06.08.2014 Заврши изградбата на црквата Св. Тројца во село Мородвис. Останува уште да се комплетира иконостасот, кој се очекува да приситигне во најскоро време.

До почетокот на 14 век постоела Мородвишката архиепископија, како дел од македонската православна црква. Намерата на Општината и црковните власти со изградбата на овој храм е продолжување на вековата традиција на христијанско живеење и славењето на Бога од страна на локалните жители, но и верниците од други населени места.

Камен темелникот на црквата Св. Тројца во Мородвис беше поставен пред две години од страна на Митрополитот Брегалнички Г. Иларион и свештенослужителите од Брегалничката епархија.

Црквата беше изградена со средства од локалниот буџет на Општина Зрновци.

Покрај новоизградената црква Св. Тројца во Мородвис има Свети Симеон Столпник  Изградена и осветена е во 1968 година од тогашниот Митрополит Злетовско-струмички Наум, а во 2002 година црквата повторно е обновена.

Нова црква беше изградена и во селото Видовиште. Се наоѓа на сред село во месноста викана Мoгила, веднаш позади селскиот дом. И нејзината изградба во 2012 година, ја финансираше Општина Зрновци.

Г.Лалов

Ќе се возобнови споменот на Теофил Струмички

Ќе се возобновува споменот и ликот на Св. Теофил Струмички, единствениот признаен светец од Струмица во Православието. Оваа денеска во Црквата „Св. Петнаесет“ во Струмица го најави пратеникот Славе Гошев, кој покрена иницијатива, заедно со бизнисмени од Струмица да се обнови некогашното живеалиште од пред 13 векови на Св. Теофил Струмички, кое било на ридот над Струмица, под Царевите Кули, меѓу струмичани познато како „Црвен дол“.

Во наредниот период ќе се направи кампања, преку изработка на флаери, документарен филм, бројаница, по теркот на модерните европски градови, каде младите, заклучени катанци со сопствените имиња ќе ги поставуваат на местото каде ќе се обновува ликот на Св. Теофил Струмички, односно каде ќе се гради мала црква на светецот. А денот на чествувањето на Св. Теофил Струмички е 23-ти октомври.

Пратеникот Гошев упати апел до сите добронамерни луѓе, до стопанствениците од Струмица да се приклучат на оваа иницијатива за возобновување на споменот и ликот на Св. Теофил Струмички.

Струмичката Епархија при Македонската Православна Црква со благослов на г. Наум ја поддржува оваа иницијатива на група граѓани за реинкарнација на Св. Теофил Струмички.

http://www.strumicanet.com/index.php/strumica/item/1131-kje-se-vozobnovi-spomenot-na-teofil-strumichki.html