Економски вести

ЃОРЃЕ ВОЈНОВИЌ, ЧЛЕН НА УПРАВЕН ОДБОР НА „ХИПО ЛИЗИНГ“

Австријците претпочитаат да купат домашна банка во земјава, но ако не успеат во тоа, ќе одат со гринфилд-инвестиција

Австриската финансиска групација „Хипо“ ќе отвори банка во Македонија. Ова го најави Ѓорѓе Војновиќ, член на Управниот одбор на „Хипо алпе адриа лизинг“, која веќе е присутна на македонскиот пазар. Тој открива дека Австријците претпочитаат да купат домашна банка во земјава, но ако не успеат во тоа, ќе одат со гринфилд-инвестиција. Една од новините во работењето во регионот со која „Хипо“ ќе почне годинава е и инвестициското банкарство. Според Војновиќ, успешното работење на „Хипо лизинг“ во Македонија сигурно е фактор плус за ширење на бизнисот и во банкарскиот сектор.Оперативни сме повеќе од една година и веќе сме лидери на пазарот на лизинг во Македонија. И бројките го кажуваат тоа. Во првата половина од годинава имаме пораст од 250 отсто во однос на 2007. Бројот на договорите и обемот на финансирање доволно кажуваат за успешноста на нашата компанија. Во земјава имаме пласирано над 25 милиони евра во лизинг на возила и на опрема. Над 50 отсто од нашите клиенти се корпоративни, а особено сме задоволни што странските инвеститори соработуваат со „Хипо лизинг“. Најголемите странски компании што се дојдени во земјава се наши клиенти во делот на лизинг на опрема.

МАКЕДОНЦИТЕ НА ЈАХТИ

* Во почетокот на работењето најавивте и лизинг на станови. Се' уште на почнавте. Зошто?

- Има две реални пречки. Едната е двојното оданочување на преносот на сопственоста. Ако една фирма побара да ја финансираме изградбата на погонот, ние прво мора да го купиме земјиштето и да платиме данок за пренос на сопственост. По исплатата на лизингот, земјиштето мора да се пренесе на име на фирмата и повторно да се плати данок. „Хипо лизинг“ не ја гради фабриката за себе, туку се јавува како финансиер. Вториот проблем со кој се соочуваме е ДДВ на камата. Според европските регулативи, банките и лизинг-компаниите се изедначени во однос на третманот на каматите. Во земјава се' уште не' третираат како трговска фирма, како ние да продаваме станови. Но, ние само финансираме, како и банките, за да може граѓаните да дојдат до стан. Особено е проблем што ДДВ на камата треба да се плати однапред. Ако на пример купите стан од 40.000 евра на лизинг на 10 години со учество од 10 отсто, треба однапред да платите 4.000 евра за учество и 8.000-9.000 евра за ДДВ. Тоа го прави лизингот многу неповолен. Постои расположение кај Владата ова да се смени. Ние можеме да гарантираме дека ќе инвестираме на пазарот со недвижности зашто има голем потенцијал и потреба. „Хипо алпе адриа“ веќе е подготвена во наредните години да инвестира половина милијарда евра на овој пазар. Ќе се ангажираат домашни компании како изведувачи и ќе се купуваат домашни градежни материјали. 

* Дали ќе понудите лизинг за станови што ги изградил друг инвеститор?

- Да, но секогаш ќе се јавува проблемот со преносот на сопственоста. Ако се регулира лизингот, тоа ќе се промени. Затоа за почеток ќе работиме само со свои станови бидејќи и ситуацијата со имотните листови на тој начин ќе биде најчиста. Со тоа целосно ќе се избегнат станбените афери. Зголемената понуда, верувам и од други лизинг-компании, ќе придонесе за намалување на цените на становите, кои сега се многу високи. „Хипо групацијата“ има и бренд на трговски центри „Куландија“. Тие веќе се градат во регионот, а ќе дојдат и кај нас. Интересен за нас е и туризмот, односно Охрид. Наш клиент е туристичката агенција „Фалкенштајнер“. Голем број од хотелите на јадранската ривиера се финансирани од „Хипо“ во соработка со „Фалкенштајнер“. Веќе преговаравме за да се отвори хотел во Охрид и хотел со казино во Дојран. Ние ќе бидеме финансиери на тие проекти. 

* Пуштивте во продажба лизинг на бродови и јахти. Има ли интерес кај Македонците за ваков луксуз?

- Има. „Хипо“ многу долго нуди лизинг на бродови. Бидејќи во Охрид нема марина, нудиме помали бродови. За поголемите одиме со прекуграничен лизинг преку Австрија и Хрватска. Тоа најчесто е оперативен лизинг за изнајмување јахта на одреден период. По завршувањето на договорот, клиентот одлучува дали ќе го доплати лизингот и ќе ја купи јахтата или ќе си земе нова. Веќе 17-18 луѓе од земјава имаат изнајмено јахти, од кои некои се помали и ќе пловат во близина на брегот на Јадранско Море, а некои се поголеми и може да крстосуваат по Медитеранот. Цените се движат од 5.000 до 20.000 евра месечно во зависност од опременоста и големината на јахтата.

* Кои Македонци изнајмија јахти?

- Деловната политика не дозволува да ги откриваме имињата на нашите клиенти.

ИМА ПАЗАР ЗА ЛИЗИНГ

НБМ го стеснува просторот на банките за понуда на кредити за да се справи со растечката инфлација. Со тоа се отвора простор за лизинг-компаниите, особено при продажбата на возила. Како Вие гледате на тоа?

- Банките досега на одреден начин правеа лизинг. Во Австрија, на пример, кога барате кредит за автомобил од 15.000 евра, а имате 2.000 евра, банката нема да ви ги земе тие пари, туку ќе ви даде уште 13.000 евра. Овде банката ќе му ги исплати парите директно на дилерот на автомобили. Таму предмет на обезбедување кредит не е возилото. Секогаш е поголем ризикот кога колатерал е предметот на обезбедување. Затоа и лизинг-компаниите имаат поголеми камати. Ако НБМ ги воведе тие мерки, банките ќе треба да отворат лизинг-фирми, како на Запад. 

* Во повеќето земји од регионот лизинг-компаниите придонесоа за намалување на каматите. Кај нас се високи, а поради инфлацијата се очекува уште да одат нагоре. Каква каматна политика подготвувате вие?

- Каматите не зависат само од нас, туку и од кредитниот рејтинг на земјата бидејќи ние парите ги влечеме од матичната компанија и од други странски финансиски институции. Сите збиднувања во земјава влијаат на каматите зашто маргините за ризикот се зголемуваат. Ние не ги подигнавме каматите, но имаше услови за тоа. Иако нашите камати се највисоки на пазарот, сепак сме конкурентни бидејќи сме најдобри.

Од шорцови во вратоврска

* Како Ѓорѓе Војновиќ од кошаркар стана финансиер?

- Долго имав дилема дали да останам во спортот или да одам во друг правец. Во спортот дадов многу и добив многу, не толку пари колку почит и име. Бев малку и во кошаркарската федерација, но видов дека во овој момент спортот во Македонија не може да понуди многу. Затоа се префрлив во бизнис-секторот, прво како директор на „Форд“. Многу ми помогнаа постдипломските на „Шефилд“ и поддршката од сопругата и од семејството. Голема работа е ова. Дваесет години одев на работа во шорцови и во дрес, а сега во вратоврска. Јас сум задоволен од работата и од постигнатите резултати во „Хипо лизинг“. Мислам дека ја фативме вистинската насока на пазарот.

Спасијка Јованова

Dnevnik

Што понатаму со велешката Топилница?!?

Großansicht des Bildes mit der Bildunterschrift:  Ќе потоне ли повторно во чад и облаци градот на двата брега на Вардар?

 

Во Основниот суд во Велес денеска беа отворени понудите на потенцијалните купувачи на Металуршко-хемискиот комбинат МХК, во чиј состав е и Топилницата и Фабриката за вештачки ѓубрива.

Антоанела Димитриевска

„Јалим“ сака да гради трговски центри на местото на Топилница

Владимир Тевчев	Коментари (0)

Турската фирма „Јалим“ сака да ја купи Велешка топилница, да ја исече и на нејзино место да гради големи трговски центри.

Но, доверителите на топилницата ваквата понуда денеска ја дисквалификуваа.

Според образложението, Турците уплатиле 100 евра помалку од бараниот депозит од еден милион евра, кој мораше да го плати секој фирма за да учествува на тендерот.

Претставниците на „Јалим“ реагираат на ваквата одлука. Велат дека ништо не е спорно со префрлувањето на парите.

„Мислам дека има еден ѕид меѓу Владата на Македонија и стечајните работници, кои ништо не објавуваат. Се објавува тендер, кој важи седум дена, во рок од пет дена треба да се уплати милион евра, кои веќе се уплатени“, изјави Шефчет Демировски, правен застапник на „Јалим“.

„Се бара уплатница од милион евра, која ја имаме дадено. Парите се стигнати веќе на 11-ти. Значи, ние во рок од четири дена ги имаме уплатено и се е стигнато навреме“, вели Демировски.

Претставниците на турскиот инвеститор се сомневаат во матни игри во судот, но порачаа дека нема да се откажат од идејата да ја купат фабриката, која според нив, нема перспектива.

„Како топилница нема шанси да работи, бидејќи треба големи инвестиции и по стандардите на ЕУ, навистина во град никаде во светот ова го нема, да има топилница или железара“, рече Шефчет Демировски.

„Јалим“ е компанија од железарскиот бизнис, а освен во Турција, свои топилници за железо имаат и во Либија.

Освен Турците, за Топилница е заинтересирана и фирмата „Метрухем“, зад која стои најголемиот доверител во топилницата - швајцарски „Минеко“.

Оваа компанија, регистрирана пред неполн месец, а чиј основач е фирма од Девствените Острови, за топилницата понудила два милиона и 250 илјади евра, дознава А1.

Стечајниот судски совет за три дена треба да реши дали ќе ја прифати понудата на единствениот учесник на тендерот.

Наместен тендерот за Велешката топилница?

Владимир Тевчев	Коментари (0)

Сомнителни имиња се вртат околу скопската фирма „Метрудхем“, која и официјално е единствениот учесник на тендерот за купување на Велешка топилница.

Нејзин управител е српскиот бизнисмен Богдан Комленац, чија фирма „УС Стил“ пред четири години ја купи српската челичарница „Сартид“ од Смедерево.

А1 дојде до документ кој покажува дека српската Антикорупциска комисија ваквата приватизација ја прогласила за најголем скандал во Србија.

Интересно е и тоа што „Метрудхем“, која е регистрирана пред неполн месец, има основачки влог од само еден милион евра, а за топилницата понудила двојно повеќе.

А1 вчера објави дека зад „Метрудхем“ се крие најголемиот доверител во топилницата, швајцарски „Минеко“. Оттаму ниту ги потврдуваат, ниту ги негираа овие наводи, ќе коментирале откако ќе завршела целата тендерска процедура.

Реакција за вчерашното отворање на понудите пристигна и од турската компанија „Јалим“ која беше дисквалификувана, оти наместо еден милион уплатила 100 евра помалку депозит.

„Оваа дисквалификација што ја направија не ја прифаќаме и сакаме да ја известиме целата јавност на Македонија дека имаме дадено 50% повисока финансиска понуда од другиот учесник“, изјави Шефкет Демировски, правен застапник на „Јалим“.

„Нашата идеја беше да ја исчистиме топилницата од градот Велес од загадување и загадувањето на Велес и да направиме трговски центар“, додаде Демировски.

Турскиот инвеститор жали што во Македонија се уште постојат однапред договорени тендери од, како што велат, веќе позната групација.

И велешките екологисти се разочарани од вчерашното отворање на понудите за купување на топилницата.

„Би рекол и дека биле крајно несериозни доколку веруваме на фирма која постои месец дена и којашто може да ни продава шарени лаги“, рече Сашко Андреевски, член на Зелената коалиција.

Во исто време, на иницијатива на Советот на општина Велес, вечерва ќе биде формиран Одбор за спас чија цел е пред институциите на државата да ги застапува интересите на велешани, кои повеќе од 30 години ги загадуваше од топилницата.