконструкција на регионалниот пат Корешница – Бистренци



http://mia.mk/mk/Inside/RenderSingleGalleryTest/133411145/1?month=10&year=2016&day=31&desc=0

Ве известуваме дека на ден 18.10.2016 година (вторник) од 21 до 22 часот ќе се изврши привремено затворање на тунелот Демир Капија на државниот пат А1, делница Демир Капија – Гевгелија за сите категории на возила, поради извршување на активности за изградба на јавен пат за време на инспекција за безбедност на патишта – инспекција на тунел Демир Капија. Што треба да значи ова , за каква инспекција станува збор знае ли некој ?